انار بۇلت \ شينجياڭ گازەتىنىڭ ٴتىلشىسى حي حۇڭۋي 3 ـ ايدىڭ 26 ـ كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، 1 ـ ايدان 2 ـ ايعا دەيىن بۇكىل شينجياڭدا تۇتىنۋ بازارىنىڭ ومىرشەڭدىگى ٴۇرتىس قاۋلاپ، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 62 ميلليارد 145 ميلليون يۋانعا جەتىپ، سايكەس مەزگىلدەگىدەن %5.6 ارتىپ، ارتۋ قارقىنى بىلتىرعى سول تۇستاعىدان 6.2 پايىز جوعارىلاعان.
شەكتى سومادان جوعارى ورىنداردىڭ قوعامدىق تۇتىنۋ بۇيىمدارىنىڭ بولشەك ساتىلۋ سوماسى جاعىنداعى بەينەسى ٴتىپتى دە كورنەكتى بولىپ، جۇزەگە اسىرىلعان سوماسى 29 ميلليارد 792 ميلليون يۋان بولىپ، سايكەس مەزگىلدەگىدەن %6.8 ارتىپ، ارتۋ قارقىنى سايكەس مەزگىلدەگىدەن 10.3 پايىز جوعارىلاپ، تۇتاس 2024 ـ جىلعىمەن سالىستىرعاندا 7.3 پايىز تەزدەپ، تۇتىنۋ بازارىنىڭ قالپىنا كەلۋ اۋقىمى تەبىندى بولدى. نازار اۋدارۋعا تاتيتىنى، 2 ـ ايدا ٴبىر ايدا شەكتى سومادان جوعارى ورىنداردىڭ قوعامدىق تۇتىنۋ بۇيىمدارىنىڭ بولشەك ساتىلۋ سوماسى 13 ميلليارد 957 ميلليون يۋانعا جەتىپ، سايكەس مەزگىلدەگىدەن %16.1 ارتىپ، بىلتىرعى ۇقساس مەزگىلدەگىدەن 30.7 پايىز جوعارىلاپ، تاياۋ جىلداردان بەرگى ۇقساس مەزگىلدەگى ەڭ جوعارى ورە جاراتىلدى.
شەكتى سومادان جوعارى ورىندار ساناققا العان 18 ٴتۇرلى نەگىزگى تاۋاردىڭ ىشىندە نەگىزگى تۇرمىس تۇرىندەگى تاۋارلاردىڭ بولشەك ساتىلۋ سوماسى پارمەندى ارتتى، مۇنىڭ ىشىندە استىق، ماي، ازىق ـ تۇلىك تۇرلەرى سايكەس مەزگىلدەگىدەن %21.1 ارتتى. تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ساياساتىنىڭ اسەرى كورنەكتىلەنىپ، حابارلاسۋ اسپاپتارى، وتباسى ەلەكتر جابدىقتارى جانە دىبىس ـ كەسكىن اسپاپتارى، قۇرىلىس جانە اشەكەيلەۋ ماتەريالدارى ٴتۇرىنىڭ بولشەك ساتىلۋ سوماسى كۇرت ارتىپ، جەكە ـ جەكە %192، %28.8 جانە %15.6 ارتىپ، تۇتىنۋدىڭ دارەجەسىن جوعارىلاتۋدى جەبەيتىن ماڭىزدى قوزعالتقىشقا اينالدى.
بيىل جىل باسىنان بەرى، بۇكىل شينجياڭنىڭ قالا ـ اۋىلدارىنىڭ تۇتىنۋ بازارى سايكەستى كۇش سالىپ، قالا ـ اۋىلداردىڭ تۇتىنۋى قاتار جاقسارىپ، اۋىل ـ قىستاق تۇتىنۋىنىڭ ارتۋ قارقىنى باستاماشى بولدى. ساندى مالىمەتتە كورسەتىلۋىنشە، الدىڭعى 2 ايدا قالا ـ قالاشىق تۇتىنۋ بۇيىمدارىنىڭ بولشەك ساتىلۋ سوماسى 28 ميلليارد 649 ميلليون يۋان بولىپ، سايكەس مەزگىلدەگىدەن %6.6 ارتقان، ارتۋ قارقىنى سايكەس مەزگىلدەگىدەن 9.8 پايىز جوعارىلاعان؛ اۋىل ـ قىستاق تۇتىنۋىنىڭ كومەسكى كۇشى جەدەل جارىققا شىعىپ، بولشەك ساتىلۋ سوماسى ٴبىر ميلليارد 143 ميلليون يۋان بولىپ، سايكەس مەزگىلدەگىدەن %11.3 ارتقان، ارتۋ قارقىنى بىلتىرعى ۇقساس مەزگىلدەگىدەن 20.3 پايىز جوعارىلاعان.
تۇتىنۋ فورماتسياسى بويىنشا بولگەندە، الدىڭعى 2 ايدا تاۋاردىڭ بولشەك ساتىلۋ ۇلەسى كورنەكتى بولىپ، جالپى سوماسى 27 ميلليارد 735 ميلليون يۋانعا جەتىپ، سايكەس مەزگىلدەگىدەن %7 ارتىپ، ارتۋ قارقىنى سايكەس مەزگىلدەگىدەن 10.6 پايىز جوعارىلاعان؛ اس ـ سۋ تۇتىنۋى ٴۇرتىس جوعارىلاپ، اس ـ سۋ كىرىس سوماسى 2 ميلليارد 57 ميلليون يۋانعا جەتىپ، سايكەس مەزگىلدەگىدەن %4.4 ارتىپ، ارتۋ قارقىنى بىلتىرعى ۇقساس مەزگىلدەگىدەن 6.7 پايىز تەزدەگەن.
تانىستىرۋعا قاراعاندا، رايونىمىزدىڭ الدىڭعى 2 ايدا تۇتىنۋ بازارىنىڭ ٴساتتى باستالۋى ەكونوميكانى ورنىقتىرۋ ساياساتىنىڭ ۇزدىكسىز كۇش سالۋىنىڭ، تۇتىنۋدى جەبەۋ قيمىلىندا دالمە ـ ٴدال شارا قولدانىلۋىنىڭ، سونداي ـ اق تۇرعىنداردىڭ كىرىسىنىڭ ورنىقتى جوعارىلاۋىنىڭ ارقاسى ەكەن. كەلەسى قادامدا اۆتونوميالى رايوننىڭ ساۋدا ىستەرى تاراۋلارى نازاردى جاسىل، زەردەلى وتباسى ەلەكتر جابدىقتارىن اۋىل ـ قىستاققا جەتكىزۋ، جاڭا ەنەرگيالى اۆتوكولىكتەردىڭ ساتىلۋىن جەبەۋ سياقتى سالالارعا شوعىرلاندىرىپ، تۇتىنۋ كومەسكى كۇشىن ونان ارى جارىققا شىعارىپ، ەكونوميكانىڭ جاقسارۋ نەگىزىن بەكەمدەيدى.
