جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتى 3 ـ ٴماجىلىسىنىڭ ساياسي قارارى
(ساياسي كەڭەس 14 ـ كەزەكتى مەملەكەتتىك كوميتەتىنىڭ 3 ـ ماجىلىسىندە 2025 ـ جىلى 3 ـ ايدىڭ 10 ـ كۇنى ماقۇلداندى)
جۇڭگو حالىق ساياسي ٴماسليحات كەڭەسى 14 ـ كەزەكتى مەملەكەتتىك كوميتەتىنىڭ 3 ـ ٴماجىلىسى 2025 ـ جىلى 3 ـ ايدىڭ 4 ـ كۇنىنەن 10 ـ كۇنىنە دەيىن بەيجيڭدە وتكىزىلدى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسىپ، مۇشەلەرمەن بىرگە مەملەكەت ٴىسىن اقىلداستى. ٴماجىلىس شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، قىزمەت جاۋاپكەرشىلىگىن بەلسەنە وتەپ، ناقتى ىستەر جونىندە كەڭەسىپ، ۇكىمەت ٴىسىن اقىلداسىپ، ٴتۇرلى كەڭەستىك تارتىپتەردى ورىنداپ، ماڭىزدى تابىستارعا قول جەتكىزدى.
ٴماجىلىس ۋاڭ حۋنيڭنىڭ ساياسي كەڭەس 14 ـ كەزەكتى مەملەكەتتىك كوميتەتى تۇراقتى كوميتەتى اتىنان جاساعان قىزمەت بايانداماسىن قاراپ بەكىتتى، جياڭ زوجۇننىڭ ۇسىنىس جوبا قىزمەتى جاعدايىنان جاساعان بايانداماسىن قاراپ بەكىتتى. مۇشەلەر 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە سىرتتاي قاتىناسىپ، لي چياڭنىڭ ۇكىمەت قىزمەتىنەن جاساعان بايانداماسىن تىڭدادى جانە تالقىلادى، ەڭ جوعارى حالىق سوتى مەكەمەسىنىڭ قىزمەت بايانداماسىن، ەڭ جوعارى حالىق پروكۋراتۋراسىنىڭ قىزمەت بايانداماسىن تىڭدادى جانە تالقىلادى، باسقا دا قاتىستى بايانداما سياقتىلاردى تالقىلادى، قۇپتايتىندىقتارىن ٴبىلدىردى ٴارى پىكىرلەرى مەن ۇسىنىستارىن العا قويدى.
ٴماجىلىس بىلاي دەپ قارادى: وتكەن ٴبىر جىلدا شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، وزگەرىسكە سابىرلىلىقپەن توتەپ بەرىپ، كەشەندى شارا اتقارىپ، قامال الىپ قيىندىقتاردى جەڭىپ، قايراتتانا ەكپىندەي ىلگەرىلەدى، ەكونوميكالىق اينالىم جالپى تۇلعالىق جاقتان ورنىقتى بولىپ، ورنىقتىلىق بارىسىندا ىلگەرىلەدى، جوعارى ساپالى دامۋ تىڭعىلىقتى ىلگەرىلەتىلدى، رەفورما جاساۋ، ەسىك اشۋ ۇزدىكسىز تەرەڭدەتىلدى، سوتسياليستىك مادەنيەت گۇلدەنىپ ـ دامىدى، حالىق تۇرمىسىن قامتاماسىز ەتۋ تىڭعىلىقتى دا پارمەندى بولدى، ەكولوگيالىق ورتانىڭ ساپاسى ۇزدىكسىز جاقساردى، قوعامدىق كەلەلى جاعداي ورنىقتىلىقتى ساقتادى، جۇڭگوشا ٴىرى ەل ديپلوماتياسىندا جاڭا جاعداي اشىلدى، ەكونوميكالىق، قوعامدىق دامۋدىڭ باستى نىسانا ـ مىندەتتەرى ٴساتتى ورىندالدى، جۇڭگو ۇلگىسىندەگى وسىزامانداندىرۋدا تىڭ دا ەلەۋلى تابىستارعا قول جەتتى، بۇل بۇكىل پارتيانىڭ، بۇكىل ەلدەگى ٴار ۇلت حالقىنىڭ جاڭا داۋىردەگى جۇڭگوشا سوتسياليزمنىڭ جاڭا جەڭىسىنە قول جەتكىزۋ بەكىمى مەن سەنىمىن اناعۇرلىم بەكەمدەدى.
