ٴادىليا مينيسترلىگىنىڭ، ونەركاسىپ جانە ينفورماتسيالاندىرۋ مينيسترلىگىنىڭ جاۋاپتىلارى
«ورتا، شاعىن كاسىپورىنداردىڭ اقشاسىنىڭ تولەنۋىن قامتاماسىز ەتۋ ەرەجەسىنە» وزگەرىس ەنگىزىلۋى جونىندە ٴتىلشىنىڭ سۇراۋىنا جاۋاپ بەردى
شينحۋا اگەنتتىگىنىڭ ٴتىلشىسى
2025 ـ جىلى 3 ـ ايدىڭ 17 ـ كۇنى مەملەكەتتىك كەڭەستىڭ زۇڭليى لي چياڭ 802 ـ ٴنومىرلى مەملەكەتتىك كەڭەس بۇيرىعىنا قول قويىپ، وزگەرىس ەنگىزىلگەننەن كەيىنگى «ورتا، شاعىن كاسىپورىنداردىڭ اقشاسىنىڭ تولەنۋىن قامتاماسىز ەتۋ ەرەجەسىن» جاريالادى، 2025 ـ جىلى 6 ـ ايدىڭ 1 ـ كۇنىنەن باستاپ اتقارىلادى. تاياۋدا ٴادىليا مينيسترلىگىنىڭ، ونەركاسىپ جانە ينفورماتسيالاندىرۋ مينيسترلىگىنىڭ جاۋاپتىلارى ەرەجەگە قاتىستى ماسەلەلەر جونىندە ٴتىلشىنىڭ سۇراۋىنا جاۋاپ بەردى.
سۇراۋ: ەرەجەگە وزگەرىس ەنگىزۋدىڭ ارتقى كورىنىسىن قىسقاشا تانىستىرا كەتسەڭىز.
جاۋاپ: پارتيا ورتالىق كوميتەتى، مەملەكەتتىك كەڭەس كاسىپورىنداردىڭ الاشاعىن كەشەۋىلدەتۋ ماسەلەسىنە بارىنشا ٴمان بەردى. باس شۋجي شي جينپيڭ تاياۋدا اشىلعان حالىقتىق كاسىپورىندار اڭگىمە ماجىلىسىندە، حالىقتىق كاسىپورىنداردىڭ الاشاعىن كەشەۋىلدەتۋ ماسەلەسىن كۇش سالا شەشۋ كەرەكتىگىن باسا دارىپتەدى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى كاسىپورىنداردىڭ كەشەۋىلدەتىلگەن الاشاعىن قايتارىپ بولۋ زاڭ، زاڭ ەرەجە جۇيەسىن اقاۋسىزداندىرۋدى ايقىن اتاپ كورسەتتى. قازىر اتقارىلىپ وتىرعان ەرەجە 2020 ـ جىلى 9 ـ ايدىڭ 1 ـ كۇنى اتقارىلعاننان بەرى ورتا، شاعىن كاسىپورىنداردىڭ اقشاسىنىڭ تولەنۋىن زاڭ بويىنشا قامتاماسىز ەتۋ، ورتا، شاعىن كاسىپورىنداردىڭ زاڭدى ۇقىق ـ مۇددەسىن شىن مانىندە قورعاۋ جونىنەن ماڭىزدى رول اتقاردى. سوڭعى جىلدارى، ەل ٴىشى ـ سىرتىنداعى كۇردەلى جاعدايدىڭ ىقپالىنا ۇشىراعاندىقتان، ورتا، شاعىن كاسىپورىنداردىڭ الۋعا ٴتيىستى اقشاسىنىڭ كولەمى ارتىپ، اقشا مەرزىمى ۇزارىپ، ”تىزبەكتەلە بورىشتار بولۋ“ جايتتەرى ٴبىرشاما كورنەكتىلەنىپ، ەرەجەنىڭ اتقارىلۋى دا شەشۋگە ٴتيىستى كەيبىر ماسەلەلەرگە ٴدوپ كەلدى: بىرىنشىدەن، قىزمەت مەحانيزمى اقاۋسىز ەمەس، تاراۋلاردىڭ مىندەت جاۋاپكەرشىلىگى ايقىن ەمەس، باقىلاۋ ـ باسقارۋ شارالارى كەمەلدى ەمەس؛ ەكىنشىدەن، قاتىستى تۇلعالاردىڭ تولەۋ جاۋاپكەرشىلىگى جەتەرلىكتەي ناقتى ەمەس، قامتاماسىز ەتۋ شارالارى جەتەرلىكتەي پارمەندى ەمەس؛ ۇشىنشىدەن، كەيبىر تۇزىمدىك شارالار ٴبىرشاما پرينسيپتى، زاڭدىق جاۋاپكەرشىلىك جەتەرلىكتەي اقاۋسىز ەمەس. وسى سەبەپتى، قازىر اتقارىلىپ وتىرعان ەرەجەگە وزگەرىس ەنگىزۋ قاجەت بولدى.
