ٴادىليالىق ۇسىنىستان ويداعىداي پايدالانىپ، قوعامدىق باسقارۋعا قۋات ۇستەدى
انار بۇلت \ شينجياڭ گازەتىنىڭ ٴتىلشىسى ياڭ شۋحان
”ٴادىليالىق ۇسىنىس بەرۋ قىزمەتى اكىمشىلىك زاڭ اتقارۋدى جۇيەگە ٴتۇسىرۋدىڭ، حالىق تۇرمىسىن، حالىق مۇددەسىن قامتاماسىز ەتۋدىڭ، ٴتۇرلى دەلولاردىڭ كوپ تۋىلۋىنان، ٴجيى تۋىلۋىنان قاينارىنان باستاپ ساقتانۋدىڭ جانە ونى ازايتۋدىڭ ماڭىزدى تۇتقاسى“. 2 ـ ايدىڭ 25 ـ كۇنى شينجياڭدا تۇراتىن مەملەكەتتىك ساياسي كەڭەستىڭ مۇشەسى، شينجياڭ جۇيچىن ادۆوكاتتىق ىستەر ورنىنىڭ مەڭگەرۋشىسى دوۋ گاڭگۇي ٴبىر جاعىنان، ماتەريالدارىن رەتتەسە، ەندى ٴبىر جاعىنان، ٴوزىنىڭ مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنە ۇسىنعان «ٴادىليالىق ۇسىنىس بەرۋ قىزمەتىن كۇشەيتۋ جونىندەگى ۇسىنىس جوباسىنىڭ» اۋەلگى ماقساتىن باياندادى.
ۇسىنىس جوباسىندا دوۋ گاڭگۇي قازىرگى ٴادىليالىق ۇسىنىس بەرۋ قىزمەتىندە ورىن تەۋىپ وتىرعان تانىمنىڭ جەتكىلىكتى بولماۋى، تياناقتاندىرۋدىڭ تولىق بولماۋى سياقتى ماسەلەلەر جونىندە ٴوزىنىڭ كوزقاراسىن ورتاعا قويدى، ول مىناداي ۇسىنىس بەردى: اكىمشىلىك ورگانداردىڭ، ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ، پروكۋراتۋرا ورگاندارىنىڭ ىستەستىگىن، سايكەسۋىن كۇشەيتىپ، ٴادىليالىق ۇسىنىستىڭ اكىمشىلىك ۇسىنىسپەن، باقىلاۋ ـ تەكسەرۋ ۇسىنىسىمەن، پروكۋراتۋرالىق ۇسىنىسپەن ساباقتاسۋىن، سايكەسۋىن جۇزەگە اسىرۋ كەرەك.
بۇل ۇسىنىس جوبا ەڭ جوعارى حالىق سوتى مەكەمەسىنىڭ نازارىن اۋدارىپ، كوپ وتپەي مازمۇنى ايقىن جاۋاپ حات دوۋ گاڭگۇيدىڭ قولىنا كەلىپ جەتتى.
جاۋاپ حاتتا بىلاي دەپ جازىلعان: ەڭ جوعارى حالىق سوتى مەكەمەسى ۇسىنىس جوباعا نەگىزدەلىپ ىشكەرىلەي جاعداي ۇعىسىپ، تەكسەرۋ ـ زەرتتەۋ جۇرگىزىپ، جەر ـ جەردى سوت ورگاندارىنىڭ فۋنكتسيالىق رولىن تولىق ساۋلەلەندىرىپ، ٴادىليالىق ۇسىنىستى قايشىلىقتار مەن داۋ ـ شارلاردى تۇبىرىنەن وڭاۋدى جەبەۋدىڭ، كوپ جىكتە، كوپ سالادا زاڭ بويىنشا باسقارۋدى ىلگەرىلەتۋدىڭ، قوعامدىق باسقارۋدى زاڭمەن باسقارۋ قابىلەتىن ٴوسىرۋدىڭ مىقتى تۇتقاسى ەتىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋگە بەرىك، سەنىمدى زاڭمەن باسقارۋ قامتاماسىزدىعىن ازىرلەۋگە قۋزايدى.
دوۋ گاڭگۇيدىڭ قاراۋىنشا، بۇل جاۋاپ حات بۇكىل شينجياڭنىڭ ٴادىليالىق ۇسىنىس قىزمەتى جاعىندا وتە قۇندى سالماقتى يەلەپ، قاتىستى قىزمەتتەردىڭ جۇرگىزىلۋىن ىلگەرىلەتىپ، ٴونىمى كورنەكتى بولعان.
