«ىزدەنۋ» جۋرنالىندا باس شۋجي شي جينپيڭنىڭ ماڭىزدى ماقالاسى جاريالانادى
”ەكىدەن تيتتەي دە اۋىتقىماۋعا“ تاباندى بولۋ جانە ونى تياناقتاندىرۋ كەرەك
شينحۋا اگەنتتىگىنىڭ 3 ـ ايدىڭ 15 ـ كۇنى بەيجيڭنەن بەرگەن حابارى. 3 ـ ايدىڭ 16 ـ كۇنى باسپادان شىعاتىن «ىزدەنۋ» جۋرنالىنىڭ 6 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «”ەكىدەن تيتتەي دە اۋىتقىماۋعا“ تاباندى بولۋ جانە ونى تياناقتاندىرۋ كەرەك» اتتى ماڭىزدى ماقالاسى جاريالانادى. وعان باس شۋجي شي جينپيڭنىڭ 2013 ـ جىلى 11 ـ ايدان 2025 ـ جىلى 2 ـ ايعا دەيىنگى مەزگىلدەگى قاتىستى ماڭىزدى بايىمداۋلارىنان ۇزىندىلەر ەنگىزىلگەن.
ماقالادا مىنالار باسا دارىپتەلدى: پارتيامىزدىڭ نەگىزگى شارۋاشىلىق تۇزىمىنە تاباندى بولۋداعى كوزقاراسى ايقىن، دايەكتى، سونىمەن بىرگە ۇزدىكسىز تەرەڭدەدى، ەشقاشان اۋىتقىعان ەمەس. ەلىمىزدىڭ نەگىزگى شارۋاشىلىق ٴتۇزىمى نەگىزگى زاڭعا، پارتيا ۋستاۆىنا ەنگىزىلگەن، بۇل وزگەرمەيدى، وزگەرتۋگە دە بولمايدى. پارتيا مەن مەملەكەت سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تيتتەي دە اۋىتقىماي بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماي دەم بەرىپ، قولداۋ كورسەتىپ، جەتەكشىلىك ەتتى؛ پارتيا مەن مەملەكەت ٴتۇرلى مەنشىكتەگى شارۋاشىلىقتىڭ زاڭ بويىنشا ٴوندىرىس فاكتورلارىنان تەڭ پايدالانۋىنا، بازار باسەكەسىنە ٴادىل قاتىناسۋىنا، زاڭنىڭ قورعاۋىنا تەڭ دارەجەدە يە بولۋىنا كەپىلدىك ەتىپ، ٴتۇرلى مەنشىكتەگى شارۋاشىلىقتىڭ باسىمدىقتار ارقىلى ٴبىرىن ـ ٴبىرى تولىقتاۋىن، بىرگە دامۋىن جەبەدى، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز جەتىلۋىن جەبەدى.
ماقالادا مىنالار اتاپ كورسەتىلدى: ەلىمىز — جۇڭگو كوممۋنيستىك پارتياسى باسشىلىعىنداعى سوتسياليستىك مەملەكەت، جالپىلىق مەنشىكتەگى شارۋاشىلىق ۇزاق مەزگىلدەن بەرى ەلىمىزدىڭ دامۋى بارىسىندا قالىپتاسىپ، مەملەكەت قۇرىلىسىنا، مەملەكەت قورعانىسى حاۋىپسىزدىگىنە، حالىق تۇرمىسىن جاقسارتۋعا كورنەكتى ۇلەس قوستى، ول — بۇكىل حالىقتىڭ قىمباتتى قازىناسى. مەملەكەت مەنشىگىندەگى كاسىپورىندار ەلىمىز ەكونوميكاسىنىڭ، قوعامىنىڭ دامۋىنا، عىلىم ـ تەحنولوگياسىنىڭ العا باسۋىنا، مەملەكەت قورعانىسى قۇرىلىسىنا، حالىق تۇرمىسىن جاقسارتۋعا تاريحي سيپاتتى ۇلەس قوستى، پارتيامىزدىڭ بيلىك جۇرگىزىپ، مەملەكەتتى گۇلدەندىرۋىنىڭ ماڭىزدى تىرەگى جانە ارقا سۇيەر كۇشى. مەملەكەت مەنشىگىندەگى كاسىپورىنداردى ويداعىداي قۇرىپ، جۇمىسشى تابىنىڭ رولىن جاقسى ساۋلەلەندىرۋ پارتيانىڭ بيلىك جۇرگىزۋ ورنىن بەكەمدەۋدە، ەلىمىزدىڭ سوتسياليستىك ٴتۇزىمىن بەكەمدەۋدە ايرىقشا كەلەلى مانگە يە.
