شينحۋا اگەنتتىگى ”جۇڭحۋالۇننىڭ“ ماقالاسىن تاراتتى
«جۇڭگو ۇلگىسىندەگى وسىزامانداندىرۋدىڭ كوركەم بولاشاعىنا بىرگە اتتانايىق»
شينحۋا اگەنتتىگىنىڭ 3 ـ ايدىڭ 1 ـ كۇنى بەيجيڭنەن بەرگەن حابارى. شينحۋا اگەنتتىگى 3 ـ ايدىڭ 1 ـ كۇنى ”جۇڭحۋالۇننىڭ“ «جۇڭگو ۇلگىسىندەگى وسىزامانداندىرۋدىڭ كوركەم بولاشاعىنا بىرگە اتتانايىق» اتتى ماقالاسىن تاراتتى.
ماقالادا بىلاي دەلىندى: كوكتەمدەگى جۇڭگودا كۇللى تىرشىلىك قۇلپىرىپ، گۇلدەنىپ ـ كوركەيدى.
2025 ـ جىل — ”14 ـ بەسجىلدىق“ جوبا اياقتالاتىن جىل، سونداي ـ اق رەفورمانى ونان ارى جاپپاي تەرەڭدەتۋدەگى ماڭىزدى ٴبىر جىل. كوكتەمنەن باستاپ اتتانىپ، ٴجۇز ميلليونداعان جۇڭگو حالقى جىلاننىڭ ۇزاق جول باساتىن تەبىنىمەن ٴورىس اشا العا ىلگەرىلەپ، قايسارلىقپەن كۇرەس جۇرگىزىپ، جۇڭگو ۇلگىسىندەگى وسىزامانداندىرۋدىڭ كوركەم بولاشاعىنا بىرگە اتتاندى.
(1)
كوكتەم كەلىپ بار الاپ قۇلپىرىپ، بار الەم جاڭاردى.
دۋماندى جىلان جىلعى كوكتەم مەرەكەسى جاڭا داۋىردەگى جۇڭگونىڭ ومىرشەڭ كۇشىن تاسقىنداتتى. DeepSeek ادامدى قايران قالدىردى، قۇلتەمىر ٴبيى كوكتەم مەرەكەسى ساۋىق كەشىن تامساندىردى، ازيا قىسقى سپورت جارىسىنىڭ قاسيەتتى الاۋى شار تاراپتى جايناتتى، «نىجا 2» كينوسىنىڭ بەلەت ساتىلىم سوماسى ىركەس ـ تىركەس تىڭ ورەگە كوتەرىلدى، كوكتەم مەرەكەسىندە بازاردا جارقىن تۇيىندەر ىلگەرىندى ـ كەيىندى جارىققا شىقتى... ”قۇبىلىستىق“ تابىستار جۇرتتى تامساندىرىپ، جۇڭگونىڭ ەكونوميكالىق، قوعامدىق دامۋىنىڭ كۇن نۇرىنا شومعان جالىندى ومىرشەڭ كۇشىن ايگىلەدى.
”مەجەدەن اسىپ كەتتى“، ”ايرىقشا قۋانىشتى حابار“ دەگەندەر حالىقارالىق بايقاۋشىلار مەن شەتەل مەديالارىنىڭ 2024 ـ جىلعى جۇڭگو ەكونوميكاسىنىڭ دامۋىنا باعا بەرگەندە ايتىلعان جوعارى جيىلىكتەگى سوزىنە اينالدى. وتكەن ٴبىر جىلدا سىرتقى قىسىم ارتقان، ىشكى قيىنشىلىق كوبەيگەن كۇردەلى دە قاتاڭ جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، وزگەرىستەرگە بايىپتىلىقپەن توتەپ بەرىپ، قامال الىپ قيىندىقتاردى جەڭىپ، ۇدەرە ەكپىندەي العا تارتىپ، وزگەشە دامۋ ناتيجەلەرىنە قول جەتكىزىپ، جۇڭگو ۇلگىسىندەگى وسىزامانداندىرۋدا جاڭا نىق قادام تاستالدى. ىشكى ٴوندىرىس جالپى ٴونىم قۇنى %5 ارتىپ، ەلىمىز ەكونوميكاسىنىڭ كولەمى 130 تريلليون يۋاندىق تىڭ ساتىعا كوتەرىلدى، استىق ٴونىمى تۇڭعىش رەت ٴبىر تريلليون 400 ميلليارد جىڭنان استى، جاڭا ەنەرگيالى اۆتوكولىكتەردىڭ جىلدىق ٴونىمى 10 ميلليوندىق ۇلكەن وتكەلدەن ٴوتتى، دۇنيە ٴجۇزى بويىنشا جاڭالىق اشۋ قۋاتى 11 ـ ورىنعا كوتەرىلدى، تۇرعىنداردىڭ جان باسىندىق ورتاشا قولداعى تابىسى الدىڭعى جىلداعىدان ناقتى %5.1 ارتتى، قالا ـ قالاشىقتاردا جاڭادان 12 ميلليون 560 مىڭ ادام جۇمىستاندى...
