جاڭا داۋىردەگى پارتيا قۇرىلىسىنىڭ ”التىن تانىسقىسىن“ جارقىراتتى
— شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتىڭ سەگىز ٴتۇرلى بەلگىلەمەسىن دايەكتىلەندىرگەندىگى، اتقارعاندىعى، ستيل قۇرىلىسىن ىلگەرىلەتكەندىگى جونىندە ەستەلىك
شينحۋا اگەنتتىگىنىڭ تىلشىلەرى \ سۇن شاۋلۇڭ، ديڭ شياۋشي، ۋاڭ زىميڭ
ورتالىق كوميتەت پارتيا قۇرىلىسى قىزمەتى باسشىلىق گرۋپپاسى تاياۋدا ٴماجىلىس اشىپ، پارتيا ورتالىق كوميتەتىنىڭ 2025 ـ جىلى مەملەكەتتىك ەكى ٴماجىلىستىڭ سوڭىنان 7 ـ ايعا دەيىن بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋدى ۇيعارعاندىعىن اتاپ كورسەتتى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ورتالىقتىڭ سەگىز ٴتۇرلى بەلگىلەمەسىن جاساپ شىعارۋدان باستاپ باستاما اشىپ، قامال الىپ جوعارىدان تومەنگە قاراي ىستەۋگە، جوعارى ارقىلى تومەنگە باسشىلىق ەتۋگە تاباندى بولىپ، كەيبىر ۇزاق ۋاقىت تيىلماعان بۇرىس ستيلدى تيىپ، تالاي جىل جويىلماعان كەيبىر ٴسىڭىستى كىناراتتار مەن كونە دەرتتەردى تۇزەتىپ، جاڭا جاعدايدا ستيل قۇرىلىسىندا نەنى يگەرۋ، قالاي يگەرۋ قاتارلى كەلەلى ماسەلەلەردى شەشتى.
سەگىز ٴتۇرلى بەلگىلەمە سىندى ۇتىمدى ٴتاسىل ستيل قۇرىلىسى سىندى جالپى جاعدايدى جانداندىرىپ، پارتيا ستيلى، ۇكىمەت ستيلى مۇلدە جاڭارىپ، قوعامدىق سالت، حالىقتىق سالت ۇزدىكسىز جاقسارىپ، پارتيامىز ستيل قۇرىلىسىنداعى جاڭا بەينەمەن حالىق بۇقاراسىنىڭ شىن جۇرەكتەن قولداۋىنا قول جەتكىزدى.
سەگىز ٴتۇرلى بەلگىلەمە اۋاندى وڭاپ، رۋحتى سەرپىلتىپ، جۇڭگونى وزگەرتتى.
باستان ـ اياق ساباقتاستىردى —
”ورتالىقتىڭ سەگىز ٴتۇرلى بەلگىلەمەسى 5 جىلدىق، 10 جىلدىق بەلگىلەمە ەمەس، ۇزاق ۋاقىت كۇشكە يە قۇرىشتاي قاعيدا، بەرىك ولشەم“
2024 ـ جىلدىڭ سوڭى، بەيجيڭ جۇڭنانحاي، جىلىنا ٴبىر رەت وتكىزىلەتىن پارتيا ىشىندەگى ەڭ جوعارى دەڭگەيدەگى دەموكراتيالىق تۇرمىس جيىنى وسىندا اشىلدى.
ٴماجىلىستىڭ ٴبىر ماڭىزدى كەڭەستىك ٴتارتىبى 2024 ـ جىلى ورتالىق كوميتەت ساياسي بيۋروسىنىڭ ورتالىقتىڭ سەگىز ٴتۇرلى بەلگىلەمەسىن دايەكتىلەندىرۋ، اتقارۋ جاعدايى جونىندەگى باياندامانى تىڭداۋ بولدى.
”باسشى كادرلار پارتيالىلىقتى شىڭداۋدى، يدەيالىق سانانى جوعارىلاتۋدى ومىرلىك تاقىرىپ ەتۋى كەرەك“، ”ٴتۇرلى بۇرىس ستيلدەرمەن جانە شىرىكتەسۋ جايتتەرىمەن باتىل كۇرەس جۇرگىزۋ كەرەك“... تاياۋدا اياقتالعان پارتيا ٴتارتىبىن ۇيرەنۋ تاربيەسىمەن ۇشتاستىرىپ، باس شۋجي شي جينپيڭ ماجىلىستە ورتالىق كوميتەت ساياسي بيۋروسىنداعى جولداستاردىڭ پارتيانىڭ تاڭداۋلى ٴداستۇرى مەن ستيلىن باستاماشىلدىقپەن ساۋلەلەندىرۋى جونىندە ايقىن تالاپ قويدى.
ورتالىق كوميتەت ساياسي بيۋروسىنىڭ ٴار جىلى دەموكراتيالىق تۇرمىس جيىنىن اشىپ، ورتالىقتىڭ سەگىز ٴتۇرلى بەلگىلەمەسىن دايەكتىلەندىرۋ، تياناقتاندىرۋ احۋالىنان جاسالعان مالىمەتتى تىڭداپ، سىن جانە ٴوز ـ وزىنە سىن ورىستەتۋى بۇگىنگى تاڭدا داعدىلى سالتقا اينالدى.
2012 ـ جىلى 12 ـ ايدىڭ 4 ـ كۇنى ورتالىق كوميتەت ساياسي بيۋروسى قىزمەت ستيلىن جاقسارتۋ، بۇقارامەن تىعىز بايلانىس جاساۋ جونىندەگى سەگىز ٴتۇرلى بەلگىلەمەنى قاراپ ماقۇلدادى. قىسقا عانا 600 نەشە ٴارىپ تەكسەرۋ ـ زەرتتەۋ، ٴماجىلىس قيمىلى سياقتى 8 جاقتان ستيل قۇرىلىسىن كۇشەيتۋگە قاعيدا بەلگىلەپ، جاڭا داۋىردەگى جۇڭگو كوممۋنيستەرىنىڭ پارتيا ستيلىن قايتا سومداۋداعى ”العاشقى ارەكەتىن“ باستادى.
باس شۋجي شي جينپيڭ ورتالىقتىڭ سەگىز ٴتۇرلى بەلگىلەمەسىن جاساپ شىعارۋداعى اۋەلگى ماقساتتى بىلاي ايتىپ ەدى: ”پارتيا 18 ـ قۇرىلتايىنان كەيىن، پارتيا ورتالىق كوميتەتى پارتيا قۇرىلىسىن كۇشەيتۋدى قالاي يگەرۋدى تالقىلاعاندا نىسانا ۇلكەن بولۋ، قاي جەردەن كىرىسۋدى بىلمەۋ ماسەلەسىن شەشۋدى ويلاعان ەدى. كەيىن سەگىز ٴتۇرلى بەلگىلەمەنى يگەرىپ، كىرىسكەن جەردەگى ماسەلەنى تۇبەگەيلى شەشۋدى ۇيعاردى.
