شي جينپيڭ گۇيجوۋدا قىزمەت تەكسەرگەندە بىلاي دەپ باسا دارىپتەدى
جوعارى ساپالى دامۋ ارقىلى جالپى جاعدايدى ٴبىر تۇتاس مەڭگەرۋگە تاباندى بولىپ، جۇڭگو ۇلگىسىندەگى وسىزامانداندىرۋ ۇردىسىندە گۇيجوۋدىڭ جاڭا كەلبەتىن ايگىلەۋ كەرەك
ساي چي قىزمەت تەكسەرۋدە بىرگە بولدى
3 ـ ايدىڭ 17 ـ كۇنىنەن 18 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ گۇيجوۋدا قىزمەت تەكسەردى. سۋرەتتە: 3 ـ ايدىڭ 17 ـ كۇنى تۇستەن كەيىن شي جينپيڭ چياندۇڭنان وبلىسىنىڭ ليپيڭ اۋدانىنداعى جاۋشيڭ دۇڭزۋ قورجاسىندا قىزمەت تەكسەرگەندە قىستاق تۇرعىندارىمەن شىنايى اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى جاي جيانلان تۇسىرگەن
3 ـ ايدىڭ 17 ـ كۇنىنەن 18 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ گۇيجوۋدا قىزمەت تەكسەردى. سۋرەتتە: 3 ـ ايدىڭ 17 ـ كۇنى تۇستەن كەيىن شي جينپيڭ چياندۇڭنان وبلىسىنىڭ ليپيڭ اۋدانىنداعى جاۋشيڭ دۇڭزۋ قورجاسىندا قىزمەت تەكسەرگەندە شينتۋان دابىل مۇناراسىندا قىستاق كادرلارى جانە قىستاق تۇرعىندارى ۋاكىلدەرىمەن جەر وشاق باسىندا قورالانا وتىرىپ، اۋىل ـ قىستاقتى جاپپاي گۇلدەندىرۋ جونىندە اڭگىمە شەرتىسۋدە.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 3 ـ ايدىڭ 18 ـ كۇنى گۇيياڭنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا گۇيجوۋدا قىزمەت تەكسەرگەندە بىلاي دەپ باسا دارىپتەدى: گۇيجوۋ پارتيا ورتالىق كوميتەتىنىڭ باتىس بولىكتى قاۋىرت اشۋ جانە چاڭجياڭ ەكونوميكالىق بەلدەۋىن دامىتۋ جونىندەگى ستراتەگيالىق ورنالاستىرۋىن مۇقيات تياناقتاندىرىپ، جوعارى ساپالى دامۋ ارقىلى جالپى جاعدايدى ٴبىر تۇتاس مەڭگەرۋگە تاباندى بولىپ، رەفورما جاساۋدى، ەسىك اشۋدى ونان ارى جاپپاي تەرەڭدەتۋدى قوزعاۋشى كۇش ەتىپ، سەنىمدى بەكەمدەپ قاجىرلىلىقپەن ىستەپ، ناقتى ىستەپ، ورنىقتىلىق بارىسىندا ىلگەرىلەپ، جاقسى ىستەپ، جاقسى ناتيجەگە جەتىپ، جۇڭگو ۇلگىسىندەگى وسىزامانداندىرۋ ۇردىسىندە گۇيجوۋدىڭ جاڭا كەلبەتىن ايگىلەۋى كەرەك.
3 ـ ايدىڭ 17 ـ كۇنىنەن 18 ـ كۇنىنە دەيىن شي جينپيڭ گۇيجوۋ ولكەلىك پارتكومنىڭ شۋجيى شۇي لين مەن ولكە باستىعى لي بيڭجۇننىڭ سەرىك بولۋىندا ىلگەرىندى ـ كەيىندى چياندۇڭنان مياۋزۋ، دۇڭزۋ اۆتونوميالى وبلىسى، گۇيياڭ قالاسى سياقتى جەرلەرگە بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.
