انار بۇلت \ شينجياڭ گازەتىنىڭ ٴتىلشىسى لي جيا ـ ني
”پارتيا مۇشەلەرى مەن بۇقاراعا قىزمەت وتەۋ تۇيىندەرى قۇرىلىسىنىڭ اياق الىسىن تاعى دا تەزدەتسەك“، ”جۇمىس بىتىرگەلى كەلگەن تۇرعىنداردى قىزمەت وتەۋ تۇيىندەرىن ەكسكۋرسيالاۋعا ۇسىنىس ەتىپ، ولاردىڭ پىكىرىن تىڭداپ كورەيىك“، ”وتباسىلارىن ارالاپ جاعداي ۇعىسقاندا دا كوپشىلىكتىڭ الەۋمەتتىك اۋماق اسحاناسى جونىندەگى پىكىرىن تىڭداۋعا بولادى“... تاياۋدا سىرتتا باۋلۋعا قاتىناسىپ جاتقان يىن تۇڭشين دەمالىس ارەدىگىندە قىزمەتتەستەرىنە ارت ـ ارتىنان بىرنەشە لەبىز جولدادى.
يىن تۇڭشين قارامايلى قالاسى مايتاۋ رايونى شينيڭ جولى ٴمالى باسقارماسى 14 ـ الەۋمەتتىك اۋماعى پارتكومىنىڭ شۋجيى، 2017 ـ جىلى وقۋ ٴبىتىرۋ قارساڭىندا ول جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارىنا بەلسەنە تىزىمدەلىپ، 7 ـ ايدا 3000 كيلومەتردەن استام شالعايداعى حىبەي شيڭتايدان قارامايلىعا كەلدى.
تۇڭعىش رەت اۋىلىنان الىستاپ، بەيتانىس ورتاعا كەلگەن يىن تۇڭشين جاسقانبادى، تەك ”ٴور اسۋدى دەمە بەينە قۇرىش قامال سوعىلعان، بۇگىن ارشىن ادىممەنەن قايتا اتتايمىز باسىنان“ دەگەن اسقاق سەزىمدە عانا بولدى.
العاشىندا ول كوممۋنيستىك جاستار وداعى مايتاۋ رايوندىق كوميتەتىندە قىزمەت وتەدى، ٴبىراق قاربالاس تۇرمىس، قىزمەت ريتىمىنە ول العاشىندا ىلەسە المادى، قىزمەتتەستەرى ونىڭ مازاسىزدانعانىن كورىپ، ىرىقتىلىقپەن كومەكتەسىپ، جازۋ قابىلەتىن قالاي جوعارىلاتۋدى، تۇرعىندارمەن قالاي بارىس ـ كەلىس جاساۋدى ۇيرەتەدى... بىرتە ـ بىرتە ول قىزمەتتى ىستەگەن سايىن ىسىلا ٴتۇستى.
2019 ـ جىلى 2 جىلدىق قىزمەت وتەۋ مەرزىمى تولدى، وسى ٴشول دالاداعى قالانىڭ قارىشتاپ دامىعان ومىرشەڭ كۇشىنىڭ جەتەگىندە، يىن تۇڭشين ەش ٴارى ـ ٴسارى بولماستان قالىپ قالۋدى تاڭدادى، سونان كەيىن مايتاۋ رايونى شينيڭ جولى ٴمالى باسقارماسى 14 ـ الەۋمەتتىك اۋماعىنىڭ قىزمەتكەرى بولدى.
سالاۋاتىندا وزگەرىس بولعاننان كەيىن، يىن تۇڭشين دەرەۋ قىزمەتكە كىرىستى. ٴان ايتۋ جاعىنداعى ەرەكشەلىگىنە سۇيەنىپ، ول مايتاۋ رايونى شينيڭ جولى ٴمالى باسقارماسى 14 ـ الەۋمەتتىك اۋماق ٴبي اترەتىنىڭ مۇشەلەرىمەن توننىڭ ىشكى باۋىنداي ارالاسىپ، تۇرعىنداردى باستاپ ٴتۇرلى ادەبيەت ـ كوركەمونەر ويىندارىنا بەلسەنە قاتىناسىپ، تۇرعىندارمەن ارالىعىن جاقىنداتتى.
تۇرعىنداردىڭ شۇعىل، قيىن، ۋايىمداعان، ٴزارۋ ماسەلەسىن شەشۋ يىن تۇڭشيننىڭ قىزمەت مىندەتتەرىنىڭ ٴبىرى. 14 ـ الەۋمەتتىك اۋماقتاعى جۇڭشين حۋايۋان شاعىن اۋماعىنىڭ باتىس قاقپاسى ٴبىر باستاۋىش مەكتەپتىڭ ٴدال قارسى الدىندا ەدى، ٴار رەت وقۋشىلار وقۋعا باراتىن، وقۋدان تارايتىن كەزدە بالالاردى اپارىپ ـ اكەلەتىن اۆتوكولىكتەر شاعىن اۋماققا كوپتەپ كىرەتىندىكتەن، تۇرعىنداردىڭ ٴجۇرىس ـ تۇرىسىنا كوپ قولايسىزدىق اكەلەتىن. سوندىقتان بۇل جونىندە ۇنەمى تۇرعىندار وعان اڭىس ەتەتىن.