بىرەۋلەر تاعى سەگىز ٴتۇرلى بەلگىلەمە تەك ”ٴبىر مەزەتتىك ٴىس“ دەپ قاراپ جۇرگەندە، 2013 ـ جىلى 3 ـ ايدىڭ 19 ـ كۇنى تۇستەن كەيىن ٴبىر حاباردىڭ جاريالانۋى قوعامنىڭ كەڭ كولەمدە نازارىن اۋداردى — ”ورتالىق ٴتارتىپ تەكسەرۋ كوميتەتى ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى حابارلادى“. بۇل ورتالىق ٴتارتىپ تەكسەرۋ كوميتەتىنىڭ ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان تيپتىك ماسەلەلەردى تۇڭعىش رەت بۇكىل ەلگە اشىق حابارلاۋى بولدى.
وسى جىلدىڭ سوڭىندا ورتالىق ٴتارتىپ تەكسەرۋ كوميتەتى ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان 10 تيپتىك ماسەلەنى تاعى دا حابارلادى، الدىڭعى رەتكى تەك ورنى مەن قىزمەتىن عانا حابارلاندىرۋمەن ۇقسامايتىنى، وسى رەت اتى ـ ٴجونىن اتاپ، اۋرۋ وشاعىن تىكەلەي كورسەتىپ، اسا كۇشتى سەسكەندىرۋ اسەرىن تۋدىردى.
ايتقاننان ىستەگەن ارتىق.
سەگىز ٴتۇرلى بەلگىلەمە شىعارىلعان 12 جىلدان استام ۋاقىتتان بەرى، ايكۇلشەنى يگەرۋدەن، قۇتتىقتاۋ كارتچكاسىن يگەرۋدەن، جارقىلداق ـ تورسىلداقتى يگەرۋدەن مەرەكە ـ دەمالىس كۇندەرىن يگەرۋگە، ” 8 ساعاتتان سىرتقى ۋاقىتتى“ يگەرۋگە، كۇندەلىكتى ۋاقىتتى يگەرۋگە دەيىن... ناقتى ماسەلەلەردەگى سەرپىلىس كولەمدىك ماسەلەلەردى شەشۋگە جەتەكتەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ستيل ماسەلەسىن يگەرۋدەگى ايقىن وي جەلىسىن، بەرىك سەنىمىن بەينەلەدى.
باستان ـ اياق ساباقتاستىرىپ، سوڭىنا دەيىن يگەردى. پارتيا 18 ـ قۇرىلتايىنان بەرى، سەگىز ٴتۇرلى بەلگىلەمەنىڭ قاساڭ دەرتتەردى رەتتەۋ ـ جونگە سالۋى، ٴسىڭىستى كەمىستىكتەردى جويۋى ارقىلى ستيل قۇرىلىسى وبرازدى تۇردە پارتيا قۇرىلىسىنىڭ ”التىن تانىسقىسى“ دەپ اتالدى.
سينگاپۋر «بىرلەسكەن تاڭ گازەتى» بىلاي دەپ حابارلادى: سول كەزدە ۇكىمەت اقشاسىمەن ٴىشىپ ـ جەۋ سياقتى جۇڭگونىڭ ٴمانساپتىلار شەبىندەگى ”كونە، ۇلكەن، قيىن“ ماسەلەلەردە مۇنداي كورنەكتى تۇزەلۋ جارىققا شىعاتىندىعىن بولجاعان ادام كەمدە ـ كەم ەدى.
قايتكەندە وسى التىن تانىسقىنى بارعان سايىن جارقىراتا تۇسۋگە بولادى؟ باس شۋجي شي جينپيڭ تەرەڭ تولعانىپ جۇرگەن ەدى.
پارتيانىڭ بۇقارالىق لۋشيان تاربيەسى امالياتتىق قيمىلىنان، ”ۇشتە قاتاڭ، ۇشتە شىنايى بولۋ“ ارناۋلى تاقىرىپتىق تاربيەسىنەن، ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىنەن، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنەن پارتيا تاريحىن ۇيرەنۋ تاربيەسىنە، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە، پارتيا ٴتارتىبىن ۇيرەنۋ تاربيەسىنە دەيىن... ۇزدىكسىز ورىستەتىلگەن پارتيا ىشىندەگى شوعىرلى تاربيە باستان ـ اياق ستيل قۇرىلىسىن ماڭىزدى مازمۇن ەتتى.
پارتيا 19 ـ قۇرىلتايى ستيل قۇرىلىسىن جاڭا داۋىردەگى پارتيا قۇرىلىسىنىڭ باس تالابىنا ەنگىزدى؛ 19 ـ كەزەكتى ورتالىق كوميتەت ساياسي بيۋروسىنىڭ، 20 ـ كەزەكتى ورتالىق كوميتەت ساياسي بيۋروسىنىڭ ٴبىرىنشى ٴماجىلىسى تۇگەلدەي سەگىز ٴتۇرلى بەلگىلەمەنى اتقارۋدىڭ ەگجەي ـ تەگجەيلى ەرەجەسىن اقىلداسىپ، ناقتىلانۋىن ونان ارى تەرەڭدەتتى؛ ”ورتالىقتىڭ سەگىز ٴتۇرلى بەلگىلەمەسى“ پارتيانىڭ ٴۇشىنشى تاريحي قارارىنا ەنگىزىلىپ، جاڭا داۋىردەگى پارتيانى جاپپاي قاتاڭ باسقارۋدىڭ تابىسى جانە تاجىريبەسى رەتىندە، تاريحتى اينا ەتىپ، بولاشاقتى نۇسقادى...
”ورتالىقتىڭ سەگىز ٴتۇرلى بەلگىلەمەسىن جاساپ اتقارۋ — پارتيامىزدىڭ جاڭا داۋىردەگى تيپ ورناتىپ، سەنىمگە يە بولۋ شاراسى، ٴسوز جوق، قاجىماي ـ تالماي ۇنەمى يگەرىپ، ۇزاق ۋاقىت ەڭبەكتەنۋ كەرەك“، ـ باس شۋجي شي جينپيڭنىڭ ٴسوزى ەكپىندى دە ٴۇندى شىقتى، ـ ”10 جىل جەتپەسە 20 جىل، 20 جىل جەتپەسە 30 جىل، ناعىز سالتقا اينالعانعا دەيىن جالعاستىرىپ، تاڭداۋلى پارتيا ستيلى ارقىلى قوعامدىق سالتتى، حالىقتىق سالتتى جەتەكتەۋ كەرەك“.
جاڭا ساپارعا اتتانىپ، جاڭا سىن ـ سايىستاردى قارسى الىپ، جاڭا بەت ـ بەينەنى ايگىلەدى.
