ما شيڭرۇي، ەركىن تۇنياز الەۋمەتتىك بايلىق ساۋداسى جانە اكىمشىلىك قىزمەت وتەۋ قىزمەتتەرىنە ىشكەرىلەي تەكسەرۋ ـ زەرتتەۋ جۇرگىزدى
رەفورمانى ۇزدىكسىز تەرەڭدەتىپ، ونىمدىلىكتى جوعارىلاتىپ، حاۋىپ ـ قاتەردەن ساقتانىپ، شينجياڭنىڭ جوعارى ساپالى دامۋىنا ساپالى، جوعارى ٴونىمدى قىزمەت وتەۋ قامتاماسىزدىعىن ازىرلەۋ كەرەك
3 - ايدىڭ 26 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعىندا تەكسەرۋ - زەرتتەۋ جۇرگىزدى. سۋرەتتە: ما شيڭرۇي، ەركىن تۇنياز الەۋمەتتىك بايلىق ساۋدا زالىنا كەلىپ، ءتۇرلى قىزمەتتىڭ اينالىم جاعدايىن ۇعىسىپ، قاتىستى جاۋاپتى قىزمەتكەرلەرمەن ىشكەرىلەي اۋىس - كۇيىس جاساۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 26 ـ كۇنى ۇرىمجىدەن حابارلايدى. 3 ـ ايدىڭ 26 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوننىڭ الەۋمەتتىك بايلىق ساۋداسى جانە اكىمشىلىك قىزمەت وتەۋ قىزمەتتەرىنە ىشكەرىلەي تەكسەرۋ ـ زەرتتەۋ جۇرگىزدى. ما شيڭرۇي بىلاي دەپ باسا دارىپتەدى: جوعارى ساپالى دامۋ سىندى ماڭداي الدى مىندەتتى كوزدەپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، رەفورما جاساۋدى، جاڭالىق اشۋدى ونان ارى تەرەڭدەتىپ، قىزمەت وتەۋ ونىمدىلىگىن كۇش سالا جوعارىلاتىپ، حاۋىپ ـ قاتەردەن ٴونىمدى ساقتانىپ جانە ونى جويىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا ساپالى، جوعارى ٴونىمدى قىزمەت وتەۋ قامتاماسىزدىعىن ازىرلەۋ كەرەك.
ما شيڭرۇي، ەركىن تۇنياز اۆتونوميالى رايوندىق اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعىنا كەلىپ، الەۋمەتتىك بايلىق ساۋدا زالىنا كىرىپ، ٴتۇرلى قىزمەتتىڭ اينالىم جاعدايىن ۇعىسىپ، كەن شارۋاشىلىعى ۇقىعى ساۋداسى، ۇكىمەتتىك ساتىپ الۋ، قۇرىلىس ينجەنەرياسى سياقتى ٴتۇيىندى كاسىپتەردى ارقاۋ ەتىپ قاتىستى جاۋاپتى قىزمەتكەرلەرمەن ىشكەرىلەي اۋىس ـ كۇيىس جاسادى. ما شيڭرۇي بىلاي دەپ اتاپ كورسەتتى: نازاردى بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن قالىپتاستىرۋعا شوعىرلاندىرىپ، ساۋدا تارتىبىنە جۇيەلى سالالاۋ جانە دالمە ـ ٴدال ساپالىلاندىرۋ جۇرگىزىپ، بارىسى اناعۇرلىم ىقشام، ونىمدىلىگى اناعۇرلىم جوعارى، قىزمەت وتەۋى اناعۇرلىم ساپالى ساۋدا ورتاسىن بار كۇشپەن قالىپتاستىرۋ كەرەك. دارىندىلار قوسىنى قۇرىلىسىن كۇشەيتىپ، قابىلەت جاعىندا ىسىلعان ماماندانعان دارىندىلار قوسىنىن قالىپتاستىرۋ كەرەك. اۋىس ـ كۇيىس جاساۋ بارىسىندا ما شيڭرۇي مەردىگەر شاقىرۋ، مەردىگەر بولۋ سياقتى تارتىپتەردىڭ اينالىم جاعدايىن ەگجەي ـ تەگجەيلى سۇراستىرىپ، مەردىگەر باعالاۋ بولمەسىنىڭ ناقتى جاعدايىن بەينەەكراندا تەكسەرىپ كورىپ، مەردىگەر باعالاۋدى كۇتىپ وتىرعان ماماندارمەن اڭگىمەلەستى. ول بىلاي دەپ باسا دارىپتەدى: شەشۋشى بۋىنداردا جانە ماڭىزدى قىزمەت ورىندارىندا پاكتىك حاۋىپ ـ قاتەرىن ٴبىر ـ بىردەن تەكسەرۋدى، وڭاۋدى تەرەڭدەتۋدى ٴجىتى قاداعالاپ، مەردىگەر شاقىرۋ، مەردىگەر بولۋ ارەكەتىن ونان ارى جۇيەگە ٴتۇسىرىپ، بازار باسەكەسى ٴتارتىبىن شىنايى قورعاۋ كەرەك.