3 ـ ايدىڭ 17 ـ كۇنى تۇستەن كەيىن شي جينپيڭ چياندۇڭنان وبلىسىنىڭ ليپيڭ اۋدانىنداعى جاۋشيڭ دۇڭزۋ قورجاسىنا كەلىپ قىزمەت تەكسەردى. قورجانىڭ كىرە بەرىسىندە ۇلتتىق ٴساندى كيىم كيگەن قىستاق تۇرعىندارى دۇڭزۋ حالىق اندەرىن شىرقاپ، باس شۋجيدى قارسى الدى. شي جينپيڭ دۇڭزۋ حالىق اندەرىنىڭ كوركەمونەرلىك توركىنى، سارىن ەرەكشەلىگى، ورىنداۋ فورماسى سياقتى جاقتارداعى تانىستىرۋدى قىزىعا تىڭدادى. وسىدان كەيىن قورجانىڭ جولىن بويلاپ، دۇڭزۋ قورجاسىنىڭ كەلبەتىن جانە ساياحات ساۋدا دۇكەندەرىن تەكسەرىپ كورىپ، ٴالسىن ـ ٴالى ايالداپ دۇكەن قوجايىندارىمەن، ساياحاتشىلارمەن، قىستاق تۇرعىندارىمەن ٴوزارا اڭگىمەلەستى. دۇڭزۋ مادەنيەتىن ايگىلەۋ ورتالىعىندا ول دۇڭزۋ تاريحىن، ادەت ـ عۇرپىن جانە كيىم كەشەك، ٴۇي قۇرىلىسى سياقتى ەرەكشەلىككە يە مادەنيەتىنىڭ قورعالۋ، جالعاستىرىلۋ احۋالىن ەگجەي ـ تەگجەيلى ۇعىستى. دۇڭزۋ اۋىلى ەرەكشەلىگىنە يە كاسىپ سالاسى بازاسىندا ول بالاۋىزبەن ورنەكتەۋ شەبەرلىگىنىڭ بارىسىن كورىپ، بالاۋىزبەن ورنەكتەۋ سەلبەستىك كووپەراتيۆىنىڭ الارماندى بارىنەن جوعارى قويۋ، ساپانى ٴبىرىنشى ورىنعا قويۋ سىندى شارۋاشىلىق ۇستانىمىن تولىق تۇراقتاندىردى. شي جينپيڭ بىلاي دەپ اتاپ كورسەتتى: از ۇلتتار مادەنيەتى — جۇڭحۋا مادەنيەتىنىڭ كەم بولسا بولمايتىن قۇرامداس بولىگى، ٴارى ٴپىشىندى قىستاق، تۇرعىن ٴۇي، ەرەكشەلىككە يە قۇرىلىس كەلبەتىن قورعاپ، ٴپىشىنسىز بەيزاتتىق مادەنيەت مۇرالارىن جالعاستىرۋ، ٴارى ونىڭ جاسامپازدىقپەن كادەگە جاراتىلۋىن، جاڭالىق اشا دامۋىن ىلگەرىلەتىپ، ۇلتتىق ەرەكشەلىكتىڭ پايدالانۋ بارىسىندا اناعۇرلىم ايشىقتالا تۇسۋىنە، ۇزدىكسىز تىڭ شۇعىلا شاشۋىنا مۇمكىندىك جاساۋ كەرەك.
شينتۋان دابىل مۇناراسىندا شي جينپيڭ قىستاق كادرلارى جانە قىستاق تۇرعىندارى ۋاكىلدەرىمەن قورالانا وتىرىپ، ىقىلاستى اڭگىمەلەستى. كوپشىلىك تالاسا ـ تارماسا باس شۋجيگە سوڭعى جىلداردا قىستاقتا تۋىلعان قۋانارلىق وزگەرىستەردى اڭگىمەلەدى. شي جينپيڭ دۇڭزۋ قورجاسىنىڭ وسىنشاما جاقسى قورعالعاندىعىن، دۇڭزۋ بۇقاراسىنىڭ تۇرمىسىنىڭ باقىتتى ەكەندىگىن كورىپ ەرەكشە سۇيىنگەندىگىن ٴبىلدىردى. ول بىلاي دەپ اتاپ كورسەتتى: بۇقارانىڭ ٴىسىن ويداعىداي ٴبىتىرۋدىڭ تەتىگى اۋىل ـ قىستاق نەگىزگى ساتى پارتيا ۇيىمى قۇرىلىسىن كۇشەيتىپ، پارتيا ياچەيكاسىنىڭ جاۋىنگەر قورعاندىق رولىن جانە پارتيا مۇشەلەرىنىڭ اۆانگاردتىق، ۇلگىلىك رولىن ساۋلەلەندىرىپ، بۇقارانى باستاپ ەكونوميكانى دامىتۋدا، اۋىل ـ قىستاقتى باسقارۋدى ويداعىداي ىستەۋدە.
