ەركىن تۇنياز ٴتۇيىندى قىزمەتتەردى ىلگەرىلەتۋ جونىندە تەكسەرۋ ـ زەرتتەۋ جۇرگىزدى
نازاردى جوعارى ساپالى دامۋعا شوعىرلاندىرىپ، الدىمەن ويلاپ، الدا ٴجۇرىپ، الدىمەن ىستەۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 3 ـ ايدىڭ 26 ـ كۇنى ۇرىمجىدەن حابارلايدى. 3 ـ ايدىڭ 26 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز مەملەكەتتىك ەكى ٴماجىلىستىڭ رۋحىن دايەكتىلەندىرۋ، تياناقتاندىرۋ، جوعارى ساپالى دامۋدى ىلگەرىلەتۋ ٴتۇيىندى قىزمەتتەرىن ناقتى يگەرۋ، ويداعىداي يگەرۋ جونىندە تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىنا ساي الدىمەن ويلاۋعا، الدا جۇرۋگە، الدىمەن ىستەۋگە تاباندى بولىپ، جاۋاپكەرشىلىكتى، جاۋاپكەرشىلىك ارقالاۋدى اناعۇرلىم كۇشەيتىپ، ٴتۇرلى قىزمەتتى تاباندىلىقپەن ناقتى يگەرىپ، يگەرۋ ارقىلى ناتيجە شىعارۋ كەرەك.
اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى جاڭ جۋ تەكسەرۋ ـ زەرتتەۋگە قاتىناستى.
ەركىن تۇنياز اۆتونوميالى رايوندىق اۋا رايى مەكەمەسىنە بارىپ، اۋا رايىن باقىلاۋ ـ ولشەۋ، الدىن الا مالىمەت بەرۋ، ساقتاندىرۋ، كەڭەس مەحانيزمى، اۋا رايى + ەكونوميكالىق، قوعامدىق دامۋعا قۋات ۇستەۋ سياقتى جاعدايلاردى ۇعىستى. ول تاعى شينجياڭ جاساندى جولمەن اۋا رايىنا ىقپال ەتۋ كەڭسەسىنە بارىپ، جاساندى جولمەن اۋا رايىنا ىقپال ەتۋ قىزمەتىنىڭ جانە شينجياڭ كەڭىستىك بۇلت سۋ بايلىعىن اشۋدا جانە ودان پايدالانۋدا جاڭالىق اشۋدى زەرتتەۋ ورنىنىڭ قىزمەت جاعدايىن ۇعىستى. ەركىن تۇنياز بىلاي دەدى: كەڭەس مەحانيزمىن ونان ارى كەمەلدەندىرىپ، اۋا رايى وزگەرىسىن ٴجىتى قاداعالاپ، سۋ يگىلىگى، قاتىناس، جاراتىلىستىق بايلىق، شۇعىل جاعدايعا توتەپ بەرۋدى باسقارۋ، اۋىل شارۋاشىلىعى، اۋىل ـ قىستاق، مادەنيەت ـ ساياحات سياقتى تاراۋلارمەن سايكەسە بىرگە ارەكەتتەنۋدى كۇشەيتىپ، اپاتتان جان ـ جاقتى الدىن الا مالىمەت بەرۋگە، ساقتاندىرۋعا قىزمەت وتەۋ قابىلەتىن جوعارىلاتۋ كەرەك. نەگىزدىك قۇرىلعىلار قۇرىلىسىن جەدەلدەتىپ، عىلىم ـ تەحنولوگيادا جاڭالىق اشۋ ارقىلى تىرەك بولۋدى كۇشەيتىپ، نەگىزگى ساتى اۋا رايى ستانسياسىمەن قامتۋ سالىستىرماسىن جوعارىلاتىپ، اسىرەسە، ەنەرگيا، مادەنيەت ـ ساياحات، قاتىناس سياقتى ٴتۇيىندى سالالارعا اۋا رايى جاعىنان قىزمەت وتەۋدى تەرەڭدەتىپ، جاساندى جولمەن سۋ مولايتۋدىڭ الدىڭعى لەكتىك جانە وزەكتى تەحنولوگياسىنان قامال الۋدى جەدەل ورىستەتىپ، سۋ بايلىعىن مولايتۋ، تولىقتاۋ كەڭىستىگىن اشىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا جان ـ جاقتى اۋا رايى قىزمەت وتەۋ تىرەگىن ازىرلەۋ كەرەك.
ٴۇرىمجى حالىقارالىق اۋەجايى سولتۇستىك اۋەجاي تەرمينالىندا ەركىن تۇنياز ۇشاققا شىعۋ راسمياتىن ٴبىتىرۋ اۋماعى، ەل ٴىشى جولاۋشىلارى حاۋىپسىزدىك تەكسەرۋ اۋماعى، جۇكتەردى ٴبولۋ اۋماعى، كەشەندى قاتىناس ورتالىعى سياقتى وڭىرلەرگە ناقتى ورىندا تەكسەرۋ جۇرگىزىپ، كوشۋ ـ پايدالانۋعا بەرۋ دايىندىق جاعدايىن جانە كەزەكتە قىزمەتتە ورىن تەۋىپ وتىرعان ٴتۇيىندى، قيىن ماسەلەلەردى ۇعىستى. ول مىنالاردى ٴبىلدىردى: قاتىستى تاراۋلار، ورىندار جۇمىس مەرزىمىن كەرى ساناۋ بويىنشا ورنالاستىرىپ، ٴتۇرلى قىزمەتتى ٴبىر ـ بىردەن ىلگەرىلەتىپ، ماسەلەلەردى، كومەسكى كىناراتتاردى جاپپاي اداقتاپ، جول باستاۋ بەلگىسى، تاس جول ـ قاتىناس، ەلەكتر قۋاتى، حابارلاسۋ سياقتى نەگىزدىك قۇرىلعىلاردى ٴۇرتىس كەمەلدەندىرىپ، نازىك بۋىنداردا كۇش سالىپ، جولاۋشىلارعا قىزمەت وتەۋ ٴتارتىبىن اناعۇرلىم ساپالىلاندىرۋى كەرەك. اۋەجاي سىرتىنداعى جول تورى جانە سايكەستى قۇرىلعىلار قۇرىلىسىن مىقتى يگەرىپ، كەشەندى قاتىناس جاعىنداعى اۋىسىپ وتىرۋدى جىكسىز جالعاستىرۋدى جۇزەگە اسىرىپ، اۋەجايدىڭ كەشەندى قىزمەت وتەۋ قامتاماسىزدىعىن جوعارىلاتۋ كەرەك. ەل ٴىشى ـ سىرتىنىڭ كوشۋ جاعىنداعى وزىق تاجىريبەلەرىنەن ۇلگى الىپ، اۋەجاي تەرمينالىن پايدالانۋعا بەرۋ، اۆياتسيا سەرىكتەستىگىنىڭ اۋەجايدا كوشۋى سياقتىلاردى ارقاۋ ەتە وتىرىپ باعىتتامالى حاۋىپسىزدىك شارالارىن جاساپ، شۇعىل جاعدايعا توتەپ بەرۋ جاتتىعۋىن ويداعىداي ورىستەتىپ، حاۋىپسىز پايدالانۋعا بەرۋگە، تيتتەي دە اعاتتىق جىبەرمەۋگە شىنايى كەپىلدىك ەتۋ كەرەك. ۇگىتتەۋ، جەتەكشىلىك ەتۋ قىزمەتىن الدىن الا ىستەپ، گازەت، تەلەۆيزيا، راديو جانە جاڭا مەديا تۇعىرى ارقىلى ينفورماتسيالاردى دەر كەزىندە جاريالاپ، بۇقارانىڭ سولتۇستىك اۋەجاي تەرمينالىنىڭ جۇمىس جۇرگىزۋ ورتاسىن جانە ۇشاققا وتىرۋ بارىسىن دالمە ـ ٴدال بىلۋىنە مۇمكىندىك جاساۋ كەرەك.
ەركىن تۇنياز جۇڭگو ماقتا، ماقتا ٴجىپ ساۋدا ورتالىعىنا بارىپ، ورتالىقتىڭ جۇمىس جۇرگىزۋ جانە ٴتۇيىندى قىزمەتتەردى ىلگەرىلەتۋ جاعدايىن ۇعىستى ٴارى اڭگىمە ٴماجىلىسىن باسقارىپ اشتى. ول بىلاي دەدى: شينجياڭدا مەملەكەت دارەجەلى ماقتا، ماقتا ٴجىپ ساۋدا ورتالىعىن قۇرۋ شينجياڭنىڭ ماقتا جانە توقىماشىلىق، كيىم ـ كەشەك كاسىپ سالاسى شوعىرى دامۋىن ىلگەرىلەتۋ، ەلىمىزدىڭ ماقتا، توقىماشىلىق كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن قورعاۋ جونىنەن ماڭىزدى ٴمان الادى. قاتىستى تاراۋلار دەڭگەيدى ونان ارى جوعارىلاتىپ، ”ساياسي ەسەپتى“ شىن مانىندە ويداعىداي جاساپ، ويدى ٴبىر جەرگە شوعىرلاندىرىپ، كۇشتى ٴبىر جەرگە جۇمساپ، باتىلدىقپەن جاۋاپكەرشىلىك ارقالاپ ىسكەرلىك كورسەتىپ، نەگىزگى قايشىلىقتاردى يگەرىپ، كورنەكتى ماسەلەلەردى شەشىپ، ساۋدا ورتالىعىنىڭ ناقتى جۇمىس جۇرگىزۋىن بار كۇشپەن ىلگەرىلەتۋى كەرەك. ۇيرەنشىكتى ويدان ارىلىپ، يدەيانى بەلسەنە ازات ەتىپ، ىستەۋدى ماڭداي الدى ورىنعا قويىپ، الدىمەن اتقارىپ، الدىمەن سىناق ەتىپ، ماقتا ساۋدا ۇلگىسىندە بەلسەنە جاڭالىق اشىپ، تۇعىر باسىمدىعىن كۇش سالا تۇلعالاپ، دامۋدىڭ ساپاسىن، ونىمدىلىگىن جوعارىلاتىپ، ماقتا، ماقتا ٴجىپ ساۋداسىنىڭ اناعۇرلىم جوعارى ٴونىمدى، بازاردىڭ اناعۇرلىم جاريا بولۋىنا مۇمكىندىك جاساۋ كەرەك.
مۇقيات جارمۇقامەت، جين جىجىن، حا زىڭيوۋ قاتارلىلار جەكە ـ جەكە تەكسەرۋ ـ زەرتتەۋگە قاتىناستى.
