شينجياڭ بەيجيڭدە ”15 ـ بەسجىلدىق“ جوبا جونىندە مامانداردان اقىل ـ كەڭەس سۇراۋ ٴماجىلىسىن وتكىزدى
اشىق اقىل ـ كەڭەس الۋعا، كوپ پاراساتىن ساۋلەلەندىرۋگە تاباندى بولىپ، جوعارى ساپالى جوبا ارقىلى كورىكتى شينجياڭ قۇرىلىسىنا جەتەكشىلىك ەتۋ كەرەك
ما شيڭرۇي ٴسوز سويلەدى، ەركىن تۇنياز باسقاردى، حى جۇڭيوۋ قاتىناستى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 12 ـ كۇنى بەيجيڭنەن حابارلايدى. 3 ـ ايدىڭ 11 ـ كۇنى تۇستەن كەيىن شينجياڭ بەيجيڭدە مامانداردان اقىل ـ كەڭەس سۇراۋ ٴماجىلىسىن وتكىزىپ، ” 15 ـ بەسجىلدىق“ جوبانى عىلمي ويداعىداي جاساۋدى ارقاۋ ەتىپ، اشىق اقىل ـ كەڭەس الۋعا، كوپ پاراساتىن ساۋلەلەندىرۋگە تاباندى بولىپ، قاتىستى سالالارداعى مامان ـ وقىمىستىلاردىڭ پىكىر ـ ۇسىنىستارىن مۇقيات تىڭداپ، كوز ايانى كەڭەيتىپ، وي ٴورىسىن اشىپ، جوبا جاساۋ قىزمەتىن جوعارى ساپالى ويداعىداي ىستەۋگە بەرىك نەگىز قالاپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭ قۇرۋعا اناعۇرلىم ويداعىداي جەتەكشىلىك ەتتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ ماجىلىسكە قاتىناستى.
ماجىلىستە اۆتونوميالى رايونداعى قاتىستى باسشى جولداستار ”15 ـ بەسجىلدىق“ جوبانى جاساۋ جونىندەگى نەگىزگى وي جەلىسىن تانىستىردى. جاڭ يۇڭ، بي جيڭچۋان، جاڭ شياۋچياڭ، دۋ يىڭ، حۋ زۋساي، ۋاڭ يميڭ، رىن جى ـ ۋ، سۋ ۋي، شۋ يىنبياۋ، وۋياڭ ميڭگاۋ ىلگەرىندى ـ كەيىندى سوزگە شىعىپ، شينجياڭنىڭ وسى بىرنەشە جىلدا رەفورما، دامۋ، ورنىقتىلىق ىستەرىندە قول جەتكىزگەن كورنەكتى ناتيجەلەرىن جوعارى باعالادى. كوپشىلىك بىلاي دەپ قارادى: شينجياڭنىڭ ٴار جاقتاعى ابزالدىلىعى كورنەكتى، كەزەكتەگى دامۋ تەبىنى كۇشتى، دامۋ كومەسكى كۇشى مەن ٴورىسى وراسان زور، ”15 ـ بەسجىلدىق“ كەزىندە مەملەكەتتىڭ دامۋ جالپى جاعدايىنداعى ستراتەگيالىق ورنى مەن رولى اناعۇرلىم كورنەكتىلەنەدى، تەك ستراتەگيالىق ورايدى يگەرىپ، نىسانا ـ بەتالىستى كوزدەپ، ابزالدىلىقتى كادەگە جاراتۋدى جەدەل ىلگەرىلەتسە، ٴسوزسىز، جوعارى ساپالى دامۋ بارىسىندا اناعۇرلىم زور ىسكەرلىك كورسەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم زور ۇلەس قوسا الادى. ماماندار شينجياڭنىڭ”بەس ۇلكەن ستراتەگيالىق ورنى“ جانە ەكونوميكالىق، قوعامدىق دامۋداعى ٴتۇيىندى سالالارىمەن تىعىز بىرلەستىرىپ، ەرەكشەلىككە، باسىمدىققا يە كاسىپ سالاسىن جەتىلدىرۋ، زورايتۋ، ەنەرگيا ەكونوميكاسىن دامىتۋ مەن ارنا قۇرىلىسى، سىرتقا ەسىك اشۋدى كەڭەيتۋ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋ، وڭتۇستىك شينجياڭ سىندى ”شاحمات كوزىن“ جانداندىرۋ سياقتى قىزمەتتەردى ارقاۋ ەتىپ، وي جەلىسى، شارالار جونىندە اقتارىلا كەڭەس قۇرىپ، پىكىر ـ ۇسىنىستاردى ورتاعا قويدى.
