انار بۇلت \ شينجياڭ گازەتىنىڭ ٴتىلشىسى سى لۋلۋ
”باتىس بولىككە ات سالىسىپ، شينجياڭمەن جولىم ٴتۇيىلىسىپ، وسى اراعا تامىر تارتتىم“، ـ دەدى تاياۋدا ۇلۇقشات اۋداندىق حالىق ىستەرى مەكەمەسى پارتيا باسشىلىق گرۋپپاسىنىڭ شۋجيى ليۋ چيڭيىن ٴوزىنىڭ ەرىكتى قىزمەت وتەۋ بارىسىن ەسكە الىپ.
2012 ـ جىلى جىڭجوۋ شىفان شۋەيۋانىندا وقىپ جاتقان ليۋ چيڭيىن مەملەكەتتىڭ ۇندەۋىنە بەلسەنە ٴۇن قوسىپ، جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارىنا تىزىمدەلىپ، قات ـ قابات سارالاۋدان ٴوتىپ، سول جىلى 8 ـ ايدىڭ 1 ـ كۇنى رەسمي قىزمەتكە ورنالاسىپ، اتۇش قالالىق حالىق ۇكىمەتى كەڭسەسىنە كەلىپ قىزمەت وتەدى. قازىر ونىڭ شينجياڭعا كەلگەنىنە 13 جىل بولدى.
”وتاندى ٴسۇيۋ ىنتاسى، جاستىق كوكتەمنىڭ كۇشى سول كەزدە ماعان قۋاتتى قوزعاۋشى كۇش ۇستەپ، تۋعان جەرىم حىناننان باتىسقا جول تارتتىم“. ليۋ چيڭيىن بىلاي دەدى: ەرىكتى قىزمەت وتەگەن كەزدە شينجياڭنىڭ ٴار تال شوبىنە، سالت ـ ساناسىنا دەيىن شىنايى سەزىنىپ، قىزمەت ورنىمدا ٴاربىر كۇندەلىكتى قىزمەتتى جاقسى ىستەۋگە قۇلشىندىم.
”جۇرە بەرسەڭ ون مىڭ شاقىرىم جول باساسىڭ، ىستەي بەرسەڭ مىڭداعان جۇمىس تىندىراسىڭ“. بۇل ليۋ چيڭيىننىڭ ۇنەمى ايتاتىن ٴسوزى.
ەرىكتى قىزمەت وتەۋ اياقتاعاننان كەيىن، ليۋ چيڭيىن وسىندا قالىپ، ۇلۇقشات اۋدانى بوستانتەرەك اۋىلدىق ۇكىمەتىنە كەلىپ قىزمەت ىستەدى. نەگىزگى ساتى كادرى رەتىندە، ول نەگىزگى ساتىنىڭ توپىراعىنا تامىر تارتىپ، شوگەلدىكپەن ىستەپ، بۇقارانىڭ ويلاعانىن ويلاپ، بۇقارانىڭ قيىن ماسەلەلەرىن شەشتى.
”ۇلتتار ىنتىماعى — ٴبىزدىڭ كوز قاراشىعىمىز، ٴبىز ٴار ۇلت باۋىرلاستاردى كوز قاراشىعىمىزدى قورعاعانداي قورعاۋىمىز جانە ولارعا كومەكتەسۋىمىز، ٴوزارا كومەكتەسۋدى، ٴوزارا قارايلاسۋدى داعدىعا اينالدىرۋىمىز كەرەك“. ليۋ چيڭيىن ۇلتتار ىنتىماعىنىڭ ٴتۇرلى قىزمەتتى ٴساتتى ورىستەتۋدەگى قاجەتتى كەپىل ەكەندىگىن ابدەن بىلەدى. مەرەكە ـ مەيرامداردا ول ٴار ۇلت بۇقاراسىنان حال سۇراپ، امانداسىپ، تۇسىنىستىكتى تەرەڭدەتىپ، سۇيىسپەنشىلىكتى كۇشەيتتى. قىزمەت، تۇرمىس بارىسىندا ول ٴار ۇلت باۋىرلاستارىمەن ٴوزارا قولداۋ كورسەتىپ، ٴوزارا كومەكتەسەدى.
2017 ـ جىلى 3 ـ ايدا ليۋ چيڭيىن مەن ۇلۇقشات اۋدانى بوستانتەرەك اۋىلى جۇلۇقباش قىستاعىنىڭ تۇرعىنى حاليدام قاليبەك جۇپ قۇراپ تۋىس بولدى. ٴار جولى تۋىسىنىڭ ۇيىنە بارعاندا، بالالار ليۋ چيڭيىننىڭ سوڭىنان قالماي، بىرگە ويناپ دىر ـ دۋمانعا شومادى. كەيدە ليۋ چيڭيىن دە بالالاردىڭ وقىتۋشىسى بولىپ، ولارعا مەملەكەتتە ٴبىر تۇتاس قولدانىلاتىن ٴتىل ـ جازۋدى دەن قويا ۇيرەتەدى.