جۇڭگو ەكونوميكاسى بوران ـ شاشىننىڭ سىناعىنان ٴوتىپ تولىسىپ، سىننان ٴوتۋ بارىسىندا زورايىپ، تىرشىلىك قۋاتىن، باسەكەلىك قۋاتىن، دامۋ قۋاتىن، جالعاسۋ قۋاتىن ۇزدىكسىز كۇشەيتتى. تولقىن كوتەرىلگەن جەردە حاۋىپ ـ قاتەرمەن ەرلىكپەن ايقاستى، ۇزاق بولاشاقتان قاراعاندا، شىعىس جەلى سوعادى. ٴبىر دامۋ اۋقىمى بارعان سايىن ايقىندالا ٴتۇستى: ەلىمىزدىڭ ەكونوميكالىق نەگىزى ورنىقتى، باسىمدىعى كوپ، سەرپىمدىلىگى كۇشتى، كومەسكى قۋاتى زور، ۇزاق ۋاقىت جاقسارۋعا بەت الۋدىڭ تىرەكتىك شارت ـ جاعدايى مەن نەگىزگى بەتالىسى وزگەرمەدى.
ٴار كۇنى 80 مىڭنان استام اۆتوكولىك، 3 ميلليون 400 مىڭ زەردەلى قول تەلەفون ٴوندىرىلىپ، 470 ميلليوننان استام جەدەل جولداما جەتكىزىلۋدە... جۇڭگو ەكونوميكاسى شالقار تەڭىزدەي ۇشى ـ قيىرسىز كوسىلىپ جاتىر ٴارى ۇلى دارياداي العا جوڭكىلەدى. ”قانشالىقتى قيان ـ كەسكى بولسا دا باستان ـ اياق سابىرلىلىقتان جازبايتىن“ تاباندىلىقتى ساقتاپ، ”تار جول، تايعاق كەشۋلەردى باسىپ ٴوتىپ داڭعىل جول اشۋ“ كۇرەس جىگەرىن قاۋلاتىپ، ”تولقىن جارا العا ىلگەرىلەيتىن ۋاقىت بولادى“ دەگەن سەنىمدى بەكەمدەپ، جوعارى ساپالى دامۋ سىندى بۇلجىماس قاعيدانى مىقتاپ يگەرگەندە جاڭا داۋىردەگى جۇڭگو، ٴسوز جوق، دۇنيە ٴجۇزىن جالت قاراتاتىن جاڭا كەرەمەتتەر جاراتادى.
(2)
الىسقا ساپار شەككەن كەمەنىڭ جولىندا داۋىل باسىلىپ، كىلكىگەن تىنىشتىق تا، وركەشتى تولقىن دا كەزدەسەدى.
بىلتىر ەكىنشى، ٴۇشىنشى ماۋسىمدا جۇڭگو ەكونوميكاسىنىڭ باسەڭدەۋ قىسىمى بىرتىندەپ ارتتى. وسى شەشۋشى ساتتە، 9 ـ ايدىڭ 26 ـ كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ٴماجىلىسىن باسقارىپ اشىپ، جاعدايعا عىلمي تۇجىرىم جاساپ، ٴبىر قىدىرۋ تىڭنان قوسىلعان ساياساتتى باتىل ورنالاستىردى. 10 ـ ايعا كەلگەندە قوعامدىق سەنىم ٴونىمدى تۇردە سەرپىلىپ، ەكونوميكا كورنەكتى كوتەرىلدى.
