انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 16 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 3 ـ ايدىڭ 16 ـ كۇنى ۇرىمجىدە قىرعىزستاننىڭ ورىنباسار زۇڭليى تورەبايەۆپەن جانە ونىڭ ساپارلاستارىمەن كەزدەستى، ەكى جاق ىشكەرىلەي، دوستىق بەينەدە پىكىر اۋىستىرىپ، جۇڭگو شينجياڭىنىڭ قىرعىزستاننىڭ جەرگىلىكتى ورىندارىمەن ناقتى ىستەر سەلبەستىگىنىڭ ونان ارى تەرەڭدەۋىن، دامۋىن ىلگەرىلەتۋدى بىرگە جوسپارلادى.
ما شيڭرۇي كەزدەسۋدە بىلاي دەدى: قىرعىزستان جاق جۇڭگو شينجياڭىمەن اۋىس ـ كۇيىس، سەلبەستىك جاساۋعا باستان ـ اياق ايرىقشا ٴمان بەرىپ كەلەدى، ورىنباسار زۇڭلي مىرزانىڭ ۇيىرمە باستاپ شينجياڭعا تاعى دا ەكسكۋرسيالاي، ساپارلاي كەلۋى، ٴسوز جوق، ەكى جاق سەلبەستىگىنە جاڭا ٴورىس اشادى، جاڭا ومىرشەڭ كۇش ۇستەيدى، مەن جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان ۋاكىلدەر ۇيىرمەسىنىڭ كەلگەندىگىن قارسى الامىن. سوڭعى جىلدارى ٴتوراعا شي جينپيڭنىڭ جانە ەلدەرىڭىز زۇڭتۇڭىنىڭ ستراتەگيالىق جەتەكشىلىگىندە، جۇڭگو — قىرعىزستان قارىم ـ قاتىناسى قارىشتاپ دامۋدى جۇزەگە اسىرىپ، جاڭا داۋىردەگى جالپى بەتتىك ستراتەگيالىق سەرىكتەستىك تىڭ بيىگىنە كوتەرىلدى. اسىرەسە، جۇڭگو — قىرعىزستان — وزبەكستان تەمىر جولى نىسانىنىڭ باستالۋى، جۇڭگو — قىرعىزستان بەدەل شەكارا وتكەلىنىڭ كەزەڭدىك اشىق ۇستالۋى سياقتى قىزمەتتەردىڭ پارمەندى ىلگەرىلەتىلۋىنە ىلەسە، جۇڭگو شينجياڭىمەن قىرعىزستاننىڭ جەرگىلىكتى ورىندارىن اناعۇرلىم ويداعىداي ۇلاستىرۋعا، تۇتاستىرۋعا، سەلبەستىكتى تەرەڭدەتۋگە تاريحي سيپاتتى وراي تۋىلدى. ەكى جاقتىڭ اقىلداسىپ جوسپارلاۋدى ونان ارى تەرەڭدەتىپ، سەلبەستىك مەحانيزمىن ورناتىپ، ٴتۇيىندى سەلبەستىك ىستەرىندە ناقتى ونىمدىلىككە قول جەتكىزۋدى ىلگەرىلەتۋىن ٴۇمىت ەتەمىن. شەكارا وتكەلى ارناسى سياقتى نەگىزدىك قۇرىلعى قۇرىلىسى دەڭگەيىن ۇزدىكسىز جوعارىلاتىپ، شەكارا وتكەلى اينالىمىنىڭ ساپاسىن، ونىمدىلىگىن جوعارىلاتىپ، ەكى جاقتىڭ ەرەكشە ونىمدەرىن يمپورت ـ ەكسپورت ەتۋ سەرپىنىن ارتتىرۋ كەرەك. كەلەلى سەلبەستىك نىساندارىنىڭ تياناقتانىپ اتقارىلۋىن جەدەل ىلگەرىلەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن كۇش سالا قالىپتاستىرىپ، كاسىپورىنداردىڭ قوس باعىتتا قارجى قوسۋىنا، دامۋىنا تاماشا شارت ـ جاعداي ازىرلەۋ كەرەك. اۆياتسيا سياقتى ۇلاستىرۋ، تۇتاستىرۋ كەڭىستىگىن زور كۇشپەن كەڭەيتىپ، ەكى جاقتىڭ ٴارقايسى سالاداعى اۋىس ـ كۇيىسىن، بارىس ـ كەلىسىن ونان ارى جيىلەتۋ كەرەك. شينجياڭ جەرگىلىكتى ورىنداعى كاسىپورىنداردىڭ ”سىرتقا شىعىپ“، ەلدەرىڭىزدىڭ كاسىپ سالاسىنىڭ دامۋى، نىسان قۇرىلىسى سياقتىلارعا ات سالىسۋىن بەلسەنە ىلگەرىلەتىپ، ەكى جاقتى سەلبەستىكتىڭ ۇزدىكسىز تەرەڭدەۋىن، ناقتىلانۋىن ىلگەرىلەتەدى.