دابىل مۇناراسىنا شىققاندا قىستاق تۇرعىندارى تۇس ـ تۇستان قاۋمالاي كەلىپ، قىزۋ شاپالاق سوعىپ، باس شۋجيگە داۋىستاپ امانداستى. شي جينپيڭ قۋانا جاۋاپ قايتارىپ بىلاي دەدى: دۇڭزۋ حالقى قاراپايىم، ەڭبەكشىل، مادەنيەتتى، پاراساتتى، كوپشىلىكتىڭ جۇڭگو ۇلگىسىندەگى وسىزامانداندىرۋ ۇردىسىندە اۋىل ـ قىستاقتىڭ گۇلدەنۋىن اناعۇرلىم ويداعىداي جۇرگىزۋىن ٴۇمىت ەتەمىن، كوپشىلىكتىڭ تۇرمىستارىنىڭ بارعان سايىن شالقي ٴتۇسۋىن تىلەيمىن. دۇڭزۋ قورجاسىنان اتتاناردا دۇڭزۋ بۇقاراسى تەرەڭ سۇيىسپەنشىلىكپەن «دۇڭزۋ ٴانىن پارتياعا ارنايمىز» ٴانىن اسقاقتاتا شىرقاپ، باس شۋجيگە قىزۋ سۇيىسپەنشىلىكتەرى مەن قيماستىقتارىن ٴبىلدىردى. شي جينپيڭ ٴجيى ـ ٴجيى قول بۇلعاپ اۋىلداستارمەن قوشتاستى.
3 ـ ايدىڭ 18 ـ كۇنى تۇستەن بۇرىن شي جينپيڭ گۇيجوۋ ولكەلىك پارتكومنىڭ جانە ولكەلىك ۇكىمەتتىڭ قىزمەت مالىمەتىن تىڭداپ، گۇيجوۋدىڭ ٴتۇرلى جاقتاردا قول جەتكىزگەن ناتيجەلەرىن تولىق تۇراقتاندىرىپ، الداعى قىزمەتتەر جونىندە تالاپ قويدى.
شي جينپيڭ بىلاي دەپ اتاپ كورسەتتى: جوعارى ساپالى دامۋ — جۇڭگو ۇلگىسىندەگى وسىزامانداندىرۋدىڭ قاجەتتى تالابى. گۇيجوۋ بەلدى بەكەم بۋىپ جۇرەكتىلىكپەن ىزدەنىس جاساپ، ناقتى تۇلعالىق ەكونوميكانى نەگىز ەتۋگە تاباندى بولىپ، جاڭالىق اشۋ ارقىلى دەم بەرۋدى كۇشەيتىپ، جاڭا، كونە قوزعالىس قۋاتىن اۋىستىرۋدى ٴبىر تۇتاس جوسپارلاپ، ٴداستۇرلى كاسىپ سالالارىنىڭ تيبىن وزگەرتىپ دارەجەسىن جوعارىلاتۋدى جەدەلدەتىپ، ستراتەگيالىق جاڭادان گۇلدەنگەن كاسىپ سالالارىن بەلسەنە دامىتىپ، سيفرلى ەكونوميكا، جاڭا ەنەرگيا سياقتى كاسىپ سالالارىن كۇشەيتۋ، ساپالىلاندىرۋ كەرەك. تاباندىلىق پەن توزىمدىلىكتى ساقتاپ، عىلمي شەشىم جاساپ، دالمە ـ ٴدال شارا قولدانىپ، قارقىن مەن ونىمدىلىكتىڭ قاتىناسىن ويداعىداي ٴبىر جاقتى ەتىپ، ساپانىڭ ٴونىمدى جوعارىلاۋى مەن مولشەردىڭ ۇيلەسىمدى ارتۋىن جۇزەگە اسىرۋ كەرەك. ەكولوگيالىق ورتانى ويداعىداي قورعاپ، ەكولوگيالىق باسىمدىقتى دامۋ باسىمدىعىنا اينالدىرۋعا قۇلشىنۋ كەرەك.
