شينحۋا اگەنتتىگىنىڭ 3 ـ ايدىڭ 16 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «تۇتىنۋدى جانداندىرۋ ارناۋلى ارەكەت جوباسىن (تومەندە قىسقارتىلىپ «جوبا» دەلىنەدى)» باسىپ تاراتتى ٴارى حابارلاندىرۋ شىعارىپ، وڭىرلەردەن، تاراۋلاردان ٴىس جۇزىندىكپەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبادا» مىنالار اتاپ كورسەتىلدى: تۇتىنۋدى زور كۇشپەن جانداندىرىپ، ىشكى سۇرانىستى جان ـ جاقتى كەڭەيتىپ، كىرىستى ارتتىرۋ، اۋىرتپالىقتى جەڭىلدەتۋ ارقىلى تۇتىنۋ قابىلەتىن جوعارىلاتىپ، جوعارى ساپالى قامداۋمەن ٴونىمدى سۇرانىس جاراتىپ، تۇتىنۋ ورتاسىن ساپالىلاندىرۋ ارقىلى تۇتىنۋ تىلەگىن كۇشەيتىپ، تۇتىنۋعا تۇساۋ بولاتىن كورنەكتى قايشىلىقتاردى، ماسەلەلەردى باعىتتامالى شەشۋ كەرەك.
ٴبىرىنشى، قالا، اۋىل تۇرعىندارىنىڭ كىرىسىن ارتتىرۋدى جەبەۋ ارەكەتىن ورىستەتىپ، ەڭبەكاقى سيپاتتى كىرىستى ۇيلەسىمدى ارتتىرۋدى جەبەپ، مال ـ مۇلىك سيپاتتى كىرىس ارناسىن كەڭەيتىپ، كوپ شارانى قاتار قولدانىپ شارۋالاردىڭ كىرىسىن ارتتىرۋدى جەبەپ، الاشاقتى كەشەۋىلدەتۋ ماسەلەلەرىن تىڭعىلىقتى شەشۋ كەرەك.
ەكىنشى، تۇتىنۋ قابىلەتىن قامتاماسىز ەتۋگە قولداۋ كورسەتۋ ارەكەتىن ورىستەتىپ، بالالى بولۋدى، باعىپ ـ قاعۋدى قامتاماسىز ەتۋ سەرپىنىن ارتتىرىپ، وقۋ ـ اعارتۋ تىرەگىن كۇشەيتىپ، قالا ـ قالاشىققا ناق كىرگەن وقۋ جاسىنداعىلاردى وقۋ ـ اعارتۋ بايلىعىمەن قامداۋ اياسىن كەڭەيتۋ كەرەك. ەمدەۋدى، قارتتاردى كۇتىمدەۋدى قامتاماسىز ەتۋ قابىلەتىن جوعارىلاتىپ، ٴتۇيىندى قاۋىمنىڭ نەگىزگى تۇرمىسىن قامتاماسىزداندىرۋ كەرەك.
ٴۇشىنشى، تۇتىنۋدىڭ ساپاسىن جوعارىلاتىپ حالىققا تيىمدىلىك جاساۋعا قىزمەت وتەۋ ارەكەتىن ورىستەتىپ، ”قارتتار مەن بالالارعا“ قىزمەت وتەۋ بويىنشا قامداۋدى ساپالىلاندىرىپ، تۇرمىسقا قىزمەت وتەۋ تۇتىنۋىن جەبەپ، مادەنيەت، دەنە تاربيە، ساياحات تۇتىنۋىن كەڭەيتىپ، قار ـ مۇز تۇتىنۋىن ىلگەرىلەتىپ، شەكارادان كىرىپ تۇتىنۋدى دامىتىپ، قىزمەت وتەۋ كاسىبىنىڭ كەڭەيۋىن، اشىق بولۋىن ورنىقتى قاداممەن ىلگەرىلەتۋ كەرەك.
ٴتورتىنشى، جالپىلىق تۇتىنۋدى جاڭالاۋ، دارەجەسىن جوعارىلاتۋ ارەكەتىن ورىستەتىپ، تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى قولداۋ سەرپىنىن كۇشەيتىپ، تۇرعىن ٴۇي تۇتىنۋ سۇرانىسىن اناعۇرلىم ويداعىداي قاناعاتتاندىرىپ، اۆتوكولىك تۇتىنۋ تىزبەگىن ۇزارتۋ كەرەك.
بەسىنشى، تۇتىنۋ ساپاسىن جوعارىلاتۋ ارەكەتىن ورىستەتىپ، تۇتىنۋعا ماركا ارقىلى جەتەكشىلىك ەتۋدى كۇشەيتىپ، جاڭاشا تۇتىنۋدىڭ جەدەل دامۋىنا قولداۋ كورسەتىپ، ىشكى، سىرتقى ساۋدانى ٴبىر تۇلعالاندىرۋ دەڭگەيىن جوعارىلاتۋ كەرەك.
التىنشى، تۇتىنۋ ورتاسىن جاقسارتۋ، دارەجەسىن جوعارىلاتۋ ارەكەتىن ورىستەتىپ، دەمالۋ، دەمالىس الۋ ۇقىق ـ مۇددەسىن قامتاماسىز ەتىپ، ەڭبەكاقىلى جىلدىق دەمالىس الۋ مەن قىسقا دەمالىستى قوسىپ الۋعا شابىتتاندىرىپ، قاۋىرت كەزگە شوعىرلاندىرماي دەمالىس الۋدى جاندى ورنالاستىرۋدى جۇزەگە اسىرۋ كەرەك. ەڭبەكشىلەردىڭ قىزمەت ۋاقىتىن زاڭعا قايشى ۇزارتۋعا بولمايدى. الاڭسىز تۇتىنۋ ورتاسىن جاراتىپ، قالا، اۋىلداردىڭ تۇتىنۋ قۇرىلعىلارىن كەمەلدەندىرۋ كەرەك.
جەتىنشى، شەكتەۋ شارالارىن الاستاۋ، ساپالىلاندىرۋ ارەكەتىن ورىستەتىپ، تۇتىنۋ شەكتەمەسىن تارتىپپەن ازايتۋ كەرەك. اۆتوكولىك سياقتى تۇتىنۋلاردىڭ ساتىپ الۋدى باسقارۋدان پايدالانۋدى باسقارۋعا قاراي بۇرىلىس جاساۋىن ىلگەرىلەتىپ، جىل شەكتەمەسىنە ايىرىپ ”ۇزاق ۋاقىت جەرەبە تارتسا دا كولىك ٴنومىرىن الا الماعان“ اۆتوكولىگى جوق وتباسىلارىنىڭ اۆتوكولىك ساتىپ الۋ سۇرانىسىن قامتاماسىز ەتۋ كەرەك. شارۋاشىلىق ـ ساۋدا ورتاسىن ۇزدىكسىز ساپالىلاندىرۋ كەرەك.
«جوبادا» تاعى قولداۋ ساياساتىن كەمەلدەندىرۋ سياقتى جاقتاردا ناقتى تالاپتار ورتاعا قويىلدى.