جاڭا داۋىردەن بەرگى وتە وزگەشە بارىسقا قايىرىلا قاراساق، جۇڭگونىڭ ەكونوميكالىق دامۋىنىڭ شەشۋشى ساتىندە، ماڭىزدى تۇيىندەرىندە باس شۋجي شي جينپيڭ بيىكتە تۇرىپ الىستى بولجاپ، اۋقىمدى باعامداپ، پارتيا مەن مەملەكەت دامۋىنىڭ جالپى جاعدايى بيىگىنەن وراسان زور ساياسي باتىلدىقپەن جانە اقىل ـ پاراساتپەن، تايسالمايتىن جۇرەكتىلىكپەن جانە جىگەرمەن شەشۋشى تاڭداۋلار جاساپ، سىن ـ سايىستارعا سالماقتىلىقپەن توتەپ بەرىپ، العا باسۋ بەتالىسىن كورسەتىپ، مىعىم سەنىم مەن كۇش ـ قۋاتتى تاسقىنداتتى.
داعدارىس بارىسىندا ورايدى الدىمەن جەتىلدىرىپ، وزگەرىس بارىسىندا جاڭا جاعداي اشىپ، جۇڭگونىڭ ەكونوميكا كەمەسىنىڭ تولقىن جارا العا ىلگەرىلەپ، نىق قاداممەن الىسقا ساپار شەگۋى، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنىڭ، شي جينپيڭ ەكونوميكا يدەياسىنىڭ عىلمي جەتەكشىلىگىنىڭ ارقاسى.
ۇلى ٴداۋىر ۇلى يدەيانى تۋدىرادى، ۇلى يدەيا ۇلى جورىققا جەتەكشىلىك ەتەدى. جاڭا داۋىردەن بەرى، باس شۋجي شي جينپيڭ ماركسيزمدىك ساياساتكەرگە، ويشىلعا، ستراتەككە ٴتان تەرەڭ اڭعارىمپازدىقپەن، شالىمدى تۇجىرىم جاساۋ قابىلەتىمەن، نازاريالىق جاسامپازدىق قابىلەتپەن ەكونوميكانىڭ دامۋىنا قاتىستى ٴبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، اماليات بارىسىندا شي جينپيڭ ەكونوميكا يدەياسىن ورناتتى، قالىپتاستىردى جانە ۇزدىكسىز بايىتتى، دامىتتى. بۇل ماڭىزدى يدەيا ماركسيزمدىك ساياسي ەكونوميانىڭ ”جەبەسى“ ارقىلى جۇڭگونىڭ ەكونوميكالىق دامۋىنىڭ ”نىساناسىن“ كوزدەۋگە تاباندى بولىپ، ايقىن داۋىرلىك سيپاتقا يە ٴبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى جاسامپازدىقپەن العا قويىپ، ەلىمىزدىڭ ەكونوميكالىق دامۋىنا قالاي قاراۋ كەرەك، قالاي ىستەۋ كەرەك دەگەن سياقتى ٴبىر قىدىرۋ كەلەلى ماسەلەلەرگە جۇيەلى جاۋاپ بەردى، جاڭا داۋىردەگى جوعارى ساپالى دامۋدىڭ ٴتۇبىرلى كەپىلى، قۇن بەتالىسى، جەتەكشى پرينسيبى، جول تاڭداۋى، ستراتەگيالىق شارا، تۇزىمدىك نەگىزى، ٴتۇبىرلى قوزعاۋشى كۇشى، ماڭىزدى كۇش سالۋ ٴتۇيىنى، سەنىمدى قامتاماسىزدىق، عىلمي ٴادىس، دۇنيە جۇزىلىك ماڭىزى سياقتىلاردى جاپپاي بايىمداپ، ماركسيزمدىك ساياسي ەكونوميانىڭ جاڭا ٴورىسىن اشتى، ول مەملەكەت جاعدايىن تياناق ەتەتىن، حالىقتى باقىتقا كەنەلتەتىن، دۇنيە جۇزىنە نازار اۋداراتىن، بولاشاققا جەتەكشىلىك ەتەتىن عىلمي نازاريا، جاڭا داۋىردەگى جاڭا جورىقتا ەكونوميكالىق قىزمەتتى ويداعىداي ىستەۋگە دۇرىس باعدار كورسەتىپ، ٴتۇبىرلى بويسۇنۋ ولشەمىن ازىرلەدى.
