— ۋاكىلدەر، مۇشەلەر مەملەكەتتىك ەكى ٴماجىلىس رۋحىن باستاماشىلدىقپەن ۇيرەندى، ۇگىتتەدى، دايەكتىلەندىردى
انار بۇلت \ شينجياڭ گازەتىنىڭ تىلشىلەرى جاڭ يانفاڭ، جاڭ لەي، يان شياۋتيان
زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، بىرگە ەكپىندەي ىلگەرىلەپ، ۇدەرە العا باسىپ، بولاشاققا اتتاندى. بىرنەشە كۇننەن بەرى، قىزمەت ورنىنا قايتىپ كەلگەن شينجياڭداعى مەملەكەتتىك حالىق قۇرىلتايىنىڭ ۋاكىلدەرى، شينجياڭدا تۇراتىن مەملەكەتتىك ساياسي كەڭەستىڭ مۇشەلەرى بەلسەنە ارەكەتتەنىپ، نەگىزگى ساتىنىڭ ٴبىرىنشى شەبىنە ىشكەرىلەي بارىپ، مەملەكەتتىك ەكى ٴماجىلىس رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن باستاماشىلدىقپەن ۇگىتتەپ، دايەكتىلەندىرىپ، ەكى ٴماجىلىس رۋحىنىڭ جۇرت جۇرەگىنە تەرەڭ ۇيالاۋىن، تياناقتانىپ ونىمدىلىك كورسەتۋىن ىلگەرىلەتىپ، كوپشىلىكتى ٴبىر نيەتپەن سەلبەسىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا ىنتالاندىردى.
3 ـ ايدىڭ 14 ـ كۇنى ۇلۇقشات اۋدانى تويۇن اۋىلى سۇيەك قىستاعىندا ٴار ۇلت بۇقاراسى ٴبىر اراعا باس قوسىپ، مەملەكەتتىك ساياسي كەڭەستىڭ مۇشەسى ايىمسا توحتاحۇننىڭ مەملەكەتتىك ەكى ٴماجىلىس رۋحى جونىندەگى ۇگىت لەكسياسىن مۇقيات تىڭدادى. ول حالىق تۇرمىسىن قامتاماسىز ەتۋ، اۋىل ـ قىستاقتى گۇلدەندىرۋ سياقتى بۇقارامەن ەتەنە بايلانىستى مازمۇندارمەن تىعىز ۇشتاستىرىپ، ۇعىنىقتى تىلمەن ٴتۇسىندىردى، كوپشىلىك تە دەن قويا تىڭدادى.
ۇكىمەت قىزمەتىنەن باياندامادا مىنالار اتاپ كورسەتىلدى: جالپىعا ٴتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، الەۋمەتتىك قىزمەت وتەۋ مەن قوعامدىق قامتاماسىزداندىرۋ دەڭگەيىن ورنىقتى جوعارىلاتىپ، قوعامنىڭ جاراسىمدىلىعىن، ورنىقتىلىعىن جەبەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ”مەملەكەتتىك ەكى ماجىلىستەگى كوپتەگەن شەشىمدەردىڭ، ورنالاستىرۋلاردىڭ بارلىعى بۇقارانىڭ تۇرمىسىمەن تىعىز بايلانىستى، ٴبىز ماجىلىستەگى جاقسى حاباردى كوپشىلىككە جەتكىزەمىز“. ايىمسا توحتاحۇن مىنالاردى ٴبىلدىردى: بۇقارا قۋانا تىڭداپ، ۇناتا كورەتىن تاسىلمەن ۇگىت لەكسيا جاساپ، كوپشىلىكتىڭ جاقسى ساياساتتىڭ پايداسىن دەر كەزىندە تۇسىنۋىنە جانە ودان يگىلىكتەنۋىنە مۇمكىندىك جاسايمىز.
