كومورو ەكونوميكا ـ ساۋدا ۋاكىلدەر ۇيىرمەسى شينجياڭدا ەكسكۋرسيادا، ساپاردا بولدى —
ناقتى ىستەر سەلبەستىگىن تەرەڭدەتىپ، بىرگە دامۋدى جەبەيمىز
انار بۇلت \ شينجياڭ گازەتىنىڭ ٴتىلشىسى فان چيۇڭيان
3 ـ ايدىڭ 17 ـ كۇنى كومورو ەكونوميكا ـ ساۋدا ۋاكىلدەر ۇيىرمەسى شينجياڭدا ەكسكۋرسيادا، ساپاردا بولدى. ۋاكىلدەر ۇيىرمەسىندەگىلەر ٴۇرىمجى قالاسىن، سانجى حۇيزۋ اۆتونوميالى وبلىسىن ارالاپ، شينجياڭ ەگىن، مال شارۋاشىلىعى قارجى قوسۋ (توبى) شەكتى جاۋاپكەرشىلىك سەرىكتەستىگى، شينجياڭ مادەنيەت ـ ساياحات قارجى قوسۋ توبى شەكتى سەرىكتەستىگى، شينجياڭ اۋىل شارۋاشىلىعى كورمە باقشاسى، ەرەكشە ترانسفورماتور جارنا شەكتى سەرىكتەستىگى سياقتى كاسىپورىنداردى جانە باقشا رايوندارىن ەكسكۋرسيالاپ، جۇڭگو شينجياڭىنىڭ ەكونوميكاسىنىڭ دامۋىن جانە كاسىپ سالالارىنىڭ باسىمدىعىن ىشكەرىلەي ۇعىستى، مۇنداعى ماقسات — كومورو مەن جۇڭگو شينجياڭىنىڭ كوپ سالالى سەلبەستىگىن جەبەپ، ەكى جاقتىڭ بىرگە دامۋىن ىلگەرىلەتۋ.
شينجياڭ ەگىن، مال شارۋاشىلىعى قارجى قوسۋ (توبى) شەكتى جاۋاپكەرشىلىك سەرىكتەستىگىندە ۋاكىلدەر ۇيىرمەسى كاسىپورىننىڭ نەگىزگى جۇمىستارى — مال شارۋاشىلىعى، استىق ـ ماي، اۋىل شارۋاشىلىعى حيمياسى، ساۋداعا قىزمەت وتەۋ، بالىق شارۋاشىلىعى، تۇقىم شارۋاشىلىعى سىندى 6 ۇلكەن كاسىپ بولىگىنىڭ احۋالىن ۇعىستى؛ شينجياڭ مادەنيەت ـ ساياحات قارجى قوسۋ توبى شەكتى سەرىكتەستىگىندە وسى توپتىڭ ساياحات كاسىپ سالاسى ورنالاسىمىنىڭ ”تاماقتانۋ، قونالقى، ٴجۇرىس ـ تۇرىس، ساياحات، زات ساتىپ الۋ، كوڭىل اشۋ“ تۇتاس كاسىپ كۇيىن نەگىزىنەن تولىق قامتيتىندىعىن ۇعىسىپ ٴبىلدى. ونىڭ مادەنيەت كاسىپ سالاسى شينحۋا كىتاپ دۇكەنى، كينو قويۋ، باسپادان شىعارۋ زاتتىق ماتەريالدارى، باسىپ شىعارۋ جانە باسپا ىستەرى سياقتى كاسىپ كۇيلەرىن شارپىپ، جۇڭگوداعى ساياحات كاسىپورىندارىنىڭ 50 مىقتىسى قاتارىنا كىرگەن.
