شي جينپيڭ يۇنناندا قىزمەت تەكسەرگەندە، بىلاي دەپ باسا دارىپتەدى
يدەيانى ازات ەتىپ، رەفورمادا جاڭالىق اشىپ، قايراتتانا العا ۇمتىلىپ، شىنايى يگەرىپ ناقتى ىستەپ، جۇڭگو ۇلگىسىندەگى وسىزامانداندىرۋ ۇردىسىندە يۇنناننىڭ دامۋ جاڭا جاعدايىن اشۋ كەرەك
ساي چي قىزمەت تەكسەرۋدە بىرگە بولدى
3 ـ ايدىڭ 19 ـ كۇنىنەن 20 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ يۇنناندا قىزمەت تەكسەردى. سۋرەتتە: 3 ـ ايدىڭ 19 ـ كۇنى تۇستەن كەيىن شي جينپيڭ ليجياڭ وسى زامانعى گۇل كاسىپ سالاسى باقشاسى روزا گۇلى ەگىمشىلىك اۋماعىندا سول جەردەگى قىستاق تۇرعىندارىمەن، تەحنيكتەرمەن ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى يان يان تۇسىرگەن
3 ـ ايدىڭ 19 ـ كۇنىنەن 20 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ يۇنناندا قىزمەت تەكسەردى. سۋرەتتە: 3 ـ ايدىڭ 19 ـ كۇنى تۇستەن كەيىن شي جينپيڭ ليجياڭ بايىرعى قالاسىندا قىزمەت تەكسەرگەندە تۇرعىندارمەن، ساياحاتشىلارمەن سالەمدەسىپ اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى يان يان تۇسىرگەن
شينحۋا اگەنتتىگىنىڭ 3 ـ ايدىڭ 20 ـ كۇنى كۇنميڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا يۇنناندا قىزمەت تەكسەرگەندە، بىلاي دەپ باسا دارىپتەدى: يۇننان پارتيا ورتالىق كوميتەتىنىڭ باتىس بولىكتى قاۋىرت اشۋ جانە چاڭجياڭ ەكونوميكالىق بەلدەۋىن دامىتۋ جونىندەگى ستراتەگيالىق ورنالاستىرۋىن مۇقيات تياناقتاندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جوعارى ساپالى دامۋدى كۇش سالا ىلگەرىلەتىپ، يدەيانى ازات ەتىپ، رەفورمادا جاڭالىق اشىپ، قايراتتانا العا ۇمتىلىپ، شىنايى يگەرىپ ناقتى ىستەپ، جۇڭگو ۇلگىسىندەگى وسىزامانداندىرۋ ۇردىسىندە يۇنناننىڭ دامۋ جاڭا جاعدايىن اشۋى كەرەك.
3 ـ ايدىڭ 19 ـ كۇنىنەن 20 ـ كۇنىنە دەيىن شي جينپيڭ يۇننان ولكەلىك پارتكومنىڭ شۋجيى ۋاڭ نيڭ مەن ولكە باستىعى ۋاڭ يۇيبونىڭ سەرىك بولۋىندا ىلگەرىندى ـ كەيىندى ليجياڭ، كۇنميڭ سياقتى جەرلەرگە بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.
