شي جينپيڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الدى
لي چياڭ ۇكىمەت قىزمەتىنەن بايانداما جاسادى، جاۋ لىجي ٴماجىلىستى باسقاردى
ۋاكىلدەر زاڭىنىڭ تۇزەتۋ جوباسى جونىندەگى تۇسىنىك سياقتىلار تىڭدالدى
3 ـ ايدىڭ 5 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى بەيجيڭ حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ماجىلىسكە قاتىناستى.
□ سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن
3 ـ ايدىڭ 5 ـ كۇنى تۇستەن بۇرىن 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى بەيجيڭ حالىق سارايىندا اشىلدى. مەملەكەتتىك كەڭەستىڭ زۇڭليى لي چياڭ ۇكىمەت قىزمەتىنەن بايانداما جاسادى.
□ سۋرەتتى شينحۋا اگەنتتىگىنىڭ ٴتىلشىسى ليۋ بين تۇسىرگەن
3 ـ ايدىڭ 5 ـ كۇنى تۇستەن بۇرىن 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى بەيجيڭ حالىق سارايىندا اشىلدى. جاۋ لىجي اشىلۋ ٴماجىلىسىن باسقاردى.
□ سۋرەتتى شينحۋا اگەنتتىگىنىڭ ٴتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 3 ـ ايدىڭ 5 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى 3 ـ ايدىڭ 5 ـ كۇنى تۇستەن بۇرىن بەيجيڭ حالىق سارايىندا اشىلدى. مەملەكەتتىك حالىق قۇرىلتايىنىڭ 3000عا جۋىق ۋاكىلى حالىقتىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت جاۋاپكەرشىلىكتەرىن وتەيدى.
حالىق سارايىنىڭ ۇلكەن زالى سالتاناتتى دا قىزۋ مەرەيگە شومدى، ٴتوراعالار مىنبەسىندەگى شىمىلدىقتىڭ ٴدال ورتاسىنداعى مەملەكەت گەربى مەن ٴماجىلىس الاڭىنىڭ دوعاشا توبەسىندەگى بەس جۇلدىز فورمالى شام ٴبىر ـ بىرىنە شۇعىلا شاشىپ تۇر.
ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى جاۋ لىجي ٴماجىلىستى باسقاردى. ٴماجىلىس ٴتوراعالار القاسىنىڭ تۇراقتى ٴتوراعالارى، اتقارۋشى ٴتوراعالارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ليۋ چي ٴتوراعالار مىنبەسىندەگى اتقارۋشى ٴتوراعالار ورنىنا جايعاستى.
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ٴماجىلىس ٴتوراعالار القاسىنىڭ مۇشەلەرى ٴتوراعالار مىنبەسىنەن ورىن الدى.
14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە قاتىناسۋعا ٴتيىستى ۋاكىل 2929 ادام. 3 ـ ايدىڭ 5 ـ كۇنى تۇستەن بۇرىنعى ماجىلىسكە 2880 ادام قاتىناستى، 49 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9دا جاۋ لىجي جۇڭحۋا حالىق رەسپۋبليكاسى 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ اشىلعاندىعىن جاريالادى. ٴماجىلىس الاڭىنداعى بارلىق ادام ورىندارىنان تۇرىپ، مەملەكەت ٴانىن اسقاقتاتا شىرقادى.
ٴماجىلىستىڭ كەڭەس ٴتارتىبى بويىنشا مەملەكەتتىك كەڭەستىڭ زۇڭليى لي چياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما جالپى ٴۇش بولىمنەن قۇرالعان: ٴبىرىنشى، 2024 ـ جىلعى قىزمەتتەرگە شولۋ؛ ەكىنشى، 2025 ـ جىلعى ەكونوميكالىق، قوعامدىق دامۋدىڭ جالپى تۇلعالىق تالابى جانە ساياساتتىق بەتالىسى؛ ٴۇشىنشى، 2025 ـ جىلعى ۇكىمەت قىزمەتىندەگى مىندەتتەر.
