مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ٴماجىلىسى بەيجيڭدە اشىلدى

شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ ماجىلىسكە قاتىناسىپ قۇتتىقتادى

ۋاڭ حۋنيڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، شى تايفىڭ باسقاردى، جياڭ زوجۇن ۇسىنىس جوبا قىزمەتى جاعدايىنان بايانداما جاسادى

　　3 ـ ايدىڭ 4 ـ كۇنى تۇستەن كەيىن جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 3 ـ ٴماجىلىسى بەيجيڭ حالىق سارايىندا اشىلدى. سۋرەتتە: شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ ٴتوراعالار مىنبەسىنەن ورىن الدى.

□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن

　　مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ ساياسي كەڭەس 14 ـ كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

□ سۋرەتتى شينحۋا اگەنتتىگىنىڭ ٴتىلشىسى ليۋ ۋيبيڭ تۇسىرگەن

　　شينحۋا اگەنتتىگىنىڭ 3 ـ ايدىڭ 4 ـ كۇنى بەيجيڭنەن بەرگەن حابارى. زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، ايبىندى داستاندى بىرگە جازدى، قۇلشىنا ٴىس تىندىرىپ، ٴداۋىر جاڭا تاراۋىن تاعى دا كەسكىندەدى. جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 3 ـ ٴماجىلىسى 3 ـ ايدىڭ 4 ـ كۇنى تۇستەن كەيىن حالىق سارايىندا اشىلدى. مەملەكەتتىك ساياسي كەڭەستىڭ 2000نان استام مۇشەسى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن تىعىز ارقاۋ ەتىپ، پارتيا مەن مەملەكەتتىڭ وزەكتى مىندەتتەرىمەن تىعىز بايلانىستىرا وتىرىپ مىندەت وتەپ، جاۋاپكەرشىلىكتى ادا ەتىپ، بەلسەنە ۇكىمەت ٴىسىن كەڭەسىپ، اقىل ـ كەڭەس بەرىپ، كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە اقىل ـ پاراسات جانە كۇش ـ قۋات توپتايدى.

　　3 ـ ايداعى بەيجيڭدە كوكتەم لەبى ەسەدى. حالىق سارايىنىڭ ۇلكەن زالىندا شىراقتار جاقۇتتاي جارقىراپ، زال سالتاناتتى، دۋماندى مەرەيگە شومدى. جۇڭگو حالىق ساياسي ٴماسليحات كەڭەسىنىڭ گەربى ٴتوراعالار مىنبەسىنىڭ تورىنە ٴىلىنىپ، ەكى جاعىنا بەستەن نارت قىزىل تۋ قويىلعان.

　　مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ماجىلىسىنە قاتىناسۋعا ٴتيىستى مۇشە 2154 ادام، ناقتى قاتىناسقانى 2110 ادام، بۇل بەلگىلەمەدەگى ادام سانىنا ۇيلەسەدى.

　　مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ، مەملەكەتتىك ساياسي كەڭەستىڭ ورىنباسار ٴتوراعالارى شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ٴتوراعالار مىنبەسىنىڭ الدىڭعى قاتارىنان ورىن الدى.

　　پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الىپ، ٴماجىلىستىڭ اشىلعاندىعىن قۇتتىقتادى.

　　تۇستەن كەيىن ساعات 3تە شى تايفىڭ ٴماجىلىستىڭ اشىلعاندىعىن جاريالادى، زالداعىلار تۇگەل ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقادى.

　　ٴماجىلىس الدىمەن ساياسي كەڭەس 14 ـ كەزەكتى مەملەكەتتىك كوميتەتى 3 ـ ٴماجىلىسىنىڭ كەڭەستىك ٴتارتىبىن قاراپ ماقۇلدادى.