تۇرعىنداردى ۋايىمنان ارىلتۋ ٴۇشىن، يىن تۇڭشين قىزمەتتەستەرىن باستاپ تۇيىندە تۇرىپ تەكسەرۋ ـ زەرتتەۋ جۇرگىزىپ، جول شەتىندە تۇرىپ ارى ـ بەرى وتكەن اۆتوكولىكتەردى سانادى. ”ادەتتە تاڭەرتەڭگى ساعات 8دەن 10عا دەيىنگى، تۇستەن كەيىن ساعات 5تەن 7گە دەيىنگى ۋاقىتتى تاڭداپ اۆتوكولىكتەردى سانادىق“. يىن تۇڭشين بىلاي دەدى: بۇل ۋاقىت وقۋشىلار وقۋعا باراتىن، وقۋدان تارايتىن قاۋىرت مەزگىل، اۆتوكولىكتەرگە ساناق جۇرگىزۋ ارقىلى يەلەگەن ساندى مالىمەت ٴتىپتى دە ۋاكىلدىك سيپاتقا يە.
تۇيىندە تۇرىپ تەكسەرۋ ـ زەرتتەۋ جۇرگىزۋدەن سىرت، يىن تۇڭشين حالىقتىڭ حال ـ جايى جونىندە بۇكپەسىز كەڭەس جانە تۇرعىندار ۋاكىلدەر ٴماجىلىسىن ۇيىمداستىرىپ اشىپ، تۇرعىندارعا تالاپ ـ تىلەكتەرىن بىلدىرەتىن تۇعىر ازىرلەپ، جەلىدە تەكسەرۋ سۇراۋناماسىن تاراتۋ ارقىلى جولدى وزگەرتۋ جونىندەگى ۇسىنىس ـ پىكىرلەردى كەڭ كولەمدە جينادى.
جەتكىلىكتى ساندى مالىمەتتىڭ، پىكىردىڭ تىرەك بولۋىندا، الەۋمەتتىك اۋماق پارتكومى قاتىناس جولى ماماندارى مەن قاتىستى فۋنكتسيالىق تاراۋلاردى جولدى وزگەرتۋ جوباسىن بىرگە زەرتتەپ ـ تالقىلاۋعا ۇسىنىس ەتتى. ناق ورىندا تەكسەرۋ ارقىلى ماماندار جۇڭشين حۋايۋان شاعىن رايونىنىڭ باتىس قاقپاسى جولى مەن اۆتوكولىك توقتاتۋ الاڭىنا مەڭزەس، جارامدى وزگەرتۋ ۇسىنىسىن ورتاعا قويدى.
”ٴبىر قىدىرۋ رەتتەۋلەردەن كەيىن، شاعىن اۋماقتاعى تۇرعىنداردى ۇزاقتان بەرى مازالاپ كەلگەن وسى ماسەلە ٴونىمدى شەشىلدى، تۇرعىنداردىڭ تۇرمىسىنىڭ ٴتىپتى دە ٴتارتىپتى بولعانىن كورىپ ىشتەي قاتتى قۋاندىم“. يىن تۇڭشين بىلاي دەدى: تۇرعىندار اڭىس ەتكەن ماسەلەلەر قاراماققا ۇساق ـ تۇيەك ىستەر بولعانىمەن، ونى شەشۋ ادامدى ەرەكشە سىنايدى، الەۋمەتتىك اۋماق قىزمەتكەرلەرىنىڭ ماسەلەنى شەشۋ قابىلەتىن ۇزدىكسىز جوعارىلاتۋىن قاجەت ەتەدى. ونان دا ماڭىزدىسى، حالىق ٴۇشىن قىزمەت وتەۋ سۇيىسپەنشىلىگى مەن اسقاق سەزىمىن قاجەت ەتەدى. وسىناۋ جىلداردا ول ٴاربىر قيىن ٴىستى ويداعىداي ٴبىر جايلى ەتكەن سايىن تابىس سەزىمىنە بولەنەتىن.
قازىر يىن تۇڭشين قارامايلى قالاسى مايتاۋ رايونىندا باس قۇراپ شاڭىراق كوتەردى. ”مۇرات“ بەتالىسى، ”ارمان“ تياناعى بولعان شەكارا وڭىرگە تامىر تارتىپ، ۇلەس قوسىپ، ەڭبەك ٴسىڭىرۋ ونىڭ ۇزدىكسىز العا باسۋىنداعى قوزعاۋشى كۇشكە اينالدى.
”شينجياڭعا كەلۋ مەنىڭ وكىنىشسىز تالعامىم“. ول بىلاي دەدى: وسى كەڭ ـ بايتاق دالادا ۇزدىكسىز جاستىق كوكتەمىمنىڭ كۇش ـ قۋاتىن ارناسام دەيمىن.