ماقالادا مىنالار اتاپ كورسەتىلدى: ەلىمىزدە جالپىلىق مەنشىككە جاتپايتىن شارۋاشىلىقتىڭ كىشكەنەدەن ۇلكەيۋى، السىزدەن كۇشەيۋى پارتيامىز بەن مەملەكەتىمىزدىڭ باعىت ـ ساياساتىنىڭ جەتەكشىلىگىندە جۇزەگە استى. ۇزاق مەزگىلدەن بەرى، ەلىمىزدە جالپىلىق مەنشىككە جاتپايتىن شارۋاشىلىق تەز قارقىنمەن دامىپ، ارتۋدى ورنىقتىرۋ، جاڭالىق اشۋدى جەبەۋ، جۇمىستاندىرۋ اياسىن كەڭەيتۋ، حالىق تۇرمىسىن جاقسارتۋ سياقتى جاقتاردا ماڭىزدى رولىن ساۋلەلەندىردى. حالىقتىق شارۋاشىلىقتىڭ رەفورما جاساۋداعى، ەسىك اشۋداعى جانە سوتسياليستىك وسىزامانداندىرۋ قۇرىلىسى ىستەرىندەگى ورنى مەن رولى جونىندەگى تانىم، پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى باعىت ـ ساياساتتارى پارتيامىزدىڭ نازارياسىمەن جانە امالياتىمەن تامىرلاس بولىپ، داۋىرمەن بىرگە العا باسىپ كەلدى. پارتيا مەن مەملەكەتتىڭ حالىقتىق شارۋاشىلىقتى دامىتۋ جونىندەگى نەگىزگى باعىت ـ ساياساتتارى جۇڭگوشا سوتسياليستىك ٴتۇزىم جۇيەسىنە ەنگىزىلدى، وعان باستان ـ اياق تاباندى بولادى جانە تياناقتاندىرادى، ونى وزگەرتۋگە بولمايدى ٴارى وزگەرتپەيدى. ٴبىز حالىقتىق كاسىپورىندار مەن حالىقتىق كاسىپورىنشىلاردى باستان ـ اياق ٴوز ادامدارىمىز دەپ قاراپ، حالىقتىق كاسىپورىندار قيىنشىلىققا ۇشىراعان شاقتا قولداۋ كورسەتىپ، حالىقتىق كاسىپورىندار داعدارعان شاقتا جەتەكشىلىك ەتتىك. جاڭا ٴداۋىردىڭ جاڭا جورىعىندا حالىقتىق شارۋاشىلىقتىڭ دامۋ ٴورىسى كەڭ، بولاشاعى نۇرلى، قالىڭ حالىقتىق كاسىپورىندار مەن حالىقتىق كاسىپورىنشىلاردىڭ بار ونەرىن ايگىلەيتىن ٴساتى كەلدى.
ماقالادا مىنالار اتاپ كورسەتىلدى: ٴبىزدىڭ جالپىلىق مەنشىكتەگى شارۋاشىلىقتى ويداعىداي بەكەمدەۋدى، ويداعىداي دامىتۋدى دارىپتەۋىمىز جالپىلىق مەنشىككە جاتپايتىن شارۋاشىلىقتىڭ دامۋىنا دەم بەرۋمەن، قولداۋ كورسەتۋمەن، جەتەكشىلىك ەتۋمەن قاراما ـ قارسى ەمەس، قايتا ورگانيكالى بىرلىككە يە. جالپىلىق مەنشىكتەگى شارۋاشىلىق پەن جالپىلىق مەنشىككە جاتپايتىن شارۋاشىلىق تۇگەلدەي سوتسياليستىك بازار شارۋاشىلىعىنىڭ ماڭىزدى قۇرامداس بولىگى، بارلىعى ەلىمىزدىڭ ەكونوميكالىق، قوعامدىق دامۋىنىڭ ماڭىزدى نەگىزى. مەملەكەتىمىز وسىنشاما ۇلكەن، جان سانى وسىنشاما كوپ، ٴارى سوتسياليزمنىڭ العاشقى كەزەڭىندە تۇر، ٴارى وسى كەزەڭدە ۇزاق ۋاقىت تۇرا بەرەدى، ەكونوميكانىڭ، قوعامنىڭ دامۋىن جەبەۋ ٴۇشىن ٴارقايسى جاقتىڭ ٴبىر نيەتپەن كۇش قوسا ىستەۋى قاجەت، كوپ جاققان وتتىڭ الاۋى الىستى شارپيدى. جالپىلىق مەنشىكتەگى شارۋاشىلىق، جالپىلىق مەنشىككە جاتپايتىن شارۋاشىلىق ٴبىرىن ـ ٴبىرى قاقپايلاپ، ٴبىرىن ـ ٴبىرى جوققا شىعارماۋى، قايتا ٴبىرىن ـ ٴبىرى كەمەلدەندىرىپ، بىرىنە ـ ٴبىرى ساي كەلۋى كەرەك. سوتسياليزمنىڭ العاشقى كەزەڭىن تياناق ەتىپ، سوتسياليستىك بازار شارۋاشىلىعى رەفورما بەتالىسىنا باستان ـ اياق تاباندى بولۋ، ”ەكىدەن تيتتەي دە اۋىتقىماۋعا“ تاباندى بولۋ كەرەك.