2024 ـ جىلى 7 ـ ايدا ٴۇرىمجى قالالىق حالىق ۇكىمەتى مەن ٴۇرىمجى قالالىق ورتا حالىق سوتى مەكەمەسى بىرلەسىپ ۇكىمەت پەن سوت مەكەمەسىنىڭ بىرلەسىپ ارەكەتتەنۋ مەحانيزمىن ورناتۋ جونىندەگى پىكىردى باسىپ تاراتىپ، ۇكىمەت پەن سوت مەكەمەسىنىڭ جان ـ جاقتى، كوپ سالادا ۇدايىلانعان قىزمەت جۇرگىزەتىن بىرلەسىپ ارەكەتتەنۋ مەحانيزمىن ورناتۋىن ىلگەرىلەتىپ، اكىمشىلىك تالاس ـ تارتىستى ماندىك شەشۋ، شارۋاشىلىق ـ ساۋدا ورتاسىن ساپالىلاندىرۋ سياقتى كوپ سالاداعى قىزمەتتەردە بىرلەسىپ ارەكەتتەنۋىن جاپپاي كۇشەيتىپ، 5 ۇلكەن تۇردەگى 26 ٴتۇيىندى قىزمەت مازمۇنىن ايقىندادى؛ قاشقار ايماقتىق ورتا حالىق سوتى مەكەمەسى قاراستى رايونداعى فينانستى باقىلاۋ ـ باسقارۋ قۇرىلىمدارىنا قاراستى رايونداعى فينانستىق الىم ـ بەرىم سياقتى كاسىپتەردىڭ اقاۋسىز دامۋىنا قىزمەت وتەپ جانە ونى قامتاماسىز ەتىپ، فينانس داۋ ـ شارلارىنىڭ ارىز ـ شاعىم قاينارىن جونگە سالۋدىڭ بىرىككەن كۇشىن قالىپتاستىرۋدى ىلگەرىلەتىپ، اقاۋسىز، ٴتارتىپتى فينانس شارۋاشىلىق ـ ساۋدا ورتاسىن قورعاۋ جونىندە ٴادىليالىق ۇسىنىس بەردى، ۇسىنىس جاريالانىسىمەن فينانس قۇرىلىمدارى بەلسەنە جاۋاپ قايتاردى.
”ٴادىليالىق ۇسىنىس ٴتۇزىمى — جۇڭگوشا سوتسياليستىك ٴادىليا ٴتۇزىمىنىڭ ماڭىزدى قۇرامداس بولىگى، حالىق سوتى مەكەمەسى سوت جۇرگىزۋ فۋنكتسياسىن ىرىقتىلىقپەن ۇزارتىپ، ٴادىليالىق ۇسىنىس بەرۋدەن تولىق پايدالانىپ قوعامعا ’سوت مەكەمەسىنىڭ ساقتاندىرۋىن‘ شىعاردى، بۇل توتەنشە ماڭىزدى مانگە يە“. دوۋ گاڭگۇي بىلاي دەدى: ۋاكىلدەر مەن مۇشەلەردىڭ ”جاقسى ۇسىنىستارىن“ قىزمەتتىڭ ”جاقسى شاراسىنا“ اينالدىرۋ ساياساتتى كادەگە جاراتۋ مەحانيزمىنىڭ ىركىلىسسىزدىگىنە، حالىق تىلەگىن تياناقتاندىرۋ ونىمدىلىگىنىڭ دالمە ـ دالدىگىنە قاتىستى بولۋمەن بىرگە، ونان دا ماڭىزدىسى، جالپى بارىستىق حالىق دەموكراتياسى ٴتۇزىمىنىڭ باسىمدىعىن نەگىزگى ساتىنى باسقارۋ ونىمدىلىگىنە اينالدىرۋدى ولشەيتىن ماڭىزدى ولشەم، ول حالىق تۇرمىسىنىڭ قۇت ـ ىرىسىنا جانە قوعامنىڭ دامۋ ساپاسىنا سايادى، جۇڭگوشا سوتسياليستىك دەموكراتيالىق ساياسيدىڭ امالياتتىق ومىرشەڭ كۇشىن ايگىلەيدى.
دوۋ گاڭگۇي تاعى حالىق سوتى مەكەمەسىنىڭ ينفورماتسيالاندىرۋ قۇرىلىسىنىڭ جەتىستىكتەرىنەن جانە ٴوز تۇعىرى، راديو، ينتەرنەت، گازەت سياقتىلاردان پايدالانىپ، ٴادىليالىق ۇسىنىستى جاريا ۇستاۋ تۇعىرىن كوپ ارنامەن قۇرىپ، ٴادىليالىق ۇسىنىستىڭ الەۋمەتتىڭ تانىمالىلىعىن ارتتىرىپ، تۇتاس قوعام بىرگە كۇش سالىپ، ٴادىليالىق ۇسىنىس بەرۋ قىزمەتىنىڭ العا باسۋىن ىلگەرىلەتۋدى ۇسىندى.
