ٴماجىلىستىڭ ٴتوراعالار القاسىن جانە باس حاتشىسىن سايلاپ شىقتى، ٴماجىلىستىڭ كەڭەستىك تارتىپتەرىن داۋىسقا سالىپ ماقۇلدادى
شينحۋا اگەنتتىگىنىڭ 3 ـ ايدىڭ 4 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى 3 ـ ايدىڭ 4 ـ كۇنى تۇستەن بۇرىن بەيجيڭ حالىق سارايىندا دايىندىق جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي جيىندى باسقاردى. جيىن 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ ٴتوراعالار القاسىن جانە باس حاتشىسىن سايلاپ شىقتى، 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ كەڭەستىك تارتىپتەرىن داۋىسقا سالىپ ماقۇلدادى.
14 ـ كەزەكتى مەملەكەتتىك حالىق قۇرىلتايىنىڭ قازىر 2929 ۋاكىلى بار. 3 ـ ايدىڭ 3 ـ كۇنىنە دەيىن ٴماجىلىستىڭ حاتشىلار باسقارماسىنا كەلىپ تىزىمدەلگەن ۋاكىل 2893 ادام. 3 ـ ايدىڭ 4 ـ كۇنگى دايىندىق جيىنىنا 2872 ادام قاتىناستى، 57 ادام قاتىناسپادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جاۋ لىجي بىلاي دەدى: 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 13 ـ رەتكى ٴماجىلىسى 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسىن 2025 ـ جىلى 3 ـ ايدىڭ 5 ـ كۇنى اشۋدى ۇيعاردى. ٴماجىلىستىڭ ٴتۇرلى دايىندىق قىزمەتى تولىق اياقتالدى.
جاۋ لىجي بىلاي دەپ اتاپ كورسەتتى: 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ جەتەكشى يدەياسى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، جالپى بارىستىق حالىق دەموكراتياسىن دامىتىپ، حالىق قۇرىلتايى تۇزىمىنە ويداعىداي تاباندى بولىپ جانە ونى ويداعىداي كەمەلدەندىرىپ، ويداعىداي اتقارىپ، پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتىپ، نەگىزگى زاڭدا جانە زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، ٴماجىلىستىڭ ٴتۇرلى مىندەتتەرىن تولىق ورىنداپ، ٴماجىلىستى زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، شىنايى يگەرىپ ناقتى ىستەيتىن، ىنتىماقتاسىپ ەكپىندەي ىلگەرىلەگەن ٴماجىلىس ەتىپ اشىپ، بۇكىل ەلدەگى ٴار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا جۇمىلدىرىپ، سەنىمدى بەكەمدەپ، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، قايراتتانا العا ۇمتىلىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزۋ.
دايىندىق جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ ٴتوراعالار القاسىن جانە باس حاتشىسىن سايلاپ شىقتى. ٴماجىلىس ٴتوراعالار القاسى 176 ادامنان ۇيىمداستى، لي حۇڭجۇڭ ٴماجىلىستىڭ باس حاتشىسى بولدى.
داۋىسقا سالىپ ماقۇلدانعان ٴماجىلىستىڭ كەڭەستىك تارتىبىنە ساي، 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسى ۇكىمەت قىزمەتىنەن باياندامانى قارايدى، 2024 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2025 ـ جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى، 2025 ـ جىلعى حالىق شارۋاشىلىعى مەن قوعامدىق دامۋ جوسپارى جوباسىن قاراپ تەكسەرەدى، ورتالىق پەن جەرگىلىكتى ورىننىڭ 2024 ـ جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىننىڭ 2025 ـ جىلعى مەجە ەسەپ جوباسى جونىندەگى باياندامانى، ورتالىق پەن جەرگىلىكتى ورىننىڭ 2025 ـ جىلعى مەجە ەسەپ جوباسىن قاراپ تەكسەرەدى، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ مەملەكەتتىك حالىق قۇرىلتايى جانە جەرگىلىكتى ٴار دارەجەلى حالىق قۇرىلتايى ۋاكىلدەرى زاڭىن (تۇزەتۋ جوباسى)» قاراۋعا ۇسىنۋ جونىندەگى كەڭەستىك جوباسىن قارايدى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارايدى، ەڭ جوعارى حالىق سوتى مەكەمەسىنىڭ قىزمەت بايانداماسىن قارايدى، ەڭ جوعارى حالىق پروكۋراتۋراسىنىڭ قىزمەت بايانداماسىن قارايدى.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، باس حاتشى ليۋ چي جيىنعا قاتىناستى.
