ٴتۇزىم باسىمدىعىن ساۋلەلەندىرىپ، ەكپىندەي ىلگەرىلەۋ كۇشىن توپتايىق
— مەملەكەتتىك ساياسي كەڭەس 14 ـ كەزەكتى كوميتەتى 3 ـ ٴماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
حالىق گازەتى باسماقالاسى
كەڭ كولەمدە ورتاق تانىم ۇيىستىرىپ ۇلى ٴىس تىندىردى، ٴبىر نيەت، ٴبىر تىلەكتە بولا وتىرىپ جاۋاپكەرشىلىك ارقالاۋدى ايگىلەدى. 3 ـ ايدىڭ 10 ـ كۇنى مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىنداپ، بەيجيڭدە جەڭىسپەن جابىلدى. ٴبىز ٴماجىلىستىڭ تابىستى بولعاندىعىن قىزۋ قۇتتىقتايمىز!
بۇل زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرعان، شىندىققا جۇگىنىپ ناقتى ىستەگەن، ىنتىماقتاسا ەكپىندەي ىلگەرىلەگەن ٴماجىلىس بولدى. ٴماجىلىس كەزىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ٴماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، ماجىلىسكە قاتىناسقان مۇشەلەرگە امانداستى ٴارى بىرىككەن گرۋپپا جيىنىنا قاتىناسىپ، مۇشەلەرمەن بىرگە مەملەكەت ٴىسىن اقىلداستى. قالىڭ ساياسي كەڭەس مۇشەلەرى مەملەكەتتىك ساياسي كەڭەس تۇراقتى كوميتەتىنىڭ قىزمەتىنەن باياندامانى جانە ۇسىنىس جوبا قىزمەتىنىڭ جاعدايى جونىندەگى باياندامانى تىڭداپ جانە قاراپ، 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى، سونداي ـ اق باسقا دا قاتىستى باياندامالاردى تىڭداپ ٴارى تالقىلاپ، ىشكەرىلەي كەڭەسىپ، تالقىلاپ، بەلسەنە اقىل ـ كەڭەس بەرىپ، ۇكىمەت ٴىسىن كەڭەسۋدە سۇبەلى جەتىستىككە قول جەتكىزدى. ”14 ـ بەسجىلدىق“ جوبا اياقتالاتىن جىلدا ٴماجىلىس وڭ ەنەرگيا توپتادى، جىگەر ـ قايراتتى سەرپىلتتى، ەلىمىزدىڭ جالپى بارىستىق حالىق دەموكراتياسىنىڭ ٴتۇزىم ابزالدىلىعى مەن تاسقىنداعان ومىرشەڭ كۇشىن تولىق ايگىلەدى.
جۇڭگو ۇلگىسىندەگى وسىزامانداندىرۋ — جالپى حالىقتىڭ ورتاق ٴىسى، سونداي ـ اق بۇكىل جۇڭحۋا ۇلاندارىنىڭ ورتاق ارمانىن ارقالاعان، وعان نەشە ۇرپاق ادامداردىڭ ورتاق كۇرەسى سىڭگەن. قازىر مەملەكەتتى قۇدىرەتتەندىرۋ قۇرىلىسىنىڭ ايبىندى كارتيناسى جايىلدى ٴارى تەڭدەسسىز نۇرلى بولاشاعىن ايگىلەدى، جۇڭحۋا ۇلتى بوگەۋ بەرمەس قاداممەن ۇلى گۇلدەنۋگە قادام تاستاۋدا. نىساناعا نەعۇرلىم جاقىنداعان سايىن، سولعۇرلىم ستراتەگيالىق تاباندىلىقتى ساقتاپ، قۇدىرەتتى بىرىككەن كۇش توپتاپ، بارلىق جۇڭحۋا ۇلاندارىن بىرگە ويلاۋعا، بىرگە ىستەۋگە جۇمىلدىرۋىمىز كەرەك. جۇڭگوشا سوتسياليزمگە تاباندى بولۋ جانە ونى دامىتۋ — ورتاق يدەيالىق ـ ساياسي نەگىزدى بەكەمدەۋدىڭ نەگىزگى ٴوسى، شي جينپيڭ جاڭا ٴداۋىر جۇڭگوشا سوتسياليزم يدەياسى — ساياسي كەڭەس قىزمەتىن جاپپاي مەڭگەرەتىن باس باعدارناما، جۇڭگو كوممۋنيستىك پارتياسىنىڭ باسشىلىعىنا تاباندى بولۋ — حالىق ساياسي كەڭەسى ىستەرىنىڭ دامۋى مەن العا باسۋىنىڭ ٴتۇبىرلى كەپىلى. ساياسي دەڭگەيدى جوعارىلاتىپ، سيپاتى مەن ورنىن مىقتاپ يگەرىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەسى قىزمەتى جونىندەگى تالاپتارىن تياناقتاندىرۋ، ەل ٴىشى ـ سىرتىنداعى جۇڭحۋا ۇلاندارىنىڭ اقىل ـ پاراساتى مەن كۇش ـ قۋاتىن ۇيىستىرۋ سىندى ساياسي جاۋاپكەرشىلىكتى شىنايى ارقالاعاندا، حالىق ساياسي كەڭەسى، ٴسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەڭ كولەمدە جۇرت تىلەگىن ۇيىستىرىپ، ورتاق تانىم ۇيىستىرىپ، اقىل ـ پاراسات ۇيىستىرىپ، كۇش ـ قۋات ۇيىستىرىپ، پارتيا مەن مەملەكەت ىستەرىنىڭ دامۋىنا تىڭ دا اناعۇرلىم زور ۇلەس قوسا الادى.
