14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى بەيجيڭدە جابىلدى
ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى
ۋاكىلدەر زاڭىنا وزگەرىس ەنگىزۋ جونىندەگى قاۋلىنى ماقۇلدادى، شي جينپيڭ ٴتوراعا بۇيرىعىنا قول قويىپ جاريالادى
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ٴتوراعالار مىنبەسىنەن ورىن الدى
3 - ايدىڭ 11 - كۇنى تۇستەن كەيىن 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭ حالىق سارايىندا جابىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءتوراعالار مىنبەسىنەن ورىن الدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 3 ـ ايدىڭ 11 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىنداعاننان كەيىن، 3 ـ ايدىڭ 11 ـ كۇنى تۇستەن كەيىن بەيجيڭ حالىق سارايىندا جابىلدى. ٴماجىلىس ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى. ٴماجىلىس مەملەكەتتىك حالىق قۇرىلتايى جانە جەرگىلىكتى ٴار دارەجەلى حالىق قۇرىلتايلارى ۋاكىلدەرى زاڭىنا وزگەرىس ەنگىزۋ جونىندەگى قاۋلىنى ماقۇلدادى، مەملەكەت ٴتوراعاسى شي جينپيڭ 45 ـ ٴنومىرلى ٴتوراعا بۇيرىعىنا قول قويىپ جاريالادى.
جابىلۋ جيىنىن ٴتوراعالار القاسىنىڭ تاپسىرۋى بويىنشا ٴماجىلىس ٴتوراعالار القاسىنىڭ تۇراقتى ٴتوراعاسى، اتقارۋشى ٴتوراعاسى لي حۇڭجۇڭ باسقاردى. ٴماجىلىس ٴتوراعالار القاسىنىڭ تۇراقتى ٴتوراعالارى، اتقارۋشى ٴتوراعالارى ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋي، ۋ ۋيحۋا، تيە نيڭ، پىڭ چيڭحۋا، جاڭ چيڭۋي، لوساڭجياڭسۇن، شوكىرات زاكىر، ليۋ چي ٴتوراعالار مىنبەسىنىڭ اتقارۋشى ٴتوراعالار ورنىنا جايعاستى.
شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ٴماجىلىس ٴتوراعالار القاسىنىڭ مۇشەلەرى ٴتوراعالار مىنبەسىنەن ورىن الدى.
جيىنعا قاتىناسۋعا ٴتيىستى ۋاكىل 2929 ادام، قاتىناسقانى 2884 ادام، قاتىناسا الماعانى 45 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن كەيىن ساعات 3تە لي حۇڭجۇڭ ٴماجىلىستىڭ باستالعاندىعىن جاريالادى.
جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ ۇكىمەت قىزمەتىنەن بايانداما جونىندەگى قارارىن ماقۇلدادى. قاراردا مىنالار اتاپ كورسەتىلدى: ٴماجىلىس مەملەكەتتىك كەڭەستىڭ وتكەن ٴبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2025 ـ جىلعى ەكونوميكالىق، قوعامدىق دامۋدىڭ جالپى تالابىنا، ساياسات بەتالىسىنا جانە قىزمەت مىندەتتەرىنە قوسىلىپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى مەملەكەتتىك حالىق قۇرىلتايى جانە جەرگىلىكتى ٴار دارەجەلى حالىق قۇرىلتايلارى ۋاكىلدەرى زاڭىنا وزگەرىس ەنگىزۋ جونىندەگى قاۋلىنى ماقۇلدادى. 2025 ـ جىلى 3 ـ ايدىڭ 12 ـ كۇنىنەن باستاپ اتقارۋدى ۇيعاردى. «جۇڭحۋا حالىق رەسپۋبليكاسىنىڭ مەملەكەتتىك حالىق قۇرىلتايى جانە جەرگىلىكتى ٴار دارەجەلى حالىق قۇرىلتايلارى ۋاكىلدەرى زاڭىنا» قاۋلى بويىنشا سايكەستى وزگەرىس ەنگىزىلىپ، قايتادان جاريالانادى.
جيىن 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ 2024 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2025 ـ جىلعى حالىق شارۋاشىلىعى مەن قوعامدىق دامۋ جوسپارى جونىندەگى قارارىن داۋىسقا سالىپ ماقۇلدادى، 2024 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2025 ـ جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2025 ـ جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ 2024 ـ جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ جاعدايى جانە 2025 ـ جىلعى ورتالىق پەن جەرگىلىكتى ورىن مەجە ەسەبى جونىندەگى قارارىن داۋىسقا سالىپ ماقۇلدادى، 2024 ـ جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ جاعدايى جانە 2025 ـ جىلعى ورتالىق پەن جەرگىلىكتى ورىن مەجە ەسەپ جوباسى جونىندەگى باياندامانى بەكىتۋدى ۇيعاردى، 2025 ـ جىلعى ورتالىقتىڭ مەجە ەسەبىن بەكىتتى.