لي چياڭ باياندامادا بىلاي دەپ اتاپ كورسەتتى: وتكەن ٴبىر جىلدا ەلىمىزدىڭ دامۋ بارىسى توتەنشە وزگەشە بولدى. سىرتقى قىسىم ارتقان، ىشكى قيىنشىلىق كوبەيگەن كۇردەلى دە قاتاڭ جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ٴار ۇلت حالقى ۇدەرە العا تارتىپ، قيىندىقتاردان قامال الدى، ەكونوميكالىق اينالىم جالپى تۇلعالىق جاقتان ورنىقتى بولىپ، ورنىقتىلىق بارىسىندا ىلگەرىلەپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا ـ مىندەتتەرى ٴساتتى ورىندالدى، جوعارى ساپالى دامۋ تىڭعىلىقتى ىلگەرىلەتىلدى، جاڭاشا وندىرگىش كۇشتەر ورنىقتى قاداممەن دامىدى، ەلىمىزدىڭ ەكونوميكالىق قۋاتى، عىلىم ـ تەحنولوگيا قۋاتى، جالپىلىق مەملەكەت قۋاتى ۇزدىكسىز كۇشەيدى، جۇڭگو ۇلگىسىندەگى وسىزامانداندىرۋدا تىڭ، نىق قادام تاستالىپ، ٴبىزدىڭ جاڭا داۋىردەگى جاڭا جورىقتا جاپپاي سوتسياليستىك وسىزاماندانعان مەملەكەت قۇرۋ بەكىمىمىز بەن سەنىمىمىزدى اناعۇرلىم نىعايتتى.
لي چياڭ باياندامادا بىلاي دەپ اتاپ كورسەتتى: ٴبىر جىلدان بەرى، ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاپ، پارتيانىڭ باسشىلىعىن ۇكىمەت قىزمەتىنىڭ ٴار جاعىنا، تۇتاس بارىسىنا ٴسىڭىرىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شەشىمدەرى، ورنالاستىرۋلارى بويىنشا، باستىسى، مىناداي قىزمەتتەر ىستەدىك: بىرىنشىدەن، ۋاقىتقا، جاعدايعا قاراي ماكرولىق رەتتەۋ ـ مەڭگەرۋدى كۇشەيتىپ جانە وندا جاڭالىق اشىپ، ەكونوميكانىڭ قايتادان ارتۋىن، جاقسارۋىن ىلگەرىلەتتىك؛ ەكىنشىدەن، بۇلجىماس تاباندىلىقپەن رەفورمانى جاپپاي تەرەڭدەتىپ، ەسىكتى ايقارا اشىپ، دامۋدىڭ ىشكى قوزعاۋشى كۇشىن كۇشەيتتىك؛ ۇشىنشىدەن، دامۋعا جاڭالىق اشۋ ارقىلى دەم بەرۋدى بار كۇشپەن ىلگەرىلەتىپ، كاسىپ سالاسى قۇرىلىمىنىڭ ساپالىلانۋىن، دارەجەسىنىڭ جوعارىلاۋىن جەبەدىك؛ تورتىنشىدەن، قالا، اۋىل وڭىرلەرىنىڭ سايكەستى دامۋىن ٴبىر تۇتاس جوسپارلاپ، ەكونوميكانىڭ ورنالاسىمىن ساپالىلاندىردىق؛ بەسىنشىدەن، قوعامدىق ىستەردى بەلسەنە دامىتىپ، حالىق تۇرمىسى قۇت ـ ىرىسىن ارتتىردىق؛ التىنشىدان، ەكولوگيالىق ورتانى قورعاۋدى ۇزدىكسىز كۇشەيتىپ، جاسىل، تومەن كومىر قىشقىل گازدى دامۋ دەڭگەيىن جوعارىلاتتىق؛ جەتىنشىدەن، ۇكىمەت قۇرىلىسىندا جانە باسقارۋدا جاڭالىق اشۋدى كۇشەيتىپ، قوعامنىڭ جاراسىمدىلىعى مەن ورنىقتىلىعىن ساقتادىق.
لي چياڭ باياندامادا بىلاي دەپ اتاپ كورسەتتى: ناتيجەنى تۇراقتاندىرۋمەن بىرگە، ٴدوپ كەلىپ وتىرعان قيىنشىلىقتار مەن سىن ـ سايىستاردى دا سەرگەكتىكپەن كورە ٴبىلۋىمىز كەرەك. ٴبىز قيىنشىلىقتار مەن ماسەلەلەرگە تۋرا قاراۋمەن بىرگە، دامۋ سەنىمىن اناعۇرلىم بەكەمدەۋىمىز كەرەك.