”وسى رەتكى ساپار ارقىلى اناعۇرلىم كوپ ەكونوميكا ـ ساۋدا سەلبەستىگىن جەبەۋدى ٴۇمىت ەتەمىز“. كومورو پارلامەنتى ەكونوميكا جانە فينانس ىستەرى اقىلشىسى مۋزامير احمادا بىلاي دەدى: ۇشاقپەن ۇرىمجىگە كەلگەندە عانا جۇڭگونىڭ بايتاق ەل ەكەندىگىن سەزىندىم، ٴاسىلى بۇل جەردى شالعاي ٴوڭىر بولعاندىقتان مەشەۋ شىعار دەپ ەدىم، ۇلكەن قالا ەكەندىگىن ويلاماپپىن، كوپتەگەن ادەمى قۇرىلىستار بار ەكەن، ەسىك اشۋدىڭ ناعىز الدىڭعى شەبى ەكەن. قاتىستى كاسىپورىنداردى ەكسكۋرسيالاپ، بۇل جەردەگى حالىقتىڭ قاجىرلى ەڭبەكپەن باقىتتى تۇرمىسقا كەنەلگەنىن كوردىم، شينجياڭ كەرەمەت ەكەن.
شينجياڭ اۋىل شارۋاشىلىعى كورمە باقشاسىنداعى زەردەلى اۋىل شارۋاشىلىعى سارايىنداعى ۆەرتيكال جاسىلداندىرۋ، ەلىكتەمەلى اينالدىرا ٴوسىرۋ، جىلجىمالى كوپ قاباتتى ٴوسىرۋ مۇناراسى سياقتى وسى زامانعى اۋىل شارۋاشىلىعى تەحنولوگيالارىن ۋاكىلدەر ۇيىرمەسىنىڭ مۇشەلەرى اۋىز جاپپاي القادى؛ سانجى قالاسىنا ورنالاسقان ەرەكشە ترانسفورماتور زەردەلى ەلەكتر كاسىپ سالاسى باقشاسىندا ۋاكىلدەر ۇيىرمەسىندەگىلەر ماڭىزدى جابدىقتاردى ەكسكۋرسيالاپ، سيفرلى، زەردەلى بولۋعا قاراي تيپ جاڭالاپ دارەجەسىن جوعارىلاتۋ، جابدىقتاردى شەتەلگە ساتۋ احۋالدارىن ۇعىستى.
كومورو انجوۋان ارالى ساۋدا، ونەركاسىپ، قولونەر قوعامىنىڭ ٴتوراعاسى اريلفاتا يبىراھيم بىلاي دەدى: ”شينجياڭ ماعان تەرەڭ اسەر قالدىردى، زەردەلى اۋىل شارۋاشىلىعى، زەردەلى ونەركاسىپ ەرەكشە وزىق ەكەن، كوز ايامدى كەڭەيتتى. جۇڭگودا ”بالىق بەرگەنشە بالىق اۋلاۋدى ۇيرەت“ دەگەن ٴسوز بار، شينجياڭمەن سەلبەستىكتى كۇشەيتۋدى، تاماشا اۋىل شارۋاشىلىعىن دامىتۋ ۇلگىسىن جانە دامىتۋ جۇيەسىن بىزگە ۇيرەتىپ، كومورونىڭ ٴداستۇرلى اۋىل شارۋاشىلىعىنىڭ تيبىن وزگەرتىپ دارەجەسىن جوعارىلاتۋدى جۇزەگە اسىرۋعا دەم بەرۋلەرىڭىزدى ٴۇمىت ەتەمىز“.
كەشكە قاراي ۋاكىلدەر ۇيىرمەسى سانجىداعى ەكسكۋرسيانى، ساپاردى اياقتاتىپ، ۇرىمجىگە قايتىپ كەلدى. كومورو پارلامەنتىنىڭ ەكونوميكا ـ ساۋدا رەفورما ىستەرى بويىنشا ەرەكشە اقىلشىسى جاميلا الي مۇلاند كولىك تەرەزەسىنىڭ سىرتىنداعى كورىنىسكە قاراپ، تەبىرەنىپ بىلاي دەدى: ”بۇرىن مەن جونىنەن شينجياڭ شالعاي جەر ەدى، قازىر مۇندا ٴوزىم كەلىپ، كۇڭگىرت قيالىم شىندىققا اينالدى، شينجياڭ كوركەم جەر ەكەن، ارمانىم ورىندالدى“.
3 ـ ايدىڭ 17 ـ كۇنىنەن 20 ـ كۇنىنە دەيىن كومورو ەكونوميكا ـ ساۋدا ۋاكىلدەر ۇيىرمەسى شينجياڭدا 4 كۇندىك ساپاردا بولادى.
