جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 14 ـ كەزەكتى كوميتەتى 3 ـ ٴماجىلىسىنىڭ ۇسىنىس جوبالاردى قاراپ تەكسەرۋ جاعدايى جونىندەگى بايانداماسى
(ساياسي كەڭەس 14 ـ كەزەكتى مەملەكەتتىك كوميتەتىنىڭ 3 ـ ماجىلىسىندە 2025 ـ جىلى 3 ـ ايدىڭ 10 ـ كۇنى ماقۇلداندى)
مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ٴماجىلىسى كەزىندە، قالىڭ ساياسي كەڭەس مۇشەسى، ساياسي كەڭەسكە قاتىناسۋشى ورىندار جانە ساياسي كەڭەستىڭ ارناۋلى كوميتەتتەرى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ۇسىنىس جوبالاردى بەلسەندى تاپسىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە، رەفورمانى ونان ارى جاپپاي تەرەڭدەتۋگە، جوعارى ساپالى دامۋدى ىلگەرىلەتۋگە، قوعامنىڭ جاراسىمدىلىعىن، ورنىقتىلىعىن قورعاۋعا اقىل كورسەتىپ، كۇش قوستى.
3 ـ ايدىڭ 5 ـ كۇنى ساعات 20عا دەيىن جيىنى 5890 ۇسىنىس جوبا تاپسىرىپ الىندى. «جۇڭگو حالىق ساياسي ٴماسليحات كەڭەسى مەملەكەتتىك كوميتەتىنىڭ ۇسىنىس جوبا قىزمەت ەرەجەسىنە» جانە ۇسىنىس جوبالاردى قاراپ تەكسەرۋ قىزمەتىنىڭ ەگجەي ـ تەگجەيلى ەرەجەسىنە نەگىزدەلىپ، قاراپ تەكسەرۋ ارقىلى 5002 ۇسىنىس جوبا ەستەلىككە الىندى، 262 ۇسىنىس جوبا بىرىكتىرىلدى، 626 ۇسىنىس جوبا پىكىرگە جانە ۇسىنىسقا وزگەرتىلدى.
ەستەلىككە الىنعان ۇسىنىس جوبالاردىڭ ىشىندە مۇشەلەر قويعان ۇسىنىس جوبا 4531 بولىپ، %90.6ىن يەلەدى؛ كوللەكتيۆ قويعان ۇسىنىس جوبا 471 بولىپ، %9.4ىن يەلەدى. مۇنىڭ ىشىندە ەكونوميكالىق قۇرىلىس جاعىنداعى ۇسىنىس جوبا 2133 بولىپ، %42.6ىن يەلەدى؛ ساياسي قۇرىلىس جاعىنداعى ۇسىنىس جوبا 419 بولىپ، %8.4ىن يەلەدى؛ مادەنيەت قۇرىلىسى جاعىنداعى ۇسىنىس جوبا 459 بولىپ، %9.2ىن يەلەدى؛ قوعامدىق قۇرىلىس جاعىنداعى ۇسىنىس جوبا 1387 بولىپ، %27.7ىن يەلەدى؛ ەكولوگيالىق وركەنيەت قۇرىلىسى جاعىنداعى ۇسىنىس جوبا 604 بولىپ، %12.1ىن يەلەدى.
وسى رەتكى ماجىلىستەگى ۇسىنىس جوبالار تومەندەگىدەي ەرەكشەلىككە يە: ٴبىرىنشى، دۇرىس ساياسي بەتالىسقا تاباندى بولدى. مۇشەلەر وسكەلەڭ جاۋاپكەرشىلىك ارقالايتىن ساياسي جاۋاپكەرشىلىك جانە قاتاڭ دا مۇقيات عىلمي پوزيتسيامەن وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، ”14 ـ بەسجىلدىق“ جوبانىڭ تابىستى اياقتالۋىن ىلگەرىلەتۋ، ”15 ـ بەسجىلدىق“ جوبانى عىلمي جوسپارلاۋ ٴۇشىن ناقتى سىندارلى اقىل ـ كەڭەس بەردى. ەكىنشى، ساپاسى اناعۇرلىم جوعارى بولدى. مۇشەلەر ۇسىنىس جوبانىڭ سانىنا ەمەس، ساپاسىنا قاراۋ پرينسيبىنە تاباندى بولىپ، كاسىپتىك ارتىقشىلىعىن كورنەكتىلەندىرىپ، ىشكەرىلەي تەكسەرۋ ـ زەرتتەۋ جۇرگىزدى، ۇسىنىس جوبالارى، ۇسىنىستارى ٴتىپتى دە بولجامدى، باعىتتامالى، جارامدى بولدى. ٴۇشىنشى، سالالىق ەرەكشەلىگى اناعۇرلىم كورنەكتىلەندى. ساياسي كەڭەسكە قاتىناسۋشى ورىندار، ساياسي كەڭەستىڭ ارناۋلى كوميتەتتەرى جانە سالالار، مۇشەلەر گرۋپپالارى سالانىڭ ەرەكشەلىككە يە باسىمدىعىن ساۋلەلەندىرۋگە باسا ٴمان بەرىپ، كەڭ كولەمدە ىشكەرىلەي كەڭەسۋ نەگىزىندە كوللەكتيۆ ۇسىنىس جوبالاردى قويدى. ٴتورتىنشى، زەيىن ـ زەردەنى شوعىرلاندىرۋ، كۇش ـ قۋاتتى ۇيىستىرۋ رولىن اناعۇرلىم ساۋلەلەندىردى. مۇشەلەر ۇسىنىس جوبا ارقىلى حالىق ساياسي كەڭەسىنىڭ ارناۋلى كەڭەس قۇرىلىمى رولىن تولىق ساۋلەلەندىرىپ، كەڭەستىك دەموكراتيانى جاپپاي دامىتۋ ماڭىزدى تالابىن امالياتتا ايگىلەپ، مىندەت وتەپ، جاۋاپكەرشىلىكتى ادا ەتەتىن جاۋاپكەرشىلىكپەن ىسكەرلىك كورسەتىپ، دامۋ سەنىمىن بەكەمدەپ، ەكپىندەي ىلگەرىلەۋ كۇش ـ قۋاتىن ۇيىستىردى.
ٴماجىلىس جابىلعاننان كەيىن ۇسىنىس جوبالار اتقارۋعا جاۋاپتى ورىنداردىڭ ٴبىر جاقتى ەتۋىنە تاپسىرىلادى. بۇل رەتكى ٴماجىلىستىڭ ۇسىنىس جوبالاردى قابىلداۋ ۋاقىتى اياقتاعاننان كەيىن تاپسىرىپ الىنعان ۇسىنىس جوبالار ادەتتەگى ۇسىنىس جوبا رەتىندە دەر كەزىندە قاراپ تەكسەرىلىپ ٴبىر جاقتى ەتىلەدى.
جوعارىداعى باياندامانى قاراپ شىعۋلارىڭىزدى وتىنەمىز.
(شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى)