كوپشىلىكتىڭ ٴسوزىن تىڭداعاننان كەيىن ما شيڭرۇي، ەڭ اۋەلى، كوپشىلىكتىڭ قىمباتتى ۋاقىتتارىن قيىپ، شينجياڭنىڭ ”15 ـ بەسجىلدىق“ جوبانى جاساۋىنا الىمدى اقىل ۇسىنىپ، ۇتىمدى ٴتاسىل، ناقتى ٴادىس كورسەتكەندىگىنە العىس ايتتى. ول بىلاي دەدى: شينجياڭ ماڭىزدى دامۋ كەزەڭىندە تۇر، ”15 ـ بەسجىلدىق“ جوبانى جوعارى ساپالى جاساۋ توتەنشە ماڭىزدى. باسشىلار مەن ماماندار كاسىپتىك سالانى شىعار ٴتۇيىن ەتىپ، كوپتەگەن قۇندى وي جەلىسىن، پىكىرلەردى ورتاعا قويىپ، بىزگە ماڭىزدى جەتەكشىلىك ەتتى جانە كومەك كورسەتتى. قاتىستى تاراۋلار مۇقياتتىلىقپەن قورىتىندىلاپ، سارالاپ، تولىق زەرتتەپ، قابىلداپ، ونى جوبانى جاساۋدىڭ ٴىس جۇزىندىك تابىسىنا اينالدىرۋى كەرەك.
ما شيڭرۇي بىلاي دەپ اتاپ كورسەتتى: ”15 ـ بەسجىلدىق“ كەزەڭى — ەلىمىز الدىڭعىعا مۇراگەر، كەيىنگىگە بۇيداگەر بولاتىن ماڭىزدى مەزگىل، 2035 ـ جىلى وسىزامانداندىرۋدى، نەگىزىنەن، جۇزەگە اسىرۋداعى شەشۋشى كەزەڭ. شينجياڭنىڭ جوعارى ساپالى دامۋدى جەبەۋدە، وسىزامانداندىرۋ قۇرىلىسىن ىلگەرىلەتۋدە وسى 5 جىلدى مىقتى يگەرۋى توتەنشە ماڭىزدى. جۋىق جىلداردان بەرى، باس شۋجي شي جينپيڭنىڭ جانە پارتيا ورتالىق كوميتەتىنىڭ پارمەندى باسشىلىعىندا، شينجياڭ ەكونوميكاسىنىڭ، قوعامىنىڭ ”ورنىقتىلىق“ نەگىزى ٴتىپتى دە بەكەمدەلىپ، ”ىلگەرىلەۋ“ قوزعالىس قۋاتى كورنەكتى كۇشەيىپ، ”جاڭالىق اشۋ“ ساپا ـ ونىمدىلىگى زور دارەجەدە جوعارىلادى، سونىمەن بىرگە ٴىشىنارا قىسىم مەن سايىسقا، ولقىلىقتار مەن جەتەرسىزدىكتەرگە تاپ بولدى، ٴسوز جوق، الدىن الا جوبالاۋ، ورنالاستىرۋ، كۇش سالا توتەپ بەرۋ، شەشۋ كەرەك. ٴبىز باس شۋجي شي جينپيڭنىڭ ”15 ـ بەسجىلدىق“ جوبانى جوسپارلاۋ، جاساۋ جونىندە بەرگەن ٴبىرسىپىرا ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ٴتۇسىنىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن مۇقيات دايەكتىلەندىرىپ، جاڭا دامۋ ۇستانىمىنا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، سەنىمدى بەكەمدەپ، قايراتتانا ىستەپ، ورنىقتىلىق بارىسىندا ىلگەرىلەپ، العا ىلگەرىلەۋ ارقىلى ورنىقتىلىقتى جەبەپ، شينجياڭنىڭ ”15 ـ بەسجىلدىق“ كەزىندەگى ەكونوميكالىق، قوعامدىق دامۋىنداعى نەگىزگى نىسانا ـ مىندەتتەردى، كەلەلى ستراتەگيالىق مىندەتتەردى، كەلەلى رەفورما شارالارىن، كەلەلى ينجەنەريا نىساندارىن عىلمي، ويداعىداي جوسپارلاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋىمىز كەرەك.
