جۇڭگو كوممۋنيستىك پارتياسى ورتالىق كوميتەتى كەڭسەسى «حابارلاندىرۋ» باسىپ تاراتتى
بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى ورىستەتىلەدى
شينحۋا اگەنتتىگىنىڭ 3 ـ ايدىڭ 17 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى تاياۋدا «بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىنەدى) باسىپ تاراتتى.
«حابارلاندىرۋدا» مىنالار اتاپ كورسەتىلدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ ورنالاستىرۋىن دايەكتىلەندىرىپ، تياناقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ جەتىستىكتەرىن بەكەمدەپ، كەڭەيتىپ، پارتيا ٴتارتىبىن ۇيرەنۋ تاربيەسىنىڭ جەتىستىكتەرىن بەكەمدەپ، تەرەڭدەتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، ستيل قۇرىلىسىنىڭ ۇدايىلانۋىن، ۇزاق ٴونىمدى بولۋىن ىلگەرىلەتۋ ٴۇشىن، پارتيا ورتالىق كوميتەتىنىڭ ماقۇلداۋىمەن بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى (تومەندە قىسقارتىلىپ ”ۇيرەنۋ تاربيەسى“ دەلىنەدى) ورىستەتىلەدى. ۇيرەنۋ تاربيەسى 2025 ـ جىلعى مەملەكەتتىك ەكى ماجىلىستەن كەيىن باستالادى، 7 ـ ايدىڭ اياعىنان بۇرىن نەگىزىنەن تامامدالادى.
«حابارلاندىرۋدا» مىنالار ايقىندالدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ جاسامپاز نازارياسىمەن قارۋلانۋدى ۇزدىكسىز تەرەڭدەتىپ، بۇكىل پارتيانى باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋىن مۇقيات ۇيرەنۋگە، تۇسىنۋگە ۇيىمداستىرىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن ۇيرەنىپ، ٴتۇسىنىپ جانە دايەكتىلەندىرىپ، تياناقتاندىرىپ، پارتيانىڭ 18 ـ قۇرىلتايىنان بەرى، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋدە قول جەتكەن ەلەۋلى تابىستاردى جۇيەلى قورىتىندىلاپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىنا قايشى كورنەكتى ماسەلەلەردى شوعىرلى جونگە سالىپ، بۇرىس ستيلدەن شىرىكتەسۋگە ٴوتۋ دەلو مىسالدارىنان پايدالانىپ ەسكەرتۋ تاربيەسىن كۇشەيتىپ، پارتيا مۇشەلەرىن، كادرلاردى پارتيالىلىقتى شىڭداۋعا، يدەيا ساناسىن جوعارىلاتۋعا جەتەكتەپ، پارتيا مەن بۇقارانىڭ، كادرلار مەن بۇقارانىڭ قاتىناسىن كۇشەيتىپ، ستيل قۇرىلىسىنىڭ تىڭ تابىستارى ارقىلى پارتيانىڭ العاباسارلىعىن، كىرشىكسىزدىگىن ساقتاۋدى ىلگەرىلەتىپ، حالىق بۇقاراسىنىڭ سەنىمى مەن قولداۋىنا ۇزدىكسىز يە بولىپ، رەفورمانى ونان ارى جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە كۇشتى قامتاماسىزدىق ازىرلەۋ كەرەك.