2025 ـ جىلى 1 ـ ايدىڭ 6 ـ كۇنى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ٴماجىلىسى بەيجيڭدە اشىلدى.
”كەزەكتە شىرىكتەسۋگە قارسى تۇرۋ كۇرەسىنىڭ جاعدايى ٴالى قاتاڭ دا كۇردەلى. شىرىكتەسۋدىڭ قالدىعى ٴالى جويىلعان جوق، ارتقان مولشەر ٴالى دە ۇزدىكسىز تۋىلۋدا، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن جويۋ مىندەتى اۋەلگىدەي جاپالى دا اۋىر بولىپ وتىر“.
ماجىلىستە باس شۋجي شي جينپيڭ كەزەكتەگى شىرىكتەسۋگە قارسى تۇرۋ كۇرەسى جاعدايىنا تەرەڭ تالداۋ جاساپ، ”بۇرىس ستيلدەر مەن شىرىكتەسۋدى بىرگە تەكسەرۋدى، بىرگە جونگە سالۋدى ىشكەرىلەي ىلگەرىلەتۋ“ جونىندە ايقىن تالاپ قويىپ، ”نولدىك توزىمدىلىككە باستان ـ اياق تاباندى بولىپ، ورتالىقتىڭ سەگىز ٴتۇرلى بەلگىلەمەسىن قۇرىشتاي قاعيدا، بەرىك ولشەم ەتىپ، قاسارىسا تارتىپكە قايشىلىق جاساۋ، كومەسكىلەنگەن، وزگەرگەن ’ٴتورت ٴتۇرلى بۇرىس ستيل‘ ماسەلەسىن قاتاڭ تەكسەرىپ ٴبىر جاقتى ەتۋدى“ اتاپ كورسەتتى.
بۇرىس ستيل مەن شىرىكتەسۋ ماسەلەسىنىڭ ٴوزارا ارالاسۋى — قازىرگى كەزەڭدەگى پارتيا ستيلى، پاكتىك قۇرىلىسىندا جانە شىرىكتەسۋگە قارسى تۇرۋ كۇرەسىندە، ٴسوز جوق، كۇش سالا شەشۋگە ٴتيىستى كورنەكتى ماسەلە. وسى ٴبىر ماڭىزدى تالاپ پارتيامىزدىڭ شىرىكتەسۋگە قارسى تۇرۋ كۇرەسى جونىندەگى زاڭدىلىق سيپاتتى تانىمىنىڭ تىڭ بيىك دەڭگەيگە جەتكەندىگىن تولىق ايگىلەدى، اسا كۇشتى رەال باعىتتامالىلىق سيپاتى بار.
2025 ـ جىل — ”14 ـ بەسجىلدىق“ جوبانىڭ اياقتالاتىن جىلى ٴارى رەفورمانى ونان ارى جاپپاي تەرەڭدەتۋدەگى ماڭىزدى ٴبىر جىل، ” 15 ـ بەسجىلدىق“ جوبا جوسپارلانىپ ورنالاستىرىلادى.
وسى ٴبىر شەشۋشى ۋاقىت تۇيىنىندە ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ — نەگىزگى تاقىرىپتىق تاربيە مەن پارتيا ٴتارتىبىن ۇيرەنۋ تاربيەسىنىڭ جەتىستىكتەرىن بەكەمدەۋدىڭ، تەرەڭدەتۋدىڭ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ ماڭىزدى شاراسى، پارتيا مەن بۇقارانىڭ، كادرلار مەن بۇقارانىڭ قاتىناسىن قويۋلاتۋدىڭ، پارتيانىڭ بيلىك جۇرگىزۋ نەگىزىن بەكەمدەۋدىڭ تابيعي تالابى، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ پارمەندى قامتاماسىزدىعى.
ٴوزى ونەگە بولدى —
”ٴار دارەجەلى باسشى كادرلار ٴوزى ونەگە بولىپ، باستاماشىلدىقپەن ۇلگى كورسەتۋى، ايتقان ٴسوزىن ىسكە اسىرىپ، بەرگەن ۋادەسىن ورىنداۋى كەرەك، ورتالىق كوميتەت ساياسي بيۋروسىنداعى جولداستار وزىنەن باستاپ ىستەۋى كەرەك“
تەكسەرۋ ـ زەرتتەۋ — پارتيامىزدىڭ اسىل مۇراسى، جۇمىس ىستەۋ نەگىزى، ٴىس تىندىرۋ جولى. ورتالىقتىڭ سەگىز ٴتۇرلى بەلگىلەمەسىنىڭ 1 ـ تارماعىندا تەكسەرۋ ـ زەرتتەۋدى جاقسارتۋ كەرەكتىگى ايتىلعان.
2023 ـ جىلى 4 ـ ايدا باس شۋجي شي جينپيڭ رەفورما جاساۋدا، ەسىك اشۋدا ”الدا جۇرگەن“ گۋاڭدۇڭعا بارىپ، قىزمەت تەكسەرۋ، تەكسەرۋ ـ زەرتتەۋ جۇرگىزدى.
بۇل باس شۋجيدىڭ پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلىندا تۇڭعىش رەت جەرگىلىكتى ورىندا قىزمەت تەكسەرۋى. سونىڭ الدىندا عانا باستالعان شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى ”بۇكىل پارتيادا بارىنشا تەكسەرۋ ـ زەرتتەۋ ورىستەتۋدى“ ماڭىزدى مازمۇن ەتتى.
ماۋميڭ بايچياۋ قىستاعىنداعى ليجى اعاشىنىڭ ساياسىندا ليجىنىڭ باعاسىن، ساتىلۋ ارناسىن، باعبانداردىڭ كىرىسىن سۇراپ ۇعىستى؛ گۋاڭجوۋ اۆتوكولىك توبى زەرتتەۋ ورنىندا اڭگىمە ٴماجىلىسىن وتكىزگەندە، تىكەلەي جاعداي ۇعىسىپ، تىكەلەي اڭىس تىڭداپ، دۇرىس تۇسىنىكتىڭ ”قاينار كوزىن“ قاراستىردى...
4 كۇن ۋاقىتتا جانجياڭنان، ماۋميڭنان گۋاڭجوۋعا دەيىن باتىستان شىعىسقا قاراي گۋاڭدۇڭنىڭ باتىسىنداعى بايتاق دالانى ەندەي ٴوتىپ، چيۇڭجوۋ بۇعازى جاعالاۋىنان جۋجياڭ جيەگىنە دەيىن مىڭ شاقىرىم جول باسقان باس شۋجي شي جينپيڭ ارىپ ـ شارشادىم دەمەي، جول بويى تەكسەرۋ ـ زەرتتەۋ جۇرگىزدى، جول بويى ويلانىپ ـ تولعاندى.
