”تاۋىستىڭ شىعىس وڭتۇستىككە ۇشۋىنىڭ، ارينە، وزىندىك كوركەمدىگى بار، قىراننىڭ باتىس سولتۇستىككە ساپارىنىڭ“ دا وزگەشە كەلبەتى بار، 14 ـ كەزەكتى مەملەكەتتىك حالىق قۇرىلتايى 3 ـ ماجىلىسىندەگى شينجياڭ ۋاكىلدەر ۇيىرمەسىنىڭ ۇيىرمە ـ گرۋپپالاردى اشىق ۇستاۋ قيمىلىندا ۋاكىل ليۋ حۇڭتاۋ ٴار سالاداعى تالانتتى دارىندىلاردى شينجياڭعا كەلىپ ٴومىر قۇنىن جۇزەگە اسىرۋعا شاقىردى. مەيلى عىلىم ـ تەحنولوگيادا جاڭالىق اشۋعا ىنتالاندىرۋ تۇرعىسىن شىعار ٴتۇيىن ەتەيىك، الدە ونىڭ اينالىساتىن ەنەرگيا كاسىبىنىڭ رەال جاعدايىن الايىق، بۇلاردىڭ ٴبارى جاستارعا شىن ىقىلاسپەن بەرىلگەن ۇسىنىس.
سول كۇنى شينجياڭ ۋاكىلدەر ۇيىرمەسىنىڭ ۇيىرمە ـ گرۋپپالاردى اشىق ۇستاۋ قيمىلىنا قاتىناسقان ۋاكىل پاڭ زىجيان دا بۇل سوزگە ەرەكشە ۇندەستىك ٴبىلدىردى. وقۋ تاۋىسقاننان كەيىن شاندۇڭنان شينجياڭعا كەلىپ قىزمەت ىستەگەن 10 نەشە جىلدا ول ”بۇرىن ويلاۋعا دا باتىلدىق ەتپەيتىن وزگەرىستەرگە“ كۋا بولدى، وسى جۇرەك جاردى سوزىندە ونىڭ شينجياڭنىڭ دامۋى جونىندەگى مىعىم سەنىمى جاتىر، ونىڭ قۇرىلىسشى رەتىندە، ماقتانىشقا يە ەكەندىگىنە دە سەنەمىز.
جاستار بەينە كوكتەمدە سەبىلگەن تۇقىم سياقتى تىرشىلىك تىنىسىنا جانە كۇش ـ قۋاتقا يە. وسى كۇش ـ قۋاتتى تولىق قاۋلاتۋدا بەينە تۇقىم سياقتى تەرەڭگە تامىر تارتىپ، ٴنار الىپ بيىكتەپ ٴوسۋ كەرەك. باتىس بولىك جوسپارى اتقارىلعان 20 نەشە جىلدان بەرى، 500 مىڭنان استام جاس ەرىكتى جاستىق ورالدارىمەن كۇش جالعاپ، وتان ٴۇمىتىن اقتاپ، باتىس بولىكتە ۇلەس قوستى، ولاردىڭ اراسىندا قىرۋار ادام ۋاكىل پاڭ زىجيان سياقتى نەگىزگى ساتىعا تامىر تارتىپ، وتان مەن حالىق ەڭ قاجەت ەتكەن جەردە جاستىق ورالىنىڭ وكىنىشسىز تاراۋىن جازدى.
مەيلى ٴبىلىم بەرىپ، ادام تاربيەلەيتىن مەكتەپ اۋلاسى بولسىن، الدە جۇڭگونىڭ اس كەسەسىن مىقتى ۇستايتىن ەگىنجايلار بولسىن، مەيلى عىلمي زەرتتەۋدەن قامال الاتىن تاجىريبەحانالار بولسىن، الدە اجالعا اراشاشى، جارالىعا مەدەت بولاتىن وپەراتسيا بولمەسى بولسىن، بۇگىنگى تاڭدا كەڭ بايتاق باتىس بولىكتىڭ، كورىكتى شينجياڭنىڭ جەر ـ جەرى جاستارعا ىستىق قۇشاعىن جايۋدا ”ناعىز قابىلەت، شىن ٴبىلىم بولعاندا عانا شينجياڭنىڭ اسىلى بولا الادى“. تۇقىم بايتاق دالاعا تەرەڭ تامىر تارتقاندا عانا مەيلى ٴزاۋلىم بايتەرەككە اينالسىن، الدە كۇرىش تۇيىرىندەي قىنا گۇلى بولىپ ٴوسسىن، ٴومىردىڭ سۇرەڭسىز وتپەيتىنىن بىلەتىن بولادى.
(”جياڭ شياۋيان“ ماقالا جولداۋ پوچتا ساندىعى: xjrbplb@126 .com)