ٴۇشتۇرپان اۋدانى يماملىرىم قالاشىعىنداعى مەملەكەتتە ٴبىر تۇتاس قولدانىلاتىن ٴتىل باستاۋىش مەكتەبىندە مەملەكەتتىك حالىق قۇرىلتايى ۋاكىلى قۇربان نيازدىڭ بەيجيڭنەن قايتىپ كەلگەنىن ەستىگەن وقۋشىلار تەبىرەنە الدىنان شىعىپ ونى قۇشاقتاپ الدى. قۇربان نياز ماجىلىسكە قاتىناسقانداعى كورگەندەرىمەن، ەستىگەندەرىمەن، سەزىنگەندەرىمەن ۇشتاستىرىپ، وقىتۋشى ـ وقۋشىلارعا ٴوز نازارىنداعى ەكى ٴماجىلىستى ٴتۇسىندىردى ٴارى مەملەكەتتە ٴبىر تۇتاس قولدانىلاتىن ٴتىل ـ جازۋدى كەڭەيتۋ، جالپىلاستىرۋ، جۇڭحۋا ۇلتى ورتاق تۇلعا تانىمىن بەكەمدەۋ سياقتى جاقتاردان ٴوزىنىڭ مىندەت اتقارۋ حيكايالارى مەن اسەرلەرىن، ويلارىن ٴبولىستى. ”ۇگىت لەكسيانى تىڭداعاننان كەيىن ەرەكشە تەبىرەندىم. مەن، ٴسوز جوق، قۇلشىنا ۇيرەنىپ، جاقسى داشۋەگە قابىلدانىپ، بولاشاقتا اۋىلىمدى ٴتىپتى دە كوركەم ەتىپ قۇرىپ شىعامىن“، ـ دەدى وقۋشى گۇلنازار تۇرسۇن.
3 ـ ايدىڭ 13 ـ كۇنى قاراقاش اۋدانى توحۇلا اۋىلى بۇعۇششى قىستاعىنىڭ جيىن زالىندا مەملەكەتتىك حالىق قۇرىلتايى ۋاكىلى ابدۇمامەت وبۇل قىستاقتاعى پارتيا مۇشەلەرىنە مەملەكەتتىك ەكى ٴماجىلىس رۋحى جونىندە ۇگىت لەكسيا جاسادى. ول ۇكىمەت قىزمەتىنەن بايانداماداعى اۋىل ـ قىستاقتى گۇلدەندىرۋ، نەگىزگى ساتىنى باسقارۋ، حالىق تۇرمىسىن قامتاماسىز ەتۋ سياقتى جاقتارداعى مازمۇنداردان باستاپ كىرىسىپ، تەرەڭ ويدى تۇسىنىكتى تىلمەن ٴتۇسىندىردى. ول تاعى وتباسىلارىن ارالاپ جاعداي ۇعىسۋ بارىسىندا ٴار ۇلت بۇقاراسىنا ەكى ٴماجىلىس رۋحىن جەتكىزدى.
ۇكىمەت قىزمەتىنەن باياندامادا مىنالار العا قويىلدى: جەرگىلىكتى جاعدايعا قاراي شارۋاشىلىقتى وركەندەتۋدى، اۋداندى قۋاتتاندىرۋدى، حالىقتى بايىتۋدى ٴبىر تۇلعالاندىرىپ دامىتۋدى ىلگەرىلەتىپ، ”جەرگىلىكتى ەرەكشە ونىمدەر“ قىزمەتىن ويداعىداي ىستەۋ، ورمان ەكونوميكاسىن دامىتىپ، اۋىل ـ قىستاقتارداعى ەرەكشەلىككە يە شارۋاشىلىق تىزبەگىن ۇزارتۋدى، ونىمدىلىگىن ارتتىرۋدى، شارۋالارمەن بىرلەسۋدى، شارۋالاردى جەتەكتەۋدى جەبەپ، شارۋالاردىڭ كىرىسىن ارتتىرۋ ارناسىن كەڭەيتۋ كەرەك. ”بۇل اۋىلداستار كوڭىل ٴبولىپ وتىرعان ٴىرى ٴىس، قىستاق پارتيا ياچەيكاسىنىڭ شۋجيى رەتىندە، مەن مەملەكەتتىك ەكى ٴماجىلىستىڭ ورنالاستىرۋلارىن، تالاپتارىن ناقتى تياناقتاندىرىپ، بۇقارانىڭ ۇلكەندى ـ كىشىلى ىستەرىن ويداعىداي شەشىپ، كوپشىلىكتىڭ ’اقشا قاپشىعىنىڭ‘ اناعۇرلىم قامپايۋىنا، تۇرمىسىنىڭ اناعۇرلىم باقىتتى بولۋىنا مۇمكىندىك جاسايمىن“، ـ دەدى ابدۇمامەت وبۇل.
