شينجياڭ حالىق ىستەرى ٴماجىلىسى اشىلدى
رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، حالىق ىستەرىنىڭ جوعارى ساپالى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ حالىق تۇرمىسى جاۋاپناماسىنا ويداعىداي جاۋاپ بەرۋگە قۇلشىنۋ كەرەك
ما شيڭرۇي ٴسوز سويلەدى، ەركىن تۇنياز باسقاردى، حى جۇڭيوۋ، جاڭ جۋ، چىن ميڭگو قاتىناستى
3 - ايدىڭ 24 - كۇنى شينجياڭ حالىق ىستەرى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي ماجىلىسكە قاتىناستى ءارى ءسوز سويلەدى.
□سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 24 ـ كۇنى ۇرىمجىدەن حابارلايدى. 3 ـ ايدىڭ 24 ـ كۇنى اۆتونوميالى رايون مەن بيڭتۋان شينجياڭ حالىق ىستەرى ٴماجىلىسىن تۇڭعىش رەت بىرلەسىپ اشىپ، شينجياڭ حالىق ىستەرىندە جاڭا جاعداي اشۋدى ىلگەرىلەتۋدى بىرگە جوسپارلادى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق ىستەرى قىزمەتى جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، 15 ـ رەتكى مەملەكەتتىك حالىق ىستەرى ٴماجىلىسىنىڭ ورنالاستىرۋلارىنا، تالاپتارىنا ساي، رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، ”ٴتورت جۇيەنى“ ۇزدىكسىز كەمەلدەندىرىپ، ”ەكىگە كۇش سالۋدى“ باتىل ىلگەرىلەتىپ، حالىق ىستەرىنىڭ جوعارى ساپالى دامۋىن تىڭعىلىقتى ىلگەرىلەتىپ، حالىق بۇقاراسى ٴۇشىن بەلسەندىلىكپەن، ىرىقتىلىقپەن جاقسى ٴىس ىستەپ، ناقتى ٴىس ىستەپ، ولاردىڭ قيىنشىلىقتارىن شەشىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ حالىق تۇرمىسى جاۋاپناماسىنا ويداعىداي جاۋاپ بەرۋگە قۇلشىنۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيلەرى جاڭ جۋ، چىن ميڭگو ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، باس شۋجي شي جينپيڭ حالىق ىستەرى قىزمەتىن ستراتەگيالىق جانە جالپى جاعداي تۇرعىسىنان جوبالاپ، ورنالاستىرىپ، ٴبىر قىدىرۋ جاڭا يدەيانى، جاڭا كوزقاراستى، جاڭا تۇجىرىمدى العا قويىپ، حالىق ىستەرىنىڭ ۇزاق بولاشاقتىق دامۋىنا ساياتىن كەلەلى نازاريالىق جانە امالياتتىق ماسەلەلەردى ىشكەرىلەي بايىمدادى. 15 ـ رەتكى مەملەكەتتىك حالىق ىستەرى ٴماجىلىسى اشىلۋ قارساڭىندا باس شۋجي شي جينپيڭ ماڭىزدى نۇسقاۋ بەرىپ، حالىق ىستەرى قىزمەتىن ويداعىداي ىستەۋ جونىندە شىنايى ٴۇمىت ارتىپ جانە ايقىن تالاپ قويىپ، جاڭا ٴداۋىردىڭ جاڭا جورىعىندا حالىق ىستەرىنىڭ جوعارى ساپالى دامۋىن ىلگەرىلەتۋگە ٴتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ حالىق ىستەرى قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋدىڭ جۇڭگو ۇلگىسىندەگى وسىزامانداندىرۋدىڭ كەلەلى مىندەتى ەكەندىگىن جەتە تانىپ، ”حالىق ىستەرى حالىق ٴۇشىن بولۋ، حالىق ىستەرى حالىقتى ٴسۇيۋ“ قىزمەت جاۋاپكەرشىلىگىن، بورىشىن شىنايى ارقالاپ، مەملەكەت ستراتەگياسىن تياناقتاندىرۋ، حالىق تۇرمىسى قاجەتىنە جاۋاپ قايتارۋ، قىزمەت وتەۋ ساپاسىن جوعارىلاتۋ جاعىندا اناعۇرلىم زور ىسكەرلىك كورسەتۋ كەرەك.