لي چياڭ باياندامادا بىلاي دەپ اتاپ كورسەتتى: بيىل ”14 ـ بەسجىلدىق“ جوبا اياقتالاتىن جىل. بيىلعى دامۋدىڭ باستى مەجەلى نىسانالارى مىنالار: ىشكى ٴوندىرىس جالپى ٴونىم قۇنىن %5 شاماسىندا ارتتىرۋ؛ قالا ـ قالاشىقتارداعى تەكسەرىپ انىقتالعان جۇمىسسىزدىق مولشەرىن %5.5 كولەمىندە مەڭگەرۋ، قالا ـ قالاشىقتاردا 12 ميلليوننان استام ادامدى تىڭنان جۇمىستاندىرۋ؛ تۇرعىنداردىڭ تۇتىنۋ باعاسىنىڭ ورلەۋ مولشەرىن %2 اينالاسىندا مەڭگەرۋ؛ تۇرعىندار كىرىسىنىڭ ارتۋى مەن ەكونوميكانىڭ ارتۋىن سايكەستىرۋ؛ حالىقارالىق كىرىس ـ شىعىستىڭ نەگىزگى تەپە ـ تەڭدىگىن ساقتاۋ؛ استىقتان ٴبىر تريلليون 400 ميلليارد جىڭ اينالاسىندا ٴونىم الۋ؛ بىرلىك ىشكى ٴوندىرىس جالپى قۇنىنىڭ ەنەرگيا جۇمسالىمىن %3 اينالاسىندا تومەندەتىپ، ەكولوگيالىق ورتا ساپاسىن ٴۇرتىس جاقسارتۋ.
لي چياڭ باياندامادا بىلاي دەپ اتاپ كورسەتتى: بيىلعى نىسانا ـ مىندەتتەردى ويداعىداي ورىنداۋدا، ٴسوز جوق، شي جينپيڭ ەكونوميكا يدەياسىن ىشكەرىلەي دايەكتىلەندىرىپ، جوعارى ساپالى دامۋ سىندى وسى ماڭداي الدى مىندەتتى مىقتى يگەرىپ، ساپا ارقىلى جەڭىسكە جەتۋ مەن كولەم اسەرىن ساۋلەلەندىرۋدىڭ بىرلىگىنە تاباندى بولىپ، ساپانىڭ ٴونىمدى جوعارىلاۋى مەن ساننىڭ ۇيلەسىمدى ارتۋىن جۇزەگە اسىرۋىمىز كەرەك.
لي چياڭ باياندامادا مىنالاردى ورتاعا قويدى: بيىلعى ەكونوميكالىق، قوعامدىق دامۋ مىندەتتەرى توتەنشە اۋىر. ٴبىز ٴتۇيىندى كورنەكتىلەندىرىپ، تەتىكتى يگەرىپ، تومەندەگى بىرنەشە جاقتاعى قىزمەتتى باسا مىقتى يگەرۋىمىز كەرەك: تۇتىنۋدى زور كۇشپەن سەرپىلتىپ، قارجى قوسۋ ونىمدىلىگىن جوعارىلاتىپ، ىشكى سۇرانىستى جان ـ جاقتى كەڭەيتەمىز؛ جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، وسىزاماندانعان كاسىپ سالاسى جۇيەسىن جەدەل قۇرامىز؛ عىلىم ـ تەحنولوگيا، وقۋ ـ اعارتۋ ارقىلى مەملەكەتتى گۇلدەندىرۋ ستراتەگياسىن ىشكەرىلەي اتقارىپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتامىز؛ بەلگى سيپاتتى رەفورما شارالارىنىڭ جەدەل تياناقتانۋىن ىلگەرىلەتىپ، ەكونوميكالىق ٴتۇزىلىس رەفورماسىنىڭ جەتەكتەۋ رولىن اناعۇرلىم ويداعىداي ساۋلەلەندىرەمىز؛ جوعارى دەڭگەيدە سىرتقا ەسىك اشۋدى كەڭەيتىپ، بەلسەندى تۇردە سىرتقى ساۋدانى ورنىقتىرامىز، شەتەل قارجىسىن ورنىقتىرامىز؛ ٴتۇيىندى سالالارداعى حاۋىپ ـ قاتەرلەردەن ٴونىمدى تۇردە ساقتانىپ جانە ونى جويىپ، جۇيەلىك حاۋىپ ـ قاتەر تۋىلماۋ تومەنگى شەگىن مىقتى ساقتايمىز؛ اۋىل شارۋاشىلىعى، اۋىل ـ قىستاق، شارۋالار قىزمەتىن كۇش سالا ويداعىداي يگەرىپ، اۋىل ـ قىستاقتىڭ جاپپاي گۇلدەنۋىن ىشكەرىلەي ىلگەرىلەتەمىز؛ جاڭاشا قالا ـ قالاشىقتانۋ مەن وڭىرلەردىڭ سايكەسە دامۋىن ىلگەرىلەتىپ، دامۋ كەڭىستىگى جاعدايىن ونان ارى ساپالىلاندىرامىز؛ كومىر قىشقىل گازىنىڭ شىعارىلۋىن ازايتۋدى، لاستانۋدى ازايتۋدى، جاسىل جامىلعىنى كوبەيتۋدى، ەكونوميكانى ارتتىرۋدى سايكەستى ىلگەرىلەتىپ، ەكونوميكالىق، قوعامدىق دامۋدا جاپپاي جاسىل تيپ جاڭالاۋدى جەدەلدەتەمىز؛ حالىق تۇرمىسىن قامتاماسىز ەتۋ جانە جاقسارتۋ سەرپىنىن ارتتىرىپ، قوعامدىق باسقارۋ ونىمدىلىگىن جوعارىلاتامىز.