　　ۋاڭ حۋنيڭ ساياسي كەڭەس 14 ـ كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

　　ۋاڭ حۋنيڭ مىنالاردى ٴبىلدىردى: 2024 ـ جىل _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا ـ مىندەتتەردى ورىنداۋداعى شەشۋشى جىل. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، وزگەرىستەرگە بايىپتىلىقپەن توتەپ بەرىپ، كەشەندى شارالار قولدانىپ، تۇتاس جىلدىق ەكونوميكالىق، قوعامدىق دامۋدىڭ باستى نىسانا ـ مىندەتتەرىن ٴساتتى ورىنداپ، جۇڭگو ۇلگىسىندەگى وسىزامانداندىرۋدا تىڭ دا كەلەلى تابىستارعا قول جەتكىزىپ، بۇكىل پارتيانىڭ، بۇكىل ەلدەگى ٴار ۇلت حالقىنىڭ جاڭا داۋىردەگى جۇڭگوشا سوتسياليزمنىڭ تىڭ جەڭىسىنە جەتۋ بەكىمىن جانە سەنىمىن ونان ارى نىعايتتى.

　　ۋاڭ حۋنيڭ وتكەن ٴبىر جىلدان بەرگى حالىق ساياسي كەڭەسى قىزمەتىن قورىتىندىلادى. ول بىلاي دەدى: 2024 ـ جىل ٴارى حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعى. باس شۋجي شي جينپيڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا ماڭىزدى ٴسوز سويلەپ، جاڭا ٴداۋىردىڭ جاڭا جورىعىندا حالىق ساياسي كەڭەسى ىستەرىنىڭ دامۋىنا العا باسۋ بەتالىسىن كورسەتتى، ٴتۇبىرلى بويسۇنۋ ولشەمىن ازىرلەدى. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولدى، حالىق ساياسي كەڭەسىنىڭ سيپاتىنا، ورنىنا تاباندى بولدى، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتۋگە تاباندى بولدى، حالىق ساياسي كەڭەسىنىڭ حالىق ٴۇشىن قىزمەت ىستەۋىنە تاباندى بولدى، رەفورما جاساۋ، جاڭالىق اشۋ رۋحى ارقىلى مىندەت وتەۋ قابىلەتى قۇرىلىسىن ىلگەرىلەتۋگە تاباندى بولدى. جۇڭگو كوممۋنيستىك پارتياسىنىڭ باسشىلىعىن ساياسي كەڭەس قىزمەتىنىڭ ٴار جاعىندا، جالپى بارىسىندا تياناقتاندىرىپ، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن ۇيرەنۋدى، دايەكتىلەندىرۋدى ماڭىزدىنىڭ ماڭىزدىسى ەتىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ونان ارى ٴتۇسىنىپ، نازاردى رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ كەلەلى ماسەلەلەرىنە شوعىرلاندىرا وتىرىپ اقىل ـ كەڭەس بەرىپ، ارناۋلى كوميتەتتەردىڭ نەگىزدىك رولىن بەلسەنە ساۋلەلەندىرىپ، ساياسي كەڭەس مۇشەلەرىنىڭ مىندەت وتەۋ بەلسەندىلىگىن، ىرىقتىلىعىن، جاسامپازدىعىن قاۋلاتىپ، ٴتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزدى.

　　ۋاڭ حۋنيڭ مىنالاردى ٴبىلدىردى: 2025 ـ جىل _ ”14 ـ بەسجىلدىق“ جوبا اياقتالاتىن جىل ٴارى رەفورمانى ونان ارى جاپپاي تەرەڭدەتۋدەگى ماڭىزدى ٴبىر جىل. حالىق ساياسي كەڭەسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن دايەكتىلەندىرىپ، تياناقتاندىرىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەسى قىزمەتى جونىندەگى تالاپتارىن تياناقتاندىرۋ، ەل ٴىشى ـ سىرتىنداعى جۇڭحۋا ۇلاندارىنىڭ اقىل ـ پاراساتىن جانە كۇش ـ قۋاتىن ۇيىستىرۋ ساياسي جاۋاپكەرشىلىگىن شىنايى ارقالاپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، ”14 ـ بەسجىلدىق“ جوباداعى نىسانا ـ مىندەتتەردى جوعارى ساپامەن ورىنداۋعا، ”15 ـ بەسجىلدىق“ جوبادا تاماشا باستاما اشۋدى جۇزەگە اسىرۋعا نەگىز قالاۋعا دەم بەرۋى كەرەك.

　　ۋاڭ حۋنيڭ مىنالاردى ٴبىلدىردى: جۇڭگو كوممۋنيستىك پارتياسىنىڭ حالىق ساياسي كەڭەسىنە جاپپاي باسشىلىعىنا تاباندى بولىپ، پارتيانىڭ جاسامپاز نازارياسىمەن قارۋلانۋدى ۇزدىكسىز تەرەڭدەتىپ، يدەيا ـ ساياسي جاقتان جەتەكشىلىك ەتۋدى كۇشەيتىپ، كەڭ كولەمدە ورتاق تانىم ۇيىستىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋمەن تىعىز بايلانىستىرا وتىرىپ ۇكىمەت ٴىسىن كەڭەسىپ، اقىل ـ كەڭەس بەرىپ، حالىق ساياسي كەڭەسىنىڭ كەڭەستىك دەموكراتيا مەحانيزمىن اقاۋسىزداندىرىپ، ٴسوزسىز جەڭىسكە جەتۋ سەنىمىن بەكەمدەپ، ەكپىندەي ىلگەرىلەۋ كۇشىن توپتاپ، جاڭا ٴداۋىردىڭ جاڭا جورىعىندا حالىق ساياسي كەڭەسى قىزمەتىنىڭ تىڭ ساتىعا كوتەرىلۋىن جەبەپ، ىنتىماقتاسا كۇرەس جۇرگىزۋدىڭ ورتاق يدەيا ـ ساياسي نەگىزىن ۇزدىكسىز بەكەمدەپ، جۇڭگو ۇلگىسىندەگى وسىزامانداندىرۋعا كەڭ كولەمدە جۇرت تىلەگىن ۇيىستىرۋ، ورتاق تانىم ۇيىستىرۋ، اقىل ـ پاراسات ۇيىستىرۋ، كۇش ـ قۋات ۇيىستىرۋ كەرەك.

　　مەملەكەتتىك ساياسي كەڭەستىڭ ورىنباسار ٴتوراعاسى جياڭ زوجۇن ساياسي كەڭەس 14 ـ كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە ساياسي كەڭەس 14 ـ كەزەكتى مەملەكەتتىك كوميتەتىنىڭ 2 ـ ماجىلىسىنەن بەرگى ۇسىنىس جوبا قىزمەتى جاعدايىنان بايانداما جاسادى. مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنەن بەرى جيىنى 6019 ۇسىنىس جوبا ورتاعا قويىلدى، تەكسەرۋ ارقىلى 5091 ۇسىنىس جوبا ەستەلىككە الىندى، ۇسىنىس جوبالاردىڭ %99.9ى ٴبىتىرىلدى جانە وعان جاۋاپ قايتارىلدى. ۇسىنىس جوبالاردا جۇڭگو ۇلگىسىندەگى وسىزامانداندىرۋدى ىلگەرىلەتۋ، رەفورمانى ونان ارى جاپپاي تەرەڭدەتۋ، جوعارى ساپالى دامۋدى جەبەۋ، قوعامنىڭ جاراسىمدىلىعىن، ورنىقتىلىعىن قورعاۋ سياقتىلاردى تىعىز ارقاۋ ەتىپ اقىل ـ كەڭەس بەرىلىپ، ٴبىر توپ پىكىر ـ ۇسىنىس ەكونوميكالىق، قوعامدىق دامۋدى جەبەيتىن ساياسات ـ شارالارعا اينالىپ، قاتىستى دامۋ جوبالارىندا، زاڭ، زاڭ ـ ەرەجەلەردە جانە ٴتۇزىم حۇجاتتارىندا تياناقتاندىرىلىپ، ۇسىنىس جوبالاردىڭ رولى ونان ارى ايگىلەندى.

　　ما شيڭرۇي، ۋاڭ ي، يىن لي، ليۋ گوجۇڭ، لي گانجيە، لي شۋلەي، لي حۇڭجۇڭ، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين ـ ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ۋ جىڭلۇڭ، شىن يچين، جاڭ جۇن، يىڭ يۇڭ قاتارلى باسشى جولداستار دا ٴتوراعالار مىنبەسىنەن ورىن الدى.

　　جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ ماجىلىسىنە سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، شەتەلدەگى حۋاچياۋ قاتارلىلار ۇسىنىس بويىنشا اشىلۋ ماجىلىسىنە قاتىناستى.