ما شيڭرۇي شينجياڭ حالىق ىستەرى قىزمەتىندە قول جەتكەن ناتيجەلەردى تولىق تۇراقتاندىردى. ول بىلاي دەپ باسا دارىپتەدى: حالىق ىستەرى قىزمەتى سان مىڭداعان وتباسىمەن بايلانىسىپ جاتادى، ٴار ۇلت بۇقاراسىنىڭ قۇت ـ ىرىسىنا قاتىستى، ٴسوز جوق، حالىقتىڭ كۇن سايىن ارتىپ وتىرعان تاماشا تۇرمىسقا قاجەتىن ۇزدىكسىز قاناعاتتاندىرۋدى كوزدەپ، جالپىعا ٴتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، رەفورما جاساۋ، جاڭالىق اشۋ رۋحىمەن شينجياڭ حالىق ىستەرىنىڭ جوعارى ساپالى دامۋىن ىلگەرىلەتۋ كەرەك. نازاردى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە شوعىرلاندىرىپ، حالىق ىستەرى قىزمەتىنىڭ دەم بەرۋ، تىرەك بولۋ رولىن تولىق ساۋلەلەندىرۋ كەرەك. جان سانىنىڭ قارتتانۋىنا توتەپ بەرۋ جونىندەگى مەملەكەت ستراتەگياسىن بەلسەنە تياناقتاندىرىپ، قالا مەن اۋىلدى قامتىعان ٴۇش دارەجەلى قارتتاردى كۇتىمدەۋگە قىزمەت وتەۋ تورابىن كەمەلدەندىرىپ، قارتتاردى كۇتىمدەۋگە قىزمەت وتەۋ، قامداۋ ارناسىن ساپالىلاندىرىپ، قارتتاردى كۇتىمدەۋگە قىزمەت وتەۋدىڭ ٴتىپتى دە سەزىپ ـ بىلۋگە بولاتىن، يگىلىكتەنۋگە بولاتىن بولۋىن ىلگەرىلەتۋ كەرەك. نەگىزگى الەۋمەتتىك قىزمەت وتەۋدىڭ بىركەلكىلىگىن جانە قوعامنىڭ ادىلدىگىن، ادىلەتتىلىگىن جەبەپ، قالا، اۋىل تۇرعىندارىنىڭ، اسىرەسە، ەگىنشى ـ مالشىلاردىڭ كىرىسىن ۇزدىكسىز ارتتىرۋ كەرەك. ”15 ـ بەسجىلدىقتاعى“ حالىق ىستەرىنىڭ دامۋ جوباسىن عىلمي جاساپ، دامۋ جەتىستىكتەرىنىڭ حالىق تۇرمىسىنا ٴتىپتى دە كوپ، ٴتىپتى دە جاقسى يگىلىك جەتكىزۋىن ىلگەرىلەتۋ كەرەك. نازاردى جۇڭحۋا ۇلتى ورتاق تۇلعا تانىمىن بەكەمدەۋگە شوعىرلاندىرىپ، حالىق ىستەرى قىزمەتىنىڭ جۇرت تىلەگىن ۇيىستىرۋ رولىن تولىق ساۋلەلەندىرۋ كەرەك. نەگىزگى حالىق تۇرمىسىن قامتاماسىز ەتۋدى كۇشەيتىپ، پارتيا ورتالىق كوميتەتىنىڭ حالىققا تيىمدىلىك جەتكىزۋ ساياساتى مەن ٴتۇرلى بايلىقتىڭ، قارجىنىڭ دالمە ـ ٴدال تياناقتانۋىنا، ونىمدىلىك كورسەتۋىنە شىنايى كەپىلدىك ەتىپ، وڭتۇستىك شينجياڭ ٴوڭىرى مەن شەت ـ شالعايداعى ەگىن، مال شارۋاشىلىق رايوندارىندا نەگىزگى قوعامدىق قىزمەت وتەۋدىڭ ساپاسىن، ونىمدىلىگىن جوعارىلاتىپ، زەيىن ـ زەردەنى، كۇش ـ قۋاتتى ۇيىستىراتىن، ىنتىماقتاسا كۇرەس جۇرگىزەتىن جاندى جاعدايدىڭ قالىپتاسۋىن ىلگەرىلەتۋ كەرەك. ۇيلەنۋ، جەرلەۋ ەسكى سالت ـ سانالارىن