ورتالىق كاسىپورىندارىنىڭ كاسىپ سالاسى ارقىلى شينجياڭدى كوركەيتۋ ٴتۇيىندى نىساندارى بويىنشا 2025 ـ جىلعى قارجى قوسۋدى ىلگەرىلەتۋ ٴماجىلىسى بەيجيڭدە وتكىزىلدى
كاسىپ سالاسى ارقىلى شينجياڭدى كوركەيتۋ جەتىستىكتەرىن ۇزدىكسىز بەكەمدەپ، دەڭگەيىن جوعارىلاتىپ، ورتالىق كاسىپورىندارى مەن جەرگىلىكتى ورىنداردىڭ باسىمدىقتار ارقىلى ٴوزارا تولىقتاۋ، ٴوزارا تيىمدىلىك جەتكىزىپ بىرگە يگىلىككە كەنەلۋ جاڭا جاعدايىن اشۋ كەرەك
ما شيڭرۇي ٴسوز سويلەدى، ەركىن تۇنياز باسقاردى، حى جۇڭيوۋ قاتىناستى
3 - ايدىڭ 12 - كۇنى شينجياڭ مەن ورتالىقتىڭ 18 كاسىپورنى بىرگە بەيجيڭدە كاسىپ سالاسى ارقىلى شينجياڭدى كوركەيتۋ ءتۇيىندى نىساندارى بويىنشا 2025 - جىلعى قارجى قوسۋدى ىلگەرىلەتۋ ءماجىلىسىن وتكىزدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى ءارى ءسوز سويلەدى.
□ انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 12 ـ كۇنى بەيجيڭنەن حابارلايدى. 3 ـ ايدىڭ 12 ـ كۇنى شينجياڭ مەن ورتالىقتىڭ 18 كاسىپورنى بىرگە بەيجيڭدە كاسىپ سالاسى ارقىلى شينجياڭدى كوركەيتۋ ٴتۇيىندى نىساندارى بويىنشا 2025 ـ جىلعى قارجى قوسۋدى ىلگەرىلەتۋ ٴماجىلىسىن وتكىزىپ، كاسىپ سالاسى ارقىلى شينجياڭدى كوركەيتۋ جەتىستىكتەرىن بەكەمدەپ، دەڭگەيىن جوعارىلاتىپ، ورتالىق كاسىپورىندارى مەن جەرگىلىكتى ورىنداردىڭ ٴوزارا تيىمدىلىك جەتكىزىپ سەلبەستىك جاساۋىن، بىرگە يگىلىككە كەنەلىپ دامۋ جوسپارىن ونان ارى تەرەڭدەتۋدى بىرگە اقىلداستى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماجىلىسكە قاتىناستى.
2024 ـ جىلى 40تان استام ورتالىق كاسىپورنى شينجياڭدا 336 نىساندى اتقارىپ، ناقتى 280 ميلليارد يۋاننان استام قارجى قوستى. وسى رەتكى ماجىلىستە ورتالىق كاسىپورىندارى مەن جەرگىلىكتى ورىن تاعى دا ٴبىر توپ سەلبەستىك كەلىسىمىن جاساستى. ما شيڭرۇي قاتارلى باسشى جولداستار مەن قاتىستى ورتالىق كاسىپورىندارىنداعى جاۋاپتى جولداستاردىڭ كۋا بولۋىندا، اۆتونوميالى رايوندىق حالىق ۇكىمەتى مەن حۋارۇن توبى ستراتەگيالىق سەلبەستىك كەلىسىمىن جاساستى. اۆتونوميالى رايوندىق حالىق ۇكىمەتى مەن بيڭتۋان جۇڭگو يادرو ونەركاسىبى توبىمەن، جۇڭگو حۋانىڭ توبىمەن، جۇڭگو حۋاديان توبىمەن، مەملەكەتتىك ەلەكتر قۋاتى قارجى قوسۋ توبىمەن، جۇڭگو دۇڭفاڭ ەلەكتر توبىمەن، جۇڭگو ەلەكتر قۋاتى قۇرىلىسى توبىمەن 54 نىسانعا ساياتىن نىسان سەلبەستىگى نيەتناماسىنا قول قويىستى، مەجەمەن شينجياڭدا كاسىپ سالالارىنا 130 ميلليارد يۋاننان استام قارجى قوسادى، بۇل ەنەرگيا، جاڭاشا ەنەرگيا ساقتاۋ، زەردەلى ەسەپتەۋ ورتالىعى، جابدىق جاساۋ سياقتى سالالاردى قامتيدى.