3 ـ ايدىڭ 19 ـ كۇنى تۇستەن كەيىن شي جينپيڭ ليجياڭ وسى زامانعى گۇل كاسىپ سالاسى باقشاسىنا كەلدى. كورمە زالىندا ول روزانىڭ، جەرقاشتاننىڭ جاڭادان كەسىپ الىنعان گۇل تۇقىم سورتى كورمەسىن تەكسەرىپ كورىپ، يۇنناننىڭ گۇل كاسىپ سالاسىنىڭ دامۋ جاعدايى جونىندەگى تانىستىرۋدى تىڭدادى. روزا گۇلى ەگىمشىلىك اۋماعىندا ول زەردەلى جىلىجايدا توپىراقسىز ٴوسىرۋ تەحنولوگياسىن ۇعىسىپ، سول جەردەگى قىستاق تۇرعىندارىمەن، تەحنيكتەرمەن ىقىلاسپەن اڭگىمەلەستى. ول تاعى روزا گۇلىن سورتقا ٴبولىپ قوراپتاۋ ٴوندىرىس جەلىسىنە كەلىپ، سۇرىپتاۋ، سورتقا بولۋدەن قوراپتاۋ، زات تاراتۋعا دەيىنگى تۇتاس بارىستى تەكسەرىپ كورىپ، جاڭادان كەسىپ الىنعان گۇلدەردىڭ زات اينالىمى ارقىلى دەر كەزىندە سىرتقا ساتىلعانىن تۇراقتاندىردى. شي جينپيڭ بىلاي دەپ اتاپ كورسەتتى: يۇننان گۇل كاسىپ سالاسىنىڭ بولاشاعى كەڭ، تۇتاس كاسىپ سالاسى تىزبەگىن كوزدە ۇستاپ، تۇقىم شارۋاشىلىعى بۋىنىنان، ەگۋ بۋىنىنان، بازار بۋىنىنان تىنباي قۇنتتاي ىستەپ، وسى ”كوركەم كاسىپ سالاسىن“ بۇقارانى باقىتقا كەنەلتەتىن ”باقىت كاسىپ سالاسىنا“ اينالدىرۋ كەرەك.
ليجياڭ بايىرعى قالاسىنىڭ 800 جىلدان استام تاريحى بار، دۇنيە جۇزىلىك مادەنيەت مۇرالارى تىزىمىنە ەنگىزىلگەن. كوكتەمگى قاردان كەيىن ليجياڭدا ساياحاتشىلار ٴيىن تىرەستى. شي جينپيڭ وسى اراعا كەلىپ، بايىرعى قالانىڭ سالىنۋ تاريحى، ناشي ۇلتىنىڭ ٴۇي قۇرىلىس ەرەكشەلىگى جانە جەرگىلىكتى ورىننىڭ مادەنيەت مۇرالارىن قورعاۋ، پايدالانۋ، مادەنيەت ـ ساياحاتتىڭ توعىسا دامۋىن ىلگەرىلەتۋ سياقتى جاعدايلاردى ەگجەي ـ تەگجەيلى ۇعىستى. تۇرعىندار مەن ساياحاتشىلار باس شۋجيدى كورىپ ايرىقشا تەبىرەنىپ، تالاسا ـ تارماسا امانداستى، كەيبىرەۋلەرى مۋزيكا اسپاپتارىن شەرتىپ، ٴان ايتىپ، ٴبي بيلەپ، باس شۋجيدى قارسى الدى. شي جينپيڭ ٴالسىن ـ ٴالسىن كوپشىلىكپەن سالەمدەسىپ، ساۋدا دۇكەندەرىنىڭ تيجارات جاعدايىن جانە ساياحاتشىلاردىڭ اسەرىن ۇعىستى. ول جەرگىلىكتى ورىننان قورعاۋ مەن دامۋدىڭ قاتىناسىن ويداعىداي ٴبىر جاقتى ەتىپ، وسى كوركەم بايىرعى قالانىڭ جاڭادان شۇعىلا شاشۋىنا مۇمكىندىك جاساۋدى تالاپ ەتتى.