نەگىزگى ساتىعا ىشكەرىلەي بارىپ، ٴوزى ىستەپ ىزدەندى. پارتيا 18 ـ قۇرىلتايىنان بەرى، باس شۋجي شي جينپيڭ قادامىن توقتاتپاي، ەل ىشىندە 100 رەتتەن استام قىزمەت تەكسەرىپ، تەكسەرۋ ـ زەرتتەۋ جۇرگىزىپ، بۇكىل جۇڭگونىڭ بايتاق دالاسىندا ٴىز قالدىرىپ، ۇنەمى حالىق بۇقاراسىنىڭ ورتاسىنان تابىلىپ، ناقتى جاعدايدى تەكسەرىپ، ناقتى ونىمدىلىككە نازار اۋدارىپ، بۇكىل پارتيادا تەكسەرۋ ـ زەرتتەۋگە باسا نازار اۋدارۋعا، ىشكەرىلەي تەكسەرۋ ـ زەرتتەۋ جۇرگىزۋگە، تەكسەرۋ ـ زەرتتەۋ جۇرگىزۋگە شەبەر بولۋعا شۇعىلالى ۇلگى ورناتىپ بەردى.
ٴوزى ونەگە بولۋدى قىزمەت پەن تۇرمىستىڭ بارلىق جاقتارىندا ايگىلەدى.
قىزمەت تەكسەرۋ بارىسىندا قاي ـ قاشان دا كوپ ادام ەرتپەدى، قونالقىنى قاراپايىم ورنالاستىردى، ساپارعا شىققاندا سىرتقى ىستەر بەلگىلەمەسىن قاتاڭ اتقاردى... باس شۋجي شي جينپيڭ ٴوزى باس بولىپ ورتالىقتىڭ سەگىز ٴتۇرلى بەلگىلەمەسىن جانە ونى اتقارۋدىڭ ەگجەي ـ تەگجەيلى ەرەجەسىن قاتاڭ اتقارىپ، قاز ـ قالپىندا، قۇبىلتپاي، ٴىس جۇزىندىك ارەكەتتەرى ارقىلى سەنىمدى بەكەمدەۋدى ايگىلەپ، تۇتاس قوعامنىڭ جاڭاشا سالتتى، تۋراشىلدىقتى ۇزدىكسىز ساۋلەلەندىرۋىنە جەتەكشى بولدى.
كادرلاردىڭ ستيل قۇرىلىسىن كۇشەيتۋدە، ەڭ ماڭىزدىسى، حالىق بۇقاراسىمەن ەتەنە بايلانىستى ساقتاۋ سىندى وسى وزەكتى ماسەلەنى مىقتى ۇستادى.
يسى جىلان جىلى قارساڭىندا شانحايگۋاننىڭ سىرت جاعى مۇز قۇرسانىپ، قار جامىلىپ جاتتى. باس شۋجي شي جينپيڭ سولتۇستىككە بەتتەپ جول تارتىپ، لياۋنيڭگە بارىپ نەگىزگى ساتىداعى كادرلار مەن بۇقاراعا امانداستى، ولاردان حال سۇرادى.
”ۇنەمى سىزدەردى ويلاۋمەن بولدىم، سول كەزدەردە ٴار كۇنى دەرلىك سىزدەردىڭ بۇل اراداعى جاعدايدى ۇعىسىپ تۇردىم“. لياۋنيڭداعى ٴبىرىنشى بەكەتتە قىزمەت تەكسەرگەندە، باس شۋجي پويەزبەن، اۆتوكولىكپەن ارالاي ٴجۇرىپ، وتكەن جىلعى تاسقىن اپاتىندا اۋىر اپاتقا ۇشىراعان حۋلۋداۋعا باردى.
وسىنداي اسەرلى كورىنىستەر ٴالى دە حالىقتىڭ ەسىندە —
يۇنناننىڭ لۋديانىندا جەر سىلكىنگەننەن كەيىن، ويلى ـ شۇڭقىر جولدى باسىپ سىلكىنىس تۋىلعان اڭعارعا كەلدى، قيراندىعا تولعان اۋلاعا كىرىپ، جەر سىلكىنىسىندە جارالانعان ـ ولگەندەردىڭ، جەر سىلكىنىسىنە قارسى اتتانىپ اپاتتان قۇتقارۋ جاعدايىن ۇعىستى؛ جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋدىڭ ەڭ قيىن ساتىسىندا ۋحانعا ۇشاقپەن بارىپ، ىندەتكە قارسى اتتانۋعا قولباسشىلىق ەتتى؛ سانشي سيرەك كەزدەسەتىن كۇزگى تاسقىن اپاتىنا ۇشىراعاننان كەيىن، قالىڭ قارعا قاراماي لينفىن قالاسىنا بارىپ، اپاتتان كەيىنگى قالپىنا كەلتىرۋ، قايتا قۇرۋ جاعدايىن تەكسەرىپ كوردى...
باس شۋجي شي جينپيڭ تالاي رەت اپات تۋىلعان وڭىرلەرگە بارىپ، سول جەردە قىزمەت تەكسەرىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىنە، ٴىس جۇزىندىك قاجەتىنە كوڭىل ٴبولىپ، كوپشىلىكتىڭ قيىن ماسەلەسىن شەشىپ، قايراتىن جانىپ، باعدار كورسەتىپ، ٴىس جۇزىندىك ارەكەتى ارقىلى ”حالىقتىڭ قىزمەتكەرىمىن“ دەگەن شىنايى ىنتا ـ ىقىلاسىن كورسەتتى.
نەشە جىلدىڭ الدىندا باس شۋجي شي جينپيڭ سول كەزدەگى يتاليا قاۋىم پالاتاسىنىڭ باستىعى فيكومەن كەزدەستى. فيكو: ”ٴسىز جۇڭگونىڭ مەملەكەت ٴتوراعالىعىنا سايلانعان كەزىڭىزدە قانداي كوڭىل كۇيدە بولدىڭىز“؟ ـ دەپ سۇرادى.
باس شۋجي شي جينپيڭ بىلاي دەدى: ”وسىنشاما ۇلكەن مەملەكەتتە جاۋاپكەرشىلىك توتەنشە اۋىر، قىزمەت توتەنشە ماشاقاتتى. مەن ٴوزىمدى ۇمىتا ىستەپ، حالىقتىڭ ٴۇمىتىن اقتايمىن. مەن ’ٴوزىمدى ۇمىتا ىستەۋ‘ كۇيىمەن، جۇڭگونىڭ دامۋىنا ٴوز ۇلەسىمدى قوسۋعا رازىمىن“.
ٴوزىنىڭ ٴىس جۇزىندىك ارەكەتىمەن تاربيە جۇرگىزسە وزگەلەردى يلاندىرا الادى، ٴتىل ـ جاعىنا سۇيەنىپ تاربيە جۇرگىزسە داۋعا قالادى.
