نانىمدى، سەنىمدى بەكەمدەپ، ناقتى ىستەپ، ناقتى ناتيجە جاراتايىق
— 14 ـ كەزەكتى مەملەكەتتىك حالىق قۇرىلتايى 3 ـ ٴماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
حالىقتىڭ ۇنىنە قۇلاق اسىپ، حالىقتىڭ تىلەگىن قابىلداپ، حالىقتىڭ اقىل ـ پاراساتىن شوعىرلاندىرىپ، حالىقتىڭ كۇش ـ قۋاتىن ۇيىستىردى. 3 ـ ايدىڭ 11 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى ٴتۇرلى كەڭەستىك تارتىپتەرىن تابىسپەن ورىنداپ، بەيجيڭدە جەڭىسپەن جابىلدى. ماجىلىسكە قاتىناسقان ۋاكىلدەر كوپتىڭ پاراساتىن ساۋلەلەندىردى، ٴماجىلىستىڭ سالتى دۇرىس، ستيلى پاك، تابىسى قوماقتى بولىپ، پارتيانىڭ دارىپتەمەسى مەن حالىق ەركىنىڭ بىرلىگىن تولىق ايگىلەدى. ٴبىز ٴماجىلىستىڭ تابىستى بولعاندىعىن قىزۋ قۇتتىقتايمىز!
”14 ـ بەسجىلدىق“ جوبا اياقتالاتىن جىلدا وسى رەتكى ٴماجىلىس ورتاق تانىم ۇيىستىردى، مىندەتتەردى ايقىندادى، سەنىمدى بەكەمدەدى، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرعان، شىنايى يگەرىپ ناقتى ىستەگەن، ىنتىماقتاسا ەكپىندەي ىلگەرىلەگەن ٴماجىلىس بولدى. ٴماجىلىس وتكەن ٴبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ەرەكشە دامۋ بارىسىن باسىپ ٴوتىپ، ادامدى جىگەرلەندىرەتىن ناتيجەلەرگە قول جەتكىزىپ، جۇڭگو ۇلگىسىندەگى وسىزامانداندىرۋدا تىڭ، نىق قادام تاستاعاندىعىن جوعارى باعالادى. ٴماجىلىس ۇكىمەت قىزمەتىنەن باياندامانى جانە باسقا دا ماڭىزدى باياندامالاردى قارادى جانە بەكىتتى، جوسپار جانە مەجە ەسەپتى تەكسەرىپ بەكىتتى. ۋاكىلدەر بىلاي دەپ قارادى: ۇكىمەت قىزمەتىنەن بايانداما شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ناتيجەلەردى شىندىقتى ٴىس جۇزىنەن ىزدەي وتىرىپ قورىتىندىلادى، جاعدايعا وبيەكتيۆ، دالمە ـ ٴدال تالداۋ جاسادى، نىسانانى عىلمي، ۇيلەسىمدى تۇراقتاندىردى، العا قويىلعان شارالار شىنايى جۇزەگە اساتىن، نەگىزگى تاقىرىبى ايقىن، جاۋاپكەرشىلىك ارقالاپ العا ىلگەرىلەتەتىن، ىنتىماقتاستىرىپ قايراتتى تاسقىنداتاتىن جاقسى بايانداما بولدى. ٴماجىلىس ۋاكىلدەر زاڭىنا وزگەرىس ەنگىزۋ جونىندەگى قاۋلىنى قاراپ ماقۇلداپ، جاڭا داۋىردەگى حالىق قۇرىلتايى ۋاكىلدەرى قىزمەتىنىڭ امالياتتىق تاجىريبەلەرى مەن جاڭالىق اشۋ جەتىستىكتەرىن ىشكەرىلەي قورىتىندىلادى، بۇل حالىق قۇرىلتايى ۋاكىلدەرى قىزمەتىنىڭ تۇزىمدەنۋ، جۇيەلىلەنۋ، تارتىپتەنۋ دەڭگەيىن جوعارىلاتۋدا ماڭىزدى ٴمان الادى. ٴماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ٴبىر جىلدا زاڭ بويىنشا مىندەت وتەپ، جاۋاپكەرشىلىك ارقالاپ، جاۋاپكەرشىلىگىن ادا ەتكەندىگىن، ٴتۇرلى قىزمەتتە تىڭ ىلگەرىلەۋشىلىكتەرگە جانە ناتيجەلەرگە قول جەتكىزگەندىگىن تولىق تۇراقتاندىردى. ٴماجىلىستىڭ تابىستى بولۋى بۇكىل ەلدەگى ٴار ۇلت حالقىن ۇزدىكسىز كۇرەس جۇرگىزىپ، ەرلىكپەن العا ىلگەرىلەپ، 2025 ـ جىلعى قىزمەتتەردى تىڭعىلىقتى ويداعىداي ىستەپ، جاڭا ساپاردا جاڭا جاۋاپكەرشىلىك ارقالاپ، جاڭا ىسكەرلىك كورسەتۋگە ىنتالاندىردى.
كەزەكتە ەلىمىز دامۋىندا سىرتقى ورتانىڭ ايقىنسىزدىعى سىندى سىن ـ سايىس تا ٴومىر ٴسۇرىپ وتىر، سونداي ـ اق جاڭا، كونە قوزعالىس قۋاتتارىن اۋىستىرۋ قىسىمىنا دا ٴدوپ كەلدىك. ”14 ـ بەسجىلدىق“ جوباداعى نىسانا ـ مىندەتتەردى جوعارى ساپامەن ورىنداپ، ”15 ـ بەسجىلدىقتا“ تاماشا باستاما اشۋدى جۇزەگە اسىرۋعا بەرىك نەگىز قالاۋدا مىندەت جاپالى، جاۋاپكەرشىلىك اۋىر. جاعداي نەعۇرلىم كۇردەلى، قيىن بولعان سايىن، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سولعۇرلىم بىرلىككە كەلتىرىپ، كوزدەگەن نىسانادان جازباي، باتىلدىقپەن اتويلاپ، باتىلدىقپەن ىستەپ، شىنايى ىستەپ، ٴماجىلىس رۋحىن رەفورمانىڭ ناقتى ونىمدىلىگىنە، دامۋدىڭ ناقتى ناتيجەسىنە اينالدىرۋىمىز كەرەك.
بوران ـ شاشىندا سىننان ٴوتىپ تولىسۋ، سىن ـ سايىستاردا الۋەتتەنۋ بارىسىندا جەڭىسكە جەتۋ سەنىمىمىزدى اناعۇرلىم بەكەمدەي تۇستىك. وتكەن ٴبىر جىلدا قات ـ قابات قيىنشىلىقتار مەن سىن ـ سايىستار الدىندا ەلىمىز ەكونوميكاسىنىڭ جالپى مولشەرى تۇڭعىش رەت 130 تريلليون يۋاننان اسىپ، ارتۋ قارقىنى دۇنيە جۇزىندەگى نەگىزگى ەكونوميكالىق تۇلعالاردىڭ الدىڭعى قاتارىنا ٴوتتى. بۇل ەلىمىز دامۋىنىڭ كولەم ابزالدىلىعىن، بازار ابزالدىلىعىن، دارىندىلار ابزالدىلىعىن، جاڭالىق اشۋ ابزالدىلىعىن تولىق ايگىلەدى، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ ٴتۇزىم ابزالدىلىعىن اناعۇرلىم كورنەكتىلەندىردى. بولاشاققا بەت العاندا، ۋاقىت، جاعداي، ادىلەت تۇگەلدەي ٴبىز جاقتا. نانىمدى، سەنىمدى بەكەمدەپ، ستراتەگيالىق تاباندىلىقتى ساقتاپ، زەيىن ـ زەردەنى شوعىرلاندىرا وتىرىپ ٴوز ٴىسىمىزدى جاقسى ىستەيتىن بولساق، ٴسوز جوق، كەدەرگىلەردەن اسىپ، اڭعار ـ جىرالاردان اتتاپ وتە الامىز. مەملەكەتتىڭ دامۋىن، حالىقتىڭ باقىتىن، ۇلتتىڭ گۇلدەنۋىن ىلگەرىلەتۋ بارىسىندا حالىق قۇرىلتايى ٴتۇزىمى وراسان زور ساياسي ابزالدىلىق پەن ۇيىمدىق ونىمدىلىك ايگىلەدى. ٴتۇزىم سەنىمىن ونان ارى بەكەمدەپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزسەك، جاڭا داۋىردەگى جاڭا جورىقتا پارتيا مەن حالىقتىڭ كۇرەس نىساناسىن جۇزەگە اسىرۋعا بەرىك تۇزىمدىك قامتاماسىزدىق ازىرلەي الامىز.
