مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ٴماجىلىسى جابىلدى
شي جينپيڭ، لي چياڭ، ساي چي، ديڭ شۋەشياڭ، لي شي، حان جىڭ قاتىناستى، ۋاڭ حۋنيڭ ٴسوز سويلەدى
3 - ايدىڭ 10 - كۇنى تۇستەن بۇرىن جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 3 - ءماجىلىسى بەيجيڭ حالىق سارايىندا جابىلدى. سۋرەتتە: شي جينپيڭ، لي چياڭ، ساي چي، ديڭ شۋەشياڭ، لي شي، حان جىڭ ءتوراعالار مىنبەسىنەن ورىن الدى.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
3 - ايدىڭ 10 - كۇنى تۇستەن بۇرىن جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 3 - ءماجىلىسى بەيجيڭ حالىق سارايىندا جابىلدى. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جابىلۋ جينالىسىن باسقاردى ءارى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ليۋ ۋيبيڭ تۇسىرگەن
شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى. جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 3 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىنداپ، 3 ـ ايدىڭ 10 ـ كۇنى تۇستەن بۇرىن حالىق سارايىندا جابىلدى. ٴماجىلىس حالىق ساياسي كەڭەسىنە قاتىناسقان ٴارقايسى ورىنداردى جانە قالىڭ ساياسي كەڭەس مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تاڭداۋلى ٴداستۇردى اسقاقتاتىپ، ساياسي جاۋاپكەرشىلىكتى ارقالاپ، جاڭا داۋىردەگى حالىق ساياسي كەڭەسى ىستەرىنىڭ ۇزدىكسىز دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ دا اناعۇرلىم زور ۇلەس قوسۋعا ۇندەدى.
ٴماجىلىستى مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ باسقاردى. مەملەكەتتىك ساياسي كەڭەستىڭ ورىنباسار ٴتوراعالارى شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ٴتوراعالار مىنبەسىنىڭ الدىڭعى قاتارىنان ورىن الدى.
شي جينپيڭ، لي چياڭ، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الدى.
تۇستەن بۇرىن ساعات 9دا جابىلۋ جينالىسى باستالدى. ۋاڭ حۋنيڭ: جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 3 ـ ماجىلىسىنە قاتىناسۋعا ٴتيىستى مۇشە 2154 ادام، ناقتى قاتىناسقانى 2082 ادام، بۇل بەلگىلەمەدەگى ادام سانىنا ۇيلەسەدى، ـ دەپ جاريالادى.
ٴماجىلىس ساياسي كەڭەس 14 ـ كەزەكتى مەملەكەتتىك كوميتەتى 3 ـ ٴماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قارارىن، ساياسي كەڭەس 14 ـ كەزەكتى مەملەكەتتىك كوميتەتى 3 ـ ٴماجىلىسىنىڭ ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنەن بەرگى ۇسىنىس جوبا قىزمەتى جاعدايىنان بايانداما جونىندەگى قارارىن، ساياسي كەڭەس 14 ـ كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 14 ـ كەزەكتى كوميتەتى 3 ـ ٴماجىلىسىنىڭ ۇسىنىس جوبالاردى قاراپ تەكسەرۋ جاعدايى جونىندەگى بايانداماسىن، ساياسي كەڭەس 14 ـ كەزەكتى مەملەكەتتىك كوميتەتى 3 ـ ٴماجىلىسىنىڭ ساياسي قارارىن ماقۇلدادى.