باياندامادا لي چياڭ تاعى ۇكىمەتتىڭ وزىندىك قۇرىلىسىن كۇشەيتۋ، ۇلت، ٴدىن جانە چياۋمين ىستەرى قىزمەتى، مەملەكەت قورعانىسى جانە ارميا قۇرىلىسى، شياڭگاڭنىڭ، اۋمىننىڭ دامۋى جانە ەكى جاعالاۋ قاتىناسى، سونداي ـ اق ەلىمىزدىڭ ديپلوماتيا ساياساتى سياقتىلار جونىندە دە بايىمداۋ جاسادى.
ٴماجىلىستىڭ كەڭەس ٴتارتىبى بويىنشا ٴماجىلىس مەملەكەتتىك كەڭەستىڭ 2024 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2025 ـ جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى بايانداماسىن، سونداي ـ اق 2025 ـ جىلعى حالىق شارۋاشىلىعى مەن قوعامدىق دامۋ جوسپارى جوباسىن، مەملەكەتتىك كەڭەستىڭ ورتالىق پەن جەرگىلىكتى ورىنداردىڭ 2024 ـ جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىنداردىڭ 2025 ـ جىلعى مەجە ەسەپ جوباسى جونىندەگى بايانداماسىن، سونداي ـ اق ورتالىق پەن جەرگىلىكتى ورىنداردىڭ 2025 ـ جىلعى مەجە ەسەپ جوباسىن قاراپ تەكسەردى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي حۇڭجۇڭ مەملەكەتتىك حالىق قۇرىلتايى جانە جەرگىلىكتى ٴار دارەجەلى حالىق قۇرىلتايى ۋاكىلدەرى زاڭىنىڭ تۇزەتۋ جوباسى جونىندە تۇسىنىك جاسادى.
مەملەكەتتىك حالىق قۇرىلتايى جانە جەرگىلىكتى ٴار دارەجەلى حالىق قۇرىلتايى ۋاكىلدەرى زاڭىنىڭ تۇزەتۋ جوباسى جونىندەگى تۇسىنىكتە بىلاي دەپ اتاپ كورسەتىلدى: ۋاكىلدەر زاڭى _ حالىق قۇرىلتايى ۋاكىلدەرىنىڭ زاڭ بويىنشا ۋاكىلدىك قىزمەت ۇقىعىن اتقارۋىن، ۋاكىلدىك مىندەتىن ورىنداۋىن، ۋاكىلدىك رولىن ساۋلەلەندىرۋىن جۇيەگە تۇسىرەتىن جانە ونى قامتاماسىز ەتەتىن ٴتۇبىرلى زاڭ. بۇل زاڭنىڭ جاريالانىپ اتقارىلۋى ۋاكىلدەردىڭ زاڭ بويىنشا مىندەتىن اتقارۋىن، ۋاكىلدىك رولىن تولىق ساۋلەلەندىرۋىن جۇيەگە تۇسىرۋدە جانە وعان كەپىلدىك ەتۋدە، حالىقتىڭ وزىنە ـ ٴوزى قوجايىن بولۋىنا كەپىلدىك ەتۋدە ماڭىزدى رول اتقاردى. شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرۋدە، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرۋدە، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتىلەندىرۋدە، تياناقتاندىرۋدا داۋىرمەن بىرگە ىلگەرىلەپ ۋاكىلدەر زاڭىنا وزگەرىس ەنگىزىپ جانە ونى كەمەلدەندىرىپ، حالىق قۇرىلتايى ۋاكىلدەرى قىزمەتىن جوعارى ساپالى دامىتۋدى قامتاماسىز ەتىپ جانە جەبەپ، حالىق قۇرىلتايى ٴتۇزىمىنىڭ كورنەكتى باسىمدىعىن اناعۇرلىم