انار بۇلت \ شينجياڭ گازەتىنىڭ ٴتىلشىسى گو ليڭ 3 ـ ايدىڭ 26 ـ كۇنى ۇرىمجىدەن حابارلايدى. 3 ـ ايدىڭ 26 ـ كۇنى اۆتونوميالى رايوندىق وقۋ ـ اعارتۋ مەڭگەرمەسى شۇعىل جاعدايعا توتەپ بەرۋدى باسقارۋ مەڭگەرمەسى، قوعام حاۋىپسىزدىگى مەڭگەرمەسى، ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ باس اترەتى، جەر سىلكىنىسى مەكەمەسى سياقتى تاراۋلارمەن بىرلەسىپ ٴۇرىمجى قالالىق 15 ـ ورتا مەكتەپتە شينجياڭ 30 ـ رەتكى مەملەكەتتىك ورتا، باستاۋىش مەكتەپ وقۋشىلارى حاۋىپسىزدىك تاربيە كۇنى قيمىلىن باستاۋ سالتىن وتكىزدى.
باستاۋ سالتىندا جەر سىلكىنىسىنەن ساقتانۋ، اپات شىعىنىن ازايتۋ، ٴورت ٴسوندىرۋ، ورتتەن ساقتانۋ حاۋىپسىزدىگى، قاتىناس حاۋىپسىزدىگى، سۋعا تۇنشىعۋدان ساقتانۋ، باستىرىلۋدان ساقتانۋ سياقتى مازمۇندار ۇگىتتەلىپ، جالپىلاستىرىلىپ، ۇگىت تاربيەسى جانە بىتىراتۋ جاتتىعۋى ورىستەتىلىپ، ورتا، باستاۋىش مەكتەپ وقۋشىلارىنىڭ حاۋىپسىزدىك تانىمى جانە ٴوزىن قورعاۋ قابىلەتى اناعۇرلىم جوعارىلاتىلىپ، ورتا، باستاۋىش مەكتەپ وقۋشىلارىنىڭ ٴومىرىنىڭ اقاۋسىزدىعىنا، حاۋىپسىزدىگىنە شىنايى كەپىلدىك ەتىلدى.
”ٴبىز ناقتى قولدانىلمالى ٴوزىن قۇتقارۋ شەبەرلىگىن يگەردىك ٴارى جاقىن دوستارىما حاۋىپسىزدىك بىلىمدەرىن جالپىلاستىرامىن“، ـ دەدى ٴانسار ٴازراتومار.
ٴۇرىمجى قالالىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ تارماق اترەتى جاڭا قالا رايوندىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ ۇلكەن اترەتى ۋىنگۋاڭ جولى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ پۋنكتىنىڭ باستىعى سۇن حۇڭدا تانىستىرىپ بىلاي دەدى: بەلگىلى ۋاقىتتا ٴتۇرلى حاۋىپسىزدىك تاربيە قيمىلىن ورىستەتىپ، ورتا، باستاۋىش مەكتەپ وقۋشىلارى ٴۇشىن بەرىك حاۋىپسىزدىك قالتقىسىن ورناتامىز.
قيمىل باستالعان سوڭ، جەر ـ جەردىڭ قاتىستى تاراۋلارى وقۋشىلاردىڭ تانىم ەرەكشەلىگىمەن بىرلەستىرىپ ۇستىندە سەزىنۋ، ىقپالداستىق اۋىس ـ كۇيىس جاساۋ، جاعدايعا ەلىكتەۋ، دىبىس ـ بەينە جازبالارىن قويۋ قاتارلى فورمالارمەن ٴورت ٴسوندىرۋ، ورتتەن ساقتانۋ حاۋىپسىزدىگى، قاتىناس حاۋىپسىزدىگى، ازىق ـ تۇلىك حاۋىپسىزدىگى، قاتەرلى حيميالىق بۇيىمدار حاۋىپسىزدىگى جانە سۋعا تۇنشىعۋدان ساقتانۋ، جىنىستىق سۇعاناقتىق جاساۋدان ساقتانۋ سياقتى ٴتۇرلى حاۋىپسىزدىك نەگىزگى تاقىرىبىن ارقاۋ ەتىپ، باي مازمۇندى، الۋان ٴتۇرلى قيمىل ورىستەتىپ، ويىن ارقىلى تاربيەلەپ، تاربيە قيمىلىنىڭ جاندىلىعىن، قىزىقتىلىعىن جانە سەزىنۋ اسەرىن كۇشەيتتى ٴارى وقۋشىلار ارقىلى وتباسىن جەتەكتەپ، ٴتۇرلى حاۋىپسىزدىك ساقتانۋ بىلىمدەرىن جۇرت جۇرەگىنە تەرەڭ ۇيالاتتى.