ۋاڭ حۋنيڭ سوزىندە بىلاي دەدى: مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ٴماجىلىسى تۋدى بيىك ۇستاعان، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرعان، شىندىققا جۇگىنىپ ناقتى ىستەگەن، ىنتىماقتاسا ەكپىندەي ىلگەرىلەگەن ٴماجىلىس بولىپ، حالىق ساياسي كەڭەسىنىڭ كورنەكتى ساياسي ابزالدىلىعىن تولىق ايگىلەدى، ەلىمىزدىڭ جالپى بارىستىق حالىق دەموكراتياسىنىڭ تاسقىنداعان تىرشىلىك تىنىسىن، ومىرشەڭ كۇشىن ايگىلەدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ٴماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، ساياسي كەڭەس مۇشەلەرىنە امانداسىپ ٴارى بىرىككەن گرۋپپالار تالقىسىنا قاتىناسىپ، مەملەكەت ٴىسىن ساياسي كەڭەس مۇشەلەرىمەن بىرگە اقىلداستى. بارلىق ساياسي كەڭەس مۇشەلەرى ۇكىمەت قىزمەتىنەن باياندامانى جانە باسقا دا باياندامالاردى مۇقيات تالقىلاپ، ساياسي كەڭەس تۇراقتى كوميتەتىنىڭ قىزمەت بايانداماسى جانە ۇسىنىس جوبا قىزمەتىنىڭ جاعدايى جونىندەگى بايانداما سياقتى حۇجاتتاردى مۇقيات قاراپ، ۇكىمەت ٴىسىن كەڭەسۋدە سۇبەلى جەتىستىككە قول جەتكىزدى. بارلىق ساياسي كەڭەس مۇشەلەرى وتكەن ٴبىر جىلدا شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ جالپى جاعدايدى ٴبىر تۇتاس مەڭگەرىپ، وزگەرىسكە بايىپتىلىقپەن توتەپ بەرىپ، بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، قيىندىقتاردان قامال الىپ، ۇدەرە العا تارتىپ، ەكونوميكالىق، قوعامدىق دامۋدىڭ باستى نىسانا ـ مىندەتتەرىن ٴساتتى ورىنداپ، جۇڭگو ۇلگىسىندەگى وسىزامانداندىرۋدى ىلگەرىلەتۋدە تىڭ دا كەلەلى تابىستارعا قول جەتكىزگەندىگىن جوعارى باعالادى؛ ٴبىر اۋىزدان ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى جۇڭگوشا سوتسياليزمنىڭ تىڭ جەڭىسىنە جەتۋ بەكىمىن جانە سەنىمىن ونان ارى نىعايتاتىندارىن ٴبىلدىردى.
ۋاڭ حۋنيڭ مىنالاردى ٴبىلدىردى: ەش بۇلجىماي جۇڭگو كوممۋنيستىك پارتياسىنىڭ جاپپاي باسشىلىعىنا تاباندى بولىپ، حالىق ساياسي كەڭەسىنىڭ سيپاتىنا، ورنىنا تاباندى بولىپ، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، جۇرت تىلەگىن ۇيىستىرۋ، ورتاق تانىم ۇيىستىرۋ، اقىل ـ پاراسات ۇيىستىرۋ، كۇش ـ قۋات ۇيىستىرۋ قىزمەتىن تىڭعىلىقتى ويداعىداي ىستەپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى تىعىز ارقاۋ ەتە وتىرىپ مىندەت وتەپ، جاۋاپكەرشىلىكتى ادا ەتىپ، ەڭ كەڭ كولەمدى وتانشىلدىق بىرلىكساپ ۇيىمىنىڭ ساياسي رولىن شىنايى ساۋلەلەندىرىپ، حالىق ساياسي كەڭەسىنىڭ سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى رەتىندەگى رولىن اناعۇرلىم ويداعىداي ساۋلەلەندىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ٴىسىن كەڭەسۋ دەڭگەيىن ۇزدىكسىز جوعارىلاتىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەسى قىزمەتى جونىندەگى تالاپتارىن تياناقتاندىرۋ، ەل ٴىشى ـ سىرتىنداعى جۇڭحۋا ۇلاندارىنىڭ اقىل ـ پاراساتىن جانە كۇش ـ قۋاتىن ۇيىستىرۋ ساياسي جاۋاپكەرشىلىگىن اناعۇرلىم ويداعىداي ارقالاۋ كەرەك.
ۋاڭ حۋنيڭ مىنالاردى ٴبىلدىردى: ٴبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ٴبىر نيەتپەن سەلبەسىپ، ىنتىماقتاسا ەكپىندەي العا ىلگەرىلەپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزۋىمىز كەرەك.
ما شيڭرۇي، ۋاڭ ي، يىن لي، ليۋ گوجۇڭ، لي گانجيە، لي شۋلەي، لي حۇڭجۇڭ، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين ـ ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ۋ جىڭلۇڭ، شىن يچين، جاڭ جۇن، يىڭ يۇڭ قاتارلى باسشى جولداستار دا جابىلۋ جينالىسىنا قاتىناستى.
جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جينالىسىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، شەتەلدەردەگى حۋاچياۋلار، ت . ب ۇسىنىس بويىنشا جابىلۋ جينالىسىنا قاتىناستى.
ٴماجىلىس ايبىندى مەملەكەت انىمەن جابىلدى.
