انار بۇلت \ شينجياڭ گازەتىنىڭ ٴتىلشىسى فان چيۇڭيان
”قازىنا مينيسترلىگى ۇسىنىسىما بەلسەنە جاۋاپ قايتاردى، ٴاربىر ۇسىنىسىما ٴبىر ـ بىردەن، تولىق، ەگجەي ـ تەگجەيلى جاۋاپ بەردى، بۇل ۋاكىلدەر ۇسىنىسىنا باسا ٴمان بەرىلگەندىگىن جانە حالىق تۇرمىسى ماسەلەسىنە نازار اۋدارىلعانىن تولىق ايگىلەيدى“، ـ دەدى 2 ـ ايدىڭ 25 ـ كۇنى شينجياڭداعى مەملەكەتتىك حالىق قۇرىلتايى ۋاكىلى ٴجۇرات قۇربان ٴوزىنىڭ 14 ـ كەزەكتى مەملەكەتتىك حالىق قۇرىلتايىنىڭ 2 ـ ماجىلىسىندە تاپسىرعان ۇسىنىسىنىڭ ٴبىر جاقتى ەتىلۋ جاعدايىنا ايالداعاندا.
جول قاتىناس شىرعالاڭى بويىنشا قوعامدىق قۇتقارۋ ـ كومەكتەسۋ قورىن باسقارۋ ٴتۇزىمىن كەمەلدەندىرۋ جونىندەگى وسى ۇسىنىستا ٴجۇرات قۇربان قۇتقارۋ ـ كومەكتەسۋ قورىنان اقشا الۋ سالىستىرماسىن لايىقتى تۇراقتاندىرۋ، قۇتقارۋ ـ كومەكتەسۋ قورىن دايىنداۋدىڭ جوعارعى شەگىن بەلگىلەۋ مەحانيزمىن تىڭنان قوسۋ، ينفورماتسيانى جاريا ۇستاۋدى كۇشەيتۋ، دەربەس ەسەپتەۋدى جانە ارناۋلى ەسەپ تۇرعىزىپ باسقارۋدى اتقارۋ، انىقتاپ ەسەپتەن شىعارۋ ٴتۇزىمىن قوسۋ، سونداي ـ اق ەسەپ جابۋدى باسقارۋ قاراجاتىن ارناعا ٴتۇسىرۋ سياقتى ۇسىنىستاردى العا قويدى.
قازىنا مينيسترلىگى ۇسىنىستارعا ايرىقشا ٴمان بەردى، قايتارعان جاۋابىندا ٴارقايسى جاقتار قامتىلدى. مۇندا ”قۇتقارۋ ـ كومەكتەسۋ قورىنان اقشا الۋ سالىستىرماسىن لايىقتى تۇراقتاندىرۋ“ ۇسىنىسىنا مەڭزەس، قازىنا مينيسترلىگى بىلاي دەپ جاۋاپ قايتاردى: 2022 ـ جىلى باسىلىپ تاراتىلعان «<جول قاتىناس شىرعالاڭى بويىنشا قوعامدىق قۇتقارۋ ـ كومەكتەسۋ قورىن باسقارۋ ٴادىسىن> دايەكتىلەندىرۋ، تياناقتاندىرۋ جونىندەگى حابارلاندىرۋدا» ولكە دارەجەلى حالىق ۇكىمەتتەرى اقشا الۋ سالىستىرماسىن موتورلى كولىكتەردىڭ جول قاتىناس شىرعالاڭىنداعى جاۋاپكەرشىلىگىنە ساي ٴماجبۇري قامسىزداندىرۋ قاراجاتى كىرىسىنىڭ 1 _ %2 اراسىندا لايىقتى تۇراقتاندىرادى دەپ بەلگىلەندى. بۇل بەلگىلەمە قور دايىنداۋدى جانە ونى ىستەتۋدى ٴونىمدى تەڭگەرىپ، قوردىڭ باياندىلىعىنا شىنايى كەپىلدىك ەتەدى.