عىلمي يدەيانىڭ جەتەكشىلىگى بەينە جورىقتاعى تۋ، ساپار بارىسىنداعى ماياك ىسپەتتى. جاڭا داۋىردەن بەرى، قاتاڭ دا كۇردەلى ىشكى ـ سىرتقى ورتا الدىندا، جۇڭگونىڭ ەكونوميكا كەمەسى بوران ـ شاشىننان جاسقانباي، تولقىن جارا العا ىلگەرىلەپ، ورنىقتىلىقپەن العا باسىپ، وڭاي قول جەتپەگەن، ايتا قالارلىقتاي ناتيجە ٴتىزىمىن تاپسىردى. تەرەكتى ىرعالتۋ ارقىلى تامىرىن تابۋعا، تولقىندى باقىلاۋ ارقىلى قاينارىن ىزدەۋگە بولادى. اماليات مىنانى تولىق دالەلدەدى: شي جينپيڭ ەكونوميكا يدەياسى — ەلىمىز ەكونوميكاسىنىڭ جوعارى ساپالى دامۋىن جەبەۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ عىلمي ارەكەت باعدارناماسى ٴارى حاۋىپ ـ قاتەرلەر مەن سىن ـ سايىستارعا ٴونىمدى توتەپ بەرۋدىڭ، دامۋدى ىلگەرىلەتىپ، ورنىقتى قاداممەن الىستارعا جەتۋدىڭ قۋاتتى يدەيالىق قارۋى.
ٴبىلۋ قانشالىق قانىق بولسا، ارەكەت سونشالىق تىڭعىلىقتى بولادى. حالىقارالىق جاعداي قانشا كۇردەلى، قاتاڭ، ەل ىشىندەگى رەفورما، دامۋ، ورنىقتىلىق مىندەتتەرى قانشا جاپالى دا اۋىر بولعان سايىن شي جينپيڭ ەكونوميكا يدەياسىن جەتەكشى ەتۋگە سونشا تاباندى بولىپ، بىركەلكى قاداممەن العا باسىپ، ىنتىماقتاسا كۇرەس جۇرگىزىپ، جاڭا جاعداي اشۋ كەرەك. ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا ورتالىق كوميتەتىنىڭ ىشكى ـ سىرتقى جاعداي جونىندەگى تۇجىرىمىمەن بىرلىككە كەلتىرىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، ٴوز ٴىسىمىزدى تاباندىلىقپەن ويداعىداي ىستەسەك، ٴبىز، ٴسوز جوق، ٴتۇرلى قيىنشىلىقتاردى، حاۋىپ ـ قاتەرلەردى، كەدەرگىلەردى جەڭىپ، جۇڭگونىڭ ەكونوميكالىق دامۋىنىڭ ۇزدىكسىز تىڭ ساتىعا كوتەرىلۋىن، تىڭ سەكىرۋدى جۇزەگە اسىرۋىن ىلگەرىلەتە الامىز.
(3)
”حاڭجوۋداعى التى كىشكەنتاي ايداعار“ قالاي شىڭدالعان؟ جىجياڭنىڭ حاڭجوۋىنداعى كەيبىر عىلىم ـ تەحنولوگيا كاسىپورىندارىنىڭ اتاعىنىڭ ٴجيى ـ ٴجيى اسپانداۋى جۇرت نازارىن جاپپاي اۋداردى جانە تەرەڭ تولعاندىردى. وقۋ ـ اعارتۋدىڭ، عىلىم ـ تەحنولوگيانىڭ، دارىندىلاردىڭ ٴبىر تۇلعالى رەفورماسىن، دامۋىن ۇزدىكسىز ىلگەرىلەتۋدەن شارۋاشىلىق ـ ساۋدا ورتاسىن ۇزدىكسىز ساپالىلاندىرۋعا، جاڭالىق اشۋ ەكولوگياسىن جەتىلدىرۋگە دەيىن جەرگىلىكتى ورىن رەفورما ارقىلى جاسامپازدىق الاۋىن تۇتاندىرىپ، قۇنارلى توپىراقپەن عىلىم ـ تەحنولوگيا اعاشىن جەتىلدىرىپ، كاسىپورىنداردىڭ ”قاجىرلىلىقپەن ىزدەنىس جاساۋ“ تاباندىلىعىن ساقتاۋىنا دەم بەرىپ، قاجىماي ـ تالماي ىزدەنىس جاساۋ بارىسىندا ۇتىمدى ساتتەن پايدالانىپ العا ۇمتىلۋ سىندى دامۋ ورايىن قارسى الدى.
چيانتاڭجياڭ وزەنىنىڭ جاعاسىنداعى جاندى اماليات — جاڭا داۋىردەگى جۇڭگونىڭ رەفورماسى مەن دامۋىنىڭ ىقشام كورىنىسى. ادامدى جەلپىندىرەتىن جاڭالىق اشۋ جەتىستىكتەرى ادامدارعا مىناداي وي سالدى: رەفورما — جوعارى ساپالى دامۋدىڭ ومىرشەڭ كۇش قاينارى، جەڭىسكە جەتۋ جولى.