شي جينپيڭ بىلاي دەپ باسا دارىپتەدى: ٴبىر جەردىڭ دامۋ ومىرشەڭدىگى شارۋاشىلىق ـ ساۋدا ورتاسىمەن تىعىز قاتىستى بولادى. گۇيجوۋ بۇكىل ەلدىڭ ٴبىر تۇتاس ۇلكەن بازارى قۇرىلىسىمەن بەلسەنە توعىسىپ، جەرگىلىكتى قورعامپازدىقتى، بازاردى ايىرۋدى، ”ىشكى قاراتالاسۋ ۇلگىسىندەگى“ باسەكەنى باتىلدىقپەن جويىپ، تۇتاس قوعامنىڭ شارۋاشىلىق قۇرۋىنا، جاڭالىق اشۋىنا ورنىقتى، ٴادىل، جاريا، مەجەلەۋگە بولاتىن ورتا قالىپتاستىرۋى كەرەك. شارۋاشىلىق ـ ساۋدا ورتاسىن ساپالىلاندىرۋدا ٴبىر جاعىنان رەفورمانى يگەرىپ، جوعارى ساپالى دامۋدى تەجەيتىن بوگەتتى تۇيىندەردى، كەدەرگىلى تۇيىندەردى اشۋ؛ ەندى ٴبىر جاعىنان كادرلاردى تاربيەلەۋدى، باسقارۋدى يگەرىپ، كادرلاردى كەلەلى جاعداي تانىمىن، قىزمەت وتەۋ تانىمىن، سەنىمدىلىك تانىمىن، كىرشىكسىزدىك تانىمىن كۇشەيتۋگە جەتەكتەۋ كەرەك. ەسىك اشۋ دا ماڭىزدى شارۋاشىلىق ـ ساۋدا ورتاسى. گۇيجوۋ باتىس بولىك قۇرلىق، تەڭىز جاڭا وتكەلى قۇرىلىسى ورايىنان ويداعىداي پايدالانىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى، چىڭدۋ - چۇڭچيڭ ٴوڭىرى قوس قالا ەكونوميكالىق شەڭبەرى قۇرىلىسىمەن بەلسەنە ٴتۇيىلىسىپ، قۇرلىق پەن تەڭىز، ٴىش پەن سىرت بىرلەسىپ ارەكەتتەنەتىن، شىعىس پەن باتىس قوس باعىتتا ٴوزارا كومەكتەسەتىن جاپپاي ەسىك اشۋ جاعدايىمەن ىرىقتىلىقپەن توعىسۋى كەرەك.
شي جينپيڭ بىلاي دەپ اتاپ كورسەتتى: گۇيجوۋ ٴوز ٴىس جۇزىندىگىن شىعار ٴتۇيىن ەتىپ، اۋدان ورتالىعىن ماڭىزدى دانەكەر ەتكەن قالا ـ قالاشىقتاندىرۋ قۇرىلىسىن تىڭعىلىقتى ىلگەرىلەتىپ، كاسىپتى كوركەيتۋدىڭ، اۋداندى كۇشەيتۋدىڭ، حالىقتى بايىتۋدىڭ ٴبىر تۇلعالى دامۋىن ىلگەرىلەتۋى كەرەك. اۋدان ٴوڭىرىنىڭ كاسىپ سالاسى نەگىزىن تياناق ەتىپ، جۇمىس ٴبولىسى بويىنشا ىستەستىك جاساۋعا ٴمان بەرىپ، ورىن پارىقتاندىرىپ دامىتۋ، تىزبەك قالىپتاستىرۋ كەرەك. وسى زامانعى تاۋلى جەر ەرەكشەلىگىندەگى جوعارى ٴونىمدى اۋىل شارۋاشىلىعىن جەرگىلىكتى جاعدايعا قاراي دامىتىپ، باياندى بازار باسەكەلىك قۋاتىنا يە ەرەكشە، باستاماشى كاسىپ سالالارىن جەتىلدىرۋ كەرەك. مۇددەلەردى بايلانىستىرۋ مەحانيزمىن كەمەلدەندىرىپ، كاسىپ سالاسىن دامىتۋ بارىسىندا بۇقارانىڭ كىرىسىن ارتتىرىپ بايۋىن جەبەۋ كەرەك. اۋىل ـ قىستاقتاعى تومەن كىرىستى قاۋىمعا قاراتا ٴبىر تۇتاس باقىلاۋ ـ ولشەۋ، تۇرگە ٴبولىپ كومەكتەسۋ ـ سۇيەمەلدەۋ مەحانيزمىن ورناتىپ، حالىق تۇرمىسى تومەنگى شەگىن بەكەمدەۋ كەرەك.
