3 ـ ايدىڭ 3 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە قاتىناساتىن مەملەكەتتىك حالىق قۇرىلتايىنىڭ شينجياڭداعى ۋاكىلدەرى ۇشاقپەن بەيجيڭگە جەتتى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لي ياڭ 3 ـ ايدىڭ 3 ـ كۇنى بەيجيڭنەن حابارلايدى. بەيجيڭنىڭ كوكتەمى ەرتە كەلىپ، بار الاپ جاڭا بەينەگە ەندى. شينجياڭداعى ٴار ۇلت، ٴار سالادان كەلگەن مەملەكەتتىك حالىق قۇرىلتايى ۋاكىلدەرى، مەملەكەتتىك ساياسي كەڭەس مۇشەلەرى بەيجيڭگە جەتتى، ولار تيانشان ۇلاندارىنىڭ جۇرەك ٴۇنىن الىپ، 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە جانە مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ماجىلىسىنە بىرگە قاتىناسادى.
ٴبىر جىلدا ٴبىر رەت وتكىزىلەتىن مەملەكەتتىك ەكى ٴماجىلىس اشىلۋ الدىندا تۇر، ۋاكىلدەردىڭ، مۇشەلەردىڭ كوكىرەگىن اسقاق سەزىم كەرنەدى. بەيجيڭگە باراتىن كەزەكشى ۇشاقتا كوپشىلىك ٴوزارا پىكىر اۋىستىرىپ، وسىنىڭ الدىنداعى تەكسەرۋ ـ زەرتتەۋ احۋالىمەن ۇشتاستىرىپ، اسەرلەرىن ايتىپ، ويلارىن ٴبولىسىپ، دامۋدى تىلگە تيەك ەتىپ، جوعارى ساپالى ۇسىنىس جوبا، ۇسىنىس جانە كەڭەستىك جوبا قويۋعا ۇزدىكسىز دايىندالدى. ”كوكتەمگى سالتاناتتى جينالىسقا تاعى دا اتتاندىم، كوڭىلىم تەبىرەنىسكە جانە ۇمىتكە تولدى“! مەملەكەتتىك ساياسي كەڭەستىڭ مۇشەسى ايىمسا توحتاحۇن ۇشۋ ۋاقىتىنان پايدالانىپ ٴوزىنىڭ ۇسىنىستارىن تاعى دا وزگەرتتى جانە كەمەلدەندىردى.
تۇستە ۇشاق بەيجيڭگە جەتتى. ۇشاق ساتىسىنان تۇسكەن كوپشىلىكتىڭ رۋحى سەرپىلىپ، جىگەرى تاسقىنداي ٴتۇستى.
”ماڭىزدى تاپسىرمانى ارقالاپ سالتاناتتى جينالىسقا اتتانىپ، كوڭىلىم قاتتى تەبىرەنىپ تۇر“. مەملەكەتتىك حالىق قۇرىلتايىنىڭ ۋاكىلى عۇلامجان رەيىم قۋانىشپەن بىلاي دەدى: ”ٴسوزسىز، ٴار ۇلت بۇقاراسىنىڭ كۇتكەن ۇمىتىنەن شىعىپ، زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، بەلسەندىلىكپەن جاۋاپكەرشىلىك ارقالاپ ىسكەرلىك كورسەتىپ، شينجياڭنىڭ جوعارى ساپالى دامۋدى ىلگەرىلەتۋى، وسىزامانداندىرۋ قۇرىلىسىن ىلگەرىلەتۋى ٴۇشىن تىڭ ۇلەس قوسامىن“.
وتكەن ٴبىر جىلدا شينجياڭنىڭ رەفورما، دامۋ، ورنىقتىلىق قىزمەتتەرىنىڭ ناتيجەسى سۇبەلى بولدى، بۇل جالپى جۇرتقا ايان. جاڭا بورىش، جاڭا مىندەت الدىندا ۋاكىلدەر، مۇشەلەر وي جۇگىرتتى، ونان دا ماڭىزدىسى، رولىن ساۋلەلەندىردى.