اماليات جۇڭگو كوممۋنيستىك پارتياسى ورتالىق كوميتەتىنىڭ ورتالىقتانعان ٴبىر تۇتاس باسشىلىعى پارتيا مەن مەملەكەتتىڭ ٴتۇرلى قىزمەتتەرىن ويداعىداي ىستەۋدەگى ٴتۇبىرلى كەپىل ەكەندىگىن، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ قۇدىرەتتى اقيقات كۇشى مەن امالياتتىق ۇلى كۇشكە يە ەكەندىگىن تولىق دالەلدەدى. حالىق ساياسي كەڭەسى ساياسي دەڭگەيدى جوعارىلاتىپ، ”ەكىنى تۇراقتاندىرۋدىڭ“ شەشۋشى ٴمانىن اناعۇرلىم تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان ـ اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋى كەرەك.
ٴماجىلىس بىلاي دەپ قارادى: باس شۋجي شي جينپيڭنىڭ جۇڭگو حالىق ساياسي ٴماسليحات كەڭەسى قۇرىلعاندىعىنىڭ 75 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ ويى ورەلى، سىندارلى دا تەرەڭ، مازمۇنى باي، ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىك جاعدايىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا تاباندى بولۋ سىندى اقيقات نۇر ـ شۇعىلاسىن شاشىپ، جاڭا داۋىردەگى جاڭا جورىقتا حالىق ساياسي كەڭەسى ىستەرىنىڭ دامۋىنا العا باسۋ بەتالىسىن ايقىن نۇسقاپ، ٴتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جەتە ۇيرەنىپ، جەتە يگەرىپ، شىنايى تياناقتاندىرىپ، جۇڭگو كوممۋنيستىك پارتياسىنىڭ باسشىلىعى حالىق ساياسي كەڭەسى ىستەرىنىڭ دامۋى مەن العا باسۋىنىڭ ٴتۇبىرلى كەپىلى ەكەنىن تەرەڭ ٴتۇسىنىپ، حالىق ساياسي كەڭەسى ٴتۇزىمى مەن حالىق ساياسي كەڭەسى ۇيىمىنىڭ ايقىن ساياسي سيپاتىن تەرەڭ تانىپ، جاڭا جورىقتاعى حالىق ساياسي كەڭەسى قىزمەتىنىڭ كۇش سالۋ ٴتۇيىنىن تەرەڭ يگەرىپ، ساياسي كەڭەسى قىزمەتىن ويداعىداي ىستەۋ ساياسي جاۋاپكەرشىلىك سەزىمى مەن تاريحي بورىشتىلىق سەزىمىن كۇشەيتۋ كەرەك.
ٴماجىلىس بىلاي دەپ قارادى: وتكەن ٴبىر جىلدا ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، حالىق ساياسي كەڭەسىنىڭ سيپاتىنا، ورنىنا تاباندى بولىپ، حالىق ساياسي كەڭەسىنىڭ حالىق ٴۇشىن قىزمەت ىستەۋىنە تاباندى بولىپ، رەفورمانى ونان ارى جاپپاي تەرەڭدەتۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى ارقاۋ ەتىپ ۇكىمەت ٴىسىن كەڭەسىپ، اقىل ـ كەڭەس بەرىپ، ساياسي كەڭەس قىزمەتىن تۇزىمدەندىرۋ، جۇيەلىلەندىرۋ، تارتىپتەندىرۋ دەڭگەيىن ۇزدىكسىز جوعارىلاتتى، قىزمەتتەردە تىڭ ىلگەرىلەۋشىلىكتەرگە، تىڭ تابىستارعا قول جەتتى.
