”جاسىل، ورگانيكالى + شەكتى مولشەردە شاعىنداپ ٴوندىرۋ“
بۇل شاراپ قوجالىعى دۇنيە جۇزىلىك دەڭگەيدەگى بال شاراپ شىعاردى
انار بۇلت \ شينجياڭ گازەتىنىڭ ٴتىلشىسى سۇڭ ۋيگو
شاراپ اشىتىلاتىن ٴجۇزىمنىڭ ٴبارى شاراپ قوجالىعىنىڭ وزىندە ەگىلگەن، مۋ باسىندىق ٴونىم مولشەرى 600 — 300 كيلوگرام كولەمىندە مەڭگەرىلەدى، ٴارقانداي حيميالىق تىڭايتقىش مۇلدە ىستەتىلمەيدى... ونەركاسىپتەندىرىلىپ وندىرىلگەن ٴجۇزىم شارابىمەن ۇقسامايتىنى، شينجياڭ سىلۋ شاراپ قوجالىعى شەكتى سەرىكتەستىگى (تومەندە قىسقارتىلىپ ”سىلۋ شاراپ قوجالىعى“ دەلىنەدى) وزىنە تاۋەلدى ”جاسىل، ورگانيكالى + شەكتى مولشەردە شاعىنداپ ٴوندىرۋ“ سىندى جولمەن ٴجۇردى.
پرينسيپكە تاباندى بولعاندىقتان، سىلۋ شاراپ قوجالىعى ىلە اڭعارىندا وندىرىلگەن ٴجۇزىم شارابىنىڭ حالىقارالىق ساحنادا ەرەكشە كوزگە تۇسۋىنە مۇمكىندىك جاسادى. 2016 ـ جىلدان بەرى سىلۋ شاراپ قوجالىعى ەل ٴىشى ـ سىرتىنداعى كوپتەگەن ٴجۇزىم شارابى جارىستارىندا 426 مەدالعا قول جەتكىزدى، مۇنىڭ ىشىندە 30دان استام ۇلكەن التىن مەدال، 100دەن استام التىن مەدال قامتىلادى، تەك 2024 ـ جىلدىڭ وزىندە 120 مەدالعا يە بولدى.
سىلۋ شاراپ قوجالىعىنىڭ زاڭدى ۋاكىلى لي يۇڭ شينجياڭ ٴوندىرىس ـ قۇرىلىس بيڭتۋانى 8 ـ شى 148 ـ تۋانىنان كەلگەن. سىلۋ شاراپ قوجالىعى ونىڭ ەڭ نەگىزگى كاسىپ سالاسى بولماعانىمەن، ەڭ كوپ قۇلشىنىس كورسەتكەن كاسىپ سالاسى بولدى، ٴجۇزىم باعىنىڭ ورنىن تاڭداۋدان ٴجۇزىم سورتىن ەنگىزۋگە دەيىن، ٴجۇزىم شارابى ٴوندىرىس جەلىسىن جاڭالاپ، كەڭەيتىپ سالۋدان ونىمدەردى دۇنيە جۇزىلىك دەڭگەيدەگى باعالاۋلارعا قاتىناستىرۋعا دەيىن، ول تۇتاس بارىسقا ات سالىستى.
”سىلۋ شاراپ قوجالىعى دۇنيە جۇزىلىك دەڭگەيدەگى بال شاراپ شىعاردى دەگەننەن گورى، مۇنى ۇلى تابيعاتتىڭ ىلە وزەنى اڭعارىنا سيلاعان سيى دەسەك بولادى“. مىنەزى بۇيىعى لي يۇڭ ٴجۇزىم شارابىنا قاتىستى تاقىرىپقا ايالداعاندا، اۋزى اۋزىنا تيمەي كەتەدى.
شينجياڭنىڭ ٴجۇزىم شارابىنىڭ كوبى ادامعا كۇشتى، كەرەمەت ٴدام تۇيسىگىن سيلايدى، قىشقىل اق ٴجۇزىم شارابىنىڭ دۇنيە ٴجۇزى ٴجۇزىم شارابى بازارىندا جىلدام كورنەكتىلەنۋىنە ىلەسە، بارعان سايىن كوپ ادام وسىنداي سالقىن ٴدامدى ۇناتا باستادى. سالقىن شاراپ اشىتىلاتىن ٴجۇزىم ەگۋگە ۇيلەسەتىن جەر تابۋ ٴۇشىن، لي يۇڭ التايدان حوتانعا دەيىن ىزدەپ، ەڭ سوڭىندا توعىزتاراۋ اۋدانىنىڭ كولدەنەڭ كورىنىس وڭىرىنەن 200 مۋ جەردى تاپتى.
