شينحۋا اگەنتتىگىنىڭ 3 ـ ايدىڭ 8 ـ كۇنى بەيجيڭنەن بەرگەن حابارى. باس شۋجي شي جينپيڭنىڭ ايەلدەر ـ بالالار جانە ايەلدەر بىرلەستىگى قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، تۇتاس قوعامدا ايەلدەر مەن بالالارعا قۇرمەت ەتەتىن جانە ولارعا قامقورلىق جاسايتىن، ايەلدەر مەن بالالار ىستەرىنە كوڭىل بولەتىن، ايەلدەر قىزمەتىنە قولداۋ كورسەتەتىن تاماشا ورتانى بار كۇشپەن قالىپتاستىرۋ ٴۇشىن، ”8 ـ ناۋرىز“ حالىقارالىق ايەلدەر مەرەكەسى كەلۋ بايلانىسىمەن ورتالىق كوميتەت ۇگىت ٴبولىمى، مەملەكەتتىك ايەلدەر بىرلەستىگى بۇكىل قوعامعا 2025 ـ جىلعى ”ەڭ ارداقتى جەلەكتى كۇرەسكەرلەردىڭ“ ىزگى ىستەرىن بىرلەسىپ جاريالادى.
ۋاڭ جىچين، ماينۇر نياز، لي نالو، ياڭ شۋتيڭ، جين مەيلين، جاۋ حايليڭ، جاۋ چۇنليڭ، حۋاڭ حۇڭيىڭ، سۇي يۇيفاڭ، لياڭ دايحۋا قاتارلى 10 مەملەكەتتىك 8 ـ ناۋرىز قىزىلتۋشىسى ۇلگىسى 2025 ـ جىلعى ”ەڭ ارداقتى جەلەكتى كۇرەسكەرلەر“ بولىپ تاڭدالدى. ولار قايسارلىقپەن العا ۇمتىلىپ، جاۋاپكەرشىلىك ارقالاپ ۇلەس قوسىپ، جەلەكتىلەر بورىكتىلەردەن قالىسپايدى دەيتىن اسقاق سەزىم جانە قۇلشىنىس ارقىلى ”جارتى الەمدىك“ ماڭىزدى رول اتقاردى، كەيبىرەۋى جوعارى دەڭگەيدەگى عىلىم ـ تەحنولوگيادا ٴوز كۇشىنە سۇيەنۋدە، ٴوزىن الۋەتتەندىرۋدە ۇزدىك بولۋعا ۇمتىلسا، كەيبىرەۋى حايۋانات بيولوگيالىق ونىمدەرى ىستەرىنىڭ دامۋىنا ماڭىزدى ۇلەس قوستى، كەيبىرەۋى ٴوزى مۇگەدەك بولسا دا، بەرىك ەرىك ـ جىگەرىمەن مۇگەدەكتەردى شارۋاشىلىق قۇرىپ بايۋعا باستاسا، كەيبىرەۋى كاسىپ سالاسىن سۇيەنىش ەتە وتىرىپ اۋىل ـ قىستاقتى گۇلدەندىرۋگە دەم بەردى، كەيبىرەۋى ۇلت مادەنيەتىن جالعاستىرۋعا، دامىتۋعا كۇش ـ قۋات ارنادى... ولاردىڭ ىزگى ىستەرى تالىقپاي تالپىناتىن، ٴتوزىمدى دە قايسار، اقىلدى دا كەڭ پەيىل جاڭا ٴداۋىر ايەلدەرىنىڭ كەلبەتىن ايگىلەدى.
قالىڭ ايەلدەر قاۋىمى مىنالاردى ٴبىلدىردى: جاڭا جورىقتا بارلىعىمىز ٴداۋىردىڭ ەستەلىككە الۋشىلارىمىز، ارمانعا قانات قاعۋ جولىندا كۇرەسۋشىلەرىمىز، ”ەڭ ارداقتى جەلەكتى كۇرەسكەرلەردى“ ۇلگى ەتىپ، ايەلدەردىڭ قوعامدىق تۇرمىستاعى جانە وتباسى تۇرمىسىنداعى وزگەشە رولىن ويداعىداي ساۋلەلەندىرىپ، جۇڭحۋا ۇلتىنىڭ ٴداستۇرلى تاماشا ٴمورالىن بەلسەنە اسقاقتاتىپ، تاماشا وتباسى سالتىن ورناتىپ، قوعامعا جاۋاپكەرشىلىگى بار، وتباسىنا ۇلەس قوساتىن جاڭا ٴداۋىر ايەلدەرى بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە جەلەكتىلەردىڭ اقىل ـ پاراساتى مەن كۇش ـ قۋاتىن ارنايمىز.
ۇعىسۋعا قاراعاندا، 2025 ـ جىلعى ”ەڭ ارداقتى جەلەكتى كۇرەسكەرلەردى“ جاريالاۋ سالتى ارناۋلى تاقىرىپتىق كونسەرتى جۋىق ارادا قويىلادى ەكەن.
