نۇرلان ٴابىلماجىن قاتارلى شينجياڭدا تۇراتىن مەملەكەتتىك ساياسي كەڭەستىڭ مۇشەلەرى مىناداي ۇسىنىستار قويدى
شينجياڭ ەنەرگياسىنىڭ جوعارى ساپالى دامۋىن ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 10 ـ كۇنى بەيجيڭنەن حابارلايدى. مەملەكەتتىك ساياسي كەڭەس 14 ـ كەزەكتى كوميتەتىنىڭ 3 ـ ٴماجىلىسى كەزىندە، شينجياڭدا تۇراتىن مەملەكەتتىك ساياسي كەڭەستىڭ مۇشەلەرى شينجياڭ ەنەرگياسىنىڭ جوعارى ساپالى دامۋىن ارقاۋ ەتە وتىرىپ ۇتىمدى ۇسىنىستاردى العا قويدى.
”ەنەرگيا حاۋىپسىزدىگى — مەملەكەتتىڭ ەكونوميكالىق، قوعامدىق دامۋىنا قاتىستى جالپى جاعداي سيپاتتى، ستراتەگيالىق سيپاتتى ماسەلە. شينجياڭدا ەنەرگيا بايلىعى مول، اشۋ كومەسكى كۇشى وراسان زور، مەملەكەت تۇراقتاندىرعان ’ٴۇش بازا، ٴبىر ارنا‘، مەملەكەتتىك ەنەرگيا بايلىعى ستراتەگيالىق قامتاماسىزدىق بازاسى، ول بۇكىل ەلدىڭ ەنەرگيا دامۋىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە“. شينجياڭدا تۇراتىن مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن بىلاي دەدى: سوڭعى جىلدارى شينجياڭ جەل ەنەرگياسى، جارىق ەنەرگياسى مول، شوعىرلى ٴوڭىر رەتىندە، بايلىق ارتىقشىلىعىنان تولىق پايدالانىپ جاڭا ەنەرگيانىڭ كەلەلى ينجەنەريا قۇرىلىستارىن زور كۇشپەن ىلگەرىلەتتى، كەزىندەگى ”قۇمدى ٴشول، قۇبا ٴتۇز، قۋاڭ دالا“ الدەقاشان جاڭا ەنەرگيا اشۋدىڭ ىرىستى مەكەنىنە اينالدى، جاسىل، تومەن كومىر قىشقىل گازدى تيپ جاڭالاۋدىڭ كوركەم كارتيناسى تيانشان الابىندا جايىلدى.
نۇرلان ٴابىلماجىن مىناداي ۇسىنىس قويدى: جاسىل ەلەكتر تۇتىنۋ مەحانيزمىن اقاۋسىزداندىرۋ، كومىر قىشقىل گازىن شىعارمايتىن باقشا رايونى قۇرىلىسىن كۇشەيتۋ، جاڭا ەنەرگيا ارقىلى تىكە ەلەكترمەن قامداۋ رەفورماسىن ورىستەتۋ، جاڭاشا ەنەرگيا ساقتاۋ بويىنشا شۇعىل جاعدايعا توتەپ بەرۋ، پايدالانۋ جانە اتتانىسقا كەلتىرۋ مەحانيزمىن ورناتۋ، ەلەكتر قۋاتىنىڭ ورتا، ۇزاق مەرزىمدىك جانە ناق زات بازارى قۇرىلىسىن ىلگەرىلەتۋ، وسى زامانعى كومىر بازارىن قۇرۋ سياقتى جاقتاردا شينجياڭنىڭ الدا ٴجۇرىپ الدىمەن سىناق جۇرگىزۋىن قولداپ، بۇكىل ەلدىڭ جاڭاشا ەنەرگيا جۇيەسى سىناق رايونىن قۇرىپ، بۇكىل ەلدىڭ جاڭاشا ەنەرگيا جۇيەسى قۇرىلىسىنا ”شينجياڭ ۇلگىسىن“ ازىرلەۋ كەرەك.
شينجياڭدا تۇراتىن مەملەكەتتىك ساياسي كەڭەستىڭ مۇشەسى ما حۋادۇڭ مۇناي ـ تابيعي گاز زاپاس قورىن مولايتىپ، ٴونىمىن ارتتىرۋدى بار كۇشپەن ىلگەرىلەتۋ نەگىزگى تاقىرىبىن ارقاۋ ەتىپ، مۇناي ـ تابيعي گاز كەن ۇقىعىن ”تۇساۋدان بوساتۋ“ ساياساتى، مۇناي ـ تابيعي گاز بارلاۋ الەۋمەتتىك يگىلىك سيپاتتى ماتەريالدارىن اشىق ۇستاۋ، بىرگە يگىلىكتەنۋ بويىنشا اقىلى قىزمەت وتەۋ مەحانيزمىن ورناتۋ، عىلىم ـ تەحنولوگيالىق جانە فينانستىق تىرەكتى ۇلعايتۋ سياقتى كوپ جاقتان ۇسىنىس قويىپ، شينجياڭنىڭ ستراتەگيالىق سيپاتتى كەن ىزدەۋدە تىڭ ىلگەرىلەۋشىلىكتەرگە قول جەتكىزۋىن جەبەدى.
”شينجياڭنىڭ مۇناي ـ تابيعي گاز بايلىعى مول، قازىر انىقتالعان جانە اشىلعان بولىگى جالپى مولشەردىڭ %20ىنە دە جەتپەيدى“. ما حۋادۇڭ بىلاي دەدى: بايلىق باسىمدىعىن تولىق ساۋلەلەندىرسەك بولعانى، مۇناي ـ تابيعي گاز زاپاس قورىن، ٴسوز جوق، جەدەل ارتتىرىپ، ٴونىم مولشەرىن ارتتىرىپ، بۇكىل ەلدىڭ ەنەرگيا بايلىعى ستراتەگيالىق قامتاماسىزدىق بازاسىن جەدەل قۇرىپ، مەملەكەتتىڭ ەنەرگيا حاۋىپسىزدىگىنە قىزمەت وتەۋ بارىسىندا تىڭ دا اناعۇرلىم زور ۇلەس قوسا الامىز.
”شينجياڭنىڭ كومىر بايلىعى قورى مول، ونىڭ ۇستىنە كومىر قاباتى قالىڭ، اشۋ شارت ـ جاعدايى ٴبىرشاما جاقسى، كومىر ساپاسى جاقسى، كومىردەن مۇناي ـ تابيعي گاز ٴوندىرۋ كاسىپ سالاسىن دامىتۋدىڭ شيكىزات شارت ـ جاعدايىن ازىرلەگەن“، ـ دەدى شينجياڭدا تۇراتىن مەملەكەتتىك ساياسي كەڭەستىڭ مۇشەسى جاڭ حۇي.
جاڭ حۇي مىناداي ۇسىنىس قويدى: شينجياڭنىڭ كومىردەن تازا، جوعارى ٴونىمدى پايدالانۋ جانە شينجياڭنىڭ كومىردەن مۇناي ـ تابيعي گاز ٴوندىرۋ ستراتەگيالىق بازاسى قۇرىلىسىن ىلگەرىلەتۋگە اناعۇرلىم قولداۋ كورسەتىپ، كومىردەن مۇناي ـ تابيعي گاز الۋ، كومىردەن ولەفين الۋ سياقتى ٴىرى نىسانداردى مەملەكەتتىڭ قاتىستى جوباسىنا ەنگىزىپ، شينجياڭنىڭ ”ون ٴىرى كاسىپ سالاسى شوعىرىنىڭ“ جوعارى ساپالى دامۋىنا دەم بەرۋ كەرەك.
