”شىنايى قابىلەت، ناقتى ونەرىڭىز بولسا بولعانى، شينجياڭدا ٴسىز الپەشتەنىپ ’اسىلعا‘ بالانعانداي سەزىنەسىز“... 14 ـ كەزەكتى مەملەكەتتىك حالىق قۇرىلتايىنىڭ 3 ـ ٴماجىلىسى شينجياڭ ۋاكىلدەر ۇيىرمەسىنىڭ ۇيىرمە ـ گرۋپپالاردى اشىق ۇستاۋ قيمىلىندا مەملەكەتتىك حالىق قۇرىلتايىنىڭ ۋاكىلى ليۋ حۇڭتاۋ شينجياڭعا دارىندى ەنگىزۋ جونىندە ”جارناما جاساپ“، قىسقا عانا بىرنەشە اۋىز سوزبەن شينجياڭنىڭ دارىندىلارعا ٴزارۋ شىنايى ىقىلاسىن جەتكىزدى، دارىندى ەنگىزۋ ونىمدىلىگىندە تۇيمەدەي سوزدەن ٴتۇيىندى وي اڭعارتتى.
ۋاكىل ليۋ حۇڭتاۋ شينجياڭنىڭ عىلمي زەرتتەۋ ٴوندىرىس ٴبىرىنشى شەبىنەن كەلگەن، تارىم مۇناي الابىندا 10 مىڭ مەتر تەرەڭدىكتە ۇڭعىلاۋ بويىنشا دۇنيە جۇزىلىك عىلمي زەرتتەۋ جاعىنداعى قيىن ماسەلەدەن قامال الۋعا جەتەكشىلىك ەتكەن جاس عالىم، ول شينجياڭداعى ەڭ ”تەرەڭدىككە“ يە جاس دەپ اتالعان. ونىڭ شينجياڭعا دارىندى ەنگىزۋ ”جارناماسىنىڭ“ استارىندا 10 نەشە جىلدان بەرى شينجياڭدا قىزمەت ىستەگەن ناقتى كەشىرمەلەرى جانە ناتيجەلەر نەگىزى بار، ەل اۋزىنا ىلىنەرلىك وزگەشە اسەر تۋدىراتىندىعى داۋسىز.
سوڭعى جىلدارى شينجياڭ ٴبىر قىدىرۋ دارىندى ەنگىزۋ ساياساتتارىن اتقاردى، سونىڭ ارقاسىندا سانسىز ”سايگۇلىك“ تيانشان الابىندا جارىسا جۇيتكىدى. دارىندى شاقىرۋ، دارىندى ەنگىزۋ ناقتى شارا شىعارىپ، ەرەن كۇش سالىپ، دارىندىلاردىڭ دامۋ ورتاسىن ساپالىلاندىرۋدى قاجەت ەتەدى، دارىندىلاردىڭ ”ٴوز كەشىرمەلەرىن اڭگىمەلەۋىنەن“ دە ايرىلا المايدى. شينجياڭدا دارىندىلاردىڭ دامۋ ورتاسى، تەگى، قانداي؟ بۇل جونىندە شينجياڭنىڭ بايتاق دالاسىندا ”ەڭبەك ەتىپ جاتقان“ يگى مۇراتتى ازاماتتاردىڭ سويلەۋ ۇقىعى بار.
دارىندىلاردىڭ بويىندا ”ماگنيت ٴورىسى“ بار. دارىندى ارقىلى دارىندى ەنگىزۋ، دارىندى ارقىلى دارىندى تانىستىرۋ، دارىندى ارقىلى دارىندى توپتاۋ سىندى الەمدەگى دارىندىلارعا قۇشاقتى ايقارا اشۋدىڭ ماڭىزدى ٴتاسىلىن ويداعىداي يگەرسەك، ٴسوز جوق، اناعۇرلىم كوپ تالانتتى دارىندى شينجياڭ سىندى ىرىستى القاپقا تەر توگىپ، جوعارى ساپالى دامۋعا بەرىك دارىندىلار تىرەگىن ازىرلەيتىن بولادى.
(”جياڭ شياۋيان“ ماقالا جولداۋ پوچتا ساندىعى: xjrbplb@126.com)