لي يۇڭ بىلاي دەدى: جەر بەدەرىنەن قاراعاندا، ىلە اڭعارى بەينە ٴبىر الىپ كەرناي اۋزىنا ۇقسايدى، كولدەنەڭ كورىنىس ٴوڭىرى ٴدال وسى كەرناي اۋزىنىڭ تومەنگى بولىگىندە، مۇنىڭ ٴوزى ٴبىر اتلانت مۇحيتىنىڭ جىلى، ىلعال اۋا اعىسىن سەزۋگە بولاتىن جەر. بۇل جەردىڭ تەڭىز دەڭگەيىنەن بيىكتىگى 1200 مەتردەن جوعارى، بۇل سالقىن شاراپ اشىتىلاتىن ٴجۇزىم ەگۋ جونىنەن ەرەكشە شەشۋشى رول اتقارادى.
لي يۇڭ مەن جەرگىلىكتى ورىن جەردى وتكەرىپ الۋدىڭ ناقتى ىستەرى جونىندە كەلىستى. كوكتەمدە ٴجۇزىمدى قازىپ شىعارۋ، جازدا اتىز باپتاۋ، كۇزدە ٴجۇزىمدى جيناۋ، قىستا ٴجۇزىم ساباعىن كومۋ جۇمىستارىنىڭ بارلىعىندا تەك ۋاقىتى بولسا بولدى، ول ۇرىمجىدەن كولدەنەڭگە كەلىپ، ٴوزىنىڭ سۇيىكتى جۇزىمدەرىنىڭ ٴوسۋ جاعدايى قالاي ەكەنىن كورىپ قايتادى.
شاراپ اشىتىلاتىن ٴجۇزىم ەگەتىن كوپتەگەن قوجالىقتىڭ ٴبارى ٴونىم مولشەرى جوعارى بولعان سايىن جاقسى بولادى دەپ، سونى ٴۇمىت ەتەدى، ايتسە دە لي يۇڭ وزگەلەرگە ۇقسامايدى، ول قاتاڭ تۇردە ٴجۇزىمنىڭ مۋ باسىندىق ٴونىم مولشەرىن 600 — 300 كيلوگرام كولەمىندە مەڭگەرەدى. ونىڭ قاراۋىنشا، بۇل ٴجۇزىمنىڭ تابيعي وسۋىندەگى ەڭ جاقسى ٴونىم مولشەرى، ەگەر 600 كيلوگرامنان جوعارى ٴونىم مولشەرىنە جەتۋ كەرەك بولسا، وندا، ٴسوز جوق، حيميالىق تىڭايتقىش ىستەتۋگە تۋرا كەلەدى، ال حيميالىق تىڭايتقىش توپىراق ارقىلى ٴجۇزىم ساباعىنا ٴسىڭىپ، قالدىعى ٴجۇزىمنىڭ ىشىندە قالىپ، ەڭ سوڭىندا ٴجۇزىم شارابىنىڭ ساپاسىنا ىقپال جاسايدى.
”ٴجۇزىم شارابىنىڭ ساپاسى تيتتەي دە جالعاندىقتى كوتەرمەيدى“، ـ دەدى لي يۇڭ.
حيميالىق تىڭايتقىش ىستەتپەۋدەن تىس، لي يۇڭ، ٴتىپتى، ٴجۇزىم ەگىلەتىن جەردى باپتايتىن قىزمەتكەرلەردەن ارام ٴشوپ جويعىش ٴدارى، زياندى جاندىكتەردى جويعىش ٴدارى سياقتى اۋىل شارۋاشىلىعى دارىلەرىن قولدانباۋدى تالاپ ەتتى. سىلۋ شاراپ قوجالىعى ٴجۇزىم ەگۋ بازاسىنىڭ ىشىنەن ىلعي جازدىگۇنى شىجىعان ىستىققا قاراماي ارام ٴشوپ وتاپ جۇرگەن شارۋالاردى كورۋگە بولادى، ”اشتى تەرمەن توپىراقتى قۇنارلاندىرۋ“ تەك بال شاراپ شىعارۋ ٴۇشىن، بۇل سىلۋ شاراپ قوجالىعىنا ەكسكۋرسيالاي كەلگەن ساۋداگەرلەرگە تەرەڭ اسەر قالدىردى.