تورەبايەۆ مىنالاردى ٴبىلدىردى: قىرعىزستان مەن جۇڭگو ەكى ەلدىڭ مەملەكەت باسشىلارى اسقان ساياسي پاراساتپەن ەكى ەلدى باستاپ جاڭا داۋىردەگى جالپى بەتتىك ستراتەگيالىق سەرىكتەستىك قارىم ـ قاتىناستى تىڭ بيىككە كوتەرىپ، ەكى جاقتىڭ بولاشاق دامۋىنا تىڭ بەتالىس كەسكىندەدى. وتكەن بىرنەشە جىلدا قىرعىزستان ەكونوميكاسىندا بەلسەندى ارتۋ جاعدايى جارىققا شىعىپ، جۇڭگومەن، اسىرەسە، جۇڭگو شينجياڭىمەن جاساسقان ساۋدا سوماسى ۇزدىكسىز ارتتى، سەلبەستىكتى ونان ارى تەرەڭدەتۋ كومەسكى كۇشى وراسان زور. ەكى جاقتىڭ سەلبەسىپ تەڭ يگىلىككە كەنەلۋ ورتاق نىساناسىن ارقاۋ ەتىپ، بەدەل شەكارا وتكەلى نەگىزدىك قۇرىلعىلارىن جەدەل كەمەلدەندىرىپ، ەركەشتام شەكارا وتكەلىنىڭ، تورعات شەكارا وتكەلىنىڭ زات وتكىزۋ قابىلەتىن، ونىمدىلىگىن جوعارىلاتىپ، ەرەكشە اۋىل شارۋاشىلىق ونىمدەرى ساۋدا كەڭىستىگىن كەڭەيتىپ، ەنەرگيا بايلىعى سالاسىنداعى كەلەلى نىسان قۇرىلىسىن جەدەلدەتىپ، اۋە لەنيالارىن جاڭادان كوبەيتۋدى بەلسەنە جەبەپ، وقۋ ـ اعارتۋ سياقتى سالالارداعى سەلبەستىكتى تەرەڭدەتىپ، ەكى جاقتىڭ ناقتى ىستەر سەلبەستىگىندە اناعۇرلىم زور ونىمدىلىككە قول جەتكىزۋدى قول ۇستاسا ىلگەرىلەتۋىن ٴۇمىت ەتەمىز.
قىرعىزستاننىڭ قاتىستى تاراۋلارىنداعى، كاسىپورىندارىنداعى جاۋاپتىلار جانە جۇڭگودا تۇراتىن ەلشىحانا قىزمەتكەرلەرى كەزدەسۋگە قاتىناستى.
چىن ۋيجۇن، ۋاڭ جيانشين، قادەن كابەن، شۋە بين، ۋاڭ گاڭ، جۋ ليفان، اۆتونوميالى رايونداعى جانە ورتالىقتىڭ شينجياڭدا تۇراتىن قاتىستى ورىندارىنداعى، كاسىپورىندارىنداعى جاۋاپتى جولداستار، قاتىستى ايماق، وبلىس، قالالارداعى جاۋاپتى جولداستار كەزدەسۋگە قاتىناستى.
