بالالارىن جەتەلەپ، جۇبايلارىن قولتىقتاپ، قارتتارىن سۇيەپ جەتتى، ساندىققا ايالاي ساقتاعان كيىمدەرىن كيدى — قول تەلەفونمەن كەز كەلگەن ۋاقىتتا، كەز كەلگەن جەردە سۋرەتكە تۇسۋگە بولاتىن بۇگىنگى تاڭدا، حوتان اۋدانى اۋات اۋىلىنداعى اۋىلداستاردىڭ اسا ىنتالىلىقپەن سۋرەتكە تۇسۋىنە نە تۇرتكى بولدى؟ ول بولسا، ”تيان ـ انمىننىڭ“ سۋرەتى تۇسىرىلگەن كورىنىستىك كەزدەمە. ”تيان ـ انمىنمەن“ تۇسكەن سۋرەتتەردەگى ادامداردىڭ ەرەكشە ماقتانىش سەزىمى مەن شىن ىقىلاسى ەڭ قاراپايىم، ەڭ اسەرلى وتانشىلدىق سۇيىسپەنشىلىكتى اڭعارتادى.
”مەن بەيجيڭ تيان ـ انمىندى سۇيەمىن، تيان ـ انمىننەن كوتەرىلدى كۇن“، نەشە ۇرپاق ادامدار شىرقاپ كەلگەن وسى ٴان ”تيان ـ انمىننىڭ“ ٴار ۇلت حالقىنىڭ جۇرەگىندەگى ماڭىزدىلىعى مەن قۇندىلىعىنىڭ ايعاعى، ول مەملەكەت بەلگىسىنە ورنەكتەلگەن، ونان دا ماڭىزدىسى، حالىقتىڭ كوكەيىنە تەرەڭ ۇيالاعان. وتانىمىزدىڭ باتىس سولتۇستىك شەكارا وڭىرىندەگى حوتاندىق ديقانداردىڭ ”ارتقى كورىنىس بەيجيڭدەگى تيان ـ انمىن بولسا قانداي جاقسى بولار ەدى“ دەگەن ارمانى نەگىزگى ساتىداعى كادرلارعا وي سالۋمەن بىرگە، مۇنداي سەزىمدى جاقسى ٴتۇسىنىپ تۇرعان ٴسىز بەن ٴبىزدى دە اسەرلەندىرەدى؛ ال امالىن تاۋىپ جۇڭگولىقتارعا ٴتان وسى ”تاباندىلىقتى“ ورىنداپ، جەرگىلىكتى بۇقارانىڭ كوڭىلىنەن شىعۋ دا قالىڭ سايتتاستاردىڭ قىزۋ قولداۋىنا يە بولدى.
پارتيا مۇشەسى زناگىن ادەمىلەپ تاققاندار، كيىمدەرىنىڭ بىرىس ـ تىرىسىن تۇزەپ جاتقاندار، قۇرمەت بىلدىرگەن بالالاردىڭ قولدارى، ”تيان ـ انمىن“ كورىنىستىك پەردە الدىندا اۋىلداستاردىڭ سۋرەتكە تۇسكەندەگى ”سالت سەزىمى“ ادامدى اسەرلەندىرەدى، ولار جونىنەن ”تيان ـ انمىن“ _ استانا بەيجيڭ، ۇلى وتاننىڭ سيمۆولى بولىپ، جۇڭحۋا ۇلتىنىڭ ورتاق مادەنيەت بەلگىسى شوعىرلانعان. سۋرەتكە تۇسەتىن ارتقى كورىنىس باسىپ شىعارىلعان، ايتسەدە كوڭىلدەگى تالپىنىس پەن قىزۋ سۇيىسپەنشىلىك شىنايى. مۇنداي ەڭ قويۋ، ەڭ باياندى سۇيىسپەنشىلىكتى تىلمەن جەتكىزۋ قيىن، الايدا ايبىندى نازىك بۋىندار استارىندا، شىنايى كۇلكى ەسكەن جۇزدەردە ايتىپ تاۋىسقىسىز العىس ايتۋ سەزىمى، وتانعا قالتقىسىز سۇيىسپەنشىلىك بار.
اڭگىمەنىڭ استارىنا كوز جىبەرسەك، اتىز باسىنداعى توسىن كەزدەسۋدەن باستاۋ العانداي كورىنگەنىمەن، ٴىس جۇزىندە، وسىناۋ توپىراقتاعى ورتاق ۇندەستىكتى قورعايتىن جۇرەك ٴلۇپىلى سەبەپ بولىپ وتىر. 70 نەشە جىلدىڭ الدىندا قۇربان اتاي ەسەككە ٴمىنىپ بەيجيڭگە بارماقشى بولعان، ول حوتاننان بەيجيڭگە دەيىنگى ارالىقتىڭ قانشالىق الىس ەكەندىگىن بىلمەسە دە، ”ەڭسە كوتەرىپ قوجايىن بولۋدىڭ“ قانشالىقتى ماڭىزدى ەكەندىگىنە ابدەن قانىق؛ بۇگىنگى تاڭداعى شينجياڭ بۇكىل ەلمەن بىرگە كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزدى، كەڭ ـ بايتاق اۋىل ـ قىستاقتار اۋىل ـ قىستاقتى گۇلدەندىرۋ جولىندا ارشىندى قاداممەن العا ىلگەرىلەۋدە. بارعان سايىن جاقسارعان كۇندەردە ”تيان ـ انمىن“ باستان ـ اياق ٴار ۇلت بۇقاراسىنىڭ ەڭ كورگىسى كەلەتىن جەرى، ارامىز نەشە مىڭ شاقىرىم شالعاي جاتسا دا، ماڭگى كوڭىلىمىزدەگى ەڭ قىمباتتى، ەڭ جاقىن جەر.
(”جياڭ شياۋيان“ ماقالا جولداۋ حات ساندىعى: xjrbplb@126 .com)
