گازەتىمىزدىڭ شولۋشىسى
جاڭا جىل كىرىسىمەن شينجياڭ وڭتۇستىك شينجياڭ قىزمەتى ٴماجىلىسى اشىلدى، ”شاحمات كوزىنىڭ“ ماڭىزى ايتپاسا دا تۇسىنىكتى. ٴماجىلىس شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ”شينجياڭ شاحمات تاقتاسى بولسا، وڭتۇستىك شينجياڭ شاحمات كوزى سانالادى“ دەگەندى اناعۇرلىم تەرەڭ ٴتۇسىنىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، وڭتۇستىك شينجياڭنىڭ دامۋىنا تۇساۋ بولىپ وتىرعان كورنەكتى ماسەلەلەردى شەشۋدى ىشكەرىلەي زەرتتەدى، جوسپارلادى، بۇل جاڭا تاريحي باستامادا سەنىمدى بەكەمدەپ، قايراتتى تاسقىنداتىپ، وڭتۇستىك شينجياڭنىڭ جوعارى ساپالى دامۋىن جەدەل ىلگەرىلەتۋ جونىنەن كەلەلى ماڭىزعا يە.
وڭتۇستىك شينجياڭدا ۇتىمدى ٴتاسىل قولدانىلسا، شينجياڭدا جالپى جاعداي جاندانادى. ”وڭتۇستىك شينجياڭنىڭ دامۋىنا مەملەكەتتىك دەڭگەيدە شوقتىقتى جوبا جاساپ، ايرىقشا ساياسات جۇرگىزىپ، داعدىلى قالىپتى بۇزىپ، ەرەكشە ٴىستى ەرەكشە جولمەن تىندىرۋدان” “وڭتۇستىك شينجياڭنىڭ ەكونوميكالىق، قوعامدىق دامۋىن جانە حالىق تۇرمىسىن جاقسارتۋدى زور كۇشپەن ىلگەرىلەتۋگە“ دەيىن پارتيا 18 ـ قۇرىلتايىنان بەرى، باس شۋجي شي جينپيڭ شينجياڭ قىزمەتىن كەسكىندەگەندە، وڭتۇستىك شينجياڭنىڭ دامۋىن باستان ـ اياق قوعام ورنىقتىلىعى مەن باياندى تىنىشتىققا ساياتىن ەرەكشە ماڭىزدى ورىنعا قويىپ، شىنايى قامقورلىق جاساپ، ٴوزى تىكەلەي جەتەكشىلىك ەتىپ، ٴوزى ىلگەرىلەتىپ، وڭتۇستىك شينجياڭ قىزمەتىن جاقسى ىستەۋ جونىندە ٴبىر قىدىرۋ ماڭىزدى نۇسقاۋ بەرىپ، ٴارى تاقىرىپ كورسەتىپ، ٴارى تاقىرىپ اشىپ، نازاريالىق جانە امالياتتىق جاقتان بىزگە وڭتۇستىك شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋدىڭ جۇيەلى ٴادىسناماسىن ۇيرەتىپ، وڭتۇستىك شينجياڭ ”شاحمات كوزىن“ جانداندىرۋعا ايقىن العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەدى.