تالاي جىلدان بەرگى تاباندىلىق سىلۋ شاراپ قوجالىعىنىڭ ٴجۇزىم باعىن وزگەشە ەرەكشەلىككە يە ەتتى. لي يۇڭ ٴجۇزىم ەگىلگەن جەردە قۇس ۇياسىنىڭ بارعان سايىن كوبەيگەندىگىن، كوپتەگەن قۇستاردىڭ وسى ارادا ٴوسىپ ـ كوبەيگەنىن بايقادى. جەرگىلىكتى شارۋالار قۇستاردى قۋىپ جىبەرۋدى، ايتپەسە قۇستاردىڭ ٴجۇزىمدى جەپ قوياتىندىعىن ايتتى.
”استە بولمايدى!“ لي يۇڭ بۇل ۇسىنىستى تويتارىپ قانا قويماي، ولاردى زيانداماۋدى تالاپ ەتتى، ناتيجەدە قۇستاردىڭ جەگەن زياندى جاندىكتەرى جۇزىمنەن الدەقايدا كوپ بولدى. بارعان سايىن كوبەيگەن قۇس ۇياسى دا لي يۇڭعا جاڭا وي سالدى — 2023 ـ جىلى سىلۋ شاراپ قوجالىعى نياۋچاۋ جەلىلەس ٴجۇزىم شاراپتارىن ۇسىندى، ۇلى تابيعاتتىڭ ٴدامى بار وسى ٴجۇزىم شارابى ىلگەرىندى ـ كەيىندى 26 مەدالعا قول جەتكىزىپ، ەل ٴىشى ـ سىرتىنداعى كوپتەگەن شاراپ باعالاۋشىلارىنىڭ القاۋىنا بولەندى.
”ىلە اڭعارىنىڭ وزگەشە جاعراپيالىق ورنى بۇل جەردى شاراپ اشىتىلاتىن ٴجۇزىم وسەتىن كەرەمەت جەرگە اينالدىردى، سىلۋ شاراپ قوجالىعى شىعارعان ٴجۇزىم شارابىنىڭ ساپاسى ەرەكشە جاقسى، ٴسوزسىز، حالىقارالىق ٴجۇزىم شارابى بازارىندا بارعان سايىن ماڭىزدى ورىن يەلەيتىندىگىنە سەنەمىن“، ـ دەدى 3 ـ ايدىڭ 3 ـ كۇنى فرانسيا PELLENC سەرىكتەستىگى ازيا رايونىنىڭ نىسان باس باقىلاۋشىسى داميان دەبۇف تىلشىگە.
داميان دەبۇف تۇرعان سەرىكتەستىك شاراپ اشىتۋ جابدىقتارىن وندىرەتىن، ساتاتىن كاسىپورىن، سونداي ـ اق ول دا فرانسيادا اجەپتاۋىر اتاعى بار شاراپ باعالاۋشى، اۆستراليانىڭ، جاڭا زەلانديانىڭ، فرانسيانىڭ، جۇڭگونىڭ ٴجۇزىم شاراپتارىن ابدەن بىلەدى. 3 ـ ايدىڭ 3 ـ كۇنى سىلۋ شاراپ قوجالىعى شاعىن كولەمدى شاراپ باعالاۋ جينالىسىن وتكىزىپ، وعان 10 ٴتۇرلى ٴجۇزىم شارابىن باعالاتتى، ول شاراپتىڭ ٴتۇسىن كوردى، ٴيىسىن يىسكەدى، ٴدامىن تاتتى... بۇل رەتكى شاراپ باعالاۋ وعان باقىتتى كۇي سيلادى.
”مەنىڭشە، سىلۋ شاراپ قوجالىعىنىڭ ٴار ٴتۇرلى جەلىلەس قىشقىل قىزىل ٴجۇزىم شارابى، قىشقىل اق ٴجۇزىم شارابى تۇگەلدەي حالىقارالىق بازارعا سالىنۋ، دۇنيە جۇزىمەن ورتاقتاسۋ قابىلەتىن ازىرلەگەن، سىلۋ شاراپ قوجالىعىنىڭ ٴجۇزىم شارابى كوپتەگەن ايگىلى ماركالى ٴجۇزىم شاراپتارىمەن باسەكەلەسە الاتىندىعى داۋسىز“، ـ دەدى داميان دەبۇف.
