تورەبايەۆ، ەركىن تۇنياز قاتىناستى
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 17 ـ كۇنى ۇرىمجىدەن حابارلايدى. 3 ـ ايدىڭ 17 ـ كۇنى 2 ـ كەزەكتى جۇڭگو (شينجياڭ) — قىرعىزستان ٴتۇيىندى سەلبەستىك نىساندارىن ىلگەرىلەتۋ ٴماجىلىسى جانە جۇڭگو — قىرعىزستان ۇكىمەت ارالىق ەكونوميكا ـ ساۋدا سەلبەستىك كوميتەتى جۇڭگو شينجياڭ — قىرعىزستان ىرگەلەس وڭىرلەرى ەكونوميكا ـ ساۋدا سەلبەستىك قىزمەت گرۋپپاسىنىڭ 12 ـ رەتكى ٴماجىلىسى ۇرىمجىدە وتكىزىلىپ، جۇڭگو مەن قىرعىزستاننىڭ جەرگىلىكتى ورىندارىنىڭ سەلبەستىگىن اناعۇرلىم تەرەڭدەتۋ سياقتىلار جونىندە پىكىر اۋىستىردى.
قىرعىزستاننىڭ ورىنباسار زۇڭليى تورەبايەۆ ماجىلىسكە قاتىناستى ٴارى ٴسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى ٴارى ٴسوز سويلەدى.
تورەبايەۆ مىنالاردى ٴبىلدىردى: ٴتوراعا شي جينپيڭ مەن جاپاروۆ زۇڭتۇڭنىڭ ستراتەگيالىق جەتەكشىلىگىندە، قىرعىزستان — جۇڭگو ەكى ەلدىڭ جاڭا داۋىردەگى جالپى بەتتىك ستراتەگيالىق سەرىكتەستىك قارىم ـ قاتىناسى ورنىقتى، اقاۋسىز دامىدى. اسىرەسە، 2024 ـ جىلى قىرعىزستان جۇڭگونىڭ شينجياڭىمەن بەدەل شەكارا وتكەلىندە كەدەننەن ٴوتۋدى جانە جۇڭگو — قىرعىزستان — وزبەكستان تەمىر جول نىسانى قۇرىلىسىن ماڭىزدى وراي ەتىپ، جەرگىلىكتى ورىندار ارا ەكونوميكا ـ ساۋدا، قارجى قوسۋ، ۇلاستىرۋ ـ تۇتاستىرۋ، اۋىل شارۋاشىلىعى، ەنەرگيا سياقتى سالالارداعى ناقتى ىستەر سەلبەستىگىن ۇزدىكسىز تەرەڭدەتتى، يمپورت ـ ەكسپورت ساۋدا سوماسى بارىنشا جوعارىلادى، بۇل ادامدى ايرىقشا جەلپىندىردى. جۇڭگونىڭ شينجياڭى ازيا - ەۆروپا التىن ارناسى مەن باتىسقا ەسىك اشۋدىڭ الدىڭعى شەپ قامالىن كۇش سالا تۇلعالاۋدا دامۋ ٴورىسى كەڭ، بولاشاعى نۇرلى. ٴبىزدىڭ بىرگە قۇلشىنۋىمىزدىڭ ارقاسىندا، ەكى جاق جوعارى ٴونىمدى قارىم ـ قاتىناس مەحانيزمى مەن تابىستى سەلبەستىك مەحانيزمىن ورناتتى ٴارى كوپتەگەن ورتاق تانىمعا كەلدى. وسى رەتكى ٴماجىلىس ارقىلى ەكى ەلدىڭ مەملەكەت باسشىلارى جاساعان سەلبەستىك جوباسىن اناعۇرلىم ويداعىداي تياناقتاندىرىپ، ٴار سالاداعى سەلبەستىكتى تەرەڭدەتۋدى ىلگەرىلەتەمىز.
ەركىن تۇنياز بىلاي دەپ اتاپ كورسەتتى: سوڭعى جىلدارى ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو — قىرعىزستان قارىم ـ قاتىناسى سەكىرمەلى دامۋدى ىسكە اسىردى. جۇڭگونىڭ شينجياڭى مەن قىرعىزستاننىڭ تاۋ ـ سۋى تۇتاسقان، گۋمانيتارلىق بايلانىسى جاقىن، حالىقتار تىلەگى توعىسقان، باستان ـ اياق جۇڭگو مەن قىرعىزستان ەكى ەلدىڭ دوستىق بارىس ـ كەلىسى مەن ناقتى ىستەر سەلبەستىگىنىڭ ەڭ الدىڭعى شەبىندە تۇرىپ كەلەدى. ٴبىز ەكى ەلدىڭ مەملەكەت باسشىلارىنىڭ ماڭىزدى ورتاق تانىمدارىن جاپپاي تياناقتاندىرىپ، وسى رەتكى ٴماجىلىستى وراي ەتىپ، قىرعىزستان جاقتىڭ جەر ـ جەرىمەن، تاراۋلارىمەن بىرگە وي جەلىسىن ۇزدىكسىز كەڭەيتىپ، ”ٴبىر بەلدەۋ، ٴبىر جولدى“ جوعارى ساپادا بىرگە قۇرۋدى نەگىزگى جەلى ەتىپ، كاسىپورىنداردى قوس باعىتتا قارجى قوسۋدى كەڭەيتۋگە ىنتالاندىرىپ، كاسىپ سالاسى، ەكونوميكا ـ ساۋدا، گۋمانيتارلىق ىستەر، ساياحات، حاۋىپسىزدىك سەلبەستىگى، اۋىل شارۋاشىلىعى، سۋ يگىلىگى، وقۋ ـ اعارتۋ، عىلىم ـ تەحنولوگيا جانە اشىق تۇعىر، شەكارا وتكەلى ەكونوميكاسى سياقتى سالالارداعى جەرگىلىكتى ورىندار ارا سەلبەستىكتى تەرەڭدەتەمىز. سونىمەن بىرگە قىرعىزستان جاقپەن ٴتۇيىلىسۋ اۋىس ـ كۇيىسىن ۇدايىلاندىرىپ ورىستەتىپ، قىزمەتتەگى قيىن تۇيىندەردى، بوگەتتى تۇيىندەردى بىرگە شەشىپ، سەلبەستىك ىستەرىنىڭ ناقتى تياناقتانۋىن جەدەل ىلگەرىلەتىپ، ەكى جاقتىڭ دوستىق بارىس ـ كەلىسى مەن ناقتى ىستەر سەلبەستىگى دەڭگەيىن ۇزدىكسىز جوعارىلاتۋدى قالايمىز.
ٴماجىلىس كەزىندە ەكى جاق ساۋدا زات اينالىمى، ەنەرگيا، كەن ونىمدەرى، مادەنيەت، ساياحات، ۇلاستىرۋ ـ تۇتاستىرۋ، اۋىل شارۋاشىلىعى جانە شيپاگەرلىك، ٴدارى ـ دارمەك سياقتى كوپ سالانى ارقاۋ ەتىپ، ٴتۇيىندى تۇردە ىلگەرىلەتىلەتىن سەلبەستىك نىساندارى جونىندە ىشكەرىلەي پىكىر اۋىستىردى.
اۆتونوميالى رايوندىق حالىق ۇكىمەتى قىرعىزستاننىڭ چۋحى وبلىستىق ۇكىمەتىمەن دوس رايون ـ وبلىس قاتىناسىن ورناتۋ نيەتناماسىنا قول قويدى، اۆتونوميالى رايوندىق بازار باقىلاۋ ـ باسقارۋ مەكەمەسى (ٴبىلىم مەنشىك ۇقىعى مەكەمەسى)، شينجياڭ بانكە شەكتى جارنا سەرىكتەستىگى جەكە ـ جەكە قىرعىزستان جاقتىڭ قاتىستى تاراۋلارىمەن جانە كاسىپورىندارىمەن سەلبەستىك كەلىسىمىنە قول قويىستى.
چىن ۋيجۇن، جۋ ليفان ماجىلىسكە قاتىناستى. قىرعىزستاننىڭ قاتىستى تاراۋلارىنىڭ، كاسىپورىندارىنىڭ جاۋاپتىلارى جانە جۇڭگودا تۇراتىن ەلشىلىك قىزمەتكەرلەرى ماجىلىسكە قاتىناستى. اۆتونوميالى رايونداعى قاتىستى تاراۋلاردىڭ جانە قاتىستى كاسىپورىنداردىڭ جاۋاپتىلارى ماجىلىسكە قاتىناستى.