ما شيڭرۇي بىلاي دەپ باسا دارىپتەدى: دامۋ جوباسىن جاساۋ — ساياسي سيپاتى، ستراتەگيالىق سيپاتى، عىلمي سيپاتى توتەنشە كۇشتى قىزمەت، ٴسوزسىز، باستان ـ اياق ”ەكى كەلەلى جاعدايدى“ شىعار ٴتۇيىن ەتىپ، ”15 ـ بەسجىلدىق“ مەزگىلىنىڭ كەزەڭدىك سيپاتتى ەرەكشەلىگىن دالمە ـ ٴدال يگەرىپ، شينجياڭ ٴدوپ كەلگەن وراي مەن سايىستى ىشكەرىلەي يگەرىپ، نازاردى جۇڭگو ۇلگىسىندەگى وسىزامانداندىرۋ جاڭا مىندەتىنە شوعىرلاندىرىپ، شينجياڭداعى ٴار ۇلت بۇقاراسىنىڭ جاڭا تىلەگىن بەتكە الىپ، رايون جاعدايىنىڭ ٴىس جۇزىندىگىن تياناق ەتىپ، شينجياڭ ەرەكشەلىگىن كورنەكتىلەندىرىپ، جوعارى دەڭگەيدەگى جوبا ارقىلى جوعارى ساپالى دامۋعا جەتەكشىلىك ەتۋ كەرەك. دۇرىس بەتالىسقا تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ دامۋ جالپى جاعدايىنا اناعۇرلىم زور ۇلەس قوسۋدى ماڭىزدى شىعار ٴتۇيىن جانە كۇش سالۋ ٴتۇيىنى ەتىپ، نازاردى مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىنا“ شوعىرلاندىرىپ، شينجياڭنىڭ ەنەرگيا بايلىعىن، وڭىرلىك ورىن باسىمدىعىن رەال وندىرگىش كۇشكە جەدەل اينالدىرۋ كەرەك. جۇيەلى شوعىرلاندىرۋدى كۇشەيتىپ، مەملەكەتتىڭ ”15 ـ بەسجىلدىق“ جوباسىمەن ٴتۇيىلىسۋدى، شينجياڭنىڭ ٴتۇرلى جوبالارىمەن سايكەستىرۋدى كۇشەيتىپ، جاپپاي جوبالاۋ مەن ٴتۇيىندى كورنەكتىلەندىرۋدى ٴوزارا سايكەستىرۋدى، ورتا، ۇزاق مەرزىمدىك نىسانا مەن قىسقا مەرزىمدىك نىسانانى ٴوزارا ساباقتاستىرۋدى ورىنداۋ كەرەك. رەفورمادا جاڭالىق اشۋدى تەرەڭدەتىپ، نازاردى شينجياڭنىڭ جوعارى ساپالى دامۋىن تەجەيتىن تەرەڭ قاتپارلى قايشىلىقتارعا جانە ٴار ۇلت بۇقاراسى كوڭىل بولگەن، ٴجىتى قاداعالاعان شۇعىل، قيىن، ۋايىمداعان، ٴزارۋ ماسەلەلەرگە شوعىرلاندىرىپ، رەفورما وي جەلىسى ارقىلى بوگەتتى بۇزىپ، جاڭالىق اشۋ ٴادىسى ارقىلى قيىن ماسەلەنى شەشىپ، شينجياڭنىڭ رەفورما، دامۋ، ورنىقتىلىق قىزمەتتەرىن ىلگەرىلەتۋدە ۇزدىكسىز جاڭا ونىمدىلىككە قول جەتكىزۋگە جەتەكشىلىك ەتۋ كەرەك.
چىن ۋيجۇن، شۋە بين، جۋ ليفان، جين جىجىن، حا زىڭيوۋ، اۆتونوميالى رايون مەن بيڭتۋاننىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.