رەفورما جاساۋ، ەسىك اشۋ — زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا ٴارى جۇڭگو ۇلگىسىندەگى وسىزامانداندىرۋدىڭ ٴساتتى ـ ٴساتسىز بولۋىن بەلگىلەيتىن شەشۋشى شارا. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، ۇلى تاريحي ىرىقتىلىقپەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن يدەيا ـ كوزقاراستاعى بۇعاۋلاردى بۇزىپ، قاتىپ ـ سەمگەن مۇددەلىك بوگەتتەردى تالقانداپ، تەرەڭ ايدىنعا باتىلدىقپەن بويلاپ، قيىن تۇيىندەردى باتىلدىقپەن شەشىپ، حاۋىپ ـ قاتەردەن جاسقانباي، ٴار جاقتاعى ٴتۇزىلىس ـ مەحانيزمدىك كىناراتتاردى باتىل جويىپ، رەفورمادا ٴىشىنارالىق ىزدەنىس جاساۋدان، تىڭعا تۇرەن سالۋدان جۇيەلى دە شوعىرلى، جاپپاي تەرەڭدەتۋگە قاراي بۇرىلىس جاساۋدى جۇزەگە اسىرىپ، ٴار سالاداعى نەگىزدىك ٴتۇزىم جۇلگەسىن نەگىزىنەن ورناتىپ، كوپتەگەن سالادا تاريحي سيپاتتى وزگەرىس جاساۋدى، جۇيە سيپاتتى قايتا سومداۋدى، جالپى تۇلعالىق قايتا تۇلعالاۋدى جۇزەگە اسىرىپ، ۇزاق ۋاقىت شەشۋدى ويلاساق تا شەشە الماعان كوپتەگەن قيىن ماسەلەنى شەشىپ، بۇرىن ىستەۋدى ويلاساق تا ىستەي الماعان كوپتەگەن ٴىرى ٴىستى، ماڭىزدى ىستەردى ىستەپ، رەفورما جاساۋ، ەسىك اشۋ ارقىلى پارتيا مەن مەملەكەتتىڭ ٴتۇرلى ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋدىرۋدى ىلگەرىلەتۋدىڭ جاڭا جاعدايىن اشتى. جاڭا داۋىردە رەفورمانى جاپپاي تەرەڭدەتۋدە كەلەلى امالياتتىق جەتىستىككە، تۇزىمدىك جەتىستىككە، نازاريالىق جەتىستىككە قول جەتكىزدىك، بۇل ەلىمىزدىڭ رەفورما جاساۋ، ەسىك اشۋ تاريحي ۇردىسىندەگى ەڭ ايبىندى تاراۋلاردىڭ ٴبىرى بولىپ، جاپپاي دوڭگەلەك داۋلەتتى قوعام ورناتۋعا، ”ەكى ۇلكەن كەرەمەتتى“ جالعاستىرا جازۋعا پارمەندى قوزعاۋشى كۇش جانە تۇزىمدىك قامتاماسىزدىق ازىرلەدى، سونداي ـ اق جاڭا جورىقتا رەفورمانى ونان ارى جاپپاي تەرەڭدەتۋگە دە بەرىك نەگىز جانە قۇندى تاجىريبە ازىرلەدى.
تاۋ بيىك، وزەن اعىسى قاتتى بولسا دا جاپادان قورىقپاي ۇمتىلدى، بوگەتتەر الاستالسا دا ەرىك ـ جىگەر وزگەرمەدى. جاڭا جورىقتا ”اتويلاۋ“ رۋحىن، ”جاڭالىق اشۋ“ ارىنىن، ”ىستەۋ“ ستيلىن ماڭگى ساقتاپ، قۇلان جورتپاس يەن دالادا تىڭ يگەرىپ، تەرەڭ ايدىنعا قاراي الىسقا ساپار شەگىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ”ۇلكەن نوبايىن“ دايەكتىلەندىرۋدىڭ، تياناقتاندىرۋدىڭ ”نازىك كارتيناسىنا“ قۇلشىنا اينالدىرساق، جۇڭگو ۇلگىسىندەگى وسىزامانداندىرۋ، ٴسوز جوق، رەفورما جاساۋ، ەسىك اشۋ بارىسىندا اناعۇرلىم كەڭ بولاشاق اشادى.
