— 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ اشىلعاندىعىن قىزۋ قۇتتىقتايمىز
حالىق گازەتىنىڭ باسماقالاسى
كوكتەمنىڭ شىعىس جەلى ەسىپ، تاۋ ـ وزەندەر جاڭا بەينەگە ەندى. 3 ـ ايدىڭ 5 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى بەيجيڭدە سالتاناتپەن اشىلدى. مەملەكەتتىك حالىق قۇرىلتايىنىڭ 3000عا جۋىق ۋاكىلى ٴبىر ارادا باس قوسىپ، ”14 ـ بەسجىلدىقتا“ شەشۋشى جەڭىسكە جەتۋ ٴۇشىن سىندارلى اقىل ـ كەڭەس بەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە زەيىن ـ زەردەنى شوعىرلاندىرىپ، كۇش ـ قۋات ۇيىستىرادى. ٴبىز ٴماجىلىستىڭ اشىلعاندىعىن قىزۋ قۇتتىقتايمىز!
ٴدۇبىرلى جورىقتا كۇرەس جۇرگىزۋ جاۋاپكەرشىلىگىن ەستە بەرىك ساقتاپ، جاڭا بەرىك قادامدى ورنەكتەيمىز. ەستەن كەتپەس 2024 ـ جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدە جوعارىدان تومەنگە دەيىن قايراتتانا ەكپىندەي ىلگەرىلەپ، قامال الىپ قيىندىقتاردى جەڭىپ، كوپتەگەن ٴىرى ىستەر، ماڭىزدى ىستەر تىندىرىلدى، كوپتەگەن قيىن ىستەر، شۇعىل ىستەر شەشىلدى. ”ٴداۋىر جاڭا تاراۋى“ ارقىلى پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى دايەكتىلەندىرىلدى، ”ەڭ جاقسى ارەكەتپەن“ رەسپۋبليكا قۇرىلعاندىعىنىڭ 75 جىلدىق مەرەيتويى قۇتتىقتالدى، ٴبىزدىڭ نىسانامىز اناعۇرلىم بەكەمدەلدى؛ ەكونوميكانىڭ جالپى مولشەرىندە، استىق ٴونىم مولشەرىندە تىڭ سەرپىلىس جۇزەگە استى، چاڭى - 6، شىنجىن - جۇڭشان ارناسى سياقتى جاڭالىق اشۋ جەتىستىكتەرى ۇزدىكسىز بوي كورسەتىپ، ”ورنىقتىلىق“ نەگىزى اناعۇرلىم بەكەمدەلدى، ”العا باسۋ“ قوزعالىس قۋاتى ۇزدىكسىز كۇشەيدى، ٴبىزدىڭ قوزعاۋشى كۇشىمىز اناعۇرلىم نىعايدى؛ وليمپيادا جارىس الاڭىندا ەرلىكپەن العا ۇمتىلدىق، ەلەۋلى جاراتىلىستىق اپاتتار الدىندا ەل بىرلىگىنەن بەرىك قامال تۇرعىزدىق، حالىقارالىق ساحنادا جۇڭگو دارىپتەمەسىن ايقىن العا قويدىق، ٴبىزدىڭ رۋحىمىز اناعۇرلىم اسقاق بولدى.
وتكەن ٴبىر جىلداعى ناتيجەلەرگە وڭاي ـ وسپاق قول جەتكەن جوق، ول ادامدى جەلپىندىرەدى، جۇڭگو كوممۋنيستىك پارتياسىنىڭ باسشىلىعىنىڭ جانە جۇڭگوشا سوتسياليستىك ٴتۇزىمنىڭ كورنەكتى ارتىقشىلىعىن تولىق بەينەلەدى، ٴبىزدىڭ جاڭا داۋىردەگى جاڭا جورىقتا ٴورىس اشا العا ىلگەرىلەۋ، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتۋ بەكىمىمىز بەن سەنىمىمىز اناعۇرلىم بەكەمدەلدى. باس شۋجي شي جينپيڭ تەرەڭ اتاپ كورسەتكەندەي: ”تەك مۇرات ـ سەنىمدى بەكەمدەۋدەن اۋىتقىماساق، قايشىلىققا، ماسەلەگە تىكە قاراۋدان تايساقتاماساق، حاۋىپ ـ قاتەرگە، سىن ـ سايىسقا توتەپ بەرۋدەن يمەنبەسەك عانا، ٴسوز جوق، رەفورمانىڭ، دامۋدىڭ تىڭ ٴورىسىن اشا الامىز“!