بىرنەشە كۇننەن بەرى شاپشال سىبە اۆتونوميالى اۋدانىنا قايتىپ كەلگەن مەملەكەتتىك ساياسي كەڭەستىڭ مۇشەسى گۋان فاڭفاڭ ”ەكى ٴماجىلىستىڭ جاقسى ٴۇنىن“ جەتكىزىپ، ورگاندارعا، مەكتەپتەرگە بارىپ ۇگىت لەكسيا جاساپ، كوپشىلىك كوڭىل ٴبولىپ وتىرعان وقۋ ـ اعارتۋ، ەمدەۋ، كاسىپ سالاسىن دامىتۋ سياقتى ماسەلەلەر جونىندە ەگجەي ـ تەگجەيلى بايىمداۋ جاسادى. وسى اۋدانداعى ورتالاۋ مەكتەپتە جاساعان ۇگىت لەكسياسىندا ول وقىتۋشىلاردى وقىتۋ دەڭگەيىن ۇزدىكسىز جوعارىلاتىپ، وقىتۋ ادىسىندە جاڭالىق اشىپ، وقۋشىلارعا اناعۇرلىم ساپالى ۇيرەنۋ ورتاسىن جاراتۋعا ىنتالاندىردى. گۋان فاڭفاڭ بىلاي دەدى: ”جاڭا داۋىردەگى وقۋ ـ اعارتۋ قىزمەتكەرى رەتىندە، پارتيا ٴۇشىن ادام تاربيەلەۋ، مەملەكەت ٴۇشىن دارىندى تاربيەلەۋ اۋەلگى ماقساتىمدى، بورىشىمدى باستان ـ اياق ەستە بەرىك ساقتاپ، كوپشىلىكپەن بىرگە قۇلشىنىپ، ٴاربىر بالانىڭ ٴادىل دە ساپالى وقۋ ـ اعارتۋدان يگىلىكتەنۋىنە مۇمكىندىك جاسايمىن“.
3 ـ ايدىڭ 14 ـ كۇنى مەملەكەتتىك حالىق قۇرىلتايىنىڭ ۋاكىلى ما يانان سانجى حۇيزۋ اۆتونوميالى وبلىسىنىڭ پارتيا، ۇكىمەت كادرلارىنا مەملەكەتتىك ەكى ٴماجىلىس رۋحى جونىندە ۇگىت لەكسيا جاسادى. ول جاندى دا جالىندى تىلمەن باس شۋجي شي جينپيڭنىڭ ماڭىزدى ٴسوزىنىڭ رۋحاني ٴمانىن، ۇكىمەت قىزمەتىنەن باياندامانىڭ باستى مازمۇنىن ٴتۇسىندىردى. كوپشىلىكتىڭ ساياسات جونىندەگى تۇسىنىگىن ونان ارى تەرەڭدەتىپ، بولاشاق دامۋ جونىندەگى سەنىمدەرىن نىعايتا ٴتۇستى. ول بىلاي دەدى: ”اۋىل شارۋاشىلىعى سالاسىنا تەرەڭ تامىر تارتقان حالىق قۇرىلتايى ۋاكىلى رەتىندە، بۇدان كەيىن قىزمەت ٴىس جۇزىندىگىممەن ۇشتاستىرىپ، اۋىل شارۋاشىلىعى، اۋىل ـ قىستاق، شارۋالارعا دەن قويا قىزمەت وتەپ، سىندارلى، حالىق تۇرمىسىنا تيىمدىلىك جەتكىزەتىن اناعۇرلىم كوپ ۇسىنىس قويىپ، ٴىس جۇزىندىك ارەكەتىم ارقىلى حالىق قۇرىلتايى ۋاكىلدەرىنىڭ بورىشى مەن جاۋاپكەرشىلىگىن ايگىلەيمىن“.