(4)
”بارلىق وتباسىنىڭ باقىتتى تۇرمىس كەشىرۋى، ۇلكەن ـ كىشىنىڭ قۋانىشقا بولەنۋى — ٴومىردىڭ كوركەم كارتيناسى. ٴبىز بىرگە قۇلشىنىپ، وسى كوركەم كارتينانى بارعان سايىن ايشىقتاي ٴتۇسۋىمىز كەرەك“. كوكتەم مەرەكەسى قارساڭىندا باس شۋجي شي جينپيڭ قاقاعان ايازعا قاراماي لياۋنيڭگە كەلىپ، نەگىزگى ساتىداعى كادرلار مەن بۇقاراعا امانداسىپ، ولاردان حال سۇرادى.
كوڭىلگە تۇيگەن ىستەر ارەكەت ارقىلى ىسكە اسادى. تاۋ قويناۋىنان حۋتۇڭ اۋلاسىنا دەيىن، كورىكتى يۇنناننىڭ وڭتۇستىگىنەن سولتۇستىك شەكارا ٴوڭىردىڭ شەتىنە دەيىن، پارتيانىڭ 18 ـ قۇرىلتايىنان بەرى ٴار رەتكى كوكتەم مەرەكەسى قارساڭىندا باس شۋجي شي جينپيڭ قاشاندا حالىق بۇقاراسىنىڭ اراسىنا كەلىپ، حال ـ جاعداي ۇعىسىپ، ناقتى جاعدايدى تەكسەرىپ، اڭگىمە دۇكەنىن قۇرىپ، ەسەندىك سۇراسىپ، حالىق كوسەمىنىڭ حالىقتى سۇيەتىن كومپىس قىزمەتكەرلىك قاسيەتى مەن قالتقىسىز سۇيىسپەنشىلىگىن ايگىلەدى.
حالىقتىڭ جۇڭگو كوممۋنيستەرىنىڭ جۇرەگىندە ەرەكشە ماڭىزدى ورنى بار. دامۋ حالىق ٴۇشىن، دامۋ حالىققا سۇيەنەدى، دامۋ جەتىستىكتەرىنەن حالىق ورتاق يگىلىكتەنەدى. جاڭا داۋىردەگى قۇلاشىن كەڭ جايعان رەفورما، دامۋ ۇردىسىندە حالىق — لوگيكالىق باستاما ٴارى قۇن ارقاۋى. جوعارى ساپالى دامۋدىڭ تامىرى ماڭگى حالىق ٴۇشىن سوعادى.
مەملەكەتتىك ەكى ٴماجىلىس اشىلۋ الدىندا تۇر. 5000نان استام مۇشە، ۋاكىل قىستاقتارعا، الەۋمەتتىك اۋماقتارعا، مەكتەپتەرگە، زاۆودتارعا بارىپ، ىشكەرىلەي تەكسەرۋ ـ زەرتتەۋ جۇرگىزۋدەن، بۇقارانىڭ ٴۇنىن ەستۋدەن قول جەتكىزگەن دۇرىس كوزقاراستارىن الىپ، ٴبىر ارادا باس قوسىپ، مەملەكەت ٴىسىن بىرگە اقىلداسادى. حالىق تىلەگى — ەڭ دۇرىس كوورديناتا، حالىق كۇشى — ەڭ جويقىن كۇش. جالپى بارىستىق حالىق دەموكراتياسىن ىشكەرىلەي امالياتتا ايگىلەپ، سەنىمدى ونان ارى سەرپىلتىپ، كۇش ـ قۋاتتى ۇيىستىرىپ، ىنتىماقتاسا كۇرەس جۇرگىزۋ بارىسىندا حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرساق، جۇڭگو ۇلگىسىندەگى وسىزامانداندىرۋ كارتيناسى، ٴسوز جوق، اناعۇرلىم تارتىمدى، اناعۇرلىم مەيىرلى بولادى.
