ما شيڭرۇي اۆتونوميالى رايوندىق عىلىم ـ تەحنولوگيا مەڭگەرمەسىندە جانە دەنساۋلىق ساقتاۋ، سالاماتتىق كوميتەتىندە تەكسەرۋ ـ زەرتتەۋ جۇرگىزدى
شينجياڭ ەرەكشەلىگىنە يە عىلىم ـ تەحنولوگيادا قۋاتتى رايون جولىمەن جۇرۋگە قۇلشىنىپ، ەمدەۋ ـ دەنساۋلىق ساقتاۋ بويىنشا قىزمەت وتەۋ جانە قامتاماسىزداندىرۋ قابىلەتىن ۇزدىكسىز جوعارىلاتۋ كەرەك
3 - ايدىڭ 28 - كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق عىلىم - تەحنولوگيا مەڭگەرمەسىنە، اۆتونوميالى رايوندىق دەنساۋلىق ساقتاۋ، سالاماتتىق كوميتەتىنە بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي اۆتونوميالى رايوندىق عىلىم - تەحنولوگيا مەڭگەرمەسىندە شينجياڭنىڭ عىلىم - تەحنولوگيادا جاڭالىق اشۋ قىزمەتى جونىندەگى تانىستىرۋدى تىڭداپ، ءتۇيىندى عىلىم - تەحنولوگيا جەتىستىكتەرى مەن كەلەلى عىلىم - تەحنولوگيا مىندەتتەرىنىڭ ىلگەرىلەتىلۋ جاعدايىن ەگجەي - تەگجەيلى ۇعىستى.
□ سۋرەتتى انار بۇلت\ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 28 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 3 ـ ايدىڭ 28 ـ كۇنى اۆتونوميالى رايوندىق عىلىم ـ تەحنولوگيا مەڭگەرمەسىنە جانە دەنساۋلىق ساقتاۋ، سالاماتتىق كوميتەتىنە بارىپ تەكسەرۋ ـ زەرتتەۋ جۇرگىزىپ، بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭنىڭ جوعارى ساپالى دامۋ قاجەتىن تىعىز ارقاۋ ەتىپ، ٴار ۇلت بۇقاراسىنىڭ سالاماتتىق قاجەتىنە سايكەسىپ، اناعۇرلىم جوعارى دەڭگەيدە جانە اناعۇرلىم كەڭ كوز ايادا عىلىم ـ تەحنولوگيادا قۋاتتى رايون قۇرىلىسىن ىلگەرىلەتىپ، ەمدەۋ ـ دەنساۋلىق ساقتاۋ بويىنشا قىزمەت وتەۋ جانە قامتاماسىزداندىرۋ قابىلەتىن جالپى بەتتىك جوعارىلاتىپ، شينجياڭنىڭ ەكونوميكاسىنىڭ، قوعامىنىڭ دامۋىنا جانە حالىق تۇرمىسىن جاقسارتۋعا تىڭ دا اناعۇرلىم زور ۇلەس قوسۋ كەرەك.
اۆتونوميالى رايوندىق عىلىم ـ تەحنولوگيا مەڭگەرمەسىندە ما شيڭرۇي شينجياڭنىڭ عىلىم ـ تەحنولوگيادا جاڭالىق اشۋ قىزمەتى جونىندەگى تانىستىرۋدى تىڭداپ، ٴتۇيىندى عىلىم ـ تەحنولوگيا جەتىستىكتەرى مەن كەلەلى عىلىم ـ تەحنولوگيا مىندەتتەرىنىڭ ىلگەرىلەتىلۋ جاعدايىن ەگجەي ـ تەگجەيلى ۇعىسىپ، شينجياڭنىڭ عىلىم ـ تەحنولوگيادا قۋاتتى رايون قۇرۋ وي جەلىسىن، شارالارىن ارقاۋ ەتىپ، قاتىستى جاۋاپتى جولداستارمەن ىشكەرىلەي اڭگىمەلەستى. ول بىلاي دەپ باسا دارىپتەدى: شينجياڭ وزىندىك بايلىق ارتىقشىلىعى مەن كاسىپ سالاسى شارت ـ جاعدايىن تياناق ەتىپ، قولدانىلمالى تەحنولوگيادا جاڭالىق اشۋدى ٴتۇيىندى دامىتۋى كەرەك. ”ون ٴىرى كاسىپ سالاسى شوعىرى“ قۇرىلىسى سياقتى ٴتۇيىندى سالالارمەن، ٴسوز جوق، تىعىز بايلانىستىرىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭدەي توعىسۋىن ىلگەرىلەتىپ، جەرگىلىكتى جاعدايعا قاراي ىستەپ، جاڭاشا وندىرگىش كۇشتەردى جەتىلدىرۋى، دامىتۋى كەرەك. عىلىم ـ تەحنولوگيادا جاڭالىق اشۋدى ىلگەرىلەتۋدىڭ تەتىگى كاسىپ سالاسىنىڭ دامۋ قاجەتىنە دالمە ـ ٴدال ۇيلەسەتىن، شينجياڭنىڭ باسىمدىعىن، ەرەكشەلىگىن ايگىلەيتىن، بىرەۋى ارقىلى ٴبارىن يگەرەتىن ٴبىر توپ عىلىم ـ تەحنولوگيا نىساندارىن جوسپارلاپ اتقارۋدا. ستراتەگيالىق، بولجامپازدىق زەرتتەۋدى كۇشەيتىپ، باسىمدىققا يە بايلىق كۇشىن شوعىرلاندىرىپ، شەشۋشى، وزەكتى تەحنولوگيالاردان قامال الۋدا تىڭ تابىستارعا قول جەتكىزۋدى نىسانالى تۇردە ىلگەرىلەتۋى كەرەك. عىلىم ـ تەحنولوگيانى دامىتۋ قارجىسىنىڭ ورنىقتى ارتۋ مەحانيزمىن زەرتتەپ، كەمەلدەندىرىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، جوعارى مەكتەپتەر مەن ٴتۇرلى عىلمي زەرتتەۋ ورىندارىنىڭ بەلسەندىلىگىن جۇمىلدىرىپ، جوعارى دەڭگەيدەگى عىلمي زەرتتەۋ تۇعىرلارى مەن جوعارى، جاڭا تەحنولوگيالىق كاسىپورىنداردى زور كۇشپەن جەتىلدىرىپ، دامىتىپ، ٴتۇرلى شارۋاشىلىق تۇلعالارىن زەرتتەۋ ـ اشۋ ۇسىنىلىمىن ارتتىرۋعا جەتەكتەپ، جاڭالىق اشۋ قورىنىڭ جەدەل توپتالۋى، جاڭالىق اشۋ ومىرشەڭ كۇشىنىڭ جارىسا جاندانۋى، جاڭالىق اشۋ تابىستارىنىڭ ۇزدىكسىز جارىققا شىعۋى سىندى جاندى جاعدايدى قالىپتاستىرۋ كەرەك. تەكسەرۋ ـ زەرتتەۋ بارىسىندا ما شيڭرۇي عىلىم ـ تەحنولوگيا مەڭگەرمەسىنىڭ قاتىستى باسقارما ـ كەڭسەلەرىنىڭ جۇمىس جۇرگىزۋ جاعدايىن تەكسەرىپ كوردى. ول بىلاي دەپ باسا دارىپتەدى: رەفورما تانىمىن شىنايى كۇشەيتىپ، رەفورمانى تەرەڭدەتۋ ارقىلى قوزعالىس قۋاتىن، ومىرشەڭ كۇشتى ۇزدىكسىز قاۋلاتىپ، باسشىلىق القا قۇرىلىسىن كۇشەيتىپ، ٴارقايسى ايماق، وبلىس، قالالاردىڭ قىزمەتىنە جەتەكشىلىك ەتۋ مەن ٴار جاقتاعى بايلانىس جاساۋدى، بىرلەسىپ قيمىلداۋدى كۇشەيتىپ، عىلىم ـ تەحنولوگيادا جاڭالىق اشۋدى جۇيەلى ىلگەرىلەتۋ كەرەك. عىلىم ـ تەحنولوگيا جۇيەسىندەگى باسشى كادرلار ۇيرەنۋ قابىلەتىن جوعارىلاتىپ، وي ٴورىستى كەڭەيتىپ، كوز ايانى اشىپ، مەملەكەتتىڭ عىلىم ـ تەحنولوگيادا جاڭالىق اشۋ قىزمەتتەرىنىڭ ورنالاسۋىن جانە ەلىمىز ٴىشى ـ سىرتىنداعى عىلىم ـ تەحنولوگيانىڭ، كاسىپ سالاسىنىڭ دامۋ بەتالىسىن يگەرۋگە شەبەر بولىپ، شينجياڭنىڭ جاڭالىق اشۋداعى قاجەتىن كوزدە ۇستاپ، قىزمەتتەردى ىشكەرىلەي جوسپارلاپ، ىلگەرىلەتىپ، شينجياڭ ەرەكشەلىگىنە يە عىلىم ـ تەحنولوگيادا قۋاتتى رايون جولىمەن جۇرۋگە قۇلشىنۋ كەرەك.
اۆتونوميالى رايوندىق دەنساۋلىق ساقتاۋ، سالاماتتىق كوميتەتىندە ما شيڭرۇي اۆتونوميالى رايوندىق جۇڭي شيپاگەرلىگىن ـ دارىگەرلىگىن باسقارۋ مەكەمەسى، دەنساۋلىق ساقتاۋ ورتالىعى سياقتى ورىنداردى تەكسەرىپ كورىپ، سونداي ـ اق دەنساۋلىق ساقتاۋ، سالاماتتىق كوميتەتىنىڭ قىزمەت تانىستىرۋىن تىڭداپ، قاتىستى باسقارما ـ كەڭسەلەرىنە كىرىپ جاعدايدى ىشكەرىلەي ۇعىستى. ول بىلاي دەپ باسا دارىپتەدى: تۇتاس شينجياڭنىڭ ەمدەۋ بايلىعىنىڭ بىركەلكى ورنالاسۋىن زور كۇشپەن ىلگەرىلەتىپ، ەمدەۋگە قىزمەت وتەۋ قابىلەتى ٴالسىز ايماق، وبلىس، قالالارداعى شيپاحانالارعا كومەكتەسۋ ـ سۇيەمەلدەۋ، جەتەكشىلىك ەتۋ سەرپىنىن ارتتىرىپ، نەگىزگى الەۋمەتتىك دەنساۋلىق ساقتاۋ بويىنشا قىزمەت وتەۋدىڭ قول جەتىمدىلىگىن، ادىلدىگىن جانە قىزمەت وتەۋ ساپاسىن جوعارىلاتىپ، ٴار ۇلت بۇقاراسىنىڭ حالىق تۇرمىسى قۇت ـ ىرىسىن ارتتىرۋ كەرەك. شينجياڭنىڭ ٴىس جۇزىندىگىنە اناعۇرلىم ۇيلەسەتىن جۇڭي شيپاگەرلىگى ـ دارىگەرلىگى دارىندىلارىن تاربيەلەۋ، جەتىلدىرۋ ۇلگىسىن جوسپارلاپ قۇرىپ، شينجياڭ جۇڭي، ۇلتتار شيپاگەرلىگىنىڭ جالعاسىپ، جاڭالىق اشا دامۋىنا ٴونىمدى تىرەك ازىرلەۋ جانە ونى قامتاماسىز ەتۋ كەرەك. ەمدەۋ ورتاق تۇلعاسى قۇرىلىسىن بەلسەنە ىلگەرىلەتىپ، زەينەتتەگى دارىگەرلەردى اۋدان دارەجەلى ەمدەۋ ـ دەنساۋلىق ساقتاۋ قۇرىلىمدارىنا قىزمەت وتەۋگە جەتەكتەپ، نەگىزگى ساتىنىڭ ەمدەۋ ـ دەنساۋلىق ساقتاۋ بويىنشا قىزمەت وتەۋ دەڭگەيىن جوعارىلاتۋ كەرەك. شينجياڭ حالىقارالىق ەمدەۋ ورتالىعىنىڭ جۇمىس جۇرگىزۋىن ورنىقتى، ٴتارتىپتى ىلگەرىلەتىپ، ەمدەۋدىڭ سىرتقا ەسىك اشۋ سەلبەستىك بيىگىن تۇلعالاۋ كەرەك. ما شيڭرۇي تاعى اۆتونوميالى رايوننىڭ توسىن الەۋمەتتىك دەنساۋلىق ساقتاۋ ۋاقيعالارىنا شۇعىل توتەپ بەرۋ قولباسشىلىق ورتالىعىنا بارىپ، ٴتۇرلى قىزمەتتەردىڭ اياق الىس جاعدايىن ۇعىسىپ، تومەنگى شەكتە ويلاۋدى بەرىك ورناتىپ، الدىن الۋدى نەگىز ەتۋگە، ساقاداي ساي تۇرۋعا تاباندى بولىپ، قىزمەت جۇيەسىن ۇزدىكسىز كەمەلدەندىرىپ، تاراۋلار ارا سەلبەسىپ بىرگە ارەكەتتەنۋدى جانە ينفورماتسيانى ۇلاستىرۋدى، تۇتاستىرۋدى كۇشەيتىپ، شۇعىل جاعدايعا توتەپ بەرۋ بويىنشا ات سالىسۋ قارقىنىن جانە قۇتقارۋ ـ ەمدەۋ ورەسىن جوعارىلاتىپ، حالىق بۇقاراسىنىڭ باس اماندىعى مەن دەنساۋلىعىن قامتاماسىز ەتۋدى باسا دارىپتەدى. ما شيڭرۇي بىلاي دەپ باسا دارىپتەدى: شيپاگەرلىك ـ دارىگەرلىك سالاسى حالىق بۇقاراسىنىڭ سالاماتتىعىن قورعاۋداعى نەگىزگى شەپ، بۇل ٴار ۇلت بۇقاراسىنىڭ ەڭ كوڭىل ٴبولىپ وتىرعان، ەڭ تىكە، ەڭ رەال سالاماتتىق ۇقىق ـ مۇددەسىنە سايادى. ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋمەن ۇشتاستىرىپ، ەمدەۋ ـ دەنساۋلىق ساقتاۋ سالاسىنداعى ستيل قۇرىلىسىن ۇزدىكسىز كۇشەيتىپ، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، ەمدەۋ ـ دەنساۋلىق ساقتاۋ ىستەرىنىڭ ٴۇرتىس اقاۋسىز دامۋىن، بۇقاراعا اناعۇرلىم ويداعىداي باقىت جاراتۋىن شىنايى قامتاماسىز ەتۋ كەرەك.
ۋاڭ لين، قايسار ابدۇكەرىم تەكسەرۋ ـ زەرتتەۋگە قاتىناستى.