ٴماجىلىس مىنالاردى باسا دارىپتەدى: بيىل — ”14 ـ بەسجىلدىق“ جوبا اياقتالاتىن جىل، سونداي ـ اق رەفورمانى ونان ارى جاپپاي تەرەڭدەتۋدەگى ماڭىزدى ٴبىر جىل. جۇڭگو ۇلگىسىندەگى وسىزامانداندىرۋعا قىزمەت وتەۋدى قىزمەتتىڭ نەگىزگى جەلىسى ەتىپ، نازاردى رەفورمانى ونان ارى جاپپاي تەرەڭدەتۋ، جوعارى ساپالى دامۋدى ىلگەرىلەتۋ، قوعامنىڭ جاراسىمدىلىعى مەن ورنىقتىلىعىن قورعاۋ سياقتى جاقتارداعى ٴتۇيىندى، قيىن، قولامتالى ماسەلەلەرگە شوعىرلاندىرىپ، ىشكەرىلەي تەكسەرۋ ـ زەرتتەۋ جۇرگىزىپ، ۇكىمەت ٴىسىن ىشكەرىلەي كەڭەسىپ، دەموكراتيالىق باقىلاۋ ورىستەتىپ، ”14 ـ بەسجىلدىق“ جوبا نىسانا ـ مىندەتتەرىنىڭ جوعارى ساپالى ورىندالۋىنا دەم بەرۋ كەرەك. حالىق شارۋاشىلىعى مەن قوعامدىق دامۋعا ساياتىن كەلەلى ستراتەگيالىق سيپاتقا، بولجامدىق سيپاتقا يە ماسەلەلەردى كوزدەي وتىرىپ، سالا اتتاعان ارناۋلى تاقىرىپتاعى زەرتتەۋدى ۇيىمداستىرىپ، ورىستەتىپ، جۇڭگو كوممۋنيستىك پارتياسى ورتالىق كوميتەتىنىڭ ” 15 ـ بەسجىلدىق“ جوبا ۇسىنىسىن جاساۋىنا شىنايى كەڭەس بەرىپ، تاماشا ٴادىس قاراستىرۋ كەرەك.
ٴماجىلىس مىنالاردى باسا دارىپتەدى: جۇرت تىلەگى — ەڭ ۇلكەن ساياسي، ورتاق تانىم — ەكپىندەي ىلگەرىلەۋدىڭ قوزعاۋشى كۇشى. حالىق ساياسي كەڭەسى يدەيالىق ـ ساياسي جەتەكشىلىكتى كۇشەيتۋدى، ورتاق تانىمدى كەڭىنەن ۇيىستىرۋدى وزەكتى بۋىن ەتۋگە تاباندى بولىپ، بىرلىكساپتىڭ جۇرت تىلەگىن توعىستىرۋ، كۇش ـ قۋاتتى شوعىرلاندىرۋ سىندى ساياسي رولىن اناعۇرلىم ويداعىداي ساۋلەلەندىرىپ، حالىق ساياسي كەڭەسىنە قاتىناسقان پارتيا ـ توپتاردى، ۇيىمداردى جانە ٴار ۇلت، ٴار سالا قايراتكەرلەرىن باستان ـ اياق جۇڭگو كوممۋنيستىك پارتياسىمەن بىرگە ويلاپ، بىرگە تۇرىپ، بىرگە ىستەۋگە جەتەكتەۋى كەرەك. مۇشەلەردىڭ كىتاپ وقۋىن، نازاريا ۇيرەنۋىن جانە ساياسي جاقتان باۋلىنۋىن ۇدايىلاندىرا ورىستەتىپ، ىنتىماقتاسا كۇرەس جۇرگىزۋدىڭ ورتاق يدەيالىق ـ ساياسي نەگىزىن ۇزدىكسىز بەكەمدەۋ كەرەك. پارتيا مەن ۇكىمەتتىڭ ساياساتتى ۇگىتتەۋ، قايشىلىقتى شەشۋ، مەجەنى ورنىقتىرۋ، سەنىمدى سەرپىلتۋ قىزمەتىن ويداعىداي ىستەۋىنە سايكەسىپ، ٴار سالاداعى بۇقارا مەن قاتىستى جاقتاردى ەكونوميكالىق جاعدايعا، دامۋ اۋقىمىنا جان ـ جاقتى، ديالەكتيكالىق تۇرعىدان مامىلە جاساۋعا جەتەكتەپ، نەگىزگى اۋەندى اسقاقتاتىپ، وڭ ەنەرگيا جەتكىزۋ كەرەك. سىرلاسۋ، پىكىر اۋىستىرۋ، دوستىق، دوستاسۋ قىزمەتىن ىشكەرىلەي ىستەپ، مۇشەلەردىڭ ٴوز سالاسىنداعى بۇقارامەن بايلانىس جاساۋ جانە مىندەت اتقارۋدا ”حالىق ٴۇشىن قىزمەت وتەۋ“ قيمىلىن تىڭعىلىقتى ىستەپ، حالىقتىڭ جاعدايىن اناعۇرلىم جاقسى ٴبىلىپ، حالىقتىڭ مۇڭ ـ مۇقتاجىن شەشىپ، حالىقتىڭ جۇرەگىن جىلىتۋ كەرەك. ەلىمىزدىڭ جاڭاشا ساياسي پارتيا ٴتۇزىمى باسىمدىعىن ساۋلەلەندىرىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتىپ، ەلىمىزدە ٴدىندى جۇڭگوشالاندىرۋ بەتالىسىنا تاباندى بولىپ، پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىق قايراتكەرلەرىمەن، جاڭا قوعامدىق جىك قايراتكەرلەرىمەن بايلانىستى كۇشەيتۋ، ”ٴبىر ەل، ەكى ٴتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي، دالمە ـ ٴدال، بۇلجىتپاي دايەكتىلەندىرۋ، وتاندى بىرلىككە كەلتىرۋ ۇلى ٴىسىن تاباندىلىقپەن ىلگەرىلەتىپ، ساياسي پارتيالار قاتىناسىنىڭ، ۇلتتار قاتىناسىنىڭ، ٴدىن قاتىناسىنىڭ، جىكتەر قاتىناسىنىڭ، ەل ٴىشى ـ سىرتىنداعى باۋىرلاستار قاتىناسىنىڭ جاراسىمدىلىعىن جەبەپ، ەڭ كەڭ وتانشىلدىق بىرلىكساپتى بەكەمدەۋ جانە دامىتۋ كەرەك. حالىق ساياسي كەڭەسىنىڭ كەڭەستىك دەموكراتيا مەحانيزمىن اقاۋسىزداندىرىپ، ارناۋلى كوميتەتتەردىڭ نەگىزدىك رولى مەن سالالاردىڭ ەرەكشە رولىن اناعۇرلىم ويداعىداي ساۋلەلەندىرىپ، ارناۋلى كەڭەس قۇرىلىمىنىڭ ونىمدىلىگىن جوعارىلاتۋ كەرەك. ساياسي كەڭەستىڭ سىرتپەن دوستىق بارىس ـ كەلىسىن جاسامپازدىقپەن ورىستەتىپ، جۇڭگو حيكاياسىن، جۇڭگو حالىق دەموكراتياسى حيكاياسىن جاقسى بايانداپ، جۇڭگونى بىلەتىن، جۇڭگومەن دوس وتەتىن دوستار شەڭبەرىن كەڭەيتۋگە دەم بەرۋ كەرەك.
ٴماجىلىس مىنالاردى باسا دارىپتەدى: قالىڭ ساياسي كەڭەس مۇشەلەرى ساياسي سالاۋاتتى قاستەرلەپ، ساياسي قاسيەتتى شىڭداپ، ساياسي قابىلەتتى جوعارىلاتىپ، ساياسي كەڭەستى ٴتۇسىنۋدى، كەڭەسە ٴبىلۋدى، ۇكىمەت ٴىسىن كەڭەسۋگە شەبەر بولۋدى، تارتىپكە بويسۇنۋدى، قاعيدانى دارىپتەۋدى، مىنەز ـ قۇلىققا ٴمان بەرۋدى ورىنداپ، مىندەتىن جوعارى دەڭگەيدە اتقارۋ ارقىلى ساياسي كەڭەس مۇشەلەرىنىڭ ٴداۋىر كەلبەتىن ايگىلەۋى كەرەك. ساياسي قۇرىلىستى ٴبىر تۇتاس باسشىلىققا الىپ، ساياسي كەڭەس ورگاندارىنىڭ ٴتۇرلى قۇرىلىسىن ىلگەرىلەتىپ، ساياسي جاقتا كۇشتى، ساپاسى جوعارى، كاسىپتە ىسىلعان، ستيلى جاقسى ورگان كادرلارى قوسىنىن تۇلعالاپ، پارتيا الاڭسىز بولاتىن، حالىق رازى بولاتىن ۇلگىلى ورگان قۇرۋ كەرەك.
ٴماجىلىس حالىق ساياسي كەڭەسىنە قاتىناسقان ورىندار مەن قالىڭ ساياسي كەڭەس مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تاڭداۋلى ٴداستۇردى ساۋلەلەندىرىپ، ساياسي جاۋاپكەرشىلىكتى ارقالاپ، جاڭا داۋىردەگى حالىق ساياسي كەڭەسى ىستەرىنىڭ ۇزدىكسىز دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ دا اناعۇرلىم زور ۇلەس قوسۋعا ۇندەدى.
(شينحۋا اگەنتتىگىنىڭ 3 ـ ايدىڭ 10 ـ كۇنى بەيجيڭنەن بەرگەن حابارى)