«حابارلاندىرۋدا» مىنالار باسا دارىپتەلدى: نازاردى نەگىزگى تاقىرىپقا، قاراپايىم، ناقتى بولۋعا شوعىرلاندىرۋعا تاباندى بولىپ، توپقا، كەزەڭگە بولمەۋ، ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتىپ، كۇندەلىكتى تۇرمىسپەن توعىستىرىپ ۇنەمى يگەرۋ كەرەك. ۇيرەنۋ، زەرتتەۋ ـ تالقىلاۋدا باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن جانە ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن ۇيرەنۋگە ۇيىمداستىرىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ تابىستارى مەن تاجىريبەلەرىن قورىتىندىلاپ، ۇيرەنىپ، تانىمدى جوعارىلاتىپ، سەنىمدى كۇشەيتىپ، تياناقتاندىرۋدى تاباندىلىقپەن مىقتى يگەرۋ كەرەك. ماسەلەلەردى تەكسەرىپ ورتاعا سالۋدا تالاپقا، ولشەمگە تۋرالانىپ تەكسەرىپ ورتاعا سالىپ، ٴتارتىپ تەكسەرۋ، باقىلاۋ ـ تەكسەرۋ، شارلاۋ، شارلاپ تەكسەرۋ، قازىنالىق باقىلاۋ بويىنشا باقىلاۋ، قازىنا جانە ەسەپ ـ قيساپ باقىلاۋى، تەكسەرۋگە قۋزاۋ، تەكسەرۋ ـ زەرتتەۋ، ارىز ـ ارمان ىستەرى بويىنشا اڭىس ەتۋ سياقتى جولداردى تولىق قولدانىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن تياناقتاندىرۋ جاعىندا ساقتالعان ماسەلەلەردى جالپى بەتتىك، ىشكەرىلەي انىقتاۋ كەرەك. شوعىرلى رەتتەۋ ـ وڭاۋدا قانداي ماسەلە بولسا، سول ماسەلەنى شەشۋگە، قانداي ماسەلە كورنەكتى بولسا، سول ماسەلەنى ٴتۇيىندى تۇردە رەتتەپ وڭاۋعا تاباندى بولىپ، تاباندا تەكسەرىپ، تاباندا تۇزەتۋ، بىلگەن زامان تۇزەتۋ كەرەك. اشىق تاربيە جۇرگىزۋدە بۇقارانىڭ قاتىناسۋىنا ايرىقشا نازار اۋدارىپ، بۇقارانىڭ باقىلاۋىن قابىلداۋ، ٴار دارەجەلى باسشى كادرلار باستاماشىلدىقپەن جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرىپ، پارتيا مۇشەلەرىن، كادرلاردى قىزمەت ورىندارىن تياناق ەتۋگە ۇيىمداستىرىپ، جوعارى ساپالى دامۋدى ىلگەرىلەتۋ، نەگىزگى ساتىنى باسقارۋدى كۇشەيتۋ، شۇعىل، قيىن، قاتەرلى، اۋىر مىندەتتەردى ورىنداۋ بارىسىندا جاۋاپكەرشىلىك ارقالاپ ىسكەرلىك كورسەتىپ، بۇقاراعا قىزمەت وتەپ، بۇقارانىڭ سەزىپ بىلە الۋىنا مۇمكىندىك جاساۋ كەرەك.
«حابارلاندىرۋدا» مىنالار تالاپ ەتىلدى: ٴار دارەجەلى پارتكومدار (پارتيا باسشىلىق گرۋپپاسى) ٴوز رايونىنداعى، ٴوز تاراۋىنداعى، ٴوز ورنىنداعى ۇيرەنۋ تاربيەسىنىڭ باس جاۋاپكەرشىلىگىن ارقالاۋى، پارتكومداعى (پارتيا باسشىلىق گرۋپپاسى) نەگىزگى جاۋاپتى جولداستار ٴبىرىنشى جاۋاپتى ادامنىڭ جاۋاپكەرشىلىگىن ارقالاۋى، وزەكتى قىزمەتپەن تىعىز بىرلەستىرىپ، دەن قويا ۇيىمداستىرىپ اتقارىپ، تۇرگە ٴبولىپ جەتەكشىلىك ەتۋدى كۇشەيتىپ، ۇگىتتەۋدى، جەتەكشىلىك ەتۋدى ويداعىداي ىستەپ، فورماشىلدىققا باتىل قارسى تۇرۋى كەرەك.