ىنتىماق — كۇش، ىنتىماق بولعاندا عانا جەڭىسكە جەتۋگە بولادى. ٴبىز ىلگەرىلەتىپ جاتقان مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسى تىپ ـ تىنىش كۇيدە تابىسقا جەتۋ ەمەس، جايناعان گۇلدەر مەن شاپالاق ٴۇنى ىشىندە ەڭبەك جەمىسىنەن يگىلىكتەنۋ ەمەس، العا باسۋ جولىمىزدا ٴتۇرلى حاۋىپ ـ قاتەرلەر، بوگەتتەر، اساۋ تولقىندار، ٴتىپتى، داۋىلدى تولقىندار بولاتىنى ٴسوزسىز. ىنتىماقتاسا كۇرەس جاساۋ — جۇڭگو حالقىنىڭ تاريحي ۇلى ىستەردى جاراتۋدا، ٴسوزسىز، باسىپ وتەتىن جولى. تەك پارتيانىڭ باسشىلىعىندا، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، ەڭ ۇلكەن سەنترلەس شەڭبەردى جاقسى سىزساق بولعانى، ىستەي المايتىن ٴىس، جەڭبەيتىن قيىنشىلىق بولمايدى. ەڭ كەڭ كولەمدى وتانشىلدىق بىرلىكساپ ۇيىمى بولعان حالىق ساياسي كەڭەسى ۇلى ىنتىماق پەن ۇلى بىرلىككە تاباندى بولىپ، بىركەلكىلىك پەن الۋان تۇرلىلىكتىڭ قاتىناسىن دۇرىس ٴبىر جاقتى ەتۋگە تاباندى بولىپ، ىنتىماقتاسا كۇرەس جاسايتىن ورتاق يدەيالىق ـ ساياسي نەگىزدى ۇزدىكسىز بەكەمدەپ، جۇڭحۋا ۇلاندارىنىڭ ۇلى ىنتىماعىن سانالىلىقپەن جەبەپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇڭگو ارمانىن ٴبىر نيەتپەن بىرگە جۇزەگە اسىرۋدىڭ تەلەگەي كۇشىن قالىپتاستىرۋدى ىلگەرىلەتۋى كەرەك.
كەڭەستىك دەموكراتيا — جالپى بارىستىق حالىق دەموكراتياسىنىڭ ماڭىزدى قۇرامداس بولىگى. باس شۋجي شي جينپيڭ بىلاي دەپ اتاپ كورسەتتى: ”كەڭەستىك دەموكراتيانى جاپپاي دامىتۋدا پارتيانىڭ جالپى بەتتىك باسشىلىعىنا تاباندى بولىپ، جۇڭگوشا سوتسياليستىك ساياسي دامۋ جولىمەن بۇلجىماي ٴجۇرۋ كەرەك“. جاساندى زەردە، تومەن كەڭىستىك ەكونوميكاسى سياقتى جاڭاشا وندىرگىش كۇشتەردى جەدەل دامىتۋدان ەكونوميكا مەن قوعامنىڭ جاسىل، تومەن كومىر قىشقىل گازدى تيپ جاڭالاۋىن ىلگەرىلەتۋگە، ودان حالىقتىق شارۋاشىلىقتىڭ جوعارى ساپالى دامۋىن جەبەۋگە دەيىن ٴماجىلىس كەزىندە ساياسي كەڭەس مۇشەلەرى ”مەملەكەتتىڭ زور ىسىمەن“، حالىق ٴجىتى قاداعالاپ وتىرعان ماسەلەلەرمەن تىعىز بايلانىستىرىپ، جاقسى ۇسىنىستار قويىپ، جاقسى ٴۇن قاتىپ، ەلىمىزدىڭ كەڭەستىك دەموكراتياسىنىڭ وزگەشە باسىمدىعىن تولىق ايگىلەدى. بولاشاقتى بەتكە العاندا، دەموكراتيانى ساۋلەلەندىرۋ مەن ىنتىماقتى نىعايتۋدىڭ ٴوزارا ساباقتاسۋى، سىندارلى ۇسىنىس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋ ٴتارتىبى مەحانيزمىن ونان ارى كەمەلدەندىرىپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ۇزدىكسىز ىلگەرىلەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، كەڭەس بەرۋ قابىلەتىن، ونەرىن جوعارىلاتۋ، كەڭەسۋ ارقىلى شىن مانىندە ٴادىس ـ امال كورسەتىپ، ورتاق تانىم ۇيىستىرىپ، سۇيىسپەنشىلىكتى بەينەلەپ، ىنتىماقتى ايگىلەگەندە، ٴسوز جوق، جوعارى ساپالى كەڭەسۋ، جوعارى دەڭگەيدە ۇسىنىس قويۋ ارقىلى جۇڭگو ۇلگىسىندەگى وسىزامانداندىرۋ قۇرىلىسى كەلەلى جاعدايىنا اناعۇرلىم ويداعىداي قىزمەت ەتۋگە بولادى.
بەلگىلەنگەن كۇرەس نىساناسىنا قاراي ىلگەرىلەگەن، ”جۇڭگو“ اتتى الىپ كەمە كۇش ۇستىنە كۇش قوسىپ، رولدى مىقتى ۇستاپ، قايراتتى تاسقىنداتىپ، جەلكەن جايىپ الىسقا اتتاندى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ٴبىر نيەت، ٴبىر تىلەكپەن ٴورىس اشا العا ۇمتىلىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا تىڭ دا اناعۇرلىم زور شۇعىلالى ناتيجەلەردى بىرگە جاراتايىق.
(شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى)
