كاسىپ سالاسى تىزبەگىنىڭ كىرىستى 100 ميلليون يۋاننان اسىرۋىنا دەم بەردى
تيانشان تورى \ شينجياڭ گازەتىنىڭ حابارى (ٴتىلشى ما بويۇي حابارلايدى). 3 ـ ايدىڭ 17 ـ كۇنى ءتىلشىنىڭ اۆتونوميالى رايوندىق مال شارۋاشىلىعى عىلىم اكادەمياسىنان ۇعىسۋىنشا، اۆتونوميالى رايوننىڭ كەلەلى عىلىم ـ تەحنولوگيا ارناۋلى نىسانى «شينجياڭ جەرگىلىكتى سويىس سيىر، سويىس قوي جاڭا تۇقىمىن (جۇيە) جەتىلدىرۋ» نىسانىندا كەزەڭدىك ماڭىزدى جەتىستىككە قول جەتكىزىلىپ، اسىل تۇقىم جەتكىلىكسىز بولۋ، اسىل تۇقىمدى مالدىڭ ساپالى بولۋ سالىستىرماسى تومەن بولۋ، ەتتىك قاسيەتى كورنەكتى بولماۋ سياقتى كاسىپ سالاسىنىڭ دامۋىنا تۇساۋ بولاتىن تۇقىمدىق زات بايلىق بوگەتتەرى ٴساتتى اشىلىپ، تۇتاس شينجياڭدى قامتىعان اسىل تۇقىم جەتىلدىرۋ جۇيەسى ورناتىلعان.
سۋرەتتە: اسىلداندىرىلعاننان كەيىنگى ەتتى قوڭىر سيىر. سۋرەتتى جاڭ ياڭ تۇسىرگەن
نىسان جاۋاپتىسى، اۆتونوميالى رايوندىق مال شارۋاشىلىعى عىلىم اكادەمياسى مال شارۋاشىلىعىن زەرتتەۋ ورنىنىڭ زەرتتەۋشىسى جاڭ ياڭنىڭ تانىستىرۋىنشا، بۇل نىسان 2022 ـ جىلى باستالىپ، جوسپار بويىنشا 2026 ـ جىلى سويىسقا پايدالاناتىن ٴۇشىنشى ۇرپاق قوڭىر سيىردى تاڭداپ جەتىلدىرۋ جانە قازاق سويىس قويىنىڭ جاڭا تۇقىمى جۇيەسىن مەملەكەتتىڭ جاڭا تۇقىمدى تەكسەرىپ بەكىتۋ شارتىنا جەتكىزۋ تالابىن ورىندايدى، سول كەزدە گەن تەكسەرۋىن، ازىقتىق تەڭگەرۋدى، زەردەلى باعىمشىلىقتى قامتىعان تۇتاس كاسىپ سالاسى تىزبەگىنىڭ تەحنولوگيالىق جۇيەسى قالىپتاسادى ەكەن.
قازىر نىسان ۇجىمى نازاردى شينجياڭ قوڭىر سيىرى، قازاق قويى سياقتى جەرگىلىكتى ەرەكشە تۇقىمعا اۋدارىپ، ”گەندەر جيىنتىعىن تاڭداۋ + سىرتقى تۇلعاسىن ولشەپ تۇراقتاندىرۋ + زەردەلى باعالاۋ“ سىندى ٴۇشتى ٴبىر تۇلعالاندىرعان وسى زامانعى تۇقىم جەتىلدىرۋ جۇيەسىن ورناتتى ٴارى ”سويىسقا پايدالانىلاتىن قوڭىر سيىر K5 “1 تۇقىم جەتىلدىرۋ چيبىن دەربەس زەرتتەپ اشۋ ارقىلى تۇقىم قۋالاۋ بويىنشا باعالاۋ ونىمدىلىگىن %50تەن استام جوعارىلاتىپ، كۇنىنە 1.35 كيلوگرام سالماق قوساتىن، سويۋ سالىستىرماسى %62.23كە جەتكەن ساپالى سويىس سيىر تۇقىم جۇيەسى _ سويىسقا پايدالانىلاتىن قوڭىر سيىردى ٴساتتى جەتىلدىردى، مۇندا ۇشاسىنىڭ ٴنومىرى شينجياڭ قوڭىر سيىرىمەن سالىستىرعاندا 2 دارەجە جوعارىلادى، سوڭىندا ٴاربىرىنىڭ ساتىلۋ باعاسى 3000 يۋان جوعارى بولدى.
