شينحۋا اگەنتتىگىنىڭ 3 ـ ايدىڭ 13 ـ كۇنى بەيجيڭنەن بەرگەن حابارى. 3 ـ ايدىڭ 13 ـ كۇنى مەملەكەت ٴتوراعاسى شي جينپيڭ كونستانتينوس تاسۋلاسقا تەلەگرامما جولداپ، ونىڭ گرەتسيا رەسپۋبليكاسىنىڭ زۇڭتۇڭدىعىنا تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو _ گرەتسيا ەكى ەلدىڭ دە ۇزاق تاريحى جانە شۇعىلالى مادەنيەتى بار، ەكى ەلدىڭ دوستىق قارىم ـ قاتىناسى ارىدان باستاۋ العان، ۋاقىت وتكەن سايىن جاڭارادى، ەكى ەل ٴوزارا تۇسىنىسەتىن، ٴوزارا ەتەنە، ٴوزارا پايدا جەتكىزىپ تەڭ يگىلىككە كەنەلەتىن جالپى بەتتىك ستراتەگيالىق سەرىكتەر. تاياۋ جىلدان بەرى، ەكى جاق پيراۋس پورتى نىسانىن ۇزدىكسىز ىلگەرىلەتىپ، ”ٴبىر بەلدەۋ، ٴبىر جولدى“ بىرگە قۇرۋ سەلبەستىگىنىڭ جوعارى ساپالى دامۋىن ىلگەرىلەتىپ، جۇڭگو _ گرەتسيا وركەنيەتتەر ٴوزارا ۇلگى الۋ ورتالىعىن، افينا جۇڭگو كلاسسيكالىق وركەنيەت زەرتتەۋ ورنىن سەلبەسىپ قۇرىپ، ەكى بايىرعى وركەنيەتتىڭ جاراسۋ، توعىسۋ اسەمدىگىن جانە ٴداۋىر جاۋاپكەرشىلىگىن ايگىلەدى.
شي جينپيڭ بىلاي دەپ باسا دارىپتەدى: بۇگىنگى تاڭدا دۇنيە ٴجۇزىنىڭ 100 جىلدىق وزگەرىسى جەدەل قۇبىلۋدا، ٴار ەلدىڭ قۋانىشى مەن قايعىسى ورتاق، ٴار ەل تاعدىرلاس، سەلبەسىپ تەڭ يگىلىككە كەنەلۋ _ الەمدىك سايىسقا توتەپ بەرۋدە، ٴسوزسىز، باسىپ وتەتىن جول. مەن جۇڭگو _ گرەتسيا قارىم ـ قاتىناسىنىڭ دامۋىنا ايرىقشا ٴمان بەرەمىن، زۇڭتۇڭ مىرزامەن بىرگە قۇلشىنىپ، ٴداستۇرلى دوستىعىمىزدى جالعاستىرىپ، ٴوزارا پايدا جەتكىزۋ سەلبەستىگى مەن وركەنيەتتەر اۋىس ـ كۇيىسى سىندى ەكى ۇلكەن دانەكەردى جاقىنداستىرىپ، جۇڭگو _ گرەتسيا جالپى بەتتىك ستراتەگيالىق سەرىكتەستىك قارىم ـ قاتىناسىنىڭ مازمۇنىن ۇزدىكسىز بايىتىپ، جۇڭگو _ ەۆروپا قارىم ـ قاتىناسىنىڭ ۇزدىكسىز اقاۋسىز دامۋىن جەبەپ، دۇنيە ٴجۇزىنىڭ بەيبىتشىلىگىنە، ورنىقتىلىعىنا جانە دامۋىنا، گۇلدەنۋىنە اقىل ـ پاراسات جانە كۇش قوسۋدى قالايمىن.