(5)
”كوپشىلىكتىڭ ىستىق ىقىلاسى تاسقىنداعان، اشىق، سيىسىمدى قارا توپىراقتى جەردى ەمىن ـ ەركىن ارالاپ، جۇڭگو ۇلگىسىندەگى وسىزامانداندىرۋ ىزدەرىنە ٴۇڭىلۋىن قارسى الامىز“. حاربين 9 ـ كەزەكتى ازيا قىسقى سپورت جارىسىنىڭ باستالۋ سالتىنىڭ قارسى الۋ قوناعاسىندا ٴتوراعا شي جينپيڭ حالىقارالىق سيلى قوناقتاردى ىستىق ىقىلاسپەن قارسى الدى. قار ـ مۇز مادەنيەتى مەن قار ـ مۇز ەكونوميكاسى كوركەيىپ، جوعارى ساپالى دامۋدىڭ جاڭا قوزعالىس قۋاتىنا جانە سىرتقا ەسىك اشۋدىڭ جاڭا دانەكەرىنە اينالدى.
دۇنيە ٴجۇزى جاقسى بولسا، جۇڭگو دا جاقسى بولادى؛ جۇڭگو جاقسى بولسا، دۇنيە ٴجۇزى ونان ارى جاقسى بولادى. دۇنيە جۇزىندە ٴجۇز جىلدىق وزگەرىس جەدەل قۇبىلعان جاعدايدا جاڭا داۋىردەگى جۇڭگو جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتىپ، جۇڭگونىڭ جاڭا دامۋى ارقىلى دۇنيە جۇزىنە ۇزدىكسىز جاڭا وراي ازىرلەپ، اشىق دۇنيە ٴجۇزى ەكونوميكاسىن قۇرۋدى ىلگەرىلەتىپ، ٴار ەل حالقىن اناعۇرلىم ويداعىداي يگىلىككە كەنەلتتى.
ەسىك اشۋ ەكونوميكا ـ ساۋدا بارىس ـ كەلىسىنە ”مىعىم تىرەك“ ازىرلەدى. پارتيا 18 ـ قۇرىلتايىنان بەرى، جۇڭگونىڭ سىرتقا اشىلعان قاقپاسى بارعان سايىن ايقارا اشىلىپ، سەلبەسىپ تەڭ يگىلىككە كەنەلۋدىڭ نۇرلى جولى بارعان سايىن كەڭەيدى. دۇنيە ٴجۇزى ەكونوميكاسىنىڭ كوورديناتا جۇيەسىندە جوعارى ساپالى دامۋعا قادام تاستاعان، دۇنيە جۇزىمەن ورايدى ٴبولىسۋدى قالايتىن جۇڭگو تەرەڭ پاراساتىن جانە جاۋاپكەرشىلىك ارقالاۋىن ايگىلەدى.
ەسىك اشۋ — سونىمەن بىرگە وركەنيەتتەردىڭ اۋىس ـ كۇيىسىنىڭ، ٴوزارا ۇلگى الۋىنىڭ قوس باعىتتاعى جورىعى. كوپ ساتىلى، كوپ سالالى حالىقارالىق گۋمانيتارلىق اۋىس ـ كۇيىس پەن سەلبەستىك جۇڭحۋا مادەنيەتىنىڭ دۇنيە جۇزىنە بەت الۋىن ىلگەرىلەتۋمەن بىرگە، دۇنيە جۇزىنە دە اشىق، سەنىمدى، وركەنيەتتى، حاۋىپسىز شىنايى جۇڭگونى اناعۇرلىم تەرەڭ سەزىندىردى. ەسىك اشۋدىڭ كوكتەم سامالىمەن ”ٴوز كوركەمدىگىن ايگىلەپ، كوركەمدىكتەن بىرگە يگىلىكتەنۋ“ سىندى بايىرعى پاراسات ٴداۋىردىڭ ۇلكەن اعىمىندا جاڭا شۇعىلا شاشىپ، جۇرەكتەردى توعىستىرۋدىڭ كوپىرىن سالىپ، جۇڭگونىڭ دۇنيە جۇزىمەن ٴوزارا پايدا جەتكىزۋ سەلبەستىگىنىڭ سۇيىسپەنشىلىك دانەكەرىن كۇشەيتتى.
تاياۋدا «2025 ـ جىلعى شەتەل قارجىسىن ورنىقتىرۋ ارەكەت جوباسى» سىرتقا جاريالانىپ، 4 جاقتان 20 ٴتۇرلى شارا ورتاعا قويىلدى، بۇل جۇڭگونىڭ جوعارى دەڭگەيدە سىرتقا ەسىك اشۋعا تاباندى بولۋ، شەتەل قارجىسىن زور كۇشپەن باۋراۋ سەنىمى مەن بەكىمىن تاعى ٴبىر رەت ايگىلەدى. اشىلعان ەسىك دۇنيە جۇزىنە بەت الىپ، سەلبەستىك قاناتى بولاشاقتىڭ بيىك تۇعىرىن كوتەردى. دۇنيە ٴجۇزىن كوكەيدە ساقتاعان، اشىق، سيىسىمدى جۇڭگو دامۋ جەتىستىكتەرى ارقىلى ادامزاتتى اناعۇرلىم جاقسى باقىتقا كەنەلدىرىپ، ٴار ەل حالقىمەن قول ۇستاسا وتىرىپ كوركەم بولاشاقتى بىرگە جاراتادى.