ناقتى ىستەگەندە ەلدى كوركەيتۋگە، كۇرەس جۇرگىزگەندە مەملەكەتتى قۇدىرەتتەندىرۋگە بولادى. وليمپيادا ساڭلاقتارى ابدەن شىڭدالىپ، ادامدى قايران قالدىرۋىنان، ەڭبەك سىڭىرگەن ۇلگىلەردىڭ ۇزاق جىلدار بويى تاباندىلىقپەن كەرەمەت تابىسقا جەتۋىنەن، سان ميلليونداعان ديقاننىڭ قاجىرلىلىقپەن ەڭبەكتەنىپ، استىق وندىرىسىندە ” 20 جىل ٴۇرتىس مول ٴونىم الۋدى“ جۇزەگە اسىرۋىنان حالىقتىق كاسىپورىنشىلارىنىڭ قاجىرلىلىقپەن شارۋاشىلىق قۇرىپ، دۇنيە جۇزىلىك ايگىلى ماركا جاراتۋىنا دەيىن اماليات مىنانى جاندى ٴتۇسىندىردى: ارماندى ورىنداۋدا توتە جول جوق، تەك ناقتى ىستەر ىستەۋ كەرەك. ”14 ـ بەسجىلدىقتىڭ“ شەشۋشى جەڭىسىنە قول جەتكىزۋدە ٴبىز ”كومبەگە تاياعان سايىن تىڭعىلىقتى ىستەيتىن“ سەرگەكتىكتى ساقتاپ، ”شىڭنىڭ ۇشار باسىنا شىعۋدا جاپا ـ ماشاقاتتان قايمىقپاي قايسارلىق كورسەتەتىن“ قايسارلىقتى شىڭداپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، تۇتاس جىلدىق ەكونوميكالىق، قوعامدىق دامۋدىڭ نىسانا ـ مىندەتتەرىن قۇلشىنا ورىنداۋىمىز كەرەك. مەملەكەتتىك حالىق قۇرىلتايى جانە ونىڭ تۇراقتى كوميتەتى پارتيا مەن مەملەكەت قىزمەتىنىڭ كەلەلى جاعدايىن تىعىز ارقاۋ ەتىپ، نەگىزگى زاڭدا جانە زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، عىلمي زاڭ ـ ەرەجە شىعارۋدى، دەموكراتيالى زاڭ ـ ەرەجە شىعارۋدى، زاڭ بويىنشا زاڭ ـ ەرەجە شىعارۋدى ىشكەرىلەي ىلگەرىلەتىپ، باقىلاۋ قىزمەتىنىڭ باعىتتامالىلىعى مەن ونىمدىلىگىن اناعۇرلىم كۇشەيتىپ، جوعارى ساپالى دامۋعا مىعىم زاڭمەن باسقارۋ قامتاماسىزدىعىن ازىرلەي الاتىندىعى ٴسوزسىز.
باس شۋجي شي جينپيڭ بىلاي دەپ تەرەڭ اتاپ كورسەتتى: ”جۇڭگو ۇلگىسىندەگى وسىزامانداندىرۋدىڭ جاڭا جورىعىندا ٴاربىر ادام باس كەيىپكەر، ٴاربىر بوداۋ توتەنشە قاستەرلى، ٴاربىر ساۋلە جارقىراپ شۇعىلا شاشادى“. العا باسۋ جولىمىزدا حالىقتى بارىنەن جوعارى قويۋعا، ٴسوز جوق، تاباندى بولىپ، حالىقتىڭ تۇلعالىق ورنى مەن ٴتول جاسامپازدىق رۋحىنا تولىق قۇرمەت ەتىپ، حالىقتىڭ وزىنە ـ ٴوزى قوجايىن بولۋ ٴتۇزىم جۇيەسىن ۇزدىكسىز اقاۋسىزداندىرىپ، ميلليارد حالىقتىڭ بەلسەندىلىگىن، ىرىقتىلىعىن، جاسامپازدىعىن قاۋلاتۋىمىز كەرەك. حالىق قۇرىلتايى ٴتۇزىمىنىڭ تۇتاس بارىستىق حالىق دەموكراتياسىن امالياتتا ايگىلەۋ، حالىقتىڭ وزىنە ـ ٴوزى قوجايىن بولۋىن قامتاماسىز ەتۋ سىندى كورنەكتى ابزالدىلىعىن تولىق ساۋلەلەندىرىپ، حالىق بۇقاراسىنىڭ پىكىرى مەن ۇسىنىسىنا قۇلاق اسىپ، حالىق بۇقاراسىمەن تىعىز بايلانىستى ساقتاپ، سانالى تۇردە حالىقتان اقىل ـ كەڭەس الىپ، حالىقتىڭ قاجەتىن ۇعىسقاندا، ٴسوز جوق، جالپى حالىقتىڭ كۇشىن جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم ٴونىمدى تۇردە ۇيىستىرا الامىز.
ٴبىر نيەتپەن ىنتىماقتاسىپ، دامۋدى كوزدەپ، قايراتتانا العا ۇمتىلىپ، بولاشاققا بەت الايىق. ”14 ـ بەسجىلدىق“ اياقتالاتىن جىلدا مەجەلى نىسانالاردى ورىنداۋدىڭ ۋاقىتى تىعىز، مىندەتى اۋىر، تالابى جوعارى، ٴسوز جوق، ۋاقىت كۇتىپ تۇرمايدى دەيتىن رۋحپەن، تيتتەي ۋاقىتتى دا زايا وتكىزبەۋ ارەكەتىمەن تياناقتاندىرۋدى مىقتى يگەرۋىمىز كەرەك. ۋاقىت كۇتىپ تۇرمايدى، تاريح كۇتىپ تۇرمايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماقتاسا كۇرەس جۇرگىزىپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋدىڭ ايبىندى جوباسىن نىق قاداممەن تاماشا رەالدىققا اينالدىرايىق.
(شينحۋا اگەنتتىگىنىڭ 3 ـ ايدىڭ 11 ـ كۇنى بەيجيڭنەن بەرگەن حابارى)