ەرەكشە شارا قولدانىپ، ەرەكشە ناتيجەگە قول جەتكىزدى. وڭتۇستىك شينجياڭدى دامىتۋعا 10 ميلليارد يۋان ارناۋلى قارجى ورنالاستىرىپ، ٴبىر توپ 100 ميلليارد يۋاندىق، 10 ميلليارد يۋاندىق كەلەلى نىسانداردىڭ وڭتۇستىك شينجياڭعا ىرگە تەبۋىن ىلگەرىلەتىپ، وڭتۇستىك شينجياڭدى تولىق كۋرس وقۋ ـ اعارتۋىمەن جاپپاي قامتۋدى جۇزەگە اسىرۋدى ىلگەرىلەتتى... سوڭعى جىلدارى اۆتونوميالى رايوندىق پارتكوم باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياساتتىق قولداۋ سەرپىنىن ارتتىرىپ، باسىمدىققا يە بايلىقتاردى كادەگە جاراتۋدى، پايدالانۋدى جەدەلدەتىپ، وڭتۇستىك شينجياڭنىڭ جوعارى وقۋ ـ اعارتۋىن زور كۇشپەن دامىتىپ، كادر ـ دارىندىلاردى وڭتۇستىك شينجياڭعا بەيىمدەۋدى ىلگەرىلەتىپ، وڭتۇستىك شينجياڭدا بيڭتۋاننىڭ جەرگىلىكتى قالا ـ قالاشىق جۇيەسىمەن جاپپاي توعىسۋىن ىلگەرىلەتتى، ٴبىر قىدىرۋ كەلەلى شارالار وڭتۇستىك شينجياڭنىڭ كوپتەگەن قىزمەتتەرىندە سەرپىلىس سيپاتتى ىلگەرىلەۋشىلىككە قول جەتكىزۋدى جەبەپ، وڭتۇستىك شينجياڭنىڭ دامۋىندا قۋانارلىق وزگەرىستەر جارىققا شىقتى.
وڭتۇستىك شينجياڭنىڭ دامۋىندا قول جەتكەن جاڭا ناتيجەلەر، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنىڭ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدىڭ ارقاسى. جاڭا جورىقتا ٴبىز ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز ـ قالپىندا تياناقتاندىرىپ، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاپ ۇشتاستىرۋدى ونان ارى كۇشەيتىپ، ورنىقتىلىق ارقىلى دامۋعا شىنايى كەپىلدىك ەتىپ، دامۋ ارقىلى ورنىقتىلىقتى جەبەپ، وڭتۇستىك شينجياڭنىڭ جوعارى ساپالى دامۋىنداعى تەرەڭ قاتپارلى ماسەلەلەردى كۇش سالا شەشىپ، وڭتۇستىك شينجياڭدا باياندى تىنىشتىققا اناعۇرلىم ٴتيىمدى ٴتۇبىرلى سيپاتتى وزگەرىستەردىڭ جۇزەگە اسۋىن ىلگەرىلەتۋىمىز كەرەك.
حاۋىپسىزدىك _ دامۋدىڭ نەگىزى، ورنىقتىلىق _ قۇدىرەتتەنۋدىڭ العى شارتى. شينجياڭدا بولشەكتەۋ مەن بولشەكتەۋشىلىككە قارسى كۇرەس ۇزاققا سوزىلاتىن شايقاس، ونى ٴبىر جولدا ورىنداۋ مۇمكىن ەمەس. ورنىقتىلىقتى قورعاۋدى باستان ـ اياق ماڭداي الدى ورىنعا قويىپ، نەگىزگى ساتى قوعامدىق باسقارۋىن تەرەڭدەتىپ، ناقتىلاندىرىپ، وڭتۇستىك شينجياڭنىڭ قوعامدىق كەلەلى جاعدايى ورنىقتىلىعىنىڭ نەگىزگى جاعدايىن مىقتاپ يگەرۋ كەرەك. تومەنگى شەكتە ويلاۋدى، ەڭ جوعارى شەكتە وي جۇگىرتۋدى بەرىك ورناتىپ، جاعدايدى جەتە زەرتتەپ، حاۋىپ ـ قاتەرگە ٴدال تالداۋ جاساپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، ”ٴۇش ٴتۇرلى كۇشكە“ زاڭ بويىنشا قاتاڭ سوققى بەرۋ، ودان قاتاڭ ساقتانۋ كەرەك. ۇزاق ۋاقىت شايقاس جاساۋ يدەيالىق دايىندىعى مەن قىزمەت دايىندىعىن ورناتۋدا ٴارى قامال الىپ، قيىندىقتاردى جەڭىپ، قوعام ورنىقتىلىعىن قورعاۋدا ٴدوپ كەلگەن كورنەكتى ماسەلەلەردى كۇشتى شوعىرلاندىرا شەشۋ ٴارى قىزمەتتى ورنىقتى دا تاباندى ىستەپ، باياندى تىنىشتىققا ىقپال جاسايتىن تەرەڭ قاتپارلى قايشىلىقتار مەن ماسەلەلەردى بۋىنداردى بايلانىستىرا شەشىپ، تۇبىرىنەن وڭاۋ قىزمەتىن ەگجەي ـ تەگجەيلى، ىشكەرىلەي جاقسى ىستەۋ كەرەك.