”قور دايىنداۋدىڭ جوعارعى شەگىن بەلگىلەۋ مەحانيزمىن تىڭنان قوسۋ“ ۇسىنىسى جونىندە، «جول قاتىناس شىرعالاڭى بويىنشا قوعامدىق قۇتقارۋ ـ كومەكتەسۋ قورىن باسقارۋ ادىسىندە» (تومەندە قىسقارتىلىپ «ٴادىس» دەلىنەدى) ولكە دارەجەلىنى بىرلىك ەتىپ، قۇتقارۋ ـ كومەكتەسۋ قورىنىڭ جيناقتى قالدىعى الدىڭعى جىلعى شىعىس سوماسىنىڭ 3 ەسەسىنەن استامىنا جەتسە، سول جىلى ٴماجبۇري قامسىزداندىرۋ قاراجاتىنان اقشا الۋدى ۋاقىتشا توقتاتۋ ايقىندالدى. بۇل مەحانيزم ارقىلى قوردىڭ قالىپتان تىس جينالۋىنان ساقتانۋعا بولادى.
ينفورماتسيانى جاريا ۇستاۋ جاعىندا، «ادىستە» مىنالار ايقىندالدى: قۇتقارۋ ـ كومەكتەسۋ قورىن باسقارۋ قۇرىلىمى ٴار ماۋسىم اياقتاعاننان كەيىنگى 15 قىزمەت كۇنى ىشىندە الدىڭعى ماۋسىمداعى قازىنالىق، بۇعالتىرلىق مالىمەتتى قۇتقارۋ ـ كومەكتەسۋ قورىن باسقارۋ تاراۋىنا جولداۋى؛ ٴار جىلى 2 ـ ايدىڭ 1 ـ كۇنىنەن بۇرىن الدىڭعى جىلعى قىزمەت مالىمەتى مەن قازىنالىق، بۇعالتىرلىق مالىمەتتى قۇتقارۋ ـ كومەكتەسۋ قورىن باسقارۋ تاراۋىنا جولداۋى ٴارى قۇتقارۋ ـ كومەكتەسۋ قورىن باسقارۋ تاراۋىنىڭ زاڭ بويىنشا جىلدىق باعالاۋ، باقىلاۋ ـ تەكسەرۋ جۇرگىزۋىن قابىلداۋى كەرەك. بۇدان سىرت، قۇتقارۋ ـ كومەكتەسۋ قورىن باسقارۋ تاراۋى ٴار جىلى قوعامعا قۇتقارۋ ـ كومەكتەسۋ قورىن دايىنداۋ، ىستەتۋ، باسقارۋ جانە تولەتىپ الۋ جاعدايىن حابارلاۋعا ٴتيىس.
«ادىستە» تاعى قۇتقارۋ ـ كومەكتەسۋ قورىن دەربەس ەسەپتەۋ جانە ارناۋلى ەسەپ تۇرعىزىپ باسقارۋ تالابى ايقىندالىپ، قوردىڭ حاۋىپسىزدىك سيپاتىنا جانە ارناۋلى ىستەتىلۋ سيپاتىنا شىنايى كەپىلدىك ەتىلدى. سونىمەن بىرگە انىقتاپ ەسەپتەن شىعارۋ ٴتۇزىمى ارناعا ٴتۇسىرىلىپ، باسقارۋ قۇرىلىمىنىڭ تولەمدى قۋزاۋ قىسىمى جەڭىلدەتىلىپ، قوردى باسقارۋ ونىمدىلىگى جوعارىلاتىلدى.
ٴجۇرات قۇربان قازىنا مينيسترلىگىنىڭ قايتارعان جاۋابىن قۇپتايتىندىعىن ٴبىلدىرىپ، جول قاتىناس شىرعالاڭى بويىنشا قوعامدىق قۇتقارۋ ـ كومەكتەسۋ قورىن باسقارۋدى كەمەلدەندىرۋ ىستەتۋ ونىمدىلىگى مەن قوعامدىق الەۋمەتتىك سەنىمدىلىكتى جوعارىلاتۋعا ٴتيىمدى بولىپ، قاتىناس شىرعالاڭىندا زيانعا ۇشىراۋشىلارعا اناعۇرلىم پارمەندى قامتاماسىزدىق ازىرلەدى دەپ قارادى. ول جول قاتىناس شىرعالاڭى بويىنشا قوعامدىق قۇتقارۋ ـ كومەكتەسۋ قورىن باسقارۋ ٴتۇزىمىنىڭ اناعۇرلىم زور رول اتقارىپ، قاتىناس شىرعالاڭى بويىنشا قۇتقارۋ ـ كومەكتەسۋدىڭ جۇرت جۇرەگىن ونان ارى جىلىتا ٴتۇسۋىن ٴۇمىت ەتتى.
