اۋىل شارۋاشىلىعىندا قۋاتتى رايون قۇرىلىسىندا ۇزدىكسىز جاڭا جاعداي اشۋ كەرەك

بۇكىل شينجياڭنىڭ 2025 ـ جىلعى كوكتەمگى اۋىل شارۋاشىلىعى ٴوندىرىسى قىزمەتى ٴماجىلىسى اشىلدى

اۋىل شارۋاشىلىعىندا قۋاتتى رايون قۇرىلىسىندا ۇزدىكسىز جاڭا جاعداي اشۋ كەرەك

　　انار بۇلت \ شينجياڭ گازەتىنىڭ ٴتىلشىسى ليۋ ي 3 ـ ايدىڭ 26 ـ كۇنى كورلادان حابارلايدى. 3 ـ ايدىڭ 26 ـ كۇنى بۇكىل شينجياڭنىڭ 2025 ـ جىلعى كوكتەمگى اۋىل شارۋاشىلىعى ٴوندىرىسى قىزمەتى ٴماجىلىسى كورلا قالاسىندا اشىلدى. ٴماجىلىس بيىل كوكتەمگى اۋىل شارۋاشىلىعى ٴوندىرىسى جاعدايىنا تالداۋ جاساپ، جەر ـ جەردىڭ تاجىريبەلەرىن، ادىستەرىن قورىتىندىلاپ، اۋىس ـ كۇيىس جاساپ، كوكتەمگى اۋىل شارۋاشىلىق ٴوندىرىسى جانە اۋىل شارۋاشىلىعى، اۋىل ـ قىستاق ٴتۇرلى ٴتۇيىندى قىزمەتتەرى جونىندە جۇمىلدىرىپ، ورنالاستىرۋ جاسادى.

　　اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن ماجىلىسكە قاتىناستى ٴارى ٴسوز سويلەدى.

　　ماجىلىسكە قاتىناسقاندار بايىنعولين موڭعۇل اۆتونوميالى وبلىسىنداعى، بيڭتۋان 2 ـ شىسىنداعى 5 اۋىل شارۋاشىلىعى ٴوندىرىس ورنىن كوزدەن كەشىردى. بايىنعولين وبلىسى، بيڭتۋان 2 ـ شىسى، ىلە قازاق اۆتونوميالى وبلىسى، قاشقار ايماعى پىكىر اۋىستىرىپ ٴسوز سويلەدى.

　　ٴماجىلىس مىنالاردى اتاپ كورسەتتى: قازىر كوكتەمگى ەگىسكە دايىندالۋدىڭ التىن مەزگىلى، كوكتەمگى اۋىل شارۋاشىلىعى ٴوندىرىسىنىڭ ٴتۇرلى قىزمەتىن ەرتە باستان يگەرىپ، اۋىل شارۋاشىلىعىنىڭ جالپىلىق ونىمدىلىگىن جانە باسەكەلىك قۋاتىن ۇزدىكسىز جوعارىلاتۋ كەرەك.

　　ٴماجىلىس مىنالاردى باسا دارىپتەدى: جەر ـ جەر كوپ ٴتۇرلى شارانى قاتار قولدانىپ، استىق، ماي ٴوندىرىس مىندەتىن تياناقتاندىرىپ، كوپ تۇيىننەن كۇش سالۋ ارقىلى بىرلىك ٴونىمدى جوعارىلاتۋ تەحنولوگياسىن جالپىلاستىرىپ، ماقتا ٴوندىرىسىنىڭ ورنالاسۋىن ۇزدىكسىز ساپالىلاندىرىپ، كوكتەمگى اتىز باسقارۋدى مۇقيات ويداعىداي يگەرىپ، اۋىل شارۋاشىلىعى ٴوندىرىسى قۇرال ـ جابدىقتارىمەن قامداۋدى قامتاماسىز ەتۋدى بار كۇشپەن ويداعىداي ىستەپ، 2 ـ كەزەكتەگى جەردى كوتەرمەگە الۋ مەرزىمى تولعان سوڭ تاعى دا ۇزارتىپ كوتەرمەگە بەرۋدى تۇيىندەردە سىناق ەتۋدى ورنىقتى ورىستەتىپ، شوعىرلى وڭاۋدى تىڭعىلىقتى ىلگەرىلەتىپ، كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ دەڭگەيىن شىن مانىندە جوعارىلاتىپ، ەگىس ۋاقىتىن زايا جىبەرمەي كوكتەمگى اۋىل شارۋاشىلىعى ٴوندىرىسى ىرىقتى شايقاسىن ويداعىداي جۇرگىزۋ كەرەك.

　　ٴماجىلىس مىنالاردى باسا دارىپتەدى: نازاردى قيىن تۇيىندەرگە شوعىرلاندىرىپ، بوگەتتى تۇيىندەردى اشىپ، مال شارۋاشىلىعىنىڭ تيبىن جاڭالاپ دارەجەسىن ٴوسىرۋدى كۇش ۇستەپ ىلگەرىلەتىپ، اۋىل شارۋاشىلىعى ونىمدەرىن وڭدەۋ كاسىبىن بار كۇشپەن دامىتىپ، قالا مەن اۋىلدىڭ توعىسا دامۋىن ىلگەرىلەتىپ، اۋىل شارۋاشىلىعى عىلىم ـ تەحنولوگياسى دەڭگەيىن كۇشتى شوعىرلاندىرا وتىرىپ جوعارىلاتىپ، جوعارى ولشەمدى ەگىنجاي قۇرىلىسىن جوعارى ساپالى ىلگەرىلەتىپ، شارۋالاردىڭ كىرىستى ٴۇرتىس ارتتىرۋىن جەبەپ، اۋىل شارۋاشىلىعىنىڭ جوعارى ساپالى دامۋىن جەدەل ىلگەرىلەتۋ كەرەك.

　　مۇقيات جارمۇقامەت، ۋاڭ گاڭ، لي يۇڭحۇڭ ماجىلىسكە قاتىناستى.