ٴتۇزىم ورنىقتى بولسا، مەملەكەت ورنىقتى بولادى، ٴتۇزىم بەرىك بولسا، مەملەكەت كۇشتى بولادى. 70 نەشە جىلدان بەرى، پارتيانىڭ باسشىلىعىندا، حالىق قۇرىلتايى ٴتۇزىمى جۇڭگونىڭ بايتاق دالاسىنا تەرەڭ تامىر تارتىپ، جۇڭگوشا سوتسياليزم ۇلى امالياتىمەن تەرەڭ توعىسىپ، ”ەكى ۇلكەن كەرەمەتتى“ جاراتۋعا ماڭىزدى ٴتۇزىم قامتاماسىزدىعىن ازىرلەدى. وتكەن ٴبىر جىلدا مەملەكەتتىك حالىق قۇرىلتايى جانە ونىڭ تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا باسشىلىعىنىڭ، حالىقتىڭ وزىنە ـ ٴوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، نەگىزگى زاڭنىڭ اتقارىلۋىن جانە باقىلاۋدى كۇشەيتۋ ارقىلى نەگىزگى زاڭنىڭ بەدەلى مەن ابىرويىن قورعادى، جوعارى ساپالى زاڭ شىعارۋ ارقىلى رەفورما جاساۋدى، دامۋدى قامتاماسىز ەتتى جانە وعان قىزمەت وتەدى، ٴونىمدى باقىلاۋ ارقىلى پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن ىلگەرىلەتتى، حالىق قۇرىلتايىنىڭ سىرتپەن اۋىس ـ كۇيىسى ارقىلى مەملەكەتتىڭ ديپلوماتيالىق كەلەلى جاعدايىنا قىزمەت وتەدى، قىزمەتتەردە جاڭا ىلگەرىلەۋشىلىكتەر مەن ونىمدىلىكتەرگە قول جەتكىزىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى. اماليات حالىق قۇرىلتايى ٴتۇزىمىنىڭ ەلىمىزدىڭ مەملەكەت جاعدايى مەن ٴىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ وزىنە ـ ٴوزى قوجايىن بولۋىنا كەپىلدىك ەتەتىن جاقسى ٴتۇزىم ەكەندىگىن، جالپى حالىقتىڭ كۇش ـ قۋاتىن ٴونىمدى ۇيىستىرىپ، جۇڭگو ۇلگىسىندەگى وسىزامانداندىرۋدى بىرگە ىلگەرىلەتەتىن جاقسى ٴتۇزىم ەكەندىگىن ايگىلەدى.
قاجىماي ـ تالماي كۇرەس جۇرگىزۋ ارقىلى جۇڭگو ۇلگىسىندەگى وسىزامانداندىرۋدىڭ ايبىندى كارتيناسى كەڭ جايىلدى ٴارى شەكسىز نۇرلى دا شۇعىلالى بولاشاعىن بايقاتتى. بۇگىنگى دۇنيە جۇزىندە وزگەرىس پەن بىلىقپالىق قاباتتاسىپ، 100 جىلدىق وزگەرىس جەدەل قۇبىلۋدا، العا باسۋ جولىنداعى حاۋىپ ـ قاتەرلەردى، سىن ـ سايىستاردى جانە انىقسىز فاكتورلاردى جەڭۋ ٴۇشىن ”شىڭنىڭ ۇشار باسىنا شىعۋدا جاپا ـ ماشاقاتتان قايمىقپاي، قايسارلىق كورسەتەتىن“ ارىندى وتە ـ موتە ايگىلەۋ كەرەك. حالىق — تاريحتىڭ جاراتۋشىسى، قيىنشىلىق، سىن ـ سايىس اتاۋلىنىڭ ٴبارىن جەڭۋدەگى ەڭ ۇلكەن سۇيەنىش. جۇڭگو ۇلگىسىندەگى وسىزامانداندىرۋ ميلليارد حالىقتىڭ ٴوز ٴىسى، تەك حالىققا مىقتاپ ارقا سۇيەگەندە عانا جاڭا تاريحي ۇلى ٴىستى ۇزدىكسىز جاراتۋعا بولادى. جاڭا جورىقتا حالىق قۇرىلتايى ٴتۇزىمى سىندى جالپى بارىستىق حالىق دەموكراتياسىن جۇزەگە اسىراتىن ماڭىزدى ٴتۇزىم دانەكەرىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، حالىقتىڭ ٴۇنىن دەن قويا تىڭداپ، حالىقتىڭ اقىل ـ پاراساتىن ۇيىستىرىپ، حالىقتىڭ تىلەگىنە جاۋاپ قايتارىپ، وسى ٴتۇزىمنىڭ كورنەكتى ارتىقشىلىعىن اناعۇرلىم تولىق ساۋلەلەندىرگەندە، ٴسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ تەلەگەي كۇشىن ۇيىستىرۋعا بولادى.
مەملەكەتتىك ەكى ٴماجىلىستى ويداعىداي اشۋ — ەلىمىزدىڭ ساياسي تۇرمىسىنداعى ٴبىر ٴىرى ٴىس، تۇتاس جىلداعى ەكونوميكالىق، قوعامدىق دامۋ نىسانا ـ مىندەتتەرىن جوسپارلاۋ، بۇكىل ەلدەگى ٴار ۇلت حالقىن اتتانىسقا كەلتىرىپ پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ جونىنەن ماڭىزدى مانگە يە. بيىل — ”14 ـ بەسجىلدىق“ جوبا اياقتالاتىن جىل، سونداي ـ اق رەفورمانى ونان ارى جاپپاي تەرەڭدەتۋدەگى ماڭىزدى جىل. شەشۋشى جىلدا شەشۋشى شارالاردى جوسپارلاپ، شەشۋشى ىسكەرلىك كورسەتۋ كەرەك. قايتكەندە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى، ەگجەي ـ تەگجەيلى تياناقتاندىرىپ، ەكونوميكانىڭ ۇزدىكسىز ورلەۋىن، جاقسارۋىن ىلگەرىلەتۋگە بولادى؟ قايتكەندە ٴتۇيىندى سالالارداعى حاۋىپ ـ قاتەرلەردەن جانە سىرتقى سوققىلاردان ٴونىمدى ساقتانىپ جانە ولاردى جويىپ، عىلىم ـ تەحنولوگيادا جاڭالىق اشۋ ارقىلى جاڭاشا وندىرگىش كۇشتەردىڭ دامۋىنا جەتەكشىلىك ەتۋگە بولادى؟ قايتكەندە ”14 ـ بەسجىلدىق“ جوباداعى نىسانا ـ مىندەتتەردى جوعارى ساپالى ورىنداپ، ”15 ـ بەسجىلدىقتا“ تاماشا باستاما اشۋدى جۇزەگە اسىرۋعا بەرىك نەگىز قالاۋعا بولادى؟ پارتيا مەن مەملەكەت قىزمەتى كەلەلى جاعدايىن مىقتاپ ارقاۋ ەتىپ، زاڭ بويىنشا مىندەت وتەپ، جاۋاپكەرشىلىك ارقالاپ، بورىشتى ادا ەتىپ، 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى، ٴسوز جوق، ماڭىزدى تاپسىرمانى ورىنداپ، اناعۇرلىم زور ۇلەس قوسا الادى. حالىق قۇرىلتايى ۋاكىلدەرى حالىق اراسىنان كەلگەن، حالىق اراسىنا تامىر تارتقان، حالىق جۇكتەگەن داڭقتى مىندەتتى ارقالاعان، قالىڭ ۋاكىلدەردىڭ پارتيا مەن مەملەكەتتىڭ حالىق بۇقاراسىمەن بايلانىس جاساۋىنداعى جاقسى دانەكەر بولىپ، ناقتى، جارامدى ”كەرەمەت ٴادىس ـ امالداردى“ كوپتەپ العا قويىپ، جۇڭگونىڭ دامۋىنىڭ، العا باسۋىنىڭ ”جاقسى ٴۇنىن“ تاراتۋىن ٴۇمىت ەتەمىز.
جورىقتىڭ وڭتايلى ٴساتى كەلدى، نىق قاداممەن بولاشاققا بەت الايىق. ۇلى نىساناعا قاراي دامىلسىز ەكپىندەي ىلگەرىلەۋ بارىسىندا، بىزدە حاۋىپ ـ قاتەرگە توتەپ بەرەتىن، سىن ـ سايىستاردى جەڭەتىن بەرىك تىرەك، رەفورما جاساۋدىڭ، دامۋدىڭ جاڭا ٴورىسىن اشاتىن كۇشتى سەنىم بار. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن ىشكەرىلەي ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، سەنىمدى بەكەمدەپ، كوكىرەك تولى ۇمىتپەن ٴورىس اشا العا ىلگەرىلەپ، قايسارلىقپەن كۇرەس جۇرگىزسەك بولعانى، ٴبىز، ٴسوز جوق، ”14 ـ بەسجىلدىقتى“ اياقتاتۋ شايقاسىن ويداعىداي جۇرگىزىپ، جۇڭگو ۇلگىسىندەگى وسىزامانداندىرۋدىڭ جاڭا تاراۋىن جازا الامىز.
ٴماجىلىستىڭ تولىق تابىستى بولۋىن ٴۇمىت ەتەمىز!
(شينحۋا اگەنتتىگىنىڭ 3 ـ ايدىڭ 4 ـ كۇنى بەيجيڭنەن بەرگەن حابارى)