”2024 ـ جىلى شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ’بەس ۇلكەن ستراتەگيالىق ورىندى‘ كوزدەپ، باسىمدىقتى ساۋلەلەندىرىپ، ىرىقتىلىقپەن ىسكەرلىك كورسەتتى، باستى ەكونوميكالىق كورسەتكىشتەرى بۇكىل ەلدە الدىڭعى قاتاردان ورىن الىپ، ناتيجەلەر جۇرتتى جىگەرلەندىردى“. مەملەكەتتىك ساياسي كەڭەستىڭ مۇشەسى جاڭ حۇي بىلاي دەدى: بيىل وقۋ ـ اعارتۋ، اۋىل شارۋاشىلىعى، كەن بايلىعىن اشۋ ـ پايدالانۋ سياقتىلاردى ارقاۋ ەتىپ ۇسىنىس قويىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ٴۇشىن سىندارلى ۇسىنىس، ورەلى كەڭەس بەرىپ، ناقتى شارا ۇسىنامىن.
مەملەكەتتىك حالىق قۇرىلتايىنىڭ ۋاكىلى ۋ ۋىنشيۋ مىنانى ٴبىلدىردى: جاۋاپكەرشىلىگىمنىڭ كەلەلى، بورىشىمنىڭ داڭقتى ەكەنىن تەرەڭ سەزىندىم، جىڭ اۋدانىنىڭ حالىقارالىق تاس جول، تەمىر جول بىرلەسىپ تاسىمالداۋ كەشەندى زات اينالىمى باقشاسى قۇرىلىسى، قۇرلىقتا جاسايتىن جابايى حايۋاناتتاردى قورعاۋ سياقتى قىزمەتتەرىن ارقاۋ ەتىپ ۇسىنىس قويامىن، اۋىلىمنىڭ دامۋى ٴۇشىن ٴبىر كىسىلىك جاۋاپكەرشىلىگىمدى ادا ەتسەم دەيمىن.
مۇشە ايىمسا توحتاحۇن بيىل جەدەل جەتكىزۋ جانە تاماق جەتكىزۋ كاسىبىندەگى پلاستماسسالىق قوراپتاۋدى جۇيەلىلەندىرۋ، وڭتۇستىك شينجياڭنىڭ مەكتەپكە دەيىنگى وقۋ ـ اعارتۋى سياقتى قىزمەتتەرگە ٴتۇيىندى تۇردە نازار اۋداردى. ول بىلاي دەدى: ”تاسقىنداعان رۋحاني كۇيمەن قىزمەتكە بار كۇشىممەن كىرىسىپ، نەگىزگى ساتىنىڭ ٴۇنىن بەيجيڭگە جەتكىزىپ، ٴىس جۇزىندىك ارەكەتىم ارقىلى ٴار ۇلت بۇقاراسىنىڭ سەنىمىنە جانە تىلەگىنە جاۋاپ قايتارامىن“.
مىندەت اتقارۋدىڭ جوباسى كەسكىندەلدى، ناقتى ىستەۋمەن جاڭا تاراۋ اشتى. شينجياڭنان كەلگەن مەملەكەتتىك حالىق قۇرىلتايى ۋاكىلدەرى مەن مەملەكەتتىك ساياسي كەڭەس مۇشەلەرى بورىشتى باتىلدىقپەن ارقالاپ، مىندەت اتقارىپ جاۋاپكەرشىلىكتى ادا ەتىپ، شينجياڭ وبرازىن ايگىلەپ، شينجياڭ حيكاياسىن ويداعىداي بايانداپ، جاڭا جورىقتا مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا اقىل ـ پاراساتتارىن جانە كۇش ـ قۋاتتارىن ارنايتىندىقتارىن ٴبىلدىردى.