سۇراۋ: ەرەجەگە وزگەرىس ەنگىزۋدىڭ جالپى تۇلعالىق وي جەلىسى نە؟
جاۋاپ: وسى رەتكى ەرەجەگە وزگەرىس ەنگىزۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جالپى تۇلعالىق وي جەلىسى جاعىندا، باستىسى، تومەندەگى بىرنەشە تۇيىنگە بويسۇندىق: بىرىنشىدەن، پارتيانىڭ باسشىلىعىنا تاباندى بولۋ، ”ەكىدەن تيتتەي دە اۋىتقىماۋعا“ تاباندى بولۋ جانە ونى تياناقتاندىرۋ. ەكىنشىدەن، ماسەلەنى باعدار ەتۋگە تاباندى بولىپ، نازاردى كاسىپورىنداردىڭ الاشاعىن كەشەۋىلدەتۋدى شەشۋدە ٴدوپ كەلگەن بوگەتتى، قيىن ٴتۇيىندى ماسەلەلەرگە شوعىرلاندىرۋ، سونداي ـ اق ۇتىمدى تاجىريبە، ٴادىس ـ تاسىلدەردى زاڭ ەرەجە، ٴتۇزىم دەڭگەيىنە كوتەرۋ. ۇشىنشىدەن، ساقتانۋ مەن جونگە سالۋدى ۇشتاستىرۋعا تاباندى بولىپ، ورگانداردىڭ، ٴىسورىندارىنىڭ جانە ٴىرى كاسىپورىنداردىڭ اقشا تولەۋ جاۋاپكەرشىلىگىن كۇشەيتىپ، تولەۋدى قامتاماسىز ەتۋ شارالارىن كەمەلدەندىرىپ، كەشەۋىلدەتۋدەن ساقتانۋ جانە ونى جونگە سالۋ سەرپىنىن ارتتىرۋ. تورتىنشىدەن، جۇيە كوزقاراسىنا تاباندى بولىپ، ۇكىمەت پەن بازاردىڭ، ومىرشەڭدىك پەن ٴتارتىپتىڭ قاتىناسىن ويداعىداي ٴبىر تۇتاس جوسپارلاپ، ساۋدا تۇلعاسىنىڭ ويىن ٴوزى بيلەۋىنە قۇرمەت ەتىپ، ۇكىمەتتىڭ باقىلاۋ ـ باسقارۋ سەرپىنىن زاڭ بويىنشا، ەرەجە بويىنشا ارتتىرۋ، سونداي ـ اق قاتىستى زاڭدارمەن، اكىمشىلىك زاڭ ەرەجەلەرمەن ٴتۇيىلىستىرۋدى ويداعىداي ىستەپ، ٴتۇزىمنىڭ بىرىككەن كۇشىن قالىپتاستىرۋ.