بايىرعى قالانىڭ ىشىندەگى مۋشى تۋسى جامبىل مەكەمەسى باتىس وڭتۇستىك وڭىردەگى ۇلتتاردىڭ ارالاسۋ، ىشتەسۋ، توعىسۋ تاريحىنىڭ كۋاسى. شي جينپيڭ مۋشى تۋسى جامبىل مەكەمەسىنىڭ نەگىزگى قۇرىلىسىن تەكسەرىپ كورىپ، ناشي ۇلتى دۇڭبا مادەنيەتىن زەرتتەۋ جەتىستىگى كورمەسىن ەكسكۋرسيالادى. ول بىلاي دەپ باسا دارىپتەدى: مۋشى تۋسى مەكەمەسى سياقتى وسىنداي ماڭىزدى مادەنيەت جەر بەلگىسىن ويداعىداي قورعاپ، پايدالانىپ، جۇڭحۋانىڭ تاڭداۋلى ٴداستۇرلى مادەنيەتىن ويداعىداي قورعاپ، جالعاستىرىپ، ٴار ۇلت بۇقاراسىن سانالىلىقپەن جۇڭحۋا ۇلتى ورتاق تۇلعا تانىمىن بەكەمدەۋگە جەتەكتەپ، جۇڭحۋا ۇلتى ورتاق تۇلعا قۇرىلىسىن ۇزدىكسىز ىلگەرىلەتۋ كەرەك.
اتتانار كەزدە كوپتەگەن تۇرعىندار مەن ساياحاتشىلار قاۋمالاي كەلىپ باس شۋجيدى اتتاندىرىپ سالدى. شي جينپيڭ كوپشىلىكتى جىگەرلەندىرىپ بىلاي دەدى: ليجياڭدا كوركەم كورىنىس بار، ەرەكشەلىككە يە مادەنيەت بار، تانىمالدىعى وتە جوعارى، باياندى، اقاۋسىز مادەنيەت ـ ساياحاتتى دامىتۋ جولىن تاباتىندىعى ٴسوزسىز. ول ليجياڭ حالقىنىڭ تۇرمىسىنىڭ بەينە ناشي ۇلتىنىڭ ”和“ فاميلياسى سياقتى باقىتتى، امان ـ ەسەن، تاتۋ ـ ٴتاتتى بولۋىن تىلەدى.
3 ـ ايدىڭ 20 ـ كۇنى تۇستەن بۇرىن شي جينپيڭ يۇننان ولكەلىك پارتكومنىڭ جانە ولكەلىك ۇكىمەتتىڭ قىزمەت مالىمەتىن تىڭداپ، يۇنناننىڭ ٴتۇرلى جاقتاردا قول جەتكىزگەن ناتيجەلەرىن تۇراقتاندىرىپ، الداعى قىزمەتتەر جونىندە تالاپ قويدى.
شي جينپيڭ بىلاي دەپ اتاپ كورسەتتى: كاسىپ سالالارىنىڭ تيبىن جاڭالاپ دارەجەسىن جوعارىلاتۋىن ىلگەرىلەتۋ — جوعارى ساپالى دامۋداعى ٴتۇيىندى قىزمەت. جەر ـ جەردىڭ بايلىق قاسيەتى، نەگىزدىك شارت ـ جاعدايى، ت. ب ۇقسامايدى، كاسىپ سالالارىنىڭ تيبىن جاڭالاپ دارەجەسىن جوعارىلاتۋدى مىقتى يگەرۋدە ٴىس جۇزىندىكتى شىعار ٴتۇيىن ەتىپ، ەكونوميكا زاڭدىلىعىنا بويسۇنىپ، ٴوز ەرەكشەلىگىن كورنەكتىلەندىرۋ كەرەك. يۇننان عىلىم ـ تەحنولوگيادا جاڭالىق اشۋدى جەتەكشى ەتە وتىرىپ بايلىق تۇرىندەگى كاسىپ سالاسىن كۇشەيتىپ، ساپالىلاندىرىپ، زورايتىپ، ستراتەگيالىق جاڭادان گۇلدەنگەن كاسىپ سالاسى مەن بولاشاق كاسىپ سالاسىن بەلسەندى دامىتۋى كەرەك. ٴۇستىرت ەرەكشەلىگىنە يە اۋىل شارۋاشىلىعى جانە مادەنيەت ـ ساياحات كاسىپ سالاسىن جەدەل دامىتىپ، كاسىپ سالاسىنىڭ قۇنىن ارتتىرۋدى، كاسىپورىننىڭ ونىمدىلىگىن ارتتىرۋدى، بۇقارانىڭ كىرىسىن ارتتىرۋدى جەبەۋ كەرەك. مۇددەدەن بىرگە يگىلىكتەنۋ مەحانيزمىن بەلسەنە قاراستىرىپ، كاسىپ سالاسىنىڭ ساتىلى اۋىسۋىن تارتىپپەن قابىلداۋ كەرەك.
