انار بۇلت \ شينجياڭ گازەتىنىڭ ٴتىلشىسى جاڭ لەي 3 ـ ايدىڭ 26 ـ كۇنى ۇرىمجىدەن حابارلايدى. 3 ـ ايدىڭ 26 ـ كۇنى تۇستەن بۇرىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 19 ـ ٴماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى جانە ٴسوز سويلەدى.
تۇراقتى كوميتەت قۇرامىنداعىلاردان 55 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ٴماجىلىس اۆتونوميالى رايوننىڭ ساندى مالىمەت ەرەجەسىن، اۆتونوميالى رايوننىڭ ەگىنجاي سۋ يگىلىگى ەرەجەسىن، اۆتونوميالى رايوننىڭ ازامات جاسىنا تولماعانداردىڭ قىلمىس وتكىزۋىنەن ساقتانۋ ەرەجەسىن، اۆتونوميالى رايوننىڭ ماناس بەيزاتتىق مادەنيەت مۇراسىن قورعاۋ ەرەجەسىن داۋىسقا سالىپ ماقۇلدادى.
ٴماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ ٴۇرىمجى قالالىق حالىق قۇرىلتايى تۇراقتى كوميتەتىنىڭ «ٴۇرىمجى قالاسىنىڭ رەليستى قاتىناستى باسقارۋ ەرەجەسىن» تۇزەتۋ جونىندەگى قاۋلىسىن، ىلە قازاق اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ ەرەجە شىعارۋ ەرەجەسىن، سانجى حۇيزۋ اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ ەرەجە شىعارۋ ەرەجەسىن، سانجى حۇيزۋ اۆتونوميالى وبلىسىنىڭ بەيتيڭ بايىرعى قالاسىنىڭ ەسكى جۇرتىن قورعاۋ ەرەجەسىن، بۇراتالا موڭعۇل اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ ەرەجە شىعارۋ ەرەجەسىن، بايىنعولين موڭعۇل اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ ەرەجە شىعارۋ ەرەجەسىن، بايىنعولين موڭعۇل اۆتونوميالى وبلىستىق حالىق قۇرىلتايىنىڭ «بايىنعولين موڭعۇل اۆتونوميالى وبلىسىنىڭ جەكەلەر باسقارۋىنداعى شارۋاشىلىقتىڭ دامۋىن جەبەۋ جانە ونى قورعاۋ ەرەجەسى» سياقتى 4 جەكە ەرەجەنى كۇشىنەن قالدىرۋ جونىندەگى قاۋلىسىن، قىزىلسۋ قىرعىز اۆتونوميالى وبلىستىق حالىق قۇرىلتايى جانە ونىڭ تۇراقتى كوميتەتىنىڭ زاڭ ەرەجە شىعارۋ ەرەجەسىن، قىزىلسۋ قىرعىز اۆتونوميالى وبلىستىق حالىق قۇرىلتايىنىڭ ٴىس قاراۋ ەرەجەسىن، يانجي حۇيزۋ اۆتونوميالى اۋدانىنىڭ وركەنيەتتى ارەكەتتەردى جەبەۋ ەرەجەسىن، تاشقورعان تاجىك اۆتونوميالى اۋدانىنىڭ تاسقورعان ەسكى جۇرتىن قورعاۋ ەرەجەسىن، شاپشال سىبە اۆتونوميالى اۋداندىق حالىق قۇرىلتايىنىڭ ٴىس قاراۋ ەرەجەسىن، شاپشال سىبە اۆتونوميالى اۋدانىنىڭ اۋىل سالتى وركەنيەتىن جەبەۋ ەرەجەسىن، شاپشال سىبە اۆتونوميالى اۋداندىق حالىق قۇرىلتايىنىڭ «شاپشال سىبە اۆتونوميالى اۋدانىنىڭ ٴدىن جاراسىمدىلىعىن جەبەۋ ەرەجەسىن»، «شاپشال سىبە اۆتونوميالى اۋدانىنىڭ ۇلتتار ىنتىماعىن جەبەۋ ەرەجەسىن» كۇشىنەن قالدىرۋ جونىندەگى قاۋلىسىن، باركول قازاق اۆتونوميالى اۋداندىق حالىق قۇرىلتايىنىڭ «باركول قازاق اۆتونوميالى اۋدانىنىڭ سازدى جەرلەردى قورعاۋ ەرەجەسىن» كۇشىنەن قالدىرۋ قاۋلىسىن بەكىتۋ جونىندەگى قاۋلىسىن داۋىسقا سالىپ ماقۇلدادى.
ٴماجىلىس ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى باياندامانى، اۆتونوميالى رايوندىق حالىق قۇرىلتايى تۇراقتى كوميتەتىنىڭ تاڭاتار كەرىماقىننىڭ اۆتونوميالى رايوندىق 14 ـ كەزەكتى حالىق قۇرىلتايى قورشاعان ورتا جانە بايلىقتى قورعاۋ كوميتەتىنىڭ مەڭگەرۋشى مۇشەسى مىندەتىنەن بوساۋ جانە ياۋ چياڭنىڭ اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ مۇشەسى مىندەتىنەن بوساۋ ٴوتىنىشىن قابىلداۋ جونىندەگى قاۋلىسىن، سونداي ـ اق كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.
ماجىلىستە اۆتونوميالى رايوننىڭ جاڭادان تاعايىندالعان مەملەكەت قىزمەتكەرلەرىنە مىندەتكە تاعايىنداۋ كۋالىگى بەرىلدى ٴارى نەگىزگى زاڭ الدىندا سەرت بەرۋ سالتى وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ ميڭشان، لي نيڭپيڭ، توحتى ياقۇپ، ٴدىلشات قىدىرقان، پيڭ شينلاي، ۋاڭ گوحى، ٴمامتىمىن قادىر، باس حاتشى ۋاڭ جياڭ ماجىلىسكە قاتىناستى.
اۆتونوميالى رايوننىڭ ورىنباسار ٴتوراعاسى قايسار ابدۇكەرىم، اۆتونوميالى رايوندىق جوعارى حالىق سوتى مەكەمەسىنىڭ باستىعى ٴدىلشات سايىم، اۆتونوميالى رايوندىق باقىلاۋ ـ تەكسەرۋ كوميتەتىندەگى، اۆتونوميالى رايوندىق حالىق پروكۋراتۋراسىنداعى قاتىستى جاۋاپتى جولداستار، ت. ب ماجىلىسكە سىرتتاي قاتىناستى.
ماجىلىستەن كەيىن «جاڭادان وزگەرىس ەنگىزىلگەن ۋاكىلدەر زاڭىن ىشكەرىلەي ۇيرەنىپ، دايەكتىلەندىرىپ، جاڭا داۋىردە حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋ» تاقىرىبىندا لەكسيا جاسالدى.
3 ـ ايدىڭ 25 ـ كۇنى تۇستەن كەيىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 51 ـ رەتكى مەڭگەرۋشىلەر ٴماجىلىسى تۇراقتى كوميتەت ٴماجىلىسىنىڭ ٴتۇرلى كەڭەستىك تاقىرىپتاردى قاراۋ جاعدايى جونىندەگى مالىمەتتى تىڭداپ، تۇراقتى كوميتەت جالپى ماجىلىسىندە داۋىسقا سالۋعا تاپسىرىلاتىن كەڭەستىك جوبالاردى بەكىتتى.