سونىمەن قاتار قازاق قويى تۇقىمىن جەتىلدىرۋدە جاڭالىق اشۋ بارىسىندا ”قوس بۇلشىق ەت گەنى“ بەلگىسى ارقىلى تاڭداۋ كومەكشى تەحنولوگياسىنان پايدالانىپ، اسىلداندىرىلعان قوزىلاردىڭ ەنەسىنەن اجىراعاننان كەيىنگى دەنە سالماعىنىڭ %18 جوعارىلاپ، 6 ايلىق كەزىندە 45 كيلوگرامنان اسۋىنا مۇمكىندىك جاسادى؛ اسىلداندىرىلعان قوزىلاردىڭ ٴاربىرىنىڭ ەنەسىنەن اجىراعاننان كەيىنگى ساتىلۋ باعاسى 200 - 300 يۋاننان جوعارى بولىپ، جىلىنا جيىنى 121 مىڭ ساۋلىق قوي اسىلداندىرىلدى.
قورەكتىك عىلىم سالاسى جاعىندا بۇزاۋدى، زاپاس سيىردى، بۇقانى قامتىعان جالپى عۇمىر پەريودىندىق قورەكتىك سۇرانىس ۇلگىسى تۇڭعىش رەت ورناتىلدى. نىسان ۇجىمى اشقان دالمە ـ ٴدال جەم ـ ٴشوپ بەرۋ جۇيەسىندە جەم ـ ٴشوپتىڭ كادەگە جاراۋ سالىستىرماسى زور مولشەردە جوعارىلاتىلىپ، بۇرىنعى تەك تاجىريبەگە سۇيەنۋ ارقىلى مولشەرلەنەتىن بىتىراندى باعۋ ۇلكەن ساندى مالىمەت نەگىزىندەگى ەڭ ساپالى باعۋ تاسىلىنە اينالدى. جاڭا جۇيەنىڭ ورناۋى حايۋاناتتاردىڭ ٴوسىپ ـ جەتىلۋ قاجەتىن قاناعاتتاندىرىپ قانا قويماي، كومىر قىشقىل گازىنىڭ شىعارىلۋىن تومەندەتۋ نىساناسىنا تىپتەن سايكەسىپ، مال شارۋاشىلىعىنىڭ تومەن كومىر قىشقىل گازدى بولۋعا قاراي تيپ جاڭالاۋىنا تەحنيكالىق تىرەك ازىرلەدى.
”نىسان جەتىستىگى تۇتاس شينجياڭ كولەمىندە جالپىلاستىرىلىپ، سىناق رەتىندە پايدالانىلدى، سونداي ـ اق اسىل تۇقىم ونىمدىلىگىن كورسەتتى“، جاڭ ياڭ بىلاي دەدى: 2024 ـ جىلعا دەيىن ساپالى سويىسقا پايدالانىلاتىن قوڭىر سيىردىڭ توڭازىتىلعان ۇرىعىنان جالپى 300 مىڭىن جالپىلاستىردىق ٴارى 150 مىڭنان استام سويىس سيىردى اسىلداندىرىپ، 10 مىڭ تۇياق دارەجەلى سويىس قوي تۇقىمىن جەتىلدىرۋ بويىنشا 30 شوعىردى ۇيىمداستىرىپ قۇردىق، نىسان ارقىلى كاسىپ سالاسى تىزبەگىنىڭ كىرىستى 100 ميلليون يۋاننان اسىرۋىنا، موڭعۇلكۇرە اۋدانى، نىلقى اۋدانى سياقتى جەرلەردەگى باعىمشىلىق وتباسىلارىنىڭ ونىمدىلىكتى كۇرت جوعارىلاتۋىنا جالپى جاقتان دەم بەرىلدى.