وزگەرتۋدى جەدەل ىلگەرىلەتىپ، ٴار ۇلت بۇقاراسىن وسى زامانعى وركەنيەت ۇستانىمىن كۇشەيتۋگە جەتەكتەۋ كەرەك. نازاردى حالىق تۇرمىسى تومەنگى شەگىن ساقتاۋعا شوعىرلاندىرىپ، حالىق ىستەرى قىزمەتىنىڭ تومەنگى شەكتەن تۇسىرمەۋ، نەگىزدى بەكەمدەۋ رولىن تولىق ساۋلەلەندىرۋ كەرەك. جۇمىسسىز قالعاندار، يكەمدى جۇمىستانۋشىلار، ەڭ تومەنگى تۇرمىسى قامتاماسىز ەتىلۋگە تاياپ تۇرعاندار سياقتى تومەن كىرىستى جان سانىنا قاراتىلعان يكەمدى قاداعالاۋدى، كومەكتەسۋ ـ سۇيەمەلدەۋدى كۇشەيتىپ، قيىنشىلىعى بار بۇقارانىڭ نەگىزگى تۇرمىسىن ٴونىمدى قامتاماسىز ەتۋ كەرەك. بالالار يگىلىگىن قامتاماسىز ەتۋ دەڭگەيىن جوعارىلاتىپ، بالالاردىڭ زاڭدى ۇقىق ـ مۇددەسىن قورعاپ، مۇگەدەكتەر سياقتى ەرەكشە قيىنشىلىعى بار قاۋىمدى ويداعىداي قامتاماسىز ەتۋ، ولارعا ويداعىداي قىزمەت وتەۋ كەرەك. نازاردى جوعارى ساپالى دامۋ سىندى ماڭداي الدى مىندەتكە شوعىرلاندىرىپ، حالىق ىستەرى قىزمەتىنىڭ قىزمەت وتەۋ، قامتاماسىز ەتۋ رولىن تولىق ساۋلەلەندىرۋ كەرەك. اكىمشىلىك رايوندارعا بولۋگە قاتىستى قىزمەتتەردى ورنىقتى ىلگەرىلەتىپ، جەر اتىن قويۋدى، جەر اتىن وزگەرتۋدى باسقارۋدى زاڭ بويىنشا كۇشەيتۋ كەرەك. قوعامدىق ۇيىمداردى شينجياڭنىڭ ەرەكشەلىككە، باسىمدىققا يە كاسىپ سالالارىن دامىتۋ سياقتى ەكونوميكالىق قۇرىلىستىڭ نەگىزگى شايقاس مايدانىنا ات سالىسۋعا ىنتالاندىرىپ، جەتەكتەپ، كاسىپورىندار مەن قوعامدىق توپتاردىڭ الەۋمەتتىك يگىلىك، قايىرىمدىلىق ىستەرىنە بەلسەنە ات سالىسۋىنا قولداۋ كورسەتۋ كەرەك. قارتتار ەكونوميكاسىن دامىتىپ، قارتتاردى كۇتىمدەۋ كاسىپ سالاسىنىڭ جاڭا ۇلگىسىن بايىتۋ كەرەك. نازاردى دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاۋعا شوعىرلاندىرىپ، حالىق ىستەرى قىزمەتىنىڭ حاۋىپ ـ قاتەردەن ساقتانۋ جانە ونى جويۋ رولىن تولىق ساۋلەلەندىرۋ كەرەك. قارتتاردى كۇتىمدەۋگە قىزمەت وتەۋ قۇرىلىمى، بالالار يگىلىك قۇرىلىمى سياقتىلاردى باقىلاۋ ـ باسقارۋدى كۇشەيتىپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى رەتتەۋ ـ تۇزەتۋدى بەكەمدەپ، كەڭەيتىپ، جەرلەۋ، قارتتاردى كۇتىمدەۋ سياقتى سالالارداعى كورنەكتى ماسەلەلەردى رەتتەۋ ـ تۇزەتۋدى تەرەڭدەتىپ، حالىق ىستەرى سالاسىنىڭ جاراسىمدىلىعىنا، ورنىقتىلىعىنا شىنايى كەپىلدىك ەتىپ، بۇقارانىڭ باقىتى مەن تىنىشتىعىن قورعاۋ كەرەك.