تولىق ساۋلەلەندىرۋ قاجەت بولدى. ۋاكىلدەر زاڭىنا وزگەرىس ەنگىزۋ _ پارتيانىڭ جالپى بەتتىك باسشىلىعىنا تاباندى بولۋدىڭ، جۇڭگوشا سوتسياليستىك ساياسيدى دامىتۋ جولىمەن بۇلجىماي ٴجۇرۋدىڭ قاجەتتى تالابى؛ حالىق قۇرىلتايى قىزمەتىن جوعارى ساپالى دامىتۋدى ىلگەرىلەتۋدەگى، حالىق قۇرىلتايى تۇزىمىنە ويداعىداي تاباندى بولۋداعى، ونى ويداعىداي كەمەلدەندىرۋدەگى، ويداعىداي جۇرگىزۋدەگى ماڭىزدى قامتاماسىزدىق؛ جالپى بارىستىق حالىق دەموكراتياسىن دامىتۋدىڭ، ٴار دارەجەلى حالىق قۇرىلتايلارى مەن ونىڭ تۇراقتى كوميتەتتەرىن باستان ـ اياق حالىق بۇقاراسىمەن تىعىز بايلانىستا بولاتىن ۋاكىلدەر ورگانىنا اينالدىرۋدىڭ وبيەكتيۆ تالابى. ۋاكىلدەر زاڭىن تۇزەتۋ جوباسى جالپى 34 تارماق، باستى وزگەرىس ەنگىزىلگەن مازمۇندارى: جالپى ەرەجەدەگى ٴبىر ٴبولىم بەلگىلەمەلەردى تولىقتاۋ، ”ەكىمەن بايلانىس جاساۋ“ ٴتۇزىمى مەحانيزمىن كەڭەيتۋ جانە تەرەڭدەتۋ، حالىق قۇرىلتايى ۋاكىلدەرىنىڭ قىزمەت قابىلەتى قۇرىلىسىنا قاتىستى بەلگىلەمەلەردى كەمەلدەندىرۋ، ۋاكىلدەردىڭ دارەجەلەس حالىق قۇرىلتايىنىڭ ٴماجىلىسى مەزگىلىندەگى قىزمەتىنە قاتىستى بەلگىلەمەلەردى كەمەلدەندىرۋ، ۋاكىلدەردىڭ دارەجەلەس حالىق قۇرىلتايىنىڭ جابىق مەزگىلىندەگى قيمىلىنا قاتىستى بەلگىلەمەلەردى كەمەلدەندىرۋ، ۋاكىلدەردىڭ مىندەتىن اتقارۋىن قامتاماسىز ەتۋگە قاتىستى بەلگىلەمەلەردى كەمەلدەندىرۋ، ۋاكىلدەردىڭ كەڭەستىك جوباسىن جانە ۇسىنىسىن ٴبىتىرۋ مەحانيزمىن كەمەلدەندىرۋ، ۋاكىلدەردىڭ مىندەت وتەۋىن باسقارۋعا، باقىلاۋعا قاتىستى بەلگىلەمەلەردى كەمەلدەندىرۋ، باقىلاۋ ـ تەكسەرۋ ٴتۇزىلىسى رەفورماسىنا ۇيلەسۋگە قاجەتتى قاتىستى مازمۇنداردى تولىقتاۋ.
ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين ـ ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋ جىڭلۇڭ، شىن يچين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، سونداي ـ اق ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين قاتارلىلار دا ٴتوراعالار مىنبەسىنەن ورىن الدى.
شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى سىن حاۋحۇي ماجىلىسكە سىرتتاي قاتىناستى ٴارى ٴتوراعالار مىنبەسىنەن ورىن الدى.
مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ٴماجىلىستى سىرتتاي تىڭدادى. شەتەلدەردىڭ جۇڭگودا تۇراتىن ەلشىلەرى ٴماجىلىستى سىرتتاي تىڭدادى.