تەكسەرۋ ـ زەرتتەۋدى جاقسارتۋ جاعىندا، نىسانالى ىستەۋ، ماسەلەگە بەتپە ـ بەت كەلۋ، رەفورمادا جاڭالىق اشۋ رۋحى ارقىلى ماسەلەنى شەشۋدىڭ جاڭا وي جەلىسىن، جاڭا شارالارىن زەرتتەۋگە، ورتاعا قويۋعا ايرىقشا نازار اۋدارۋ؛ ٴماجىلىس قيمىلدارىن ىقشامداۋ جاعىندا، ماڭىزدى ٴماجىلىس قيمىلدارىنىڭ جالپى مولشەرىن قاينارىنان باستاپ مەڭگەرۋگە ايرىقشا نازار اۋدارىپ، ورتالىق ٴماجىلىس قيمىلدارىنىڭ ٴماجىلىس ۋاقىتىن، كولەمىن، ولشەمىن قاتاڭ مەڭگەرۋ؛ حۇجاتتاردى، قىسقاشا مالىمەتتەردى ىقشامداۋ جاعىندا، ورتالىقتىڭ زاڭ ـ ەرەجە حۇجاتتارىن جازۋ ستيلىن جاقسارتۋدى ىلگەرىلەتىپ، ”قىسقا، ناقتى، جاڭا بولۋ“ تالابىن تياناقتاندىرىپ، ولشەمنەن اسىرىپ حۇجات تاراتۋدان ساقتانۋ كەرەك...
ورتالىق كوميتەت ساياسي بيۋروسىنداعى باسقا جولداستار باس شۋجي شي جينپيڭنىڭ ستيل قۇرىلىسى جونىندەگى ماڭىزدى نۇسقاۋىن، تالابىن مۇقيات دايەكتىلەندىرىپ، ورتالىقتىڭ سەگىز ٴتۇرلى بەلگىلەمەسىن قاتاڭ تياناقتاندىرىپ، وزدەرى جاۋاپتى سالالاردا، تاراۋلاردا جانە ٴوزى تۇرعان جەرگىلىكتى ورىندا دايەكتىلەندىرۋدى، تياناقتاندىرۋدى شىن مانىندە ويداعىداي مىقتى يگەردى.
باس شۋجي شي جينپيڭنىڭ جەتەكشىلىگىندە، جاڭا داۋىردەگى جۇڭگو كوممۋنيستەرى پارتيا ستيلىن جاپپاي كىرشىكسىزدەندىرىپ، تۇسىرىلگەن بۇيرىقتى، ٴسوزسىز، ورىنداپ، توقتاماي العا باسىپ، پارتيانىڭ جاسامپازدىق كۇشىن، ۇيىستىرۋ كۇشىن، جاۋىنگەرلىك قۋاتىن ۇزدىكسىز جوعارىلاتتى.
ۇزدىكسىز قاجىماي كۇش سالدى —
”سەرپىندى ساقتاپ، قاجىرلىلىقتى ساقتاپ، ٴساتتى باستاپ، ٴساتتى اياقتاتىپ، شەبەرلىكپەن ىستەپ، شەبەرلىكپەن ناتيجە جاراتىپ، ستيل قۇرىلىسىنىڭ جاڭا ونىمدىلىگىنە ۇزدىكسىز قول جەتكىزۋ كەرەك“
”تايشان تاۋىنىڭ ورتان بەلىندە ’كوڭىلدى ٴۇش شاقىرىم“ دەپ اتالاتىن ٴبىر بولىك تەگىس جول بار، شارشاپ قالعان كەيبىرەۋلەر وسى ارادا تىنىعۋدى ۇناتادى. الايدا اپكىشپەن جۇك كوتەرۋشىلەر ادەتتە بۇل ارادا ۇزاق ايالدامايدى، ويتكەنى ۇزاق ۋاقىت دەمالسا، اياقتارى ’ناۋمەزدەنىپ‘، ’ون سەگىز يرەككە‘ شىعۋى ٴتىپتى دە قيىنعا سوعادى“.
پارتيا 19 ـ قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ ـ تالقى كۋرسىنىڭ وقۋ باستاۋ سالتىندا، پارتياداعى جوعارى دارەجەلى كادرلار الدىندا، باس شۋجي شي جينپيڭ جاندى حيكايادان پايدالانىپ”ستيل قۇرىلىسىن ماڭگى جالعاستىرۋدىڭ“ قاراپايىم قاعيداسىن ٴتۇسىندىردى.
باسقارۋ ارقىلى ادەت قالىپتاستىردى، مىقتى يگەرۋ ارقىلى ناتيجە شىعاردى، تاماشا سالتتى ادەتكە اينالدىردى.
جاڭا داۋىرگە وتكەندە باس شۋجي شي جينپيڭنىڭ جەتەكشىلىگىندە، بۇكىل پارتيا ستيل قۇرىلىسىنىڭ جاڭا جاعدايىن، جاڭا مىندەتىن، جاڭا تالابىن تەرەڭ يگەرىپ، ستيلدەگى قاساڭ دەرتتەردى عىلمي، دالمە ـ ٴدال وڭاپ، پارتيا مۇشەلەرىنىڭ، كادرلاردىڭ ٴىس تىندىرىپ ناتيجە شىعارۋ قوزعاۋشى كۇشىن ۇزدىكسىز تاسقىنداتىپ، ستيل قۇرىلىسىنىڭ جاڭا ونىمدىلىگى ارقىلى جاڭا جورىقتا ەكپىندەي ىلگەرىلەۋگە قورعاۋشى بولدى.
”ساياسي كومەسكى قاعيدانى“ تالقانداپ، ”بۇرىس ستيلدى“ قاتاڭ تۇزەتۋ ارقىلى پاك، كىرشىكسىز ساياسي ەكولوگيانى بەكەمدەدى —
2023 ـ جىلى 1 ـ ايدىڭ 9 ـ كۇنىنەن 10 ـ كۇنىنە دەيىن 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ەكىنشى جالپى ٴماجىلىسى وتكىزىلدى.
”شەگە قاعۋ رۋحى ارقىلى ’ٴتورت ٴتۇرلى بۇرىس ستيلدى‘ تۇزەتىپ، ەرەكشە ۇقىق يدەياسىنا جانە ەرەكشە ۇقىق جايتتەرىنە باتىل قارسى تۇرىپ، تاسقا تاڭبا، تەمىرگە تاپ قالدىرىپ، ۇزاق مەزگىل تيىلماي كەلگەن كەيبىر بۇرىس ستيلدى تيىپ، كوپ جىل جويىلماي كەلگەن كەيبىر ٴسىڭىستى كىناراتتار مەن قاساڭ دەرتتەردى تۇزەتىپ، ستيل قۇرىلىسىنىڭ جاڭا رايى ارقىلى حالىق بۇقاراسىنىڭ سەنىمىنە، قولداۋىنا يە بولدىق“.
