شينجياڭنىڭ گۇل تاماشالاۋ ماۋسىمى باستالدى
جەر ـ جەر كوكتەمگى رومانتيكا ەكونوميكاسىندا الدا جۇرۋگە بار ونەرىن سالدى
انار بۇلت \ شينجياڭ گازەتىنىڭ ٴتىلشىسى جاڭ شياۋمي
كوكتەمنىڭ كوركەم كورىنىسى گۇلدەردەن باستالادى. تۇرپان قالاسى، كۇنەس اۋدانى، تاشقورعان تاجىك اۆتونوميالى اۋدانى سياقتى جەرلەردەگى ەڭ الدىمەن اشىلاتىن ورىك گۇلى شينجياڭدا گۇل تاماشالاۋدىڭ شىمىلدىعىن اشتى. ورىك گۇلىن ارقاۋ ەتكەن شينجياڭنىڭ جەر ـ جەرىندەگى مادەنيەت ـ ساياحات تاراۋلارى گۇل تاماشالاۋ مەرەكەسىن جانە مادەنيەت ـ ساياحات قيمىلدارىن ورنالاستىرا باستادى، ساياحات سەرىكتەستىكتەرى دە ساياحاتشى باۋراۋعا بەلسەنە كىرىستى.
تۇرپان ورىك گۇلىنىڭ ”شينجياڭداعى ٴبىرىنشى كوكتەم“ دەگەن اتى بار. بيىل جەرگىلىكتى مادەنيەت ـ ساياحات تاراۋلارى ورىك گۇلىن دانەكەر ەتىپ، تۇتاس وڭىرلىك ساياحاتتى ىلگەرىلەتىپ، ساياحاتشىلاردى تۇرپانعا كەلىپ كوكتەممەن قاۋىشۋ ۋادەسىن ورىنداۋعا شاقىردى. جەرگىلىكتى ورىننىڭ ورىك گۇلى نەگىزگى تاقىرىپتىق قيمىلى 3 ـ ايدىڭ 22 ـ كۇنى باستالادى، نەگىزگى قيمىل ورنى توقسۇن اۋدانىندا، ٴاربىر رايون، اۋدانداردا بولىمشە قيمىل ورنى ورنالاستىرىلادى، ورىك گۇلدەگەن مەزگىلدە 100دەن استام ورىندا مادەنيەت، دەنە تاربيە، ساياحات قيمىلى وتكىزىلەدى. تۇرپان قالالىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەكەمە باستىعى ياڭ يۇڭ مىنالاردى ٴبىلدىردى: ”ورىك گۇلدەگەن ماۋسىم تۇرپاننىڭ تۇتاس وڭىرلىك، تۇتاس ماۋسىمدىق، تۇتاس حالىقتىق ساياحات جونىندە ىزدەنىس جاساۋىنا اتتانىس دابىلىن قاقتى. بيىل ٴبىز پارىقتى اسەر الۋدى نەگىز ەتىپ، ساياحاتشىلاردىڭ ٴبىر جاعىنان گۇل، ٴبىر جاعىنان قۇم تاماشالاۋىنا، گۇل تەڭىزىندە شاتتىققا بولەنىپ، قۇم تەڭىزىندە قۋانىشقا باتۋىنا جاعداي جاسايمىز“.
ساياحاتشىلاردىڭ ايالداۋ ۋاقىتىن ۇزارتۋ ٴۇشىن، تۇرپان قالاسى ەلىتە سەزىنۋ ۇلگىسىندە ويىن كورسەتۋ، مۇقام ايتۋ، ەگىن شارۋاشىلىق جىلىجايلارىندا ٴۇزۋ ـ تەرۋ، بەيزاتتىق مۇرا جارمەڭكەسى سياقتى مادەنيەت ـ ساياحات قيمىلدارىن وتكىزەدى. ساياحاتشىلار توقسۇن اۋدانىندا ورىك گۇلىن تاماشالاعاننان كەيىن، گاۋچاڭ رايونىنا بارىپ يار بازارىن ارالاپ، دارەجەسى جوعارىلاتىلعان كەشكى بازاردى كورۋىنە بولادى، جالىنتاۋدىڭ ەتەگىندە باتىسقا ساياحات دەنە تاربيە جارىسىنا قاتىناسادى، ٴپىشان اۋدانىنا بارىپ قۇمدى دالاداعى كوكتەم مۋزيكاسى سالتاناتىن باستان كەشىرەدى، شاراپ قوجالىعىن ەكسكۋرسيالايدى. ورىك باقتارىندا باعىلعان تاۋىق، قويان ەتتەرىنەن ٴدام تاتىپ، جىلىجايلاردان كوك ورىك، بۇلدىرگەن ٴۇزىپ، ت . ب وزگەشە سەزىمگە بولەنەدى.
گۇل تاماشالاعان جولاۋشىلار اعىنىن قارسى الۋ ٴۇشىن، تۇرپان قالاسىنداعى 3A دارەجەلى جانە ونان جوعارى ساياحات ٴوڭىرى حاۋىپسىزدىك تەكسەرۋىن جالپى بەتتىك ورىستەتتى ٴارى كاسىپ كۇيىن بايىتتى. 3 ـ ايدىڭ باسىندا ٴارقايسى كورىنىس ٴوڭىرى قۇرىلعىلاردى تەكسەرۋ ـ جوندەۋ قىزمەتىن ورىنداپ بولدى.