(6)
چاڭى - 6 تۇڭعىش رەت اي شارىنىڭ ارعى بەتىنەن ۇلگى الىپ كەلدى، ”جۇڭگونىڭ اسپان كوزى“ اسپان الەمىنە كوز تاستادى، ”شۋەلۇڭ - 2 “ كەمەسى مۇز جارىپ العا ىلگەرىلەدى، مىڭشياڭ اتتى بۇرعىلاپ بارلاۋ كەمەسى مۇحيتتىڭ سىرىنا بويلادى، دۇنيە جۇزىندەگى ەڭ تەز قارقىندى پويەز CR450 موتورلى ۆاگوندار قۇراماسى جارق ەتىپ جارىققا شىقتى، شىنجىن - جۇڭشان جولى تولقىندى تەڭىزدە كوسىلدى... تاياۋدا سىرتقى ىستەر مينيسترلىگى جاريالاعان ”بولاشاق كوز الدىمىزدا تۇر“ اتتى ەرەكشە اسەرلى بەينەجازبا جۇڭگونىڭ ٴبىر قىدىرۋ جاڭالىق اشۋ جەتىستىكتەرىن ايگىلەپ، كەڭ كولەمدى ۇندەستىك تۋدىردى. ۇلى ارمانعا قۇلاش سەرمەپ، كۇرەس جۇرگىزۋ ارقىلى بولاشاققا جول اشتى، جاڭا داۋىردەگى جۇڭگو جوعارى ساپالى دامۋ جولىندا نىق قاداممەن العا باستى.
”تۋرا جولدى بويلاپ ٴجۇرۋ، ورتا جولعا بارعاندا دا تىنباي قۇلشىنۋ قاجەت؛ رياسىز پيعىل مەن كوڭىل توعىساتىن كۇندەر الىستا ەمەس، شىڭنىڭ ۇشار باسىنا شىعۋ ٴۇشىن، ٴسوزسىز، جاپا ـ ماشاقاتتى جەڭىپ، تىنباي تالاپتانۋ كەرەك“. ۇزاق ۋاقىت قاجىرلىلىقپەن كۇرەس جۇرگىزۋ ارقىلى جۇڭگو ۇلگىسىندەگى وسىزامانداندىرۋدىڭ ايبىندى كارتيناسى جايىلدى ٴارى شەكسىز نۇرلى دا شۇعىلالى بولاشاقتى كورسەتتى. جول الىس بولعانىمەن، جۇرە بەرسەك جەتەمىز، قاجىماي ـ تالماي جالعاستىرساق، تاماشا كەلەشەكتەن ٴۇمىت زور. العا باسۋ جولىندا ٴبىز تەك نانىم ـ سەنىمدى بەكەمدەۋدەن اۋىتقىماي، قايشىلىققا، ماسەلەگە تىكە قاراۋدان تايساقتاماي، حاۋىپ ـ قاتەرگە، سىن ـ سايىسقا توتەپ بەرۋدەن يمەنبەي، ٴوز ٴىسىمىزدى تاباندىلىقپەن ويداعىداي ىستەسەك بولعانى، ٴسوز جوق، رەفورمانىڭ، دامۋدىڭ تىڭ ٴورىسىن اشا الامىز!
تاريح ناقتى ىسكەرلەردىڭ سەنىمىن اقتايدى، ٴداۋىر ەكپىندەي ىلگەرىلەۋشىلەردى ەلەۋسىز قالدىرمايدى. جاڭا ٴداۋىردىڭ جاڭا جورىعىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، ٴبىر ميلليارد 400 ميلليوننان استام جۇڭگو حالقى سەنىمدى بەكەمدەپ، زەيىن ـ زەردەنى، كۇش ـ قۋاتتى شوعىرلاندىرىپ، شىنايى يگەرىپ ناقتى ىستەسە، ٴسوز جوق، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ۇزدىكسىز العا ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ جاڭا تاراۋىن بىرگە جازا الادى.