جيىن 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قارارىن داۋىسقا سالىپ ماقۇلدادى. قاراردا مىنالار اتاپ كورسەتىلدى: ٴماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ٴبىر جىلداعى قىزمەتىن تولىق تۇراقتاندىرىپ، باياندامادا العا قويىلعان الداعى ٴبىر جىلداعى مىندەتتەردى قۇپتاپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قارارىن، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قارارىن ماقۇلداپ، وسى ەكى باياندامانى بەكىتۋدى ۇيعاردى.
ونان سوڭ لي حۇڭجۇڭ ٴسوز سويلەدى. ول بىلاي دەدى: 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىندادى. ٴماجىلىس دەموكراتيانى تولىق ساۋلەلەندىرىپ، ٴىستى زاڭ بويىنشا قاتاڭ ىستەپ، نىسانا ـ مىندەتتەردى ايقىندادى، سەنىمدى، كۇشتى جەتكىزدى، زەيىن ـ زەردەنى ۇيىستىرىپ، كۇش ـ قۋاتتى توپتاعان، شىنايى يگەرىپ ناقتى ىستەگەن، ىنتىماقتاسا ەكپىندەي ىلگەرىلەگەن ٴماجىلىس بولدى. بيىل _ ”14 ـ بەسجىلدىق“ جوبا اياقتالاتىن جىل، رەفورما، دامۋ، ورنىقتىلىق مىندەتتەرى اۋىر. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، وسى رەتكى ٴماجىلىستىڭ ورنالاستىرۋلارىن، تالاپتارىن مۇقيات تياناقتاندىرىپ، سەنىمدى بەكەمدەپ، شىنايى يگەرىپ ناقتى ىستەپ، ٴتۇرلى قىزمەتتەردى تىڭعىلىقتى ويداعىداي ىستەپ، ”14 ـ بەسجىلدىق“ جوباداعى نىسانا ـ مىندەتتەردى جوعارى ساپامەن ورىنداپ، ”15 ـ بەسجىلدىقتا“ تاماشا باستاما اشۋدى جۇزەگە اسىرۋعا بەرىك نەگىز قالاۋىمىز كەرەك. ٴبىز حالىقتى وزەك ەتكەن دامۋ يدەياسىنا تاباندى بولىپ، حالىقتىڭ ٴتول جاسامپازدىق رۋحىنا قۇرمەت ەتىپ، جالپى بارىستىق حالىق دەموكراتياسىن امالياتتا ايگىلەپ، قالىڭ حالىق بۇقاراسىنىڭ اقىل ـ پاراساتىن جانە كۇش ـ قۋاتىن ۇيىستىرىپ، بارلىعىن حالىق ٴۇشىن ىستەۋگە، بارلىعىندا حالىققا سۇيەنۋگە تاباندى بولىپ، حالىق بۇقاراسىنىڭ تاماشا تۇرمىس جونىندەگى تالپىنىسىن ۇزدىكسىز قاناعاتتاندىرۋىمىز كەرەك. ٴبىز مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ايبىندى جوباسىن كوزدەپ، جۇڭگوشا سوتسياليزم جولىمەن بۇلجىماي ٴجۇرىپ، ٴوز ٴىسىمىزدى نازاردى شوعىرلاندىرا وتىرىپ جاقسى ىستەپ، تۇراقتاندىرىلعان ارەكەت باعدارنامالارىن، ستراتەگيالىق شەشىمدەردى، قىزمەت ورنالاستىرۋلارىن نىق قاداممەن امالياتقا اينالدىرۋىمىز كەرەك. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴبىر نيەت، ٴبىر تىلەكتە بولا وتىرىپ، شىندىققا جۇگىنىپ ناقتى ىستەپ، ٴورىس اشا العا ىلگەرىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇزەگە اسىرۋ ٴۇشىن قاجىماي ـ تالماي كۇرەس جۇرگىزۋىمىز كەرەك.
تۇستەن كەيىن ساعات 3تەن 30 مينۋتتا لي حۇڭجۇڭ جۇڭحۋا حالىق رەسپۋبليكاسى 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ جابىلعاندىعىن جاريالادى. ٴماجىلىس ايبىندى مەملەكەت ٴانى ىشىندە اياقتادى.
ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين ـ ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋ جىڭلۇڭ، شىن يچين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، سونداي ـ اق ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين قاتارلىلار دا ٴتوراعالار مىنبەسىنەن ورىن الدى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ٴماجىلىستى سىرتتاي تىڭدادى.
شەتەلدەردىڭ جۇڭگودا تۇراتىن ەلشىلەرى ٴماجىلىستى سىرتتاي تىڭدادى.