جوعارى ساپالى دامۋ _ جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى، جۇڭگو ۇلگىسىندەگى وسىزامانداندىرۋدىڭ ماندىك تالابى ٴارى وڭتۇستىك شينجياڭداعى كورنەكتى ماسەلەلەردى شەشۋدىڭ تەتىگى. وڭتۇستىك شينجياڭنىڭ بايلىق ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتىپ، داعدىلى قالىپتى بۇزىپ، ەرەكشە ٴىستى ەرەكشە جولمەن تىندىرىپ، ”بىرەۋى ارقىلى ٴبارىن يگەرەتىن“ سەرپىلىس ٴتۇيىنىن ٴدال تاۋىپ، وڭتۇستىك شينجياڭداعى كورنەكتى ماسەلەلەردى كۇش سالا شەشۋ كەرەك. وڭتۇستىك شينجياڭنىڭ كاسىپ سالاسى دامۋىنىڭ ”نەگىزگى جۇلگەسىن“ جەدەل قالىپتاستىرىپ، كىرىكپەلى قوعامدىق قۇرىلىمدى جەدەل قالىپتاستىرىپ، وڭتۇستىك شينجياڭنىڭ وسى زامانعى وركەنيەت جەتىلىمىن جەدەلدەتىپ، نەگىزگى ساتىنىڭ ۇيىمدىق قۇرىلىسىن جاپپاي كۇشەيتىپ، بيڭتۋان مەن جەرگىلىكتى ورىننىڭ ىشكەرىلەي كىرىگۋىن، توعىسا دامۋىن جەدەلدەتۋ كەرەك. يدەيانى ازات ەتۋگە، رەفورما جاساۋعا، جاڭالىق اشۋعا، ستيلدى جاقسارتۋعا، قابىلەتتى وسىرۋگە تاباندى بولىپ، ٴار جاقتاعى بايلىقتاردى، كۇشتەردى ٴبىر تۇتاس جوسپارلاپ سايكەستىرىپ، وڭتۇستىك شينجياڭنىڭ جوعارى ساپالى دامۋىن ىلگەرىلەتۋدىڭ قۋاتتى بىرىككەن كۇشىن ونان ارى قالىپتاستىرۋ كەرەك.
وڭتۇستىك شينجياڭ قىزمەتى جالپى جاعدايعا سايادى، ٴبىز يدەيالىق تانىمدى شىن مانىندە تەرەڭدەتىپ، ساياسي دەڭگەيدى جوعارىلاتىپ، ”كۇتە تۇرۋعا كەلمەيتىن“ كوكەي تەستىلىك سەزىمدى، ”باياۋلاتۋعا كەلمەيتىن“ داعدارىس سەزىمىن، ”بوس وتىرا المايتىن“ جاۋاپكەرشىلىك سەزىمىن كۇشەيتىپ، تەمىرگە تاپ، تاسقا ٴىز قالدىراتىن قايراتتى تاسقىنداتىپ، ورنىقتىلىق بارىسىندا ىلگەرىلەۋگە، ۇزدىكسىز قاجىماي كۇش سالىپ، جۇمىسقا شوگەلدىكپەن كىرىسىپ، جۇمىستى ەگجەي ـ تەگجەيلى، ناقتى ىستەۋگە تاباندى بولىپ، وڭتۇستىك شينجياڭنىڭ جوعارى ساپالى دامۋىنىڭ تاعى دا تىڭ ساتىعا كوتەرىلۋىن ىلگەرىلەتىپ، اۆتونوميالى رايون قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋىمىز كەرەك.