سۇراۋ: ورتا، شاعىن كاسىپورىنداردىڭ اقشاسىنىڭ تولەنۋىن قامتاماسىز ەتۋدى كۇشەيتۋ ٴۇشىن، ەرەجەدە قانداي قىزمەت پرينسيپتەرى مەن ٴتۇزىلىس ـ مەحانيزم تۇراقتاندىرىلدى؟
جاۋاپ: بىرىنشىدەن، ورتا، شاعىن كاسىپورىنداردىڭ اقشاسىنىڭ تولەنۋىن قامتاماسىز ەتۋ قىزمەتىندە پارتيا مەن مەملەكەتتىڭ لۋشيان، باعىت، ساياساتتارىن، شەشىم ـ ورنالاستىرۋلارىن دايەكتىلەندىرىپ، تياناقتاندىرىپ، تولەۋ تۇلعاسى جاۋاپتى بولۋ، سالا ولشەمى تەجەمدى بولۋ، ۇكىمەت زاڭ بويىنشا باقىلاۋ ـ باسقارۋ، قوعام سايكەسىپ باقىلاۋ پرينسيبىنە تاباندى بولۋ بەلگىلەمەسى قوسىلدى. ەكىنشىدەن، مەملەكەت جانە جەرگىلىكتى ورىندار دەڭگەيىندەگى ورتا، شاعىن كاسىپورىنداردىڭ قىزمەتتى جەبەۋىن كەشەندى باسقارۋعا جاۋاپتى تاراۋلار مەن دامۋ جانە رەفورما، قازىنا، تۇرعىن ٴۇي جانە قالا، اۋىل قۇرىلىسى، قاتىناس ـ تاسىمال، سۋ يگىلىگى، فينانس باسقارۋ، مەملەكەت مەنشىگىندەگى مال ـ مۇلىكتى باقىلاۋ ـ باسقارۋ، بازاردى باقىلاۋ ـ باسقارۋ سياقتى تاراۋلاردىڭ قىزمەتتەگى مىندەت جاۋاپكەرشىلىگى ايقىندالدى. ۇشىنشىدەن، ولكە، اۆتونوميالى رايون، توتە قاراستى قالا حالىق ۇكىمەتتەرىنىڭ ٴوز اكىمشىلىك وڭىرىندەگى ورتا، شاعىن كاسىپورىنداردىڭ اقشاسىنىڭ تولەنۋىن قامتاماسىز ەتۋ قىزمەتى بويىنشا باس جاۋاپكەرشىلىكتى ارقالايتىندىعى، ۇيىمدىق باسشىلىقتى، ٴبىر تۇتاس جوسپارلاپ سايكەستىرۋدى كۇشەيتىپ، ٴتۇزىمدى، مەحانيزمدى اقاۋسىزداندىراتىندىعى باسا دارىپتەلدى. تورتىنشىدەن، اۋدان دارەجەلىدەن جوعارى حالىق ۇكىمەتتەرىنىڭ جانە ونىڭ قاتىستى تاراۋلارىنىڭ باقىلاۋ ـ تەكسەرۋ، حات ارقىلى سۇراستىرۋ جانە شاقىرىپ اڭگىمەلەسۋ، شاعىمدى ٴبىر جاقتى ەتۋ سياقتى شارالار ارقىلى ورتا، شاعىن كاسىپورىنداردىڭ كەشەۋىلدەتىلگەن اقشاسىن اداقتاۋ سەرپىنىن ارتتىرۋ بەلگىلەمەسى قوسىلدى.
سۇراۋ: ەرەجەدە تولەۋ ارەكەتىن ارناعا ٴتۇسىرۋ، تولەۋى جاۋاپكەرشىلىگىن كۇشەيتۋ جاقتارىندا قانداي جاڭا بەلگىلەمەلەر بار؟
جاۋاپ: ەرەجەدە ”اقشا تولەۋ بەلگىلەمەسى“ ارناۋلى تاراۋى اشىلىپ، نەگىزىنەن، 3 جاقتان وزگەرىس ەنگىزىلدى: بىرىنشىدەن، اقشا تولەۋ مەرزىم شەگىن ونان ارى ايقىندادى. ورگانداردىڭ، ٴىسورىندارىنىڭ جانە ٴىرى كاسىپورىنداردىڭ ورتا، شاعىن كاسىپورىنداردىڭ اقشاسىن تولەۋىنىڭ مەرزىم شەگى جونىندەگى تالاپتى ايقىندادى، اسىرەسە، ٴىرى كاسىپورىنداردىڭ زات، ينجەنەريا، قىزمەت وتەۋ تاپسىرىلعان كۇننەن باستاپ 60 كۇن ىشىندە اقشا تولەيتىندىگى بەلگىلەندى؛ توقتامدا باسقا كەلىسىم