حىنان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلدى
باعىتتامالى كومەكتەسۋ جانە اۋىس ـ كۇيىس، سەلبەستىك قىزمەتتەرىن تەكسەردى، ٴتۇيىلىستىردى
ما شيڭرۇي، ليۋ نيڭ، ەركىن تۇنياز، حى جۇڭيوۋ، جاڭ جۋ قيمىلعا قاتىناستى
3 ـ ايدىڭ 15 ـ كۇنى حىنان ولكەسى . شينجياڭ ۇيعۇر اۆتونوميالى رايونى، سونداي ـ اق شينجياڭ ٴوندىرىس ـ قۇرىلىس بيڭتۋانى قىزمەت اۋىس ـ كۇيىس اڭگىمە ٴماجىلىسى ۇرىمجىدە اشىلدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لي ياڭ، گو ليڭ 3 ـ ايدىڭ 17 ـ كۇنى قۇمىلدان حابارلايدى. بۇكىل ەل جوعارىدان تومەنگە دەيىن مەملەكەتتىك ەكى ٴماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ جاتقان ساتتە، 3 ـ ايدىڭ 15 ـ كۇنىنەن 17 ـ كۇنىنە دەيىن، حىنان ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭدا باعىتتامالى كومەكتەسۋ جانە اۋىس ـ كۇيىس، سەلبەستىك قىزمەتتەرىن تەكسەردى. ەكى جەر قىزمەت اۋىس ـ كۇيىس اڭگىمە ٴماجىلىسىن وتكىزىپ، جاڭا داۋىردە شينجياڭعا باعىتتامالى كومەكتەسۋ قىزمەتىن ىشكەرىلەي كەڭەيتۋدى، حىنان - شينجياڭ اۋىس ـ كۇيىسىندە، سەلبەستىگىندە اناعۇرلىم زور ناتيجەگە قول جەتكىزۋدى ىلگەرىلەتۋدى ارقاۋ ەتىپ، ٴتۇيىندى سەلبەستىك ىستەرىن بىرگە جوسپارلاپ، ىلگەرىلەتىپ، ەكى جەردىڭ جۇڭگو ۇلگىسىندەگى وسىزامانداندىرۋ قۇرىلىسىن قول ۇستاسا ىلگەرىلەتتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، حىنان ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ليۋ نيڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ قاتىستى قيمىلدارعا قاتىناستى.
3 ـ ايدىڭ 15 ـ كۇنى تۇستەن كەيىن حىنان ولكەسى . شينجياڭ ۇيعۇر اۆتونوميالى رايونى، سونداي ـ اق شينجياڭ ٴوندىرىس ـ قۇرىلىس بيڭتۋانى قىزمەت اۋىس ـ كۇيىس اڭگىمە ٴماجىلىسى ۇرىمجىدە اشىلدى. ما شيڭرۇي اۆتونوميالى رايوندىق پارتكوم، ۇكىمەت، بيڭتۋان جانە تۇتاس شينجياڭداعى ٴار ۇلت كادرلارى، بۇقاراسى اتىنان حىنان ولكەسى پارتيا، ۇكىمەت ۋاكىلدەر ۇيىرمەسىنىڭ كەلگەندىگىن قىزۋ قارسى الدى، حىنان ولكەسىنىڭ شينجياڭ قىزمەتىنە بار كۇشپەن قولداۋ كورسەتكەندىگىنە شىن جۇرەكتەن العىس ايتتى. ول بىلاي دەدى: ۇزاق ۋاقىتتان بەرى، حىنان ولكەسى شينجياڭعا باعىتتامالى كومەكتەسۋدى كەلەلى ساياسي مىندەت ەتىپ، قارجى، دارىندى، نىسان سياقتى جاقتاردا بار كۇشپەن كومەك كورسەتىپ، شينجياڭنىڭ رەفورماسىن، دامۋىن، ورنىقتىلىعىن جەبەۋگە ماڭىزدى ۇلەس قوستى، شينجياڭداعى ٴار ۇلت كادرلارى، بۇقاراسى مۇنى كوكەيىندە بەرىك ساقتايدى. تاياۋ جىلداردان بەرى، باس شۋجي شي جينپيڭنىڭ جانە پارتيا ورتالىق كوميتەتىنىڭ پارمەندى باسشىلىعىندا، حىنان ىقىلاستى تاپسىرمانى ەستە بەرىك ساقتاپ، نازاردى ”تورتتە جوعارى بولۋ، تورتتە الدىن بەرمەۋگە“ شوعىرلاندىرىپ، قاجىرلىلىقپەن ىستەپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋدىڭ حىنان تاراۋىن كۇش سالا جازدى. شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ”بەس ۇلكەن ستراتەگيالىق ورنىن“ كوزدەپ جاۋاپكەرشىلىك ارقالاپ، ەكپىندەي ىلگەرىلەپ، جوعارى ساپالى دامۋدى ىلگەرىلەتۋدە كۇشتى تەبىن بايقاتتى. ٴبىز حىنانمەن ستراتەگيالىق ٴتۇيىلىسۋدى ونان ارى تەرەڭدەتىپ، دامۋدا بىرلەسىپ ارەكەتتەنىپ، جاڭا داۋىردەگى شينجياڭعا كومەكتەسۋ قىزمەتىنىڭ قوس باعىتتا سەلبەسۋگە، تەڭ يگىلىككە كەنەلىپ دامۋعا قاراي ويىسۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋگە بىرگە تىڭ ۇلەس قوسۋدى قالايمىز. كاسىپ سالاسىنىڭ ٴوزارا تولىقتاپ سەلبەسۋىن ۇزدىكسىز كۇشەيتىپ، شينجياڭنىڭ مۇناي ـ گاز، كومىر، جاڭا ەنەرگيا سياقتىلارىن ارقاۋ ەتىپ، كەلەلى نىساندارعا قارجى قوسۋ سەلبەستىگىن كۇشەيتىپ، مەملەكەتتىڭ ەنەرگيا بايلىعى حاۋىپسىزدىگىن بار كۇشپەن قورعايمىز. جوعارى دەڭگەيدە ەسىك اشۋدى قول ۇستاسا كەڭەيتىپ، شينجياڭدى ازيا - ەۆروپا التىن ارناسى جانە باتىسقا ەسىك اشۋدىڭ الدىڭعى شەبى ەتىپ تۇلعالاۋدى حىناننىڭ ىشكى قۇرلىقتىق ەسىك اشۋدىڭ بيىگىن تۇلعالاۋىمەن بىرلەستىرىپ، حالىقارالىق زات اينالىمى ارناسىن ىركىلىسسىزدەندىرىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەر بازارىن كەڭەيتىپ، جاڭا دامۋ ارناسىنا اناعۇرلىم جاقسى قىزمەت وتەۋىمىز جانە توعىسۋىمىز كەرەك. جۇڭحۋا ۇلتى ورتاق تۇلعا قۇرىلىسىن بىرگە ىلگەرىلەتىپ، مادەنيەت، ساياحات سەلبەستىگىن تەرەڭدەتىپ، ٴار سالادا كادرلاردىڭ، بۇقارانىڭ اۋىس ـ كۇيىسىن، بارىس ـ كەلىسىن كەڭەيتىپ، ارالاسۋدىڭ، ىشتەسۋدىڭ، توعىسۋدىڭ دارەجەسى مەن دەڭگەيىن ۇزدىكسىز جوعارىلاتۋىمىز كەرەك.
ليۋ نيڭ حىنان ولكەلىك پارتكوم جانە ولكەلىك ۇكىمەتى اتىنان شينجياڭنىڭ ۇزاق ۋاقىتتان بەرى حىناننىڭ دامۋىنا زور كۇشپەن قولداۋ كورسەتىپ كەلگەندىگىنە العىس ايتتى، شينجياڭنىڭ ەكونوميكالىق، قوعامدىق دامۋدا قول جەتكىزگەن كورنەكتى جەتىستىكتەرىن قۇتتىقتايتىندىعىن ٴبىلدىردى. ول بىلاي دەدى: وسى جولعى شينجياڭداعى ساپاردا ٴبىز اۆتونوميالى رايوندىق پارتكوم، ۇكىمەت جانە بيڭتۋان باسشىلارىنىڭ ٴار ۇلت بۇقاراسىن ىنتىماقتاستىرىپ، باستاپ بىرگە كۇرەس جۇرگىزگەن قايسار جىگەرىن، جاۋاپكەرشىلىك ارقالاۋ رۋحىن، ناقتى ٴىس ىستەۋ ستيلىن تولىق سەزىندىك، شينجياڭنىڭ وڭىرلىك ورنىنىڭ ماڭىزدىلىعىن، قوعامىنىڭ تىنىش، ورنىقتى ەكەندىگىن، ەكونوميكاسىنىڭ گۇلدەنىپ، دامىعاندىعىن تەرەڭ سەزىندىك، بۇعان شىن جۇرەكتەن سۇيىندىك ٴارى قۋاندىق. قازىر حىنان باس شۋجي شي جينپيڭنىڭ حىنان قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، ٴبىرسىپىرا ساياسات ”كەشەندى شارالارىن“ تياناقتاندىرىپ، بۇكىل ەلدىڭ ٴبىر تۇتاس ۇلكەن بازارى قۇرىلىسىمەن بەلسەنە توعىسىپ جانە وعان قىزمەت وتەپ، تۇتاس ولكەنىڭ ەكونوميكالىق اينالىمىنىڭ ورنىقتىلىق بارىسىندا جاقسارۋىن، ورنىقتىلىق بارىسىندا جاڭارۋىن، ورنىقتىلىق بارىسىندا ساپالىلانۋىن ىلگەرىلەتۋدە. حىنان مەن شينجياڭنىڭ اراسى شالعاي بولعانىمەن، بايلانىسىنىڭ تامىرى تەرەڭ، دوستىعى ارىدان جالعاسقان، ەكى جەردىڭ بايلىق ارتىقشىلىعىنىڭ، سالىستىرمالى باسىمدىعىنىڭ ٴوزارا تولىقتاۋ سيپاتى كۇشتى، اۋىس ـ كۇيىس، سەلبەستىك جاساۋ ٴورىسى كەڭ. ٴبىز شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، نازاردى جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىگە شوعىرلاندىرىپ، جالپى بەتتىك، دالمە ـ ٴدال، ۇزاق مەزگىل قولداۋعا تاباندى بولىپ، ٴتۇيىن ەكونوميكاسى، ەنەرگيا بايلىعى، زات اينالىمى ارناسى سياقتى سالالاردى ارقاۋ ەتىپ، ارتىقشىلىقتارىمەن ٴوزارا تولىقتاۋدى كوزدە ۇستاي وتىرىپ كاسىپ سالاسىنىڭ دامۋىنا دەم بەرىپ، ستراتەگيالىق ٴتۇيىلىسۋدى كۇشەيتىپ، سەلبەستىك ٴورىسىن كەڭەيتىپ، وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن شينجياڭعا باعىتتامالى كومەكتەسۋ قىزمەتىنىڭ جوعارى ساپالى جۇرگىزىلۋىن ىلگەرىلەتىپ، حىنان مەن شينجياڭنىڭ سەلبەستىگىنىڭ، اۋىس ـ كۇيىسىنىڭ جاڭا تاراۋىن قۇلشىنا جازامىز.
اڭگىمە ماجىلىسىندە چىن ۋيجۇن، شۋە بين اۆتونوميالى رايون مەن بيڭتۋاننىڭ رەفورما، دامۋ، ورنىقتىلىق، سونداي ـ اق حىنانمەن سەلبەستىك جاساۋ جاعدايىن جەكە ـ جەكە تانىستىردى. حىنان ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى سۇن شوۋگاڭ حىناننىڭ ەكونوميكالىق، قوعامدىق دامۋ جانە باعىتتامالى كومەكتەسۋ قىزمەتى جاعدايىن تانىستىردى.
شينجياڭداعى كەزىندە ۋاكىلدەر ۇيىرمەسىندەگىلەر ٴۇرىمجى حالىقارالىق قۇرلىقتىق پورت رايونىنا بارىپ، ەسىك اشۋدى، سەلبەستىكتى جەبەۋ قىزمەتىن ىشكەرىلەي تەكسەردى؛ مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ ەنەرگيا ۇلكەن ساندى مالىمەت ورتالىعىندا جاڭا ەنەرگيانىڭ دامۋى مەن ەلەكتردىڭ سىرتقا جەتكىزىلۋ قىزمەتى اياق الىسىن ۇعىستى. قۇمىل قالاسىندا ۋاكىلدەر ۇيىرمەسى مەملەكەتتىك تۋىندايتىن ەنەرگيا ينفورماتسيا باسقارۋ ورتالىعى قۇمىل بولىمشە ورتالىعىنا بارىپ، قۇمىلدىڭ ەنەرگيا كاسىپ سالاسىنىڭ دامۋ ناتيجەسى جونىندە تەكسەرۋ ـ زەرتتەۋ جۇرگىزدى؛ قۇمىل قالاسىنىڭ كاسىپتىك، تولىق كۋرس جوعارى مەكتەپتەرىنىڭ قۇرىلۋى جونىندەگى قىزمەتتەرىن تەكسەردى، باركول قازاق اۆتونوميالى اۋدانىنداعى چيڭ داۋىرىندەگى استىق قامباسىنىڭ ەسكى جۇرتىن، گاۋجياحۋ كولى سازدىعىن جانە شينشيڭ قالالىق حۇڭشيڭ شيپاحاناسى شينشيڭ رايونىن، شينشيڭ قالالىق مۇراجايىن ارالاپ، سۋ يگىلىگى، ەمدەۋ جاعىنان شينجياڭعا كومەكتەسۋ جانە شينجياڭدى مادەنيەتپەن نارلەندىرۋ ونىمدىلىگىن ۇعىستى؛ يجوۋ رايونى ليۋشۋگوۋ اۋىلى يكىشۋ قىستاعىندا نەگىزگى ساتىنى باسقارۋ مەن اۋىل ـ قىستاقتى گۇلدەندىرۋ قىزمەتى جونىندە تەكسەرۋ ـ زەرتتەۋ جۇرگىزدى. ۋاكىلدەر ۇيىرمەسى تاعى حىنان ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنا بارىپ، شينجياڭعا كومەكتەسۋگە كەلگەن كادرلاردان، دارىندىلاردان حال سۇرادى. قۇمىلداعى كەزىندە ۋاكىلدەر ۇيىرمەسى قۇمىل قالاسىمەن، شينشيڭ قالاسىمەن اڭگىمە ٴماجىلىسىن اشىپ، قول قويىسۋ سالتى مەن جىلۋ اتاۋ قيمىلىن وتكىزدى.
حىنان ولكەسىنىڭ باسشىلارىنان چىن شيڭ، ۋاڭ گاڭ، جياڭ ليڭ، اۆتونوميالى رايون مەن بيڭتۋاننىڭ باسشىلارىنان ٴيۇسۇپجان مامەت، قادەن كابەن، ۋاڭ لين، جين جىجىن، حا زىڭيوۋ قاتىستى قيمىلدارعا قاتىناستى.