شي جينپيڭ بىلاي دەپ باسا دارىپتەدى: گۇيجوۋدىڭ تاريح مايەگى قالىڭ، قىزىل مادەنيەتى باي، ۇلتتار مادەنيەتى الۋان ٴتۇرلى، وسى باسىمدىقتاردان پايدالانىپ مادەنيەت سەنىمىن، تاماشا قاسيەت ارقىلى ادام تاربيەلەۋدى كۇشەيتىپ، ەكونوميكانىڭ، قوعامنىڭ دامۋىن جەبەۋ كەرەك. ۇلتتار ەرەكشەلىگىندەگى قىستاقتاردى، ٴداستۇرلى قىستاقتاردى جانە تاريحي مادەنيەت ايگىلى قىستاقتارىن، ايگىلى قالاشىقتارىن، توڭكەرىستىك سوعىستان قالعان قىزىل ەسكى جۇرتتاردى جۇيەلى قورعاۋدى كۇشەيتۋ كەرەك. ەسكى سالت ـ سانانى وزگەرتۋگە تاباندى بولىپ، وركەنيەتتى جاڭا سالتتى بەلسەنە جەتىلدىرۋ كەرەك. مادەنيەتتىڭ، ساياحاتتىڭ، دەنە تاربيەنىڭ توعىسۋىن تەرەڭدەتىپ، ساياحات كاسىپ كۇيىن بايىتىپ، ”مىڭ بوياۋلى گۇيجوۋ“ مادەنيەت ـ ساياحات جاڭا ماركاسىن تۇلعالاۋ كەرەك.
شي جينپيڭ بىلاي دەپ اتاپ كورسەتتى: جوعارى ساپالى دامۋدى ىلگەرىلەتۋ ٴۇشىن، ٴسوز جوق، پارتيانىڭ باسشىلىعىنا، پارتيا قۇرىلىسىن كۇشەيتۋگە تيتتەي دە اۋىتقىماي تاباندى بولۋ كەرەك. پارتيا ورتالىق كوميتەتى بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋدى ۇيعاردى، بۇل بيىلعى پارتيا قۇرىلىسى قىزمەتىندەگى ماڭىزدى مىندەت. ٴار دارەجەلى پارتيا ۇيىمدارى دەن قويا ۇيىمداستىرىپ اتقارىپ، پارتيا مۇشەلەرىنىڭ، كادرلاردىڭ تاباندىلىقتى كۇشەيتۋىن، ادەتكە داعدىلانۋىن ىلگەرىلەتىپ، تاڭداۋلى ستيل ارقىلى زەيىندى شوعىرلاندىرىپ، كۇشتى ۇيىستىرۋ، ٴىس تىندىرىپ ناتيجە شىعارۋ كەرەك. پارتيالىلىقتى، پارتيا ستيلىن، پارتيا ٴتارتىبىن بىرگە يگەرۋگە، ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ٴوزارا ساباقتاستىرۋعا تاباندى بولىپ، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن قۇرتۋدى بۇلجىماي ۇدايى يگەرۋ كەرەك. ۇزاق جورىق رۋحىن جانە زۇن ـ ي ٴماجىلىسى رۋحىن اسقاقتاتىپ، اسقاق ەرىك ـ جىگەرمەن جاڭا ٴداۋىردىڭ ۇزاق جورىعىن ويداعىداي باسۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