وسىدان سوڭ، ما شيڭرۇي، ەركىن تۇنياز اۆتونوميالى رايوندىق ۇكىمەتتىك قىزمەت وتەۋ زالىنا كەلىپ، تەرەزەلەردىڭ ورنالاسۋى مەن جۇمىس ٴبىتىرۋ جاعدايىن تەكسەرىپ كورىپ، سيفرلى ۇكىمەت قۇرىلىسى سياقتى قىزمەت تانىستىرۋلارىن تىڭدادى. ما شيڭرۇي بىلاي دەپ باسا دارىپتەدى: ۇكىمەتتىك قىزمەت وتەۋدىڭ ساپاسىن جوعارىلاتىپ ونىمدىلىگىن ارتتىرۋدى زور كۇشپەن ىلگەرىلەتىپ، ”ٴبىر ٴىستى جوعارى ونىمدىلىكپەن ٴبىتىرۋدى“ تىڭعىلىقتى ىلگەرىلەتىپ، بۇقارا مەن كاسىپورىنداردى اناعۇرلىم جوعارى ٴونىمدى، جىلدام، قولايلى قىزمەت وتەۋمەن كۇش سالا قامداۋ كەرەك. رەفورما جاساۋدى، جاڭالىق اشۋدى ۇزدىكسىز تەرەڭدەتىپ، ۇكىمەتتىك قىزمەت وتەۋ ىستەرىن تومەنگە ٴتۇسىرۋدى ىلگەرىلەتۋدى جەدەل زەرتتەپ، تەرەزەنى الدىعا جىلجىتۋدى، قىزمەت وتەۋدى تومەنگە ٴتۇسىرۋدى ىلگەرىلەتىپ، شىن مانىندە نەگىزگى ساتىعا قۋات ۇستەپ، ونىمدىلىكتى ارتتىرۋ كەرەك. ما شيڭرۇي، ەركىن تۇنياز تاعى اۆتونوميالى رايوننىڭ 12345 ۇكىمەتتىك قىزمەت وتەۋ حالىققا قولايلى ىستىق لەنيا تۇعىرىنا كەلىپ، ارىز ـ ارمان ىستەرىن ٴبىتىرۋ بۋىندارىنىڭ اينالىم جاعدايىن ىشكەرىلەي ۇعىسىپ، قاتىستى جاۋاپتى جولداستارعا تەز اڭىس قايتارۋ، جوعارى ٴونىمدى ٴبىتىرۋ، قاداعالاپ اتقارىلۋىن قۋزاۋ، دەر كەزىندە جاۋاپ قايتارۋ، تالداۋ جاساپ دەڭگەيىن جوعارىلاتۋ سىندى جابىق ٴبىتىرۋ مەحانيزمىن جەدەل كەمەلدەندىرىپ، قىزمەتتى تياناقتاندىرۋدى مىقتاپ يگەرۋ، ماسەلەلەردى شەشۋدى ىلگەرىلەتۋ جاعىنا كۇش سالىپ، كاسىپورىندار مەن بۇقارانىڭ ٴتىپتى دە كوپ ناقتى تابىس سەزىمىنە يە بولۋىنا مۇمكىندىك جاساۋدى تاپسىردى.
ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: رەفورمانى ونان ارى جاپپاي تەرەڭدەتىپ، قىزمەت جاۋاپكەرشىلىگىن، مىندەتتەردى ٴدال يگەرىپ، بورىشتى، جاۋاپكەرشىلىك ارقالاۋدى كۇشەيتىپ، نازاردى الەۋمەتتىك بايلىق ساۋداسى جانە ۇكىمەتتىك قىزمەت وتەۋ ٴتۇيىندى سالالارىنا، شەشۋشى بۋىندارىنا شوعىرلاندىرىپ، رەفورمانىڭ جەتەكشىلىگى جانە سيفردىڭ قۋات ۇستەۋى سىندى قوس قوزعاۋشى كۇشتى كۇشەيتىپ، بوگەتتەردى، شەكتەمەلەردى كۇش سالا جويىپ، شارۋاشىلىق ـ ساۋدا ورتاسىن ساپالىلاندىرىپ، بازاردىڭ ومىرشەڭ كۇشىن جانداندىرۋ كەرەك. قىزمەت ونىمدىلىگىن شىنايى جوعارىلاتىپ، بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، نازاردى شينجياڭنىڭ ەرەكشەلىككە، باسىمدىققا يە كاسىپ سالالارىن دامىتۋ، كەلەلى نىسان قۇرىلىسى سياقتى قىزمەتتەرگە شوعىرلاندىرىپ، ساۋدا مەحانيزمىن ۇزدىكسىز كەمەلدەندىرىپ، قىزمەت وتەۋ بارىسىن ساپالىلاندىرىپ، بايلىقتى ورنالاستىرۋ ونىمدىلىگى مەن پايداسىن ۇزدىكسىز جوعارىلاتۋ كەرەك. باقىلاۋ ـ باسقارۋدى قاتاڭ كۇشەيتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، پارتيا ستيلى، پاكتىك قۇرىلىسى جاۋاپكەرشىلىك ٴتۇزىمىن قاتاڭ تياناقتاندىرىپ، باقىلاۋ ـ باسقارۋعا قاتىستى ٴتۇرلى قىزمەتتەردى ناقتى، ەگجەي ـ تەگجەيلى ىستەپ، كاسىپ سالاسىن باسقارۋشى تاراۋلارمەن سايكەسە بىرلەسىپ ارەكەتتەنۋدى كۇشەيتىپ، الەۋمەتتىك بايلىق ساۋداسىنىڭ جوعارى ساپالى دامۋىنىڭ ”قورعانىس قامالىن“ كۇش بىرىكتىرە بەكەمدەۋ كەرەك.
قادەن كابەن تەكسەرۋ ـ زەرتتەۋگە قاتىناستى.