بارلارى سول كەلىسىم بويىنشا ىستەگەنىمەن، سالالىق ولشەم، ساۋدا ادەتى بويىنشا اقشا تولەۋ مەرزىم شەگىن ۇيلەسىمدى كەلىسۋى ٴارى دەر كەزىندە اقشانى تولەۋى كەرەكتىگى، 3 ـ جاقتىڭ اقشا تولەۋىن ورتا، شاعىن كاسىپورىندارعا اقشا تولەۋدىڭ شارتى ەتىپ كەلىسۋىنە نەمەسە 3 ـ جاقتىڭ اقشا تولەۋ اياق الىسى، سالىستىرماسى بويىنشا ورتا، شاعىن كاسىپورىنداردىڭ اقشاسىن تولەۋىنە بولمايتىندىعى ايقىندالدى. ەكىنشىدەن، اقشالاي ەمەس تولەۋ ٴتاسىلىن ونان ارى كەمەلدەندىردى. ورتا، شاعىن كاسىپورىنداردى ساۋدالىق اقشا شەگى، الۋعا ٴتيىس اقشانىڭ ەلەكتروندى ىسپاتى سياقتى اقشالاي ەمەس تولەۋ ٴتاسىلىن قابىلداۋعا ەرىكسىز كوندىرۋگە بولمايتىندىعى، ساۋدالىق اقشا شەگى، الۋعا ٴتيىستى اقشانىڭ ەلەكتروندى ىسپاتى سياقتى اقشالاي ەمەس تولەۋ تاسىلىنەن پايدالانىپ، اقشا تولەۋ مەرزىم شەگىن ٴتۇرىن وزگەرتىپ ۇزارتۋعا بولمايتىندىعى ايقىن بەلگىلەندى. ۇشىنشىدەن، تالاس جوق اقشانى اقشالاي تولەۋ مىندەتى ايقىندالدى. ورگاندار، ٴىسورىندارى جانە ٴىرى كاسىپورىندار مەن ورتا، شاعىن كاسىپورىندار ساۋداسىندا ٴىشىنارا تالاس بار بولسا دا باسقا بولىگىنىڭ اتقارىلۋىنا ىقپال جاسامايتىن بولسا، تالاس جوق بولىگى بويىنشا دەر كەزىندە اقشا تولەۋ مىندەتى اتقارىلۋى كەرەكتىگى تۋرالى بەلگىلەمە قوسىلدى.
سۇراۋ: ەرەجەدە ٴار دارەجەلى ۇكىمەت تاراۋلارىنىڭ باقىلاۋ ـ باسقارۋ شارالارىن كۇشەيتۋى جاعىندا قانداي بەلگىلەمە جاسالدى؟
جاۋاپ: بەلگىلەمەدە ”باقىلاۋ ـ باسقارۋ“ ارناۋلى تاراۋى اشىلىپ، قاتىستى تۇزىمدەردىڭ ورناتىلۋى ىلگەرىلەتىلىپ، نەگىزىنەن، تومەندەگىدەي وزگەرىستەر جاسالدى: بىرىنشىدەن، بەلگىلەنگەن مەرزىم بويىنشا قىزمەتتەن مالىمەت بەرۋ ٴتۇزىمى ايقىندالدى. اۋدان دارەجەلىدەن جوعارى جەرگىلىكتى حالىق ۇكىمەتى تاراۋلارىنىڭ ٴار جىلى بەلگىلەنگەن مەرزىمدە ٴوز دارەجەسىندەگى حالىق ۇكىمەتىنە، ٴىسورىندارىنىڭ، مەملەكەت مەنشىگىندەگى ٴىرى كاسىپورىنداردىڭ جاۋاپتى تاراۋلارعا نەمەسە باقىلاۋ ـ باسقارۋ تاراۋلارىنا ۋاقىتى ٴوتىپ كەتسە دە ورتا، شاعىن كاسىپورىنداردىڭ اقشاسىن ٴالى تولەمەۋ احۋالى جونىندە مالىمەت بەرۋى كەرەكتىگى، اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ ٴار جىلى بەلگىلەنگەن مەرزىمدە ٴوز اكىمشىلىك وڭىرىندەگى ورتا، شاعىن كاسىپورىنداردىڭ اقشاسىنىڭ تولەنۋىن قامتاماسىز ەتۋ قىزمەتىنەن جاسالعان مالىمەتتى تىڭداۋى كەرەكتىگى جونىندە بەلگىلەمە قوسىلدى. ەكىنشىدەن، شاقىرىپ اڭگىمەلەسۋ، حابارلاندىرۋ ٴتۇزىمى ورناتىلدى. ورتا، شاعىن كاسىپورىنداردىڭ اقشاسىنىڭ تولەنۋىن قامتاماسىز ەتۋ قىزمەتى ساياساتىن تياناقتاندىرۋدىڭ تىڭعىلىقتى بولماۋى، قىزمەتتىڭ پارمەندى ىلگەرىلەتىلمەۋى، ورتا، شاعىن كاسىپورىنداردىڭ اقشاسىن اۋىر دارەجەدە كەشەۋىلدەتۋ سياقتى جاعدايلار بويىنشا قاتىستى تاراۋلاردىڭ حات ارقىلى سۇراستىرۋ جانە شاقىرىپ اڭگىمەلەسۋ، بىتىرۋگە قۋزاۋ حابارلاندىرۋى سياقتى شارالاردى قولدانۋىنا بولاتىندىعى ايقىندالدى. ۇشىنشىدەن، شەكتەمە قويۋ شارالارى ونان ارى ەگجەي ـ تەگجەيلىلەندىرىلدى. ورتا، شاعىن كاسىپورىنداردىڭ اقشاسىن كەشەۋىلدەتۋ جاعدايى اۋىر بولسا نەمەسە اۋىر ناشار قوعامدىق ىقپال تۋدىرسا، ورگاندارعا، ٴىسورىندارىنا ۇكىمەتتىك تۇتىنۋ، كەڭسەلىك ٴۇي، قاراجات ورنالاستىرۋ سياقتى جاقتاردا قاجەتتى شەكتەمە قويۋ شاراسىن قولدانۋ، ٴىرى كاسىپورىندارعا قازىنالىق، قارجىلىق قولداۋ، قارجى قوسۋ نىساندارىن تەكسەرىپ بەكىتۋ، قارجى قۇراۋعا قول جەتكىزۋ، بازارعا كىرۋ رۇقساتى، تولىمدىلىعىن باعالاپ تۇراقتاندىرۋ، تاڭداۋلى، وزات دەپ باعالاۋ سياقتى جاقتاردا زاڭ، بەلگىلەمە بويىنشا شەكتەمە قويۋ ايقىندالدى.
سۇراۋ: ەرەجەدە شاعىمدى ٴبىر جاقتى ەتۋ مەحانيزمى جونىندە قانداي وزگەرىستەر ەنگىزىلىپ، كەمەلدەندىرىلدى؟
جاۋاپ: شاعىمدى ٴبىر جاقتى ەتۋ مەحانيزمى — ورتا، شاعىن كاسىپورىنداردىڭ اقشاسىنىڭ تولەنۋىن قامتاماسىز ەتۋدەگى ماڭىزدى شارا، ەرەجەدە، نەگىزىنەن، 3 جاقتان وزگەرىس ەنگىزىلىپ، كەمەلدەندىرىلدى: بىرىنشىدەن، مەملەكەتتىك كەڭەستىڭ ورتا، شاعىن كاسىپورىنداردىڭ قىزمەتتى جەبەۋىن كەشەندى باسقارۋعا جاۋاپتى تاراۋىنىڭ مەملەكەت بويىنشا ٴبىر تۇتاس ورتا، شاعىن كاسىپورىنداردىڭ اقشاسىن كەشەۋىلدەتۋ بويىنشا شاعىم ايتۋ تۇعىرىن قۇراتىندىعىن ايقىنداۋ. ەكىنشىدەن، قاتىستى ۋاقىت شەگىن ايقىنداپ، شاعىمدى قابىلداعان تاراۋدىڭ رەسمي قابىلداعان كۇننەن باستاپ 10 جۇمىس كۇنى ىشىندە ٴتارتىپ بويىنشا شاعىمدى شاعىمدى ٴبىر جاقتى ەتۋ تاراۋلارىنا تاپسىرۋى كەرەكتىگىن؛ شاعىمدى ٴبىر جاقتى ەتەتىن تاراۋدىڭ 30 كۇن ىشىندە ٴبىر جاقتى ەتۋ ناتيجەسىن جازباشا شاعىم ايتىلۋشىعا جەتكىزۋى كەرەكتىگىن، جاعدايى كۇردەلى نەمەسە باسقا دا ەرەكشە سەبەپتەرى بولسا، ٴبىر جاقتى ەتۋ مەرزىم شەگىنىڭ ەڭ ۇزاق بولعاندا 90 كۇننەن اسپايتىندىعىن ايقىنداۋ؛ ۇشىنشىدەن، شاعىمدى قابىلداعان تاراۋ، شاعىمدى ٴبىر جاقتى ەتكەن تاراۋ، شاعىم ايتۋشى، شاعىم ايتىلۋشى سياقتى ٴارقايسى تۇلعالاردىڭ ۇقىعىن، مىندەتىن ايقىنداۋ.