ينتەرنەتتە تانىمال گۇل تاماشالايتىن ورىن رەتىندە، كۇنەس اۋدانىنداعى نارات ورىك گۇلى اڭعارى 3 ـ ايدىڭ 4 ـ كۇنى قورشاعان ورتانى رەتتەۋ ـ وڭاۋدى باستاپ كەتتى. تۇرگەن اۋىلى جينسى شينحۋا ساياحات كاسىپتىك سەلبەستىك كووپەراتيۆىنىڭ ديرەكتورى قۋانالى الىمبەك بىلاي دەدى: 2 ـ ايدىڭ سوڭىنان باستاپ گۇل اشۋ مەزگىلى جونىندە كوپتەگەن كەڭەس سۇراۋ تەلەفونىن قابىلدادىق، مەجەمەن چيڭميڭ مەرەكەسىنىڭ الدى ـ ارتىندا جەرگىلىكتى ورىن گۇل اشۋ مەزگىلىنە وتەدى، ”بيىل كولىك توقتاتۋ الاڭى سياقتى نەگىزدىك قۇرىلعىلار ٴتىپتى دە كەمەلدەنىپ، ٴسوزسىز، باراتىن ورىندار كوبەيتىلىپ، قيمىلدار ٴتىپتى دە باي مازمۇندى بولادى“.
ىلە قازاق اۆتونوميالى وبلىسى ۇسىنعان ”الەمنىڭ ٴتورت ماۋسىمى . گۇل جامىلعان ىلە“ سىندى 7 سارا لەنيادا، ىلەدە كوكتەم لەبى ەستى — وزەن اڭعارىندا گۇل تاماشالاۋ فوتو سۋرەت ساياحاتى، ىلەگە تەرەڭ ماحاببات — الۋان گۇل شەشەك اتقان جايلاۋداعى رومانتيكالى ساياحات سياقتى نەگىزگى تاقىرىپتار قامتىلىپ، اۋىل ـ قىستاق ساياحاتى، بەيزاتتىق مۇرا، ٴوز كولىگىمەن ساياحاتتاۋ، دالادا تۇنەۋ سياقتى فاكتورلاردى بىرىكتىردى. ىلە وبلىستىق مادەنيەت، راديو ـ تەلەۆيزيا جانە ساياحات مەكەمەسى ۇگىت، جالپىلاستىرۋ جانە عىلىم، وقۋ ـ اعارتۋ باسقارماسىنىڭ باستىعى فىڭ جىنلەي مىنانى ٴبىلدىردى: ”بيىل گۇل تاماشالاۋدى ۇلتتىق سالت ـ سانا سەزىنۋىمەن، جاياۋ ارالاپ زەرتتەۋ ـ ۇيرەنۋمەن ىشكەرىلەي توعىستىرىپ، كوپ نەگىزدى كوكتەمگى ساياحات بازارىن تۇلعالايمىز“.
گۇل تاماشالاۋ ساياحاتى شينجياڭنىڭ كوكتەمگى ساياحاتىنداعى قىزۋ ٴتۇيىن رەتىندە الدەقاشان ساياحات كووپەراتيۆتەرىنىڭ قاۋىرت مەزگىلدەگى ساياحاتىنىڭ ماڭىزدى تولىقتاۋشىسىنا اينالدى. شينجياڭداعى ساياحات كووپەراتيۆتەرى 2 ـ ايدىڭ ورتا شەنىنەن باستاپ ساياحاتشى قاينارىن قاراستىردى، تۇڭعىش توپتاعى ساياحاتشىلار ۇيىرمەسىنىڭ اتتانۋ ۋاقىتى 3 ـ ايدىڭ سوڭعى شەنى، ساياحات لەنياسى تۇرپان، ىلە وزەنى اڭعارى جانە پامير ٴۇستىرتى سياقتى جاڭادان گۇلدەنگەن دابىرالى وڭىرلەردى قامتىدى. ساياحاتقا شىعۋ ٴتاسىلى ۇشاق، ٴوز اۆتوكولىگىمەن ٴجۇرۋ، موتورلى ۆاگوندار قۇراماسى سياقتى كوپ نەگىزدى بىرىككەن ارنالاردى قامتىدى.
شينجياڭ ساياحات كووپەراتيۆتەرى قوعامىنىڭ باستىعى ۋ فىڭ بىلاي دەپ اتاپ كورسەتتى: ” ’گۇل تاماشالاۋ+‘ ونىمدەرىنىڭ بارعان سايىن كوبەيۋىنە ىلەسە، سالاماتتىق ـ كۇتىنۋ، ٴدامدى تاعامدار، زەرتتەۋ ـ ۇيرەنۋ سياقتى قاتىستى نىسانداردىڭ ارتۋى كورنەكتى بولدى“.
شينجياڭ كروران جينجوۋ حالىقارالىق ساياحات كووپەراتيۆى شەكتى سەرىكتەستىگىنىڭ باس جوراسى گاۋ جياڭحۇي مىنانى ٴبىلدىردى: ۇستىرتتەگى ورىك گۇل ساياحاتى الدەقاشان 5 — 12 كۇندىك كوپ ٴتۇرلى كەمەلدى ساياحات ٴونىمىن قالىپتاستىردى، بەيجيڭ، شاڭحاي، گۋاڭجوۋ، شىنجىن سياقتى جەرلەردەن كەڭەس سۇراعانداردىڭ سانى قاۋىرت ارتتى. شينجياڭ جۇڭگو حالىقارالىق ساياحات كووپەراتيۆى ساياحاتشىلاردىڭ سۇرانىسىن ەگجەي ـ تەگجەيلىلەندىرىپ، جاستارعا مەڭزەس جارتىلاي ەركىن ساياحاتتى، قارتتارعا مەڭزەس باياۋ ريتىمدەگى ۇيىرمەگە ىلەسۋ ساياحاتىن ۇسىندى ٴارى شيجي كورىنىس ٴوڭىرى سياقتى ينتەرنەتتە تانىمال جەر بەلگىلەرىن ساياحات جولىنا ەنگىزدى.