تۇرمىستا ليۋ چيڭيىن بارلىق ىسكە دەن قويىپ، حاليدام وتباسىنا ۇنەمى مۇمكىندىكتىڭ بارىنشا كومەكتەسەدى، 2018 ـ جىلى 3 ـ ايدا ول حاليدامنىڭ ۇيىنە تەلەۆيزور ساتىپ الىپ بەرىپ، تور جەلىسىن ورناتىپ بەرەدى. ۇنەمى بارىس ـ كەلىس جاساپ جانە ىستىق ىقىلاسپەن كومەكتەسكەندىكتەن، حاليدام وتباسى ليۋ چيڭيىندى ەرەكشە مويىنداپ، ولار ٴبىر ـ ٴبىرىنىڭ ناعىز تۋىستارىنا اينالادى.
2018 ـ جىلى 6 ـ ايدا ليۋ چيڭيىن ۇيلەنەدى. ”مەن شينجياڭدا مۇراتتاس كوپتەگەن دوستارمەن تانىستىم، باعىما جاراي، ايەلىمدى كەزىكتىردىم، شاڭىراق كوتەرىپ تىرشىلىك قۇردىم، بۇل ارا مەنىڭ مەكەنىمە اينالدى“، ـ دەدى ليۋ چيڭيىن ايەلىن اۋىزعا العاندا جۇزىنەن كۇلكى ەسىپ.
2023 ـ جىلى 8 ـ ايدا ليۋ چيڭيىن ۇلۇقشات اۋداندىق حالىق ىستەرى مەكەمەسى پارتيا باسشىلىق گرۋپپاسىنىڭ شۋجيى بولادى. ول ۇنەمى بۇقارانى ارالاپ، ٴتۇرلى ساياساتتاردىڭ تياناقتانۋ جاعدايىن ۇعىسىپ، بۇقاراعا ويداعىداي قىزمەت وتەيدى. ول ۇلۇقشات اۋداندىق قايىرىمدىلىق باس قوعامىنىڭ الەۋمەتتىك يگىلىك قيمىلىنىڭ ٴساتتى ورىستەتىلمەگەنىن بىلگەننەن كەيىن، جوعارى دارەجەلى حالىق ىستەرى تاراۋىنان جانە باسقا اۋدان، قالالاردان ىرىقتىلىقپەن ٴادىس ـ امال ۇيرەنەدى. 2024 ـ جىلى 1 ـ ايدىڭ 17 ـ كۇنى ۇلۇقشات اۋداندىق قايىرىمدىلىق باس قوعامى كەزەك اۋىستىرىپ، جاڭا كەزەكتى القالار كەڭەسى مەن باقىلاۋ القاسىن سايلاپ شىعادى ٴارى 3 ميلليون 900 مىڭ يۋاننان استام الەۋمەتتىك يگىلىك قارجىسىن توپتاپ، ۇلۇقشاتتىڭ الەۋمەتتىك يگىلىك ىستەرىنە قىزمەت وتەيدى.
ليۋ چيڭيىن تاعى امال قاراستىرىپ، قارتتاردى كۇتىمدەۋگە قىزمەت وتەۋ قۇرىلىمىن جانداندىرادى. وزىق تاجىريبەلەردى ۇيرەنۋ نەگىزىندە جەرگىلىكتى جاعدايعا قاراي ىستەپ، قىزمەت وتەۋ ساپاسىن جوعارىلاتۋ، كوپ نەگىزدى قىزمەت وتەۋ ٴتۇرى، 3 ـ جاق كاسىپورنىن قارجى قوسۋعا باۋراۋ سياقتى تاسىلدەر ارقىلى ۇلۇقشات اۋدانىنىڭ قارتتار كۇتىمحاناسى قۇرىلىسى نىسانى، اۋىل ـ قالاشىق، اۋىل ـ قىستاق باقىت اۋلاسى قۇرىلىسى نىسانى، الەۋمەتتىك اۋماقتاعى ۇيدە جالعىز قالعان قارتتاردى كۇتىمدەۋگە قىزمەت وتەۋ ورتالىعى نىسانى سياقتىلاردىڭ ۇتىمدى اينالىمىن ىلگەرىلەتەدى. قازىر ۇلۇقشات اۋداندىق قارتتار كۇتىمحاناسى كىرىس كىرگىزۋدى جۇزەگە اسىرىپ، الەۋمەتتىك اۋماقتاعى ۇيدە جالعىز قالعان قارتتاردى كۇتىمدەۋگە قىزمەت وتەۋ ورتالىعىن 3 ـ جاق جۇرگىزىپ، قارتتارعا تاماقتانۋىنا كومەكتەسۋ، كۇندىز قارايلاسۋ، قارتتار قيمىلى، سەيىل ـ سەرۋەن، كوڭىل اشۋ سياقتى قىزمەت وتەۋلەردى ازىرلەدى.
”بۇگىنگى تاڭدا وسى اراعا تامىر تارتتىم، مەن كوكىرەك تولى ىستىق ىقىلاسپەن جاۋاپكەرشىلىگىمدى ەستە بەرىك ساقتاپ، ٴىس جۇزىندىك ارەكەتىم ارقىلى حالىق ىستەرىنىڭ جاۋاپكەرشىلىگىن ايگىلەپ، بۇقارانىڭ كۇندەلىكتى تۇرمىس بارىسىندا باياندى باقىتتى سەزىنۋىنە، تاماشا تۇرمىستان يگىلىكتەنۋىنە مۇمكىندىك جاسايمىن“، ـ دەدى ليۋ چيڭيىن.