ما شيڭرۇي بىلاي دەپ باسا دارىپتەدى: پارتيانىڭ حالىق ىستەرى قىزمەتىنە باسشىلىعىن جاپپاي كۇشەيتىپ، ٴار دارەجەلى پارتكومدار مەن ۇكىمەتتەردىڭ، ٴار دارەجەلى حالىق ىستەرى تاراۋلارىنىڭ قىزمەت جاۋاپكەرشىلىگىن ناقتىلاندىرىپ، تەڭ يگەرىپ بىرگە باسقاراتىن بىرىككەن كۇش قالىپتاستىرىپ، حالىق ىستەرى سالاسىنداعى كەلەلى ماسەلەلەردى قۇلشىنا شەشۋ كەرەك. نەگىزگى ساتىنىڭ نەگىزىن بەكەمدەپ، بايلىقتىڭ، كۇشتىڭ نەگىزگى ساتى ٴبىرىنشى شەبىنە بەيىمدەلۋىن ىلگەرىلەتىپ، حالىق ٴۇشىن قىزمەت وتەۋدىڭ ”ەڭ سوڭعى ٴبىر كيلومەترىن“ اناعۇرلىم زور سەرپىنمەن اشۋ كەرەك. حالىق ىستەرى تاراۋلارى باسشىلىق القاسى مەن كادرلار قوسىنى قۇرىلىسىن ٴبىر تۇتاس جوسپارلاپ، ساياسيدا تاباندى، حالىق ٴۇشىن ىستەيتىن، حالىقتى سۇيەتىن، كاسىپكە جەتىك، ستيلدە ىسىلعان حالىق ىستەرى كادرلار قوسىنىن قۇرۋى كەرەك.
ەركىن تۇنياز ٴماجىلىستى باسقارعاندا بىلاي دەپ اتاپ كورسەتتى: بيڭتۋان مەن جەرگىلىكتى ورىنداعى ٴار دارەجەلى پارتكومدار مەن ۇكىمەتتەر يدەيانى ونان ارى ازات ەتىپ، جاۋاپكەرشىلىك ارقالاپ، ىسكەرلىك كورسەتىپ، حالىق ىستەرى قىزمەتىنىڭ ٴتۇيىندى مىندەتتەرىن دۇرىس يگەرىپ، بار كۇشتى سالىپ، شاماعا قاراي ىستەپ، بۇقارانىڭ ٴتول مۇددەسىنە ساياتىن ىستەردى شىن مانىندە ويداعىداي، ناقتى ىستەپ، ونىمدىلىككە قول جەتكىزۋى كەرەك. ٴار دارەجەلى حالىق ىستەرى تاراۋلارى قىزمەت جاۋاپكەرشىلىگىن مۇقيات اتقارىپ، ٴبىر تۇتاس سايكەستىرۋدى كۇشەيتىپ، حالىق ىستەرىنىڭ كەڭەسۋ، سايكەستىرۋ مەحانيزمىنىڭ رولىن تولىق ساۋلەلەندىرىپ، ٴتۇرلى قىزمەتتەردى قاز ـ قالپىندا ناقتاپ تياناقتاندىرۋى كەرەك. حالىق ىستەرى تاراۋلارىنىڭ وزىندىك قۇرىلىسىن كۇشەيتىپ، دۇرىس ناتيجە كوزقاراسىن بەرىك ورناتىپ، حالىق ىستەرى سالاسىنداعى شىرىكتەسۋ جانە ستيل ماسەلەلەرىن ارناۋلى وڭاۋدى تىڭعىلىقتى ورىستەتىپ، شينجياڭ حالىق ىستەرىنىڭ جوعارى ساپالى دامۋىن ىلگەرىلەتۋ كەرەك.
تيان شياڭلي، چىن ۋيجۇن، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، اۆتونوميالى رايوندىق سوت مەكەمەسىنىڭ، پروكۋراتۋرانىڭ قاتىستى جاۋاپتى جولداستارى، اۆتونوميالى رايوننىڭ جانە بيڭتۋاننىڭ قاتىستى ورىندارىنداعى جاۋاپتى جولداستار، ٴارقايسى ايماق، وبلىس، قالالارداعى جانە بيڭتۋاننىڭ ٴارقايسى شى، قالالارىنداعى قاتىستى جاۋاپتى جولداستار، ت. ب نەگىزگى ٴماجىلىس الاڭىندا ماجىلىسكە قاتىناستى. ٴارقايسى ايماق، وبلىس، قالالاردا، اۋدان، قالا، رايونداردا جانە بيڭتۋاننىڭ ٴارقايسى شى، قالالارىندا، تۋان ـ الاڭدارىندا بولىمشە ٴماجىلىس الاڭى ورنالاستىرىلدى.