ماجىلىستە اۆتونوميالى رايون مەن بيڭتۋانداعى قاتىستى جاۋاپتى جولداستار جەكە ـ جەكە ورتالىق كاسىپورىندارىنىڭ كاسىپ سالاسى ارقىلى شينجياڭدى كوركەيتۋ نىساندارىنىڭ ىلگەرىلەۋ جانە جوسپار جاعدايىن، بيڭتۋاننىڭ ەكونوميكالىق، قوعامدىق دامۋى جانە كاسىپ سالالارىنا قارجى قوسۋ سەلبەستىگى جاعدايىن تانىستىردى. جۇڭگو مۇناي ـ تابيعي گاز توبىنىڭ باس جوراسى داي حوۋلياڭ، جۇڭگو مۇناي حيميا ونەركاسىبى توبىنىڭ باس جوراسى ما يۇڭشىڭ، مەملەكەتتىك ەلەكتر توبىنىڭ باس جوراسى جاڭ جىگاڭ، جۇڭگو حۋاديان توبىنىڭ باس جوراسى جياڭ ي، جۇڭگو چاڭجياڭ سانشيا توبىنىڭ باس جوراسى ليۋ ۋيپيڭ، مەملەكەتتىك ەنەرگياعا قارجى قوسۋ توبىنىڭ باس جوراسى زوۋ لەي، جۇڭگو دۇڭفاڭ ەلەكتر توبىنىڭ باس ديرەكتورى جاڭ يانجۇن، حۋارۇن توبىنىڭ باس جوراسى ۋاڭ شياڭميڭ، جۇڭگو تەمىر جول ينجەنەريا توبىنىڭ باس جوراسى چىن ۋىنجيان، جۇڭگو قاتىناس قۇرىلىسى توبىنىڭ باس جوراسى ۋاڭ تۇڭجوۋ، جۇڭگو جاسىل دامۋعا قارجى قوسۋ توبىنىڭ باس جوراسى سۇن يۇي ٴسوز سويلەپ، شينجياڭداعى قارجى قوسۋ، دامۋ احۋالىن تانىستىرىپ، كەلەسى قادامداعى ورتالىق كاسىپورىندارى مەن جەرگىلىكتى ورىننىڭ سەلبەستىگىن تەرەڭدەتۋ، كەلەلى نىسانداردىڭ تياناقتانۋىن ىلگەرىلەتۋ سياقتىلار جونىندە ويلارى مەن جوسپارلارىن العا قويدى.
ما شيڭرۇي سوزىندە ەڭ الدىمەن اۆتونوميالى رايوندىق پارتكوم، ۇكىمەت جانە بيڭتۋان اتىنان مەملەكەتتىك كەڭەس مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنىڭ جانە ورتالىق كاسىپورىندارىنىڭ ۇزاق ۋاقىتتان بەرى، شينجياڭنىڭ ەكونوميكالىق، قوعامدىق دامۋىنا ايرىقشا ٴمان بەرىپ، زور كۇشپەن قولداۋ كورسەتىپ كەلگەندىگىنە العىس ايتتى. ول بىلاي دەپ اتاپ كورسەتتى: مەملەكەتتىك كەڭەس مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنىڭ جوعارى دەڭگەيدە ىلگەرىلەتۋىندە ورتالىق كاسىپورىندارى باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى ارقاۋ ەتىپ، قارجى قوسۋ كولەمى زور، جەتەكتەۋ رولى كۇشتى، دامۋ بولاشاعى جاقسى ٴبىر توپ كەلەلى نىساننىڭ شينجياڭدا تياناقتانىپ اتقارىلۋىن، بەلسەندى ونىمدىلىككە قول جەتكىزۋىن بەلسەنە جوسپارلاپ جانە ىلگەرىلەتىپ، شينجياڭنىڭ ەكونوميكالىق، قوعامدىق دامۋىنا كۇشتى قوزعالىس قۋاتىن ۇستەدى.
ما شيڭرۇي بىلاي دەپ اتاپ كورسەتتى: شينجياڭ ماڭىزدى دامۋ ستراتەگيالىق وراي مەزگىلىندە تۇر. ٴبىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتى بەلگىلەپ بەرگەن ”بەس ۇلكەن ستراتەگيالىق ورىندى“ كوزدەپ، ”ون ٴىرى كاسىپ سالاسى شوعىرىن“ جەدەل قۇرىپ، كەلەلى نىساندارعا قارجى قوسۋدى ورنالاستىرۋدى جانە كاسىپ سالالارىنىڭ تىزبەگىن ۇزارتۋدى، تولىقتاۋدى، كۇشەيتۋدى زور كۇشپەن ىلگەرىلەتىپ، شينجياڭنىڭ ەنەرگيا بايلىعى باسىمدىعىن جەدەل كاسىپ سالالارىن دامىتۋ باسىمدىعىنا اينالدىرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتتىك. 2024 ـ جىلى بۇكىل شينجياڭنىڭ باستى ەكونوميكالىق كورسەتكىشتەرىنىڭ ارتۋ قارقىنى بۇكىل ەل بويىنشا الدىڭعى قاتاردان ورىن الدى، دامۋ قوزعالىس قۋاتىنىڭ ۇزدىكسىز جارىققا شىعۋىنا ىلەسە، ارتۋدىڭ كومەسكى كۇشى ونان ارى كورنەكتىلەندى، شينجياڭ ورتالىق كاسىپورىندارىنىڭ مەملەكەت ستراتەگياسىنا قىزمەت وتەۋى، وزىندىك دامۋىن جۇزەگە اسىرۋى ٴۇشىن بارعان سايىن كەڭەيگەن ساحنا ازىرلەيدى. ورتالىق كاسىپورىندارىنىڭ شينجياڭ قىزمەتىن بۇرىنعىداي قولداپ، مەملەكەت دامۋىنىڭ جالپى جاعدايىن كوزدەپ اناعۇرلىم زور ۇلەس قوسىپ، مۇناي ـ گاز، كومىر، كەن، جاڭا ەنەرگيا جانە كەلەلى نەگىزدىك قۇرىلعىلار قۇرىلىسى سياقتى سالالاردى ارقاۋ ەتىپ، سەلبەستىك كەلىسىمدەرىنىڭ جۇزەگە اسىپ تياناقتانۋىن جەدەل ىلگەرىلەتىپ، ساپاسى جوعارى، كومەسكى كۇشى زور، جەتەكشىلىگى كۇشتى، تياناقتاندىرۋعا بولاتىن ٴبىر توپ كەلەلى نىساندى ۇزدىكسىز جوسپارلاپ اتقارىپ، وڭتۇستىك شينجياڭعا كاسىپ سالاسى نىساندارىن ورنالاستىرۋ سەرپىنىن ۇزدىكسىز ارتتىرىپ، ٴار ۇلت بۇقاراسىن جۇمىستانۋعا، كىرىستەرىن ارتتىرۋعا جەتەكتەپ، شينجياڭمەن بىرگە كاسىپ سالاسى ارقىلى شينجياڭدى كوركەيتۋدىڭ اناعۇرلىم سۇبەلى جەتىستىككە قول جەتكىزۋىن قول ۇستاسا ىلگەرىلەتىپ، باسىمدىقتار ارقىلى ٴوزارا تولىقتاۋدىڭ، ٴوزارا تيىمدىلىك جەتكىزىپ بىرگە يگىلىككە كەنەلۋدىڭ جاڭا جاعدايىن اشۋىن ٴۇمىت ەتەمىن.
ما شيڭرۇي بىلاي دەپ باسا دارىپتەدى: شينجياڭ ورتالىق كاسىپورىندارىنىڭ شينجياڭدا دامۋىنا قىزمەت وتەۋدى، ولاردى قامتاماسىز ەتۋدى وتەۋگە ٴتيىستى جاۋاپكەرشىلىك، تيەسىلى ٴىس ەتىپ، كاسىپورىندار دامۋ بارىسىندا ٴدوپ كەلگەن قيىنشىلىقتاردى، ماسەلەلەردى بەلسەنە سايكەستىرىپ شەشىپ، پايدالانىلاتىن جەر، جۇمسالاتىن ەنەرگيا، ىستەتەتىن قىزمەتكەر سياقتى فاكتورلىق قامتاماسىزدىقتى كۇشەيتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن بەلسەنە قالىپتاستىرىپ، ورتالىق كاسىپورىندارىنىڭ شينجياڭدا دامۋىنا، زورايۋىنا كۇش سالا قولداۋ كورسەتىپ، ورتالىق كاسىپورىندارى مەن جەرگىلىكتى ورىن سەلبەستىگىنىڭ اناعۇرلىم جوعارى دەڭگەيگە قادام تاستاۋىن ىلگەرىلەتەدى.
چىن ۋيجۇن، شۋە بين، جۋ ليفان، جين جىجىن، شى گاڭ، حا زىڭيوۋ، لي يۇڭحۇڭ، اۆتونوميالى رايون مەن بيڭتۋاننىڭ قاتىستى تاراۋلارىنداعى، اۆتونوميالى رايوننىڭ قاتىستى ايماق، وبلىس، قالالارىنداعى جانە رايونعا قاراستى مەملەكەت مەنشىگىندەگى كاسىپورىندارداعى جاۋاپتى جولداستار ماجىلىسكە قاتىناستى.
ورتالىق كوميتەت بىرلىكساپ بولىمىندەگى، مەملەكەتتىك كەڭەس مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىندەگى قاتىستى جاۋاپتى جولداستار، جۇڭگو يادرو ونەركاسىپ توبىنىڭ باس ديرەكتورى شىن يانفىڭ، جۇڭگو حۋانىڭ توبىنىڭ باس جوراسى ۋىن شۋگاڭ، جۇڭگو قۇرىلىس توبىنىڭ باس جوراسى جىڭ شۋەشۋان، حۋارۇن توبىنىڭ باس ديرەكتورى ۋاڭ سۇيجۇن، جۇڭگو جۇڭمەي ەنەرگيا توبىنىڭ باس جوراسى ۋاڭ شۋدۇڭ، جۇڭگو ەلەكتر قۇرىلىسى توبىنىڭ باس جوراسى ديڭ يانجاڭ، جۇڭگو گۋاڭدۇڭ يادرو ەلەكتر توبىنىڭ باس جوراسى ياڭ چاڭلي، ورتالىق كاسىپورىندارىنداعى قاتىستى جولداستار جانە شينجياڭدا تۇراتىن كاسىپورىندارداعى جاۋاپتى جولداستار ماجىلىسكە قاتىناستى.