ماجىلىستە باس شۋجي شي جينپيڭ جاڭا داۋىردەگى پارتيانىڭ ستيل قۇرىلىسىندا قول جەتكەن ماڭىزدى تابىستاردى تەرەڭ قورىتىندىلادى.
ستيل قۇرىلىسىن جالعاستىرىپ، سوڭىنا دەيىن دامىلسىز يگەردى.
پارتيا 18 ـ قۇرىلتايىنان بەرى، ٴار دارەجەلى پارتكوم (پارتيا باسشىلىق گرۋپپاسى) قاتاڭ ولشەم جانە قاتاڭ رايعا تاباندى بولىپ، ”ٴتورت ٴتۇرلى بۇرىس ستيلدى“ تۇزەتۋدە كورنەكتى ونىمدىلىككە قول جەتكىزدى:
بەلگىلەمەگە قايشىلىق جاساپ تارتۋ ـ تارالعى، سي، سي اقى الۋ ـ بەرۋ، بەلگىلەمەگە قايشىلىق جاساپ جەپ ـ ٴىشۋ سياقتى ماسەلەلەردى ىشكەرىلەي وڭاپ، جەدەل جولدامامەن تارتۋ ـ تارالعى ۇسىنۋ، ۇكىمەت قاراجاتىمەن ساياحاتتاۋ سياقتى كومەسكى، وزگەرگەن ماسەلەلەردى تەرەڭ قازىپ، مۇقيات تەكسەرىپ، كەڭسەلەردىڭ ولشەمنەن اسىپ كەتۋ ماسەلەسىن بوساڭسىماي تىعىز قاداعالاپ، ٴبىر قىدىرۋ بۇرىس ستيل، قوردالانعان كىنارات بارلىق ادام ۇر ـ ۇردىڭ استىنا الاتىن ”كوشەدەن قاشقان تىشقانعا اينالدى“.
”اياقسىز قالعان ينجەنەريامەن“، ”بەت ـ بەدەل ينجەنەرياسىمەن“ اينالىسۋ جانە جاۋاپكەرشىلىك ارقالاماۋ، ىسكەرلىك كورسەتپەۋ، الباتى ىستەۋ سياقتىلاردى ارناۋلى وڭاپ، تاڭداپ ىستەۋ، قۇبىلتۋ، مۇلتىكسىز اتقارماۋ، كوپ پوزيتسيا ٴبىلدىرىپ جار سالۋ، ارەكەتى از، تياناقتاندىرۋى ناشار بولۋ سياقتى ماسەلەلەردى شوعىرلى تۇزەتىپ، ٴبىر توپ رەفورما ورنالاستىرۋىن ناقتى تياناقتاندىردى؛
اس ـ سۋ ىسىراپشىلدىعى جانە ”ٴۇش ٴتۇرلى ۇكىمەتتىك“ قاراجات شىعىسى سياقتى جاقتاردا ورىن تەپكەن ماسەلەلەرگە مەڭزەس، بىرلەسىپ ارەكەتتەنىپ، بىرلەسىپ تەكسەرىپ، اراق ٴىشىپ اۆتوكولىك جۇرگىزۋدىڭ، ماس بولىپ اۆتوكولىك جۇرگىزۋدىڭ استارىنداعى ”ٴتورت ٴتۇرلى بۇرىس ستيل“ ماسەلەسىن قاتاڭ تەكسەرىپ، باقىلاۋدىڭ كەشەندى ينفورماتسيا تۇعىرى قۇرىلىسىن ىلگەرىلەتىپ، بۇرىس ستيلدەن، شىرىكتەسۋدەن ساقتانۋدىڭ جانە ونى وڭاۋدىڭ قورعانىس شەبىن ۇزدىكسىز بەكەمدەدى.
قازىر قالىڭ پارتيا مۇشەسى، كادر ورتالىقتىڭ سەگىز ٴتۇرلى بەلگىلەمەسى پارتيا ىشىندەگى ساياسي تۇرمىس پەن ساياسي ەكولوگيانى بارىنشا جاقسارتىپ، كوپشىلىككە ناقتى، شىنايى وزگەرىستى سەزىندىردى دەگەندى جاپپاي اڭىس ەتتى.
”شاعىن كىرىسۋ ٴتۇيىنى“ ارقىلى كەلەلى وزگەرىس جاعدايىن اشىپ، پارتيا ستيلىندەگى، ۇكىمەت ستيلىندەگى شىت جاڭا وزگەرىس ارقىلى قوعامدىق سالتتاعى تەرەڭ وزگەرىسكە جەبەۋ بولدى —
2025 ـ جىلى 3 ـ ايدىڭ 3 ـ كۇنى بەيجيڭ جيڭشي قوناق ٴۇيى 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىنە قاتىناسۋعا كەلگەن جياڭسۋ ۋاكىلدەر ۇيىرمەسىن قارسى الدى.
”بولمەگە كىرگەن كەزدە ۇستەلگە قويىلعان «ٴماجىلىس ستيلىن جاقسارتىپ، ٴماجىلىس ٴتارتىبىن قاتايتۋ قىزمەت ەرەجەسى» ايرىقشا كوز تارتتى، ونداعى تالاپ ٴارى انىق، ٴارى ناقتى ەكەن“. مەملەكەتتىك حالىق قۇرىلتايىنىڭ ۋاكىلى جاڭ جاۋلي: ماجىلىسكە قاتىناسقان كەزدە قاراپايىم دا ناقتى ٴماجىلىس ستيلى ماعان تەرەڭ اسەر قالدىردى، ـ دەدى.
مەملەكەتتىك ەكى ٴماجىلىس — ەلىمىزدىڭ ساياسي تۇرمىسىنداعى ٴىرى ٴىس، سونداي ـ اق پارتيا ستيلىن، ۇكىمەت ستيلىن باقىلايتىن ماڭىزدى تەرەزە.
ۋاكىلدەر ۇيىرمەسىن قارسى الۋ ـ اتتاندىرۋ سالتىن وتكىزبەدى، مينەرالدى سۋ تىزىلگەن ورىنعا ”سۋ اسىرماۋ ارەكەتى“ بەلگىسىن قويدى، ”اس اسىرماۋ ارەكەتىن” دارىپتەدى، پايدالانعان ٴۇي سانىن ازايتتى، اۆتوكولىكتەن پايدالانۋ ونىمدىلىگىن جوعارىلاتتى... مەملەكەتتىك ەكى ٴماجىلىس كەزىندە ۇنەمشىلدىك ستيلى بارلىق جەردەن ايگىلەنىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن كىرشىكسىز ٴماجىلىس ستيلىنىڭ، قاتاڭ ٴماجىلىس ٴتارتىبىنىڭ جاندى امالياتىنا اينالدىردى.
تاماشا ٴماجىلىس ستيلى جاقسى ستيلدى بەينەلەپ، ”ۇنەمشىلدىكتى قاتاڭ اتقارۋ، ىسىراپشىلدىققا قارسى تۇرۋ“ ۇستانىمى جۇرت جۇرەگىنە ونان ارى تەرەڭ ۇيالادى.
