شينحۋا اگەنتتىگىنىڭ 3 ـ ايدىڭ 19 ـ كۇنى بەيجيڭنەن بەرگەن حابارى. ازىق ـ تۇلىك حاۋىپسىزدىگىن باقىلاۋ ـ باسقارۋ جاۋاپكەرشىلىگىن ونان ارى ايقىنداپ، سايكەستى باقىلاۋ ـ باسقارۋ مەحانيزمىن ورناتىپ، اقاۋسىزداندىرىپ، تۇتاس تىزبەك بويىنشا باقىلاۋ ـ باسقارۋ بىرىككەن كۇشىن نىعايتىپ، ازىق ـ تۇلىك حاۋىپسىزدىگى تومەنگى شەگىن باتىل ساقتاپ، حالىق بۇقاراسىنىڭ دەنساۋلىعى مەن باس اماندىعىن شىن مانىندە قامتاماسىز ەتۋ ٴۇشىن، تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ازىق ـ تۇلىك حاۋىپسىزدىگىن تۇتاس تىزبەك بويىنشا باقىلاۋ ـ باسقارۋدى ونان ارى كۇشەيتۋ جونىندەگى پىكىردى» جاريالادى.
«پىكىردە» ازىقتىق اۋىل شارۋاشىلىعى ونىمدەرىن سايكەستى باقىلاۋ ـ باسقارۋدى كەمەلدەندىرۋ، ازىق ـ تۇلىك ٴوندىرۋ، تيجارات رۇقساتىن تەكسەرۋدى كۇشەيتۋ، ازىق ـ تۇلىك ساقتاۋدى باقىلاۋ ـ باسقارۋ مەحانيزمىن جەدەل ورناتۋ، ازىق ـ تۇلىك تاسىمالداۋدى سايكەستى باقىلاۋ ـ باسقارۋ مەحانيزمىن جەدەل ورناتۋ، ازىق ـ تۇلىك جىبەرۋ حاۋىپسىزدىگىن جانە جەتكىزۋ حاۋىپسىزدىگىن باسقارۋدى اقاۋسىزداندىرۋ، ينتەرنەتتە ازىق ـ تۇلىك ساتۋدىڭ جاڭا كاسىپ كۇيىن باقىلاۋ ـ باسقارۋدى كۇشەيتۋ، اس ـ سۋ قىزمەت وتەۋىن كەشەندى باقىلاۋ ـ باسقارۋ مەحانيزمىن اقاۋسىزداندىرۋ، يمپورت ەتىلگەن ازىق ـ تۇلىك حاۋىپ ـ قاتەرىنەن بىرلەسىپ ساقتانۋ، بىرلەسىپ تىزگىندەۋ مەحانيزمىن كەمەلدەندىرۋ سياقتىلار جونىندە تالاپ قويىلدى.
«پىكىردە» مىنالار تالاپ ەتىلدى: وڭىرلەر، تاراۋلار ازىق ـ تۇلىك حاۋىپسىزدىگى قىزمەتىنە بارىنشا ٴمان بەرىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىندا، ۇيىمدىق باسشىلىقتى كۇشەيتىپ، وسى پىكىردىڭ دايەكتىلەندىرىلۋىن، تياناقتاندىرىلۋىن ٴىس جۇزىندىكپەن ۇشتاستىرىپ ويداعىداي يگەرۋى كەرەك. مەملەكەتتىك كەڭەس ازىق ـ تۇلىك حاۋىپسىزدىگى كوميتەتى جانە ونىڭ كەڭسەسى ٴبىر تۇتاس جوسپارلاۋ، سايكەستىرۋ، جەتەكشىلىك ەتۋ رولىن تولىق ساۋلەلەندىرىپ، ازىق ـ تۇلىك حاۋىپسىزدىگى سالاسىنداعى تەحنولوگيالىق بايلىقتاردى بىرىكتىرىپ، ساپالىلاندىرىپ، تىرەك بولۋ، قامتاماسىز ەتۋ قابىلەتىن جوعارىلاتۋى كەرەك. قاتىستى تاراۋلار ٴوز جاۋاپكەرشىلىگىن ارقالاپ، ٴونىمدى تۇردە سايكەسىپ، ازىق ـ تۇلىك حاۋىپسىزدىگى تۇتاس تىزبەگىندەگى، ٴارقايسى بۋىندارداعى باقىلاۋ ـ باسقارۋدىڭ ورگانيكالى ۇشتاسۋىنا شىنايى كەپىلدىك ەتىپ، جاۋاپكەرشىلىكتى جاپپاي تياناقتاندىرۋى كەرەك. ەلەۋلى ىستەردى دەر كەزىندە ٴتارتىپ بويىنشا پارتيا ورتالىق كوميتەتىنە، مەملەكەتتىك كەڭەسكە نۇسقاۋ سۇراپ مالىمدەۋى كەرەك.