سۇراۋ: ەرەجەدە اتقارىلۋدىڭ قامتاماسىز ەتىلۋىن كۇشەيتۋ جاعىندا تاعى دا قانداي تىڭ بەلگىلەمەلەر جاسالدى؟
جاۋاپ: بىرىنشىدەن، زاڭدىق جاۋاپكەرشىلىكتى كۇشەيتۋ. ەرەجەدە ”زاڭدىق جاۋاپكەرشىلىك“ ارناۋلى تاراۋى اشىلىپ، مەملەكەت مەنشىگىندەگى ٴىرى كاسىپورىندار ورتا، شاعىن كاسىپورىنداردىڭ اقشاسىن كەشەۋىلدەتىپ، ناشار زارداپ نەمەسە ىقپال تۋدىرسا، جاۋاپكەرشىلىگى بار مەملەكەت مەنشىگىندەگى كاسىپورىن باسقارۋشىلارىنىڭ زاڭ بويىنشا جازالاناتىندىعى ايقىندالدى؛ ورگانداردىڭ، ٴىسورىندارىنىڭ جانە ٴىرى كاسىپورىنداردىڭ، سونداي ـ اق ولاردىڭ قىزمەتكەرلەرىنىڭ قورقىتۋ، سوققى بەرىپ ٴوش الۋ جانە باسقا زاڭسىز ارەكەتتەرى جونىندە قاتىستى زاڭدىق جاۋاپكەرشىلىكتەرى تولىقتاپ كەمەلدەندىرىلدى. ەكىنشىدەن، سالانىڭ تەجەمى كۇشەيتىلدى. قاتىستى سالالىق قوعامداردان، ساۋدا قوعامدارىنان سالانىڭ تەجەمدىك باسقارۋدى كۇشەيتىپ، ورتا، شاعىن كاسىپورىندارعا ينفورماتسيالىق كەڭەس بەرۋ، ۇقىق ـ مۇددەسىن قورعاۋ، داۋ ـ شارلاردى ٴبىر جاقتى ەتۋ سياقتى جاقتاردا قىزمەت وتەۋىن ازىرلەۋى تالاپ ەتىلدى؛ ٴىرى كاسىپورىندار ورتا، شاعىن كاسىپورىنداردان زات، ينجەنەريا، قىزمەت وتەۋدى ساتىپ الۋدىڭ اقشا تولەۋ مەرزىم شەگىن جانە ٴتاسىلىن اشىق ۋادە ەتۋگە جىگەرلەندىرىلدى. ۇشىنشىدەن، فينانستىق قولداۋ سەرپىنى ارتتىرىلدى. ساۋدا بانكەسى سياقتى فينانس قۇرىلىمدارى ورتا، شاعىن كاسىپورىندارعا بەرىلەتىن سەنىمدى قارىزدى كوبەيتۋگە جىگەرلەندىرىلىپ، جەتەكتەلىپ، وعان قولداۋ كورسەتىلىپ، ورتا، شاعىن كاسىپورىنداردىڭ جالپى قارجى قۇراۋ وزىندىك قۇنى تومەندەتىلىپ، ورتا، شاعىن كاسىپورىنداردىڭ الۋعا ٴتيىستى اقشاسى، ٴبىلىم مەنشىك ۇقىعى، ۇكىمەتتىك ساتىپ الۋ توقتامى، ساقتاۋلى بۇيىمى، ماشينا ـ جابدىعى سياقتىلاردى كەپىل بۇيىم ەتكەن قارجى قۇراۋى ٴۇشىن قولايلىلىق ازىرلەندى.
(شينحۋا اگەنتتىگىنىڭ 3 ـ ايدىڭ 24 ـ كۇنى بەيجيڭنەن بەرگەن حابارى)