”شاعىن تاباقتى قۋىرماش تىپتەن ۇيلەسەدى“. ”اسىپ قالعان قۋىرماشتاردى سالىپ الىپ كەتەيىن“، اسحاناداعى ديالوگ سالت وزگەرىسىن اڭعارتتى؛ اي كۇلشە، ۇلكەن قىسقىش سياقتى كەزىندە ”زاردەن قىمبات“ وزگەشەلەنگەن ازىق ـ تۇلىك ”حالىققا جاناسۋ“ جولىنا قايتا ٴتۇستى؛ توي ـ تومالاقتى جاڭاشا وتكىزۋدى، ٴولىم ـ ٴجىتىم ىستەرىن قاراپايىم وتكىزۋدى ٴتىپتى دە كوپ ادام قابىلدادى؛ كوپتەگەن ادام ”بۇرىن كىمنىڭ ماشيناسى جاقسى دەگەندى سالىستىراتىنبىز، قازىر كىمنىڭ ۋيشيندەگى قادام سانى كوپ دەگەندى سالىستىراتىن بولدىق“ دەپ ٴسۇيىنىش ٴبىلدىردى...
سەگىز ٴتۇرلى بەلگىلەمە اكەلگەن ستيل وزگەرىسى جۇڭگولىقتاردىڭ تۇرمىسىنا ناقتى دا تەرەڭ ىقپال جاساۋدا.
نەگىزگى ساتى كادرلارىنىڭ جۇگىن جەڭىلدەتىپ، ”جۇڭگو باسقارۋىنىڭ“ جاڭا تاراۋىنا قۋاتتى قوزعاۋشى كۇش ۇستەدى —
2024 ـ جىلدىڭ قوڭىر كۇزىندە باس شۋجي شي جينپيڭ وڭتۇستىكتە حۋبەيگە باردى. شياننيڭ قالاسى جيايۇي اۋدانى پانجياۋان قالاشىعى سى ـ ي قىستاعى پارتيا مۇشەلەرىنە، بۇقاراعا قىزمەت وتەۋ ورتالىعىندا قابىرعاعا جاپسىرىلعان «بۇقاراعا قىزمەت وتەۋ ىستەرى ٴتىزىمى» باس شۋجيدىڭ نازارىن اۋداردى.
”بۇرىن كوبىندە بۇقارادان جۇمىس ىستەۋدى تالاپ ەتەتىنبىز، ال قازىر كوبىندە پارتيا مۇشەلەرى مەن كادرلاردان بۇقارانىڭ جۇمىسىن ٴبىتىرىپ، قىزمەت وتەۋىن تالاپ ەتەتىن بولدىق، بۇل ٴتۇبىرلى وزگەرىس“. باس شۋجي شي جينپيڭ بىلاي دەدى: ”نەگىزگى ساتىنىڭ اۋىرتپالىعىن ۇزدىكسىز جەڭىلدەتىپ، نەگىزگى ساتى كادرلارىنىڭ اناعۇرلىم كوپ ۋاقىتىن جانە زەيىن ـ زەردەسىن بۇقاراعا قىزمەت وتەۋگە جۇمساۋىنا مۇمكىندىك جاساۋ كەرەك“.
جەڭىلدەتۋگە ٴتيىستى جۇكتى جەڭىلدەتكەندە عانا ارقالاۋعا ٴتيىستى جاۋاپكەرشىلىكتى باتىل ارقالاۋعا بولادى.
بۇعان باس شۋجي شي جينپيڭ ايرىقشا ٴمان بەرىپ، ەل ىشىندە قىزمەت تەكسەرۋ بارىسىندا كوپ رەت اۋىل ـ قىستاق، الەۋمەتتىك اۋماق سياقتىلارعا بارىپ، نەگىزگى ساتىنىڭ اۋىرتپالىعىن جەڭىلدەتۋ شارالارىنىڭ تياناقتانۋىنا، ناقتى ونىمدىلىگىنە كوڭىل ٴبولدى.
چۇڭچيڭدە الەۋمەتتىك اۋماقتىڭ مالىمەت كەستەسىن كورىپ، بىلاي دەپ تەرەڭ اتاپ كورسەتتى: ”نەگىزگى ساتىنىڭ اۋىرتپالىعىن جەڭىلدەتۋدە ۇقىق پەن جاۋاپكەرشىلىكتى ايقىنداۋ كەرەك، بارلىق جۇمىستى نەگىزگى ساتىعا ٴۇيىپ تاستاۋعا بولمايدى“؛ چيڭحايدا پارتيا ٴتارتىبىن ۇيرەنۋ تاربيەسى تۋرالى ايالداعاندا، سالماقتىلىقپەن بىلاي دەپ باسا دارىپتەدى: ”فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋدى ۇزدىكسىز تەرەڭدەتۋ كەرەك“، گانسۋدا اۋىرتپالىقتى جەڭىلدەتۋدىڭ ونىمدىلىگىن سۇراعاندا، مىنانى ايقىن العا قويدى: ”پايدالى ىستەردى جاقسى ىستەۋ، پايداسىز ىستەردى از ىستەۋ جوعارىدان تومەنگە دەيىنگى ٴار جاقتىڭ بىرگە قۇلشىنۋىن قاجەت ەتەدى“...
شي جينپيڭ جولداستى ۇيتقى ەتكەن پارتيا ورتالىق كوميتەتى نەگىزگى ساتىنىڭ اۋىرتپالىعىن جەڭىلدەتۋ ساياسي جاۋاپكەرشىلىگىن ارقالاپ، بۇكىل پارتيانى نەگىزگى ساتىنىڭ قولىن بوساتىپ اۋىرتپالىعىن جەڭىلدەتۋگە، كادرلاردى حالىق ٴۇشىن قىزمەت ىستەۋگە شابىتتاندىرۋ سىندى ناقتى ىستەۋ باعدارىن ورناتۋعا جەتەكتەدى.
”نەگىزگى ساتىنىڭ اۋىرتپالىعىن جەڭىلدەتۋ جىلىن“ تۇراقتاندىرۋدان «فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ٴبىرقانشا بەلگىلەمەنى» باسىپ تاراتۋعا دەيىن ورتالىق ٴبىر قىدىرۋ شەشىم، ورنالاستىرۋ جاساپ، نەگىزگى ساتىنى باسقارۋعا قۋات ۇستەپ، ونىمدىلىكتى ارتتىردى. ”ٴبىر جەلىدە ٴبىر تۇتاس باسقارۋ“، ”ٴبىر كەستەدەن بىرگە يگىلىكتەنۋ“ رەفورماسىن ورىستەتۋدەن اۋىل ـ قالاشىقتىڭ (ٴمالى) ”ىسقىرىق شالىپ“ ورنالاستىرۋ ۇقىعى، تەكسەرۋ، باعالاۋ ۇقىعى، كادرلار ىسىنە ۇسىنىس بەرۋ ۇقىعى سياقتىلاردى ناقتى ىستەۋگە دەيىن جەر ـ جەر، تاراۋلار ناقتى شارالاردى تياناقتاندىرىپ، قالىڭ كادرلاردىڭ جاۋاپكەرشىلىك ارقالاپ ىسكەرلىك كورسەتۋىن جەبەدى.
