شينحۋا اگەنتتىگىنىڭ 3 ـ ايدىڭ 12 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحىن جانە حۇجات زەرتتەۋ ورنى رەداكسيالاعان «شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق حۇجاتتار باسپاسىنان باسىلىپ شىعىپ، بۇكىل ەلدە تاراتىلدى.
پارتيا ستيلى — پارتيانىڭ وبرازى، ول جۇرتتىڭ قۇپتاۋ ـ قۇپتاماۋىنا سايادى، پارتيا مەن مەملەكەت ىستەرىنىڭ ٴساتتى بولۋ ـ بولماۋىن بەلگىلەيدى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ورتالىقتىڭ سەگىز ٴتۇرلى بەلگىلەمەسىن جاساۋدان جانە تياناقتاندىرۋدان باستاپ باستاما اشىپ، قامال الىپ، جوعارىدان تومەنگە قاراي ىستەۋگە، جوعارى ارقىلى تومەنگە باسشىلىق ەتۋگە تاباندى بولىپ، جاڭا جاعدايدا ستيل قۇرىلىسىندا نەنى يگەرۋ، قالاي يگەرۋ كەرەك دەگەن ماسەلەنى شەشتى. سەگىز ٴتۇرلى بەلگىلەمە سىندى ۇتىمدى ٴتاسىل ستيل قۇرىلىسى سىندى جالپى جاعدايدى جانداندىرىپ، پارتيا ستيلى، ۇكىمەت ستيلى مۇلدە جاڭارىپ، قوعام ستيلى، حالىق ستيلى ۇزدىكسىز جاقسارىپ، پارتيامىز ستيل قۇرىلىسىنداعى جاڭا بەينەمەن حالىق بۇقاراسىنىڭ سەنىمىنە، قولداۋىنا قول جەتكىزدى. شي جينپيڭ جولداستىڭ پارتيانىڭ ستيل قۇرىلىسىن كۇشەيتۋدى ارقاۋ ەتىپ جاريالاعان ٴبىر قىدىرۋ ماڭىزدى بايىمداۋلارىنىڭ ٴمانى زور، مازمۇنى باي، يدەياسى تەرەڭ بولىپ، تاباندىلىقپەن ستيلدى دۇرىستاپ، ٴتارتىپتى قاتايتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن تىنباي قۇلشىنا تياناقتاندىرىپ، ”ٴتورت ٴتۇرلى بۇرىس ستيلدى“ شەگە قاعۋ رۋحىمەن تۇزەتىپ ـ جونگە سالىپ، ستيل قۇرىلىسىنىڭ ۇدايىلانۋىن، ۇزاق ٴونىمدى بولۋىن ىلگەرىلەتىپ، پارتيانىڭ وزىنە ـ ٴوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋ سىندى وسكەلەڭ سانالىلىقتى ساقتاپ، رەفورما رۋحىمەن جانە قاتاڭ ولشەممەن پارتيانى باسقارۋعا، پارتيانى جونگە سالۋعا تاباندى بولىپ، پارتيانىڭ باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىن ىلگەرىلەتۋ جونىنەن توتەنشە ماڭىزدى ٴمان الادى.
«بايىمداۋلاردان ۇزىندىلەر» 9 ارناۋلى تاقىرىپقا بولىنگەن، جالپى 299 بولىك بايىمداۋدان قۇرالعان، وندا شي جينپيڭ جولداستىڭ 2012 ـ جىلى 11 ـ ايدان 2025 ـ جىلى 2 ـ ايعا دەيىنگى مەزگىلدەگى بايانداماسى، ٴسوزى، نۇسقاۋى، العى ٴسوزى سياقتى 130دان استام ماڭىزدى حۇجاتتان ٴۇزىندى الىنعان. مۇنىڭ ىشىندە ٴبىر ٴبولىم بايىمداۋلار تۇڭعىش رەت اشىق جاريالانىپ وتىر.