شي جينپيڭ بىلاي دەپ باسا دارىپتەدى: يۇنناننىڭ وڭىرلىك ورىن شارت ـ جاعدايى وزگەشە، جوعارى دەڭگەيدە سىرتقا ەسىك اشۋدى بەلسەندى ىلگەرىلەتىپ، وڭتۇستىك ازياعا، شىعىس وڭتۇستىك ازياعا بەتتەگەن شارپۋ ورتالىعىن قۇرۋى كەرەك. ەركىن ساۋدا سىناق رايونىن جوعارى ساپامەن قۇرىپ، قاتىناس زات اينالىمى، ەنەرگيا، سيفرلى ينفورماتسيا سياقتى ۇلكەن ارنا قۇرىلىسىن كۇشەيتىپ، ٴتۇرلى ەسىك اشۋ تۇعىرلارىن ەكونوميكانى دامىتۋدىڭ ارتۋ تۇيىنىنە اينالدىرۋ كەرەك. توڭىرەكتەگى ەلدەرمەن ەكونوميكا، عىلىم ـ تەحنولوگيا، دارىندىلار، ەمدەۋ، مادەنيەت سياقتى جاقتارداعى اۋىس ـ كۇيىس، سەلبەستىكتى كەڭەيتىپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋدى سەزىپ بىلە الاتىن، يگىلىكتەنە الاتىن ەتۋ كەرەك.
شي جينپيڭ بىلاي دەپ اتاپ كورسەتتى: يۇنناننىڭ ەكولوگيالىق ورنى ماڭىزدى، بۇلجىماي ەكولوگيانى الدىمەن ويلاسۋ، جاسىل دامۋ جولىمەن ٴجۇرىپ، ەلىمىزدىڭ باتىس وڭتۇستىك ەكولوگيا حاۋىپسىزدىك قالتقىسىن بەكەمدەۋ كەرەك. مەملەكەت باقشاسىن نەگىزگى تۇلعا ەتكەن جاراتىلىستىق قورىق جۇيەسىن اقاۋسىزداندىرىپ، ەكولوگيا جۇيەسىن قورعاۋدى جانە قالپىنا كەلتىرۋدى كۇشەيتىپ، تاستاقتانىپ شولەيتتەنۋدى، سۋ ـ توپىراقتىڭ شايىلۋىن جانە شاعىن سۋ الاپتارىن جالپىلىق وڭاۋدى ۇزدىكسىز ورىستەتۋ كەرەك. مەملەكەت جەرى كەڭىستىگىنىڭ پايدالانىلۋىن باسقارۋ مەن ەكولوگيالىق قورشاعان ورتانى وڭىرلەرگە ٴبولىپ باسقارۋدىڭ ۇشتاسۋىن كۇشەيتىپ، ٴتۇيىندى سالالاردا لاستانۋدان ساقتانۋ جانە ونى وڭاۋ مەن ٴتۇيىندى كولدەر ورتاسىن وڭاۋدى تىڭعىلىقتى ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: يۇنناندا ۇلتتار كوپ، شەكارا وڭىردەگى ۇلتتار ٴوڭىرىن باسقارۋدى كۇشەيتىپ، ٴار ۇلتتىڭ جان ـ جاقتى كىرىگۋىنىڭ امالياتتىق جولىن كەڭەيتىپ، جاڭا داۋىردەگى شەكارا ٴوڭىردى گۇلدەندىرىپ حالىقتى بايىتۋ ارەكەتىن ىشكەرىلەي ىلگەرىلەتىپ، ۇلتتار ىنتىماعىن، شەكارا ٴوڭىردىڭ بەرىكتىگىن شىنايى قورعاۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ باسشىلىعى — ىستەردى دامىتۋدىڭ ٴتۇبىرلى كەپىلى. ٴبىر جەردىڭ پارتيا باسشىلىعى مەن پارتيا قۇرىلىسىنىڭ دەڭگەيىنىڭ جوعارى بولۋ ـ بولماۋىنا قاراۋداعى ٴبىر ماڭىزدى جاق — ساياسي ەكولوگياسىنىڭ جاقسى بولۋ ـ بولماۋى. ٴار دارەجەلى باسشى كادرلار پارتيانى باسقارۋ، پارتيانى جونگە سالۋ جاۋاپكەرشىلىگىن شىنايى اتقارۋى، ستيلى دۇرىس بولىپ، ادىلدىكپەن ٴىس جۇرگىزۋى، ٴوزىنىڭ ۇلگىلى ارەكەتى ارقىلى ساياسي ەكولوگيانى ۇزدىكسىز تازارتۋدى ىلگەرىلەتۋى كەرەك. ٴار دارەجەلى پارتيا ۇيىمدارى پارتيا مۇشەلەرىن، كادرلاردى تاربيەلەۋدى، باسقارۋدى كۇشەيتىپ، ٴتۇرلى بەلگىلەمەگە قايشى، تارتىپكە قايشى ارەكەتتەردى قاتاڭ تەكسەرىپ، ٴبىر جاقتى ەتىپ، بۇرىس ستيل مەن تەرىس پيعىلدارعا تابان تىرەر جەر قالدىرماۋى كەرەك. پارتيا ورتالىق كوميتەتى بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋدى ورنالاستىردى، ٴار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ۇيرەنۋ تاربيەسى جونىندەگى جاۋاپكەرشىلىك سەزىمىن، كوكەي تەستىلىك سەزىمىن سانالىلىقپەن كۇشەيتىپ، پارتيانى جاپپاي قاتاڭ باسقارۋدىڭ جاعدايىمەن، مىندەتىمەن بايلانىستىرىپ، ٴوز ورنىنىڭ، ٴوز تاراۋىنىڭ، ٴوز مەكەمەسىنىڭ وسى بىرنەشە جىلداعى ستيل قۇرىلىسىن يگەرۋدەگى ناقتى امالياتىمەن بايلانىستىرىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن ونان ارى جەتە ٴتۇسىنىپ، قاتىستى ٴتارتىپ جازاسى ەرەجەسىن، بەلگىلەمەسىن يگەرىپ، ماسەلەلەردى تەكسەرىپ ورتاعا سالۋدىڭ، شوعىرلى وڭاۋدىڭ يدەيالىق ـ ساياسي نەگىزىن بەكەمدەۋى كەرەك. ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ٴوزارا ساباقتاستىرىپ، قالىڭ پارتيا مۇشەلەرىن، كادرلاردى سانالىلىقپەن تارتىپكە باعىنىپ، ەرەجەگە بويسۇنۋعا، باتىلدىقپەن ٴىس تىندىرىپ ناتيجە شىعارۋعا جەتەكتەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
3 ـ ايدىڭ 20 ـ كۇنى تۇستەن بۇرىن شي جينپيڭ كۇنميڭدە كۇنميڭدە تۇراتىن اسكەري بولىمدەردەگى شاڭشياۋدان جوعارى باسشى كادرلاردى جانە نەگىزگى ساتىداعى وزات ۇلگىلەردىڭ، اكىمشىلىك قىزمەتكەرلەردىڭ ۋاكىلدەرىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان كۇنميڭدە تۇراتىن اسكەري بولىمدەردەگى بارلىق وفيتسەر ـ اسكەرلەرگە ىقىلاستى سالەم جولدادى ٴارى كوپشىلىكپەن بىرگە ەستەلىك سۋرەتكە ٴتۇستى.