ٴبىر توپ ەڭ جاڭا ساندى مالىمەتتەر وزگەرىستىڭ جاندى بەينەسى:
نەگىزگى ساتىدا ”الباتى ماڭدايشالىق اسۋ“ ماسەلەسىن وڭاپ، قىستاق (الەۋمەتتىك اۋماق) جۇمىس ورىندارىنىڭ سىرتىنداعى ٴتۇرلى ماڭدايشالىقتاردى 4 - 6 ەتىپ ارناعا ٴتۇسىردى؛
ولكە، مينيسترلىك دارەجەلى پارتيا، ۇكىمەت ورگاندارى اتىنان وتكىزىلەتىن مەرەكە تويلاۋ، كورمە ـ ٴماجىلىس، تالقى مىنبەرى قيمىلدارىنىڭ سانىن جەكە ـ جەكە %46.3، %65.2، %48.3كە قىسقارتتى؛
...
قازىرگى تاڭدا ٴتىپتى دە كوپ نەگىزگى ساتى كادرلارى ورگاننان بۇقارا اراسىنا بارىپ، ىرىقتى تۇردە ماسەلەنى نەگىزگى ساتىدا شەشىپ، قيىنشىلىقتى ٴبىرىنشى ساتىدا جەڭىپ، نەگىزگى ساتىنى باسقارۋ جۇيەسى مەن باسقارۋ قابىلەتىن وسىزامانداندىرۋ قۇرىلىسىنىڭ ۇزدىكسىز كۇشەيۋىن ىلگەرىلەتتى.
ستيل قۇرىلىسىن كۇشەيتۋ — قامال الۋ شايقاسى، ۇزاققا سوزىلاتىن شايقاس.
قازىر ”بەتجۇزدىك قوعامى“، ”بەت ـ بەدەل مادەنيەتى“ ادەتكە اينالىپ كەتكەن، كەيبىر ”ۇلىقتاردىڭ كومەسكى قاعيدا“ ينەرتسياسى ٴالى دە ساقتالۋدا، كەيبىر جەرلەردە فورماشىلدىقتى وڭاۋدا ”ٴبىر تاياقپەن ايداۋ“، ”تۇرلەندىرۋ“ جاڭا ماسەلەلەردى تۋدىردى، ”ٴتورت ٴتۇرلى بۇرىس ستيل“ جانە شىرىكتەسۋ ٴوسىپ ـ ٴوربيتىن قوعامدىق مادەنيەت توپىراعى ٴالى تۇبەگەيلى جويىلعان جوق، ستيلدى جاقسارتۋدىڭ جولى كەدەرگىگە تولى ٴارى ۇزاق، ٴالى دە ۇزدىكسىز قاجىماي كۇش سالۋعا تۋرا كەلەدى.
بيىلعى مەملەكەتتىك ەكى ٴماجىلىس جابىلىپ، نەبارى ٴبىر اپتادان كەيىن، 3 ـ ايدىڭ 17 ـ كۇنىنەن 20 ـ كۇنىنە دەيىن باس شۋجي شي جينپيڭ گۇيجوۋعا، يۇننانعا بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.
گۇيجوۋدا بىلاي دەپ باسا دارىپتەدى: ”ٴار دارەجەلى پارتيا ۇيىمدارى دەن قويا ۇيىمداستىرىپ اتقارىپ، پارتيا مۇشەلەرىنىڭ، كادرلاردىڭ تاباندىلىقتى كۇشەيتۋىن، ادەتكە داعدىلانۋىن ىلگەرىلەتىپ، تاڭداۋلى ستيل ارقىلى زەيىندى شوعىرلاندىرىپ، كۇشتى ۇيىستىرۋ، ٴىس تىندىرىپ ناتيجە شىعارۋ كەرەك“. ”پارتيالىلىقتى، پارتيا ستيلىن، پارتيا ٴتارتىبىن بىرگە يگەرۋگە، ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ٴوزارا ساباقتاستىرۋعا تاباندى بولۋ كەرەك“؛
يۇنناندا مىنالاردى تالاپ ەتتى: ”ٴار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ۇيرەنۋ تاربيەسى جونىندەگى جاۋاپكەرشىلىك سەزىمىن، كوكەي تەستىلىك سەزىمىن سانالىلىقپەن كۇشەيتىپ، پارتيانى جاپپاي قاتاڭ باسقارۋدىڭ جاعدايىمەن، مىندەتىمەن بايلانىستىرىپ، ٴوز جەرىنىڭ، ٴوز تاراۋىنىڭ، ٴوز مەكەمەسىنىڭ وسى بىرنەشە جىلداعى ستيل قۇرىلىسىن يگەرۋدەگى ناقتى امالياتىمەن بايلانىستىرىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن ونان ارى جەتە ٴتۇسىنىپ، قاتىستى ٴتارتىپ جازاسى ەرەجەسىن، بەلگىلەمەسىن يگەرىپ، ماسەلەلەردى تەكسەرىپ ورتاعا سالۋدىڭ، شوعىرلى وڭاۋدىڭ يدەيالىق ـ ساياسي نەگىزىن بەكەمدەۋى كەرەك“...
نازاردى جاڭا عانا باستاعان ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنە شوعىرلاندىرىپ، باس شۋجي شي جينپيڭ ماڭىزدى تۇيىندەردى انىق سىزىپ، ايقىن تالاپ قويىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن باستان ـ اياق دايەكتىلەندىرىپ، تياناقتاندىرىپ، ستيل قۇرىلىسىن سوڭىنا دەيىن جۇرگىزۋدىڭ انىق سيگنالىن تاراتتى.
ٴور اسۋدى دەمە بەينە قۇرىش قامال سوعىلعان، بۇگىن ارشىن ادىممەنەن قايتا اتتايمىز باسىنان. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى جۇڭگو كوممۋنيستەرى ايبىندى تۇردە مىنانى اشىق جاريالادى —
سەگىز ٴتۇرلى بەلگىلەمە جۇڭگوعا تەرەڭ وزگەرىس اكەلدى، سەگىز ٴتۇرلى بەلگىلەمە جۇڭگوعا ٴالى دە ۇزدىكسىز وزگەرىس اكەلەدى!
(شينحۋا اگەنتتىگىنىڭ 3 ـ ايدىڭ 25 ـ كۇنى بەيجيڭنەن بەرگەن حابارى